Imran's Poetry: 07/06/14

Jul 6, 2014

Us ne jalti hui paishaani pe jab haath rakha

Rooh tak aa gayi taseer masihaai ki

Apni matti hi pe chalney ka saleeqa seekho

Sang-e-mar'mar pe chalo gy to phisal jaao gy

Ae adm! ehtiyaat logon se

Log munkar nakeer hote hain

Aaiyna dekh , apna sa munh le ke reh gaye

Saahib ko dil na denay pe kitna ghroor tha

Ab nizah ka aalam hai mujh par tum apni mohabbat wapis lo

JAb kashti doobnay lagti hai to bojh utara kartay hain

Aa kar gira tha koi prinda lahoo main tar

Tasveer apni chor gaya hai chitaan par

Ujaalay apni yaadon ke hamaray saath rehnay do

Na'jane kis gali main zindagi ki shaam ho jaye

Allah ray saadgi inhain itni nahin khabar

Allah ray saadgi inhain itni nahin khabar

Mayat pe aa ke poochtay hain kiya hua inhain

Inhi pathron pe chal kar agar aa sako to aao

Meray ghar ke raastay main koi keh'kihsaan nahin hai

Apne markiz ki taraf mayal-e-parwaaz tha hussan

Bhoolta hi nahin aalam teri angraai ka

Aao husan-e-yaar ki baatain karain

Zulf ki rukhsaar ki baatain karain

Andaaz hu bahu teri awaz-e-paa ka tha

Dekha nikal ke ghar se to jhonka hawa ka tha

Ik fusat-e-gunnah mili woh bhi chaar din

Dekhaye hain hum ne hosle parwardigaar ke

Na takht-o-taaj main , na lashkar-o-sipaah main hai

Jo baat mard-e-qalandar ki baargah main hai

Main tujh ko batata hoon taqdeer-e-umam kiya hai

Shamshee-o-snaa awal tauoos-o-rabaab aakhir

Teray azaab bandon ki na yeh duniya , na woh duniya

Yahan marney ki pabandi , wahan jeenay ki paabandi

Shadat hai matloob-o-maqsood-e-moman

Na maal-e-ghaneemat na kishwar kushai

HAi dil kay liye mout machino ki hakoomat

Ehsaas-e-murawat ko kuchal detay hai alaat

Jis khait se dehqaan ko muyasar nahin rozi

Us khait ke her khosha-e-gandum ko jala do

Tere sofay hain afrangi , tere qaleen hain iraani

Lahoo mujh ko rulaati hai , jawano ki tan asaani

Pathar ki morton main samjha hai , tu khuda hai

Khaak-e-watan ka mujh ko her zara devta hai

Nahin hai cheez nikami koi zamanay main

Koi bura nahin qudrat ke kaarkhnay main

Youn to syed bho ho , mirza bhi ho , afghaan bhi ho

Youn to syed bhi ho , mirza bhi ho , afghaan bhi ho

Tum sabhi kuch ho batayo to musalmaan bhi ho

Parindon ki duniya ka darwaish hoon main

Keh shaheen banata nahin aashiyana

Jhapatna , platna plat kar jhpatna

Lahoo garam rakhnay ka hai ik bahana

Parwaaz hai dono ki isi aik fiza main

Parwaaz hai dono ki isi aik fiza main

Kargas ka jahan aur hai shaheen ka jahan aur

Acha hai dil ke saath rahay paasbaan-e-aqal

Lakin kabhi kabhi issay tanha bhi chor de

Dil se jo baat nikalti hai asar rakhti hai

Dil se jo baat nikalti hai asar rakhti hai

Par nahin taqat-e-parwaaz magar rakhti hai

Khudi ko kar buland itna keh her taqdeer se pehlay

Khudi ko kar buland itna keh her taqdeer se pehlay

Khuda bandat se khud poochay bata teri raza kiya hai

Dashat to dashat hain dariya bhi na choray hum ne

Behr-e-zulmaat main doraa diye ghoray hum ne

Ae tahir-e-la'huti us rizq ae mout achi

Jis rizq se ati ho parwaaz main ko'tahei

Hum keh tehray ajnabi itni mdaraton ke baad

Phir banain gy aashna kitni mulaqaton ke baad

Banda-o-saahib-o-mohtaaj-o-ghanni aik huye

Teri sarkaar main ponchay to sabhi aik huye

Aik hi saff main kharre ho gaye mehmood-o-ayaaz

Na koi banda raha aur na koi banda nawaaz

Khuda'wand yeh teray sada dil banday kidher jaayein

KEh darwaishi bhi eyaari hai , sultaani bhi eyaari

Shikayat hai mujhe ya'rab ' khuda wandaan-e-maktab se

Sabaq shaheen bachon ko de rahay hain paak'baazi ka

Nahin hai na'umeed iqbaal apni kasht-e-veraan se

