Mohabbat ho bhi sakti hai

Mohabbat ho bhi sakti hai 

Pighal pathar bhi saktay hain

ulat dariya bhi sakta hai

koi awara sa panchi 

palat kar aa bhi sakta hai

jo shab keh

mujh pe hansti hai

wohi shab ro bhi sakti hai

mohabbat ho bhi sakti hai

Tum ne bhi kon sa chaha tha mujhay

Tum ne bhi kon sa chaha tha mujhay

Tum ne bhi kon sa chaha tha mujhay

meri batain bhi ghalat , meray iraday bhi ghalat

be'wafai ka yeh khud'sakhta bohtaan bhi tasleem mujhay 

yeh bhi mana keh gham-e-dehar jawaan tha to

gham-e-jana ko meri aankh ke ansoo na milay

jab zamano ki yeh be'mehar hawain meri sochon ko jala dati hain

main sochta hoon

jab gham-e-dehar ki palkain teri janib meri shid'dat ko ghata deti hain

main sochta hoon

jab kabhi apni jafaein mujhay khud apni nighahon main gira dati hain

main sochta hoon

Tum ne bhi kon sa chaha tha mujhay

Jo bhi daron-e-dil hai woh bahir na aye ga

Jo bhi daron-e-dil hai woh baahir na aaye ga 

Ab Aa'gahi ka zehar zaban par na aaye ga 

Ab kay bichar kay us ko nadamat thi is qadar

Jee chahta bhi ho to palat kar na aaye ga 

Youn phir raha hai kaanch ka paikar liye huye

Ghafil ko yeh gumaan hai keh pathar na aaye ga 

Phir boo raha hoon aaj unhi saahilon pe phool 

Phir jaisay moj main yeh samandar na aaye ga 

Main jaan bulb hoon tark-e-taaluk kay zehar se 

Woh mutmaein keh harf to us par na aaye ga

Qurbaton main judai kay zamanay maangay

Qurbaton main judai kay zamanay maangay 

Dil woh be'mehar keh ronay kay bahanay maangay 

Hum na hotay to kisi aur kay charchay hotay 

Khalqat-e-shaher to kehnay ko fasanay maangay 

Yehi dil tha keh tarasta tha marasam kay liye 

Ab yahi tark-e-taaluq kay bahanay maangay 

Apna yeh haal keh jee haar chukay lut bhi chukay 

Aur mohabbat wohi andaz puranay maangay 

Zindagi hum teray daghon se rahay sharminda 

Aur tu hai keh sada Aainay khanay maangay 

Dil kisi haal pe qaneh hi nahin jaan-e-faraz

Mil gaye tum bhi to kya aur na janay maangay

chalo tum sath mat dena

Adhoora pyaar

chalo tum sath mat dena

mujhay be'shak bhula dena

naye sapny saja lena

naye rishtay bana lena

bhula dena sabhi wade

sabhi qasmain , sabhi naatay

tumhain jana ijazat hai

jo dil chahye woh sab karna

magar ab tum kisi se bhi

adhoora pyaar mat karna...

Judai ke mousam main utarti shaam se pehlay

Judai ke mousam main 

Judai ke mousam main 

utarti shaam se pehlay

meri yak'basta aankhon main

khamoshi raqas karti hai

to is ki yaad ki payal

youn meray kaan main aa kar

musal'sal chan'chanati hai

to phir yak dam khamosi ka 

tasal'sul toot jata hai

phir aisay main koi koyal

baray hi karb se koo'ky

to youn mehsoos hota hai

keh jaisay be'sabab koi 

kisi ko yaad karta hai

Aik raat ujalo meray liye

Aik raat ujaalo meray liye 

Aik raat ujaalo meray liye 

Main so jaaon .. tum jaago

Ik shabnam haath rakho seenay par 

Lams jagay to lab meh'kaao 

Saans main phool khilaao 

Hawa chalay to ...

PAlkon pe sitaray barsaao 

Neend kay par phailay jayein 

Phir khawab samandar jhaago

Ik raat ujaalo meray liye 

Main so jaaon tum jaago

Koi apna hota

Koi apna hota 

Chand sitaron kay shaher main 

Afsano kay nagar main 

Koi apna 

Chahnay wala hota 

Aankhon main basnay wala hota 

Ae zahid 

Koi apna hota 

aik pal main ho zindagi

Aik pal main ho zindagi 

Meray raaston main chamak uthay 

Meri tehra jaan main damak uthay 

Milay ik pal teri deed ka 

To meri nazar main ho roshni 

Wohi khil uthein ! meray chaar su 

Woh jo aarzoo kay gulaab hain 

Keh jo chahaton kay nisaab hain 

Kisi aik pal main ho zindagi 

Teray harf harf ki chaashni 

Teri baat baat ki dil'hari

Mujhay le kay apnay hisaar main 

Kisi da'imi se rukh'maar main 

Wohi ik pal meray gum'shuda 

Mujhay zindagi ki naveed ho 

Zahid wohi ik pal keh Milay 

JAb to meri bhbi Eid ho

Hum dartay hain

Hum dartay hain 

Hum dartay hain 

Hum tumhein rangon se khailna 

Chehron ko parhna 

Sikha to dain 

Magar....

Hum dartay hain zahid 

Phir tum her chehra be'niqaab kar daalo gay 

 

Jab mera zikar ho

Jab mera zikar ho 

Meray marnay kay 12 bars baad bhi 

Gar kahin pe kabhi 

Jab mera zikar ho 

Aur palkein teri 

Tujh ko num si lagein 

Zahid main yeh samjhon ga 

Main ne tujhay paa liya

december ki sard raton main

December ki sard raaton main 

December ki sard raaton main 

Jab dair talak teri yaadon kay jalo main 

Chaltay chaltay thak sa jaata hoon 

Teri judai main kitna badal gaya hoon 

Dil se lahoo ki boondain ris ris kar 

Zameen bos hoti hain 

Aankhon se jab ashkon ki lahu na khatam hoti hai 

Sochta hoon 

MAin to us qareeb-ul-marg shakhs se bhi bad'tar hoon 

Jo marnay ki khwaish main mout ko awaz de aur zahid mout 

Ussay chu kar guzar jaye

dukh yeh hai keh

Yeh dukh hai keh 

Dukh yeh nahin keh 

Tu nahin milta 

Dukh yeh hai keh 

Tu ne milna chor diya hai 

Magar zahid !!!

Tu nahin badla

mujhay tum dua detay ho na

Suno 

mujhay tum dua detay ho na 

keh .....

khuda tumhain hamesha kush rakhay

jahan bhi rakhay

jis ke sath bhi rakhay

par na janey kyn 

is aakhri jumlay par mujhay 

bad'dua ka gumaan hota hai

kabhi zindagi main agar tu akela ho

Ajnabi 

kabhi zindagi main agar tu akela ho

aur dard had se guzar jaye

aankhain teri

baat be baat ro parhein

tab koi ajnabi

teri tanhai ke chaand ka naram haala banay

teri qamat ka saya banay

teray zakhmon pe marham rakhay

teri palkon se shabnam chunay

teray dukh ka maseeha banay

Do aankhon se

Do aankhon se 

Hum ne un ko 

Itna dekha 

Do aankhon se 

Jitna dekha jaa sakta hai 

Lakin phir bhi do aankhon se 

Zahid , kitna dekha jaa sakta hai

Qadm dar qadm kat'tay ja rahay hain

Qadm dar qadm kat'tay ja rahay hain

achanak kisi ajnabi mor par aik lamhay ko ruktay hain

to dekh'ty

na'janay kidher se judai ka ik tez jhonka 

ta'aluq ke saray dia'on ko bujhata 

dilon main gil'on ki faseelain utha'ta 'barh'ha aa raha hai

aur us ki uri hui gard 

lamhon main be'shakal karti

hai umron pe phailay huye faisalon ko ! !