Zara num ho to yeh matti bari zarkhaiz hai saaqi

Yeh mefal-e-shouq sajanay waale

Yeh teray shouq ki manzil paane waale

Yeh tere mehboob se dil lagane waale

Yeh zikar-e-mehboob ko vird bananaye waale

Yeh tere ishq ki milaad mananay waale

YEh ishq ki aag main khud ko jalanay waale

Paa lain ge tujhe ya'rab un ko paanay wale

Yeh do aalam apney aaqa pe lutanay waale

Yeh baab-e-jannat ka khwaab sajanay waale

Yeh sabaz gumbad dil main basanay wale

YEh dewaane ahad-e-ulfat nibhanay waale

Sar ke bal ayein gy , bulayein gy bulaane waale

Nahin tera nashai'mann qasr-e-sultaani ke gumbad par

To shaheen ahi baseera kar paharon ki chitanon par

Hazaron saal nargis apni be'noori pe roti hai

Bari mushkil se hota hai chamn main deeda war paida

Hosh-o-hawaas ' taab-o-tawan "dagh" ja chukay

Ab hum bhi jane wale hain samaan to gaya

Nahin minat kash-e-taab-e-shaneedan daastaan meri

Khamoshi guftagoo hai be'zubaani hai zubaan meri

Kabhi shaakh-o-sabza -o-barg par kabhi ghunch-o-gul-o-khaar par

Main chaman main chahye jahan rahoon , mera haq hai fasal-e-bahaar par

Wada yeh mera hai tum se

Wada yeh mera hai tum se

Keh saath kabhi tumhara nahin choron ga

Wada yeh mera hai tum se

Keh hoga koi mushkil waqat nahin chorain gy saath tumhara

Wada yeh mera hai tum se

Keh chaho gy kisi mor par mera saath to do gy

Wada yeh mera hai tum se

Keh jaan maango gay to woh bhi doon ga tum ko

Wada yeh mera hai tum se

Keh agar kabhi judaai aye gi to choron ga nahin sath tumhara

Wada yeh mera hai tum se

Keh agar kuch mango gaye to don ga

Wada yeh mera hai tum se

Keh kabhi nahin toron ga wada yeh sara

Main nahin jaanta keh tumhare khwabon main mera guzar hai ya nahin

Be naam sa rishta

Main nahin jaanta keh tumhare khwabon main mera guzar hai ya nahin

Magar meray khwaab tum hi se sajay hain

Mujhe nahin pata keh tumhari muskurahat main koi yaad hai ya nahin

Lakin meri muskaan tum hi ho

Na'jane tumhari nazar ko mera intizaar hai bhi ya nahin

Magar meri nigahain to tumhari muntazir hain

Kiya khabar keh tumhari duaon main mera naam bhi hai ya nahin

Magar meri duaein to bas tumhare liye hain

Mujhe nahin maloom keh tumhari raahain aur manzalain kahan hain

Lakin meri manzal to sirf tum hi ho

MAin tum se be'khabar hi sahi magar tumhara muntazir hoon

Tum se door hi magar saath tumharay hi hoon

Agar tum socho to

Mujhe gila kisi se nahin hai

Mujh main hi koi kami hai

Koi dost jab zarb ban kar

Jigar mera chaak kar de ga

Meri ana ko pal bhar main

Koi lamha khaak kar de ga

Kahin koi chot ubraye

Ilzaam mere sar hi tehra

Main ghafil kahan hoon khud se

Yeh roshni mili hai jahad se

Piyaala labon tak laate laate

Zabat ke sabaq samjh main atay

Tund hawaon se ghabrana kaisa

Yeh shamma jali hai jalatay jalatay

Jab tak koi ungli na uthaye

Insaan kamal kab hua hai

Aaiyon ki bhala ab kiya zaroorat

Us ki aankhon ne yahi kaha tha

Bhatka karain bhatkaney wale

Apna pata usi se mila hai

Zindagi , main sharminda nahin hoon

Yeh meri aagahi ka sila hai

Judai ho keh milan her ada hamari hai

Tumhara shaher hai lakin fiza hamari hai

Shikayatain bhi karain hum to kis zubaan se karain

Khuda banaya hum ne yeh khata hamari hai

Hamari jisam ki uriyaanat pe mat hansana

Keh tum jo oorhay huye ho woh ridaa hamari hai

Hamare samne zeba nahin ghroor tumhain

Jahan pe baithe ho woh jaga hamari hai

Zindagi ne ik youn bhi gham diya mujhe

Bichar ke doston se jab rula diya mujhe

Aur woh jo mere aziz thay

Mere ansoon ko jo ponchtay

Woh hi manatay woh jab roothtay

Meri zindagi main bahaar thi

Meri aankhon ka woh qaraar thi