Dosti un se ho gayi hai Adam

Dosti un se ho gayi hai Adam 

Jin ki her baat karo'baari hai

Yeh main hoon jissay tum se mohabbat hai

Yeh main hoon

jissay tum se mohabbat hai

jo tum chayo to is chahat main mita doon khaak kar doon khud ko

jala ke aatish-e-shauq main raakh kar doon khud ko

main khud apni nafi ho kar tum ho jayon

bhula doon apni hasti

fana ki dhool  main gum ho jayon

yah sab mumkin hai meri jaan 

magar yeh bhi to socho

main apny aap ko mita doon to

mohabbat phir karay ga kon tum se

keh ae jan-e-tamana 

yeh Main hoon

jissay tum se mohabbat hai

Ik din aisa ho ga

Ik din aisa ho ga

Meri hatheli se phooti roshni

meray muqadar ke siyah raaton ko 

aik aisa sitara bakhsy gi

jis ki chamak

teri aankhon ko chundhiya de gi

raton ko phir tu so na sakay ga

hath rakh ke aankhon par

kabhi ro na sakay ga

Aankhon main sitaray to kai shaam se utray

Aankhon main sitaray to kai shaam se utray

par dil ki udasi na dar-o-baam se utray

kuch rang to ubhrayteri gali pehrani ka

kuch zang to aaina ayaam se utray

hotay rahay dil lanha ba lamha teh-o-bala

woh zeena ba zeena baray araam se utray

jab tak teray qadmon main frokash hain sabu'kash

saaqi khat-e-bada na lab-e-jaam utray

Poet : Ahmed Faraz

woh chala gaya achanak sabhi rabtay mita kar

woh chala gaya achanak
sabhi rabtay mita kar
sabhi zabtay bhula kar
so koi sabab to ho ga
mujhay hai yaqeen us par
yeh jo dil ke rabtay hain
inhain laakh woh mitaye
hain jo zabtay wafa ke
inhain laakh woh bhulaye
yeh jo dil dharak raha hai
yeh jo gardahein hain khoon main
yeh jo saans chal rah hai
yeh daleel hai keh mujh ko
woh yaad kar raha hai
woh hai meray dil ki manzal
mera hamsafar bhi woh hai
woh nazar ke samney bhi
aur pas-e-nazar bhi woh hai
meray dard ka hai khaliq
mera chara gar bhi woh hai
hai usi ka rang mujh par
meray chaar so wohi hai
meray dil ki raah guzar par
meray ru'baru wohi hai
meri aankh ka hai tara
wohi chaand meri shab ka hai
meri guftagoo main shamil
woh maqaam hai adab ka
yeh jo rabtay hain dil ke
inhain laakh woh mita le
yeh nahin mitaye jatay
ussay kaisay main bataon
woh chala gaya achanak
sabhi rabtay mita kar

Suni larki ! mujhay pehchanti ho kiya

Suno larki 

Mujhay peh'chanti ho kya ?

Wohi hoon main 

Ji sne tumhein peh'chana'nay 

ki justagu main 

Apni pehchaan kho di thi 

Suno larki 

Mujhay tum jaanti ho kya 

Wohi hoon main 

Jis ne tumhein jaan'nanay ki aarzoo main 

Apni jaan kho di thi 

Woh saahilon ki hawa si larki

Ik larki 

Gulaab chehray pe muskurahat 

Chamakti aankhon main shokh jazbay 

Woh jab bhi college ki seerihon se 

Sahaliyon ko liye utar'ti

To aisay lagta keh jaisay dil main 

Utar rahi ho 

Kuch is teefan se baat karti 

Keh duniya us ki aankhon 

se dekhti ho 

Woh apnay rastay pe dil bichaati 

Hui nigahon se hans kar kehti 

Tumharay jaisay bhout se larkon se main yeh baatein 

Bhout se barson se sun rahi hoon 

MAin saahilon ki hawa hoon 

Neelay samandron kay liye bani hoon 

Woh saahilon ki hawa si larki 

Jo kal mili to is tarah thi 

Gulaab chehray pe muskurahat 

Chamakti aankhon main shokh jazbay 

Keh jaisay chandi pighal rahi ho 

MAgar jo boli to us kay lehjay main woh thakan thi

Keh jaisay sadiyon se dasht-e-zulmat main jal rahi ho

Sath to ajnabi bhi chaltay hain

Us ne mujh se kaha

meray sathi 

tum ko mujh se jo gila hai .... kiya hai ?

kabhi fursat milay to yeh socho

minzalain kyn hain ? fasla kiya hai

apny apny safar par nikly log

mushtarik raston par chaltay hain

hamrahi ke hisaar main jitny

din nikaltay hain chraagh jaltay hain

apni apni umeed ke dar-o-baam 

zindagi ke safar main milty hain

mustaqil dard , arzi araam

tum meray hamsafar to ho lakin

hum kahin se bichar bhi saktay hain

der tak ik taveel rastay par 

sath to ajnabi bhi chaltay hain

Poet : Amjad Islam Amjad

Tumharay liye hi lafzon ki yeh bazam sajai hai

Tumharay liye hi lafzonm ki yeh bazam sajaai hai 

Woh lafz jo bikhray huye motiyon ki tarah thay 

Apni jaga mukamal ' magar be'mahni 

Yeh moti meray ird gird bikhray huye thay 

MAin roz unhein youn hi rond'tay huye guzar jaata 

Magar phir achanak tum  mil gayein 

Tumhari mohabbat ghair'mehsoos tareeqay se meri ragon main dor'nay lagi

MAin ne pehli dafa tumhari ba'dolat mohabbat ko mehsoos kiya 

Mohabbat !

Jis kay baaray kehtay hain "zaat ki takmeel hoti hai"

Kaainaat ka khoobsurat tareen jazba 

Aur tum ne mujhay sar se paaon tak mohabbat kar diya 

Main yeh iqraar karta hoon 

keh tum ne , tumhari mohabbat ne mujhay in bikhray motiyon ko pirona sikhaya 

Meray jazbat Apahij thay !

Tum ne qalam kay zariye unhein chalna sikhaya 

Aur is kay baad main ne tumharay sang guzra her lamha tasawur kar liya

JAzbon ko lafzon kay qaalab main dhaal diya 

Woh kabhi nazam ki surat , kabhi ghazal kay roop main dhal gaye 

Tabhi to tum mehsoos kar sakti ho 

Keh meri shairy kay pehlu main tum dil ban kay dha'rakti ho 

Tum ne meray liye itna kiya aur main tumharay liye kuch na kar saka 

Tumharay saath chalnay ki khwaish thi magar na chal saka 

Meri majbooriyan meray paaon ki bairiyaan ban gayi 

Magar mujhay apna wada yaad hai

Keh main lafzon kay motiyon se jitni bhi maala'ein bana'on ha 

Sab tumharay liye hon gi 

Main aaj is Ehad ki tajdeed karta hoon , is iqraar kay saath 

Keh mujhay tum se mohabbat hai 

Woh mohabbat jo zaat ki takmeel hoti hai

Apni aaghosh main ik roz chupha lo mujh ko

Apni Aaghosh main ik roz chupha lo mujh ko 

Gham duniya se meray dost bacha lo mujh ko 

Un ko de di hai ishaaron main ijazat main ne 

Maangnay se na milon to chura lo mujh ko 

Dil main na'kaam tamna'on ka toofan sa hai 

Meri uljhan , meri wehshat se nikalo mujh ko 

Un ko likhna hai kisi roz yeh khat main jana 

Hum to khud kay bhi nahin apna bana lo mujh ko 

 