Mere lab pe baat unhi ki hai

Mere dil main yaad unhi ki hai

Main khuda se karta hoon yeh dua

Keh woh dost mere jahan rahain

Woh lamha lamha hansa karain

Bhout khush hua jee aaj hazrat "josh" se mil kar

Abhi agli shrafat ke namoonay paye jaatay hain

Phirtay hain "Mir" khwaar koi poochta nahin

Is aashqui main izzat-e-sadaat bhi gayi

Aamad bahaar ki hai jo bulbul hai naghma saraa

Urtti si ik khabar hai zabani tayour ki

Us ne apna bana ke chor diya

Kiya aseeri hai , kiya rihaai hai

Sadaqat ho to dil seenon main khinch'nay lagtay hain waa'az

Haqeeqat khud ko manwa leti hai maani nahin jati

Wohi hota hai jo manzoor-e-khuda hota hai

Dar'badar naasiya farsaai se kiya hota hai

Wohi hota hai jo manzoor-e-khuda hota hai

Hamare paaon main to tum ne zanjeer-e-wafa daali

Tumhare hath se kiyon rishta mehr-o-karam choota

Mat chaho mujhe itna mujh se kuch nahin paao ge

Mat chaho mujhe itna

Mujh se kuch nahin paao ge

Shohrat

Izzat

Waqaar

NAhin is khail main

Zillat

Ruswaiyaan

Tanhaiyaan

Aur phir

Haar jaao gi

Aansoo lahoo

Zindagi azaab ban jaye gi

Ajab khyal ayein gy

Neend bhi kho jaye gi

Kaanch sa nazuk dil tumhara

Toot gaya to pachtaao gi

Meri zeest ke warq palto gi to

Yahi assa'saye paaoo gi

Mat chaho mujhe itna

Mujh se kuch na paao gi

Kiya tumhain meri yeh dharkan sunai de rahi hai

Zara is se poocho ke kissay yeh pukaar rahi hai

Mujhe to yeh kash'makash main ar rahi hai mubtalla

Tum hi is se poocho kiyon mujhe yeh behkaa rahi hai

Jab bata'ta hoon kisi ko haal-e-dil to khamosh rehti hai

Ab dekh yeh mujh par muskuraa rahi hai

Khud main jane is ne kis ko basa liya hai

Mujh se to yeh apni her baat chupa rahi hai

JAb yeh apni hai to ussay bhi apna maan loon ga

Khurram issay kaho ab kiyon mujhe azmaa rahi ahi

Tum kehtay ho keh main tumhain bool jaaon

Agar tumhari yahi arzoo hai

To phir ' meri chand shartein hain

Agar tum woh poori kar sako to kaho

Agar tum mujh ko samandar ki mojon

Ko taqseem kar ke dikhao

Aur dikhao mujhe falak ki Bulandiyon ko mutthi main qaid kar ke

To phir main tumhain

Bhoolney ki koshish karoon gi

Agar tum mujh ko

Sitaron bhari shab dikhao

Aur dikhao mujhe shab ko

Ubharta hua suraj

To phir main tumhain bhoolney ki koshish karoon gi

Agar tum mujhe raangon main

Gardish karti hui dharkan sunao

Aur dikhaao mujh ko woh zameen

Jo baarish barsaati hai

To phir main tumhain bhoolney ki koshish karoon gi

Aur agar tum aisa kar sako gy

To phir main khud ko taqseem

KArney kay liye tayaar hoon

Aur phir main wada karti hoon

To phir main tumhain bhoolney ki koshish karoon gi

Jee haan koshish karoon gi

Chahney ki khata bar bar nahin karti

Chahney ki khata

Bar bar nahin karti

Main lafzon main kuch bhi izhaar nahin karti

Is ka matlab yeh nahin keh main tujhe pyaar nahin karti

Chahti hoon main tujhe aaj bhi par

Teri soch main apna waqat be'kaar nahin karti

Tamasha na ban jaye kahin mohabbat main

Isi liye apne dard ko namu'daar nahin karti

Jo kuch mila hai usi main khush hoon main

Tere liye khuda se takraar karti hoon main

Par kuch to baat hai teri fitrat main zaalim

Warna main tujhe chahney ki khata bar bar nahin karti

Utha ke hath khuda se bas maangi yahi dua

Naseeb hon khushiyaan tumhain tum khush raho sada

Tum ko rahat mile , tum ko chahat mile

Tumhain saray jahan ki mohabbat mile

JAhan main sab se ache hon tumhare naseeb

Koi dukh kabhi bhi na aye tumhare qareeb

Dil ki her aarzo poori khuda kare

Tumhare chahney walon ko kabhi bhi na juda kare

Mil jayein tum ko mere bhi naseeb ki khushiyaan

Dua hai yeh bas tum ko kabhi gham na mile