Hazaron dukh parein sehna mohabbat mar nahin sakti

Hazaron dukh parein sehna mohabbat mar nahin sakti 

Hai tum se bas yahi kehna mohabbat mar nahin sakti 

Tera her baar meray khat ko parhna aur ro dena 

Mera her baar likhna mohabbat mar nahin sakti 

Kiya tha hum ne campus ki nadi pe  ik haseen wada 

Bhalay hum ko paray marna mohabbat mar nahin sakti 

JAhan main jab talak panchi cheh'haktay urtay phirtay hain 

Hai jab talak phool ka khilna mohabbat mar nahin sakti 

Puranay ehad ko jab zinda karnay ka khayal aaya 

Mujhay bas itna likh dena mohabbat mar nahin sakti 

Agar hum hasraton ki qabar main hi dafan ho jayein 

To yeh kutbon pe likh dena mohabbat mar nahin sakti 

Puranay raabton ko phir naye wadon ki khwaish hai 

Zara ik baar to kehna mohabbat mar nahin sakti 

GAye lamhaat fursat kay kahan se dhoond kay laaon 

Woh pehron haath pe likhna mohabbat mar nahin sakti

Jaan-e-jaan tum kehti thein

Jaan-e-jaan tum kehti thein

Jaan-e-jaan tum kehti thein

jano aap ! meray bachay ho

mujh ko aisa lagta hai keh tum oorh ke meray lahu ko meray badan main soye rahay ho

meri rooh ka nasha pee kar meray andar khoye rahay ho

meray jisam ka hi hissa ho

Jaan-e-jaan tum kehti thein

jano aap meray bachay ho

lakin aisay

jis ko main apney aanchal ke goshon main to chupa kar rakh sakti hoon

jis ko aankh ki putli main phna kar rakh sakti hoon lakin is bachay ko

jano aap ko

duniya ki nazar main lana nahin hai mumkin

bara khathan hai 

is dharti ki zalim rasmain

sab jhagray sabhi masail

kab tasleem nahin hain mujh ko

lakin jana yeh batlayo

kiya koi maa

apney bachay ko sardi main

khuli hui veeran sarak par

raat ki bheegi tanhai main 

san san karti hawa ke jhonkon ke maqtal main chor ke tanha

manzal wali roshan raah par chal sakti hai ?

lakin tum ne yahi kiya 

jaan-e-jaan 

Woh jo shair tha chup sa rehta tha

Woh jo shair tha chup sa rehta tha 

Behki behki si batain karta tha 

Aankhain kano pe rakh ke sunta tha 

Goongi khamoshion ki awazain !

Jamah karta tha chaand ky saaey

Aur geeli si noor ki boondain

Rookhay rookahy se raat ke patay

Aoak main bhar ke khar'khar'ta tha

waqat ke is ghaneray jungle main

kachay pakay se lamhay chunta tha

haan , wohi ,ajeeb sa shair

raat ko uth ke kohniyon ke bal

chaand ki thori chooma karta tha

chaand se gir ke mar gaya hai woh

log kehtay hain khud'kushi ki hai ...!

haan wohi ajeeb sa shair

Betiaan bhi to maa'on jaisi hoti hain

Betiaan bhi to maa'on jaisi hoti hain

Zabt kay zard aanchal main apnay 

rotay rotay hans parti hain

Hanstay hanstay , dil hi dil main ro leti hain

Khushi ki khwaish kartay kartay 

Khawab aur khaak main utt jati hain 

So hisson main bat jaati hain 

Ghar kay darwaze pe baithi 

Umeedon kay resham buntay ....sari umar ganwa deti hain 

MAin jo gaye dino main 

Maa ki khush fehmi pe hans deti thi 

Ab khud bhi to 

Umar ki girti dewaron se taik lagaye 

Fasal khushi ki boti hoon 

Aur khush fehmi ki kaat rahi hoon 

Janay kaisi rasam hai yeh bhi 

Maa kiyon beti ko warsay main 

Apna muqadar de deti hai ....!

Tujhay kiya khabar , dil-e-be'khabar

Dil-e-be'khabar 

Tujhay kiya khabar , dil-e-be'khabar

dil-o-jaan ke rishtay thay kitnay mohtabar

jo chala gaya hai woh chor kar

nahin ab koi tera chara gar

dil-e-be'khabar , dil-e-be'khabar 

teri manzalin to koi aur thein

teri hasratein thein shayed na'mohtabar

tu zameen main koi khwaab tha

us ke samney tha roshan aasman

tabhi tu banta raha hai gard-e-safar

dil-e-be'khabar  

tha andheron main chupa tera ashiyan 

chaand taray thay is kay shreek-e-safar 

phir kaisay loat ke leta woh teri khabar

dil-e-be'khabar , dil-e-be'khabar 

ab dhoond na ussay dar badar 

woh nahin raha ab tera chara'gar

dil-e-be'khabar   , dil-e-be'khabar

Mohabbat dukh nahin deti

Mohabbat dukh nahin deti

Mohabbat dukh nahin deti

agar be'gharz ho jazba

agar manzal banay rasta

agar chahat ke parday main

koi lalich na ho lipta

agar tum sonp do sab kuch

agar silay main kuch nahin mango

agar soda na ho koi

mohabbat bas mohabbat ho
to phir yeh sukh hi deti hai
kabhi dukh nahin deti

mohabbat dukh nahin deti

Tasveer teri dekh ke hota hoon ashk'baar

Tasveer teri dekh ke hota hoon ashk'baar

pani ki motiyon se banati hai aankh haar

dil main chamak rahi hain nigha'on ki bijliyan 

aankhon pe cha raha hai teray pyaar ka khumar

teray bagair zindagi ab to andhera hai

urta hai meray charon taraf dard ka ghubar

sochon ke dairay main tera naam aye ga

chup chup ke dhoondta hon tujhay badlon ke paar

phirta hoon chandani main bhatakta hua hassan

shayed pukaar le kisi janab se boo-e-yaar

 

Sang-e-mar'mar se trasha hua yeh shokh badan

Sang-e-mar'mar se trasha hua yeh shokh badan

itna dilkash hai keh apnanay ko jee chahta hai 

surkh honthon pe thar'rakti hai woh rangeen shraab

jis ko pee pee keh behak janey ko jee chahta hai 

naram seenay main thar'raktay hain woh nazuk toofan

jin ki baharon main utar janey ko jee chahta hai

tum se kiya rishta hai , kab se hai , yeh maloom nahin lakin

is hussan pe mit janey ko jee chahata hai 

hum se behtar hai yeh pazaib jo us paon main hai 

izhaar-e-pazaib main dhal janey ko jee chahata hai

rakh le kal kay liye yeh dosri pazaib

ae dil kal isi pazaib main phir anay ko jee chahata hai

be'khabar loot ke soya hai woh neendein meri

jazba-e-dil pe taras khanay ko jee chahata hai

hum se sotay main jo gustakhiyan kein hain tum ne

tum ko un ki saza denat ko jee chahta hai

Aaj phir dard-o-gham ke dhagay main

Aaj phir dard-o-gham ke dhagay main

hum pro kar teray khyal ke phool 

Tark-e-ulfat ke dasht se chun kar

Ashnai ke maah-o-saal ke phool

teri dehleez pe saja aye

phir teri yaad pe chrha aye

baandh ke aarzo ke paly main

hijar ki raakh aur wisaal ke phool

Woh aik socha hua naaz sa takalum main

Uljhan 

Woh aik socha hua naaz sa takalum main 

Nazar main aik jhij'jhak si bana'i hui 

LAbon pe aik tabasum zara lajaya sa

Jabeen pe bazam-e-murawat saji sajaai hui 

Dhaka dhaka sa takabur woh baar sun'nay main 

Thi us main husan ki nazish kahin chupai hui 

Badan main khouf ki larzish bhi , aur dawat bhi 

Guraiz karti hui aur qareeb aati hui 

Kuch us ko dekh kay khulta na tha keh kya hai 

Faraib deti hui ya faraib khaai hui 

Main tumhein bhool jaaon ga lakin yeh shart hai

Main tumhein bhool jaaon ga lakin yeh shart hai 

Gulshan main chal kar phool ko khushboo se juda karo

Kis liye phir udaas baithi ho

Kis liye ab udaas baithi ho

jab woh ik shakhs dastaras main tha

us se milna tumharay bas main tha

us ki aankhain tumhari aankhain thein

us ki batain tumhari batain thein

us ka chahera tumhara chahera tha 

us ke dil par tumhara pehra tha

us ki her saans main bai thein tum

us ke her lafaz main khil thein tum 

us ke sapno main bhi rachi thein tum

us ki neendon main jagti thein tum

woh jo kehta tha be'qarari hai

meri sari wafa tumhari hai

sirf tum se mujhay mohabbat hai

sirf tum se meri haqeeqat hai

kitni batain main keh nahin sakta

door tum se main reh nahin sakta

tab tum us ke her aik jumlay ko

tab tum us ke her aik jazbay ko

ik hansi main uraya kari thein

us ki aankhon ko dekhti jab woh

be'niazi ke dard sehta tha

bhool jana tumhari aadat thi

phir bhi kitna mallol rehta tha

apni tanhai ke galay lag kar 

saray ansoo woh ro gaya ik din

aik pathar se dil lagi kar ke 

khud bhi pathar ka ho gaya ik din

ab woh tum se kuch nahin kehta 

be'niazi ke dukh nahin sehta

us ki aankhain ab us ki aankhain hain

us ki batain ab us ki batain hain

bhool jana tumhari aadat hai

us ki baton ko bhool jayo na

ab woh aik sakhs dastaras main nahin

us se milna tumharay bas main nahin

kis liye phir udaas baithi ho..???

Tum se milna to bari baat hai jana

Tum se milna to bari baat hai jana 

Tumhari tasawu'raati mulaqaat bhi 

Bais-e-taskeen hai meray liye 

Is mulaqaat se kam az kam 

Itna to hota hai keh 

Hamaray sab gilay shikwaye 

Tum door kartay ho 

Sab ranjishein , sab kaliftein 

Tum khatam kartay ho 

Nahin kartay to bas

Yeh nahin kartay keh 

Hum se milnay ka wada hi 

Efaa kar do lakin 

Phir woh wada hi kya ?

Jo wafa ho jaye

 

Tum se milna to bari baat hai jana

Tum se milna to bari baat hai jana 

tumhari tasawrati mulaqaat bhi

bais-e-taskeen hai meray liye

is mulaqaat se kam iz kam

itna to hota hai keh 

hamaray sab gilay shikwey

tum door kartay ho

sab ranjashain , sab kalfatain

tum khtam kartay ho

nahin kartay to bas

yeh nahin kartay keh

hum se milney ka wada hi efa kar do lakin 

phir woh wada hi kiya ?

jo wafa ho jaye

Hum teray bin ab reh nahin saktay

Hum teray bin ab reh nahin saktay 

teray bina kiya wajood mera

tujh se juda gar ho jayein gy
to khud se hi ho jayein gy juda

kyn keh tum hi ho ,ab tum hi ho

zindagi ab tum hi ho

chain bhi mera dard bhi

meri aashiqui 

ab tum hi ho ....

tera mera rishta hai kaisa

ik pal door gawara nahin

teray liye her roz hain jeetay

tujh ko diya mera waqat sabhi

koi lamha mera na ho teray bina

her saans pe naam tera

teray liye hi jiya main

khud ko jo youn dy dia hai

teri wafa ne mujh ko sambhala

saray ghamon ko dil se nikala

teray sath mera hai naseeb jura

tujhay pa kar adhoora na raha

kyn keh tum bhi ho , ab tum hi ho

zindagi ab tum hi ho 

chain bhi mera dard bhi

meri ashiqui

ab tum hi ho ....!

Ab tum hi ho

Hum teray bin ab reh nahin saktay 

teray bina kiya wajood mera

tujh se juda gar ho jayein gy
to khud se hi ho jayein gy juda

kyn keh tum hi ho ,ab tum hi ho

zindagi ab tum hi ho

chain bhi mera dard bhi

meri aashiqui 

ab tum hi ho ....

tera mera rishta hai kaisa

ik pal door gawara nahin

teray liye her roz hain jeetay

tujh ko diya mera waqat sabhi

koi lamha mera na ho teray bina

her saans pe naam tera

teray liye hi jiya main

khud ko jo youn dy dia hai

teri wafa ne mujh ko sambhala

saray ghamon ko dil se nikala

teray sath mera hai naseeb jura

tujhay pa kar adhoora na raha

kyn keh tum bhi ho , ab tum hi ho

zindagi ab tum hi ho 

chain bhi mera dard bhi

meri ashiqui

ab tum hi ho ....!

kitni muddat baad tunhari yaad ayi hai

Kitni muddat baad tumhari yaad aayi hai 

Youn lagta hai jaisay dil yeh ruk jaye ga 

Youn lagta hai jaisay aankhein 

Apnay saray aansoo ro kar 

Bilkul banjar ho jayein gi 

Youn lagta hai jaisay pichlay mousam  phir se loat aaye hain 

JAna yeh dil khush rehnay kay 

Tor tareeqay bhool chuka hai 

US par aisay yaad ki dastak 

Youn lagata hai jaisay dil par 

Aik qayamat guzar rahi ho 

Koi toofan aan kharra ho 

Jaisay aik akeli naao 

Beech bhanwar kay aan phasi ho 

Youn lagta hai jaisay sapnay 

Aik haqeeqat ban baithay hon 

Utni muddat baad tumhari yaad aayi hai 

Soch raha hoon kya us ki tazeem karon main 

Palkon par ashkon kay deep jala leta hoon 

Dil kay ujray aangan ko mehkaa leta hoon 

Dil kehta hai phir khud ko taqseem karoon main 

Itni muddat baad tumhari yaad aayi hai 

Youn lagta hai jaisay pichlay mousam phir se loat aaye hon

Woh milnay kay ehad-o-payman sab jhootay niklay ae jana

Ab anazam kahon ya 

Woh milnay kay ehad-o-payman 

Sab jhootay niklay ae jana 

Na tum ayein na pyar kiya 

Na chahat ka izhar kiya 

Na roothay dil ko shaad kiya 

Na sapno ko abaad kiya 

Ik pal bhi na mujhay yaad kiya 

Kya khoob mujhay barbaad kiya 

Ik ehad-e-mohabbat tor diya 

Raahon main kiyon mujhay chor diya ?

In tootay huye armano ko 

Un chahat kay afsano ko 

Sab bhool kay mujh se kehti ho 

Ik nazam koi mujh par likh do 

Kya likhon , kya na likhon ?

Kya hijar ka afsana likhon ?

Ashkon ki kahani likh doon  kya ?

Wehshat ki zubani likh doon kya?

Her baar purani likh doon kya ?

YA aag ko paani likh doon kya ?

Ho zikar tumhari ulfat ka ?

YA sirf fasana wehshat ka 

Kya naam-e-wafa ki baat kahon ?

YA jor-o-jafa ki baat kahoon ?

Tum ko mehboob likhon ya phir 

Tum ko hi Adu keh doon aakhir ?

Likhon keh wafa tum se na hui 

Ya koi khata tum se na hui 

Kuch baat mohabbat ki likh doon 

Keh do to haqeeqat hi likh doon 

Likh doon keh rulaya hai tum ne ?

Haan kitna sataya hai tum ne ?

Furqat main jalaya hai tum ne 

Dewana banaya hai tum ne 

Likh doon keh junoon ka zehar piya 

Par tum ko kabhi ruswa na kiya ?

Jo zakham mila , sehnay pe saha 

Par haal-e-junoon phir bhi na kaha 

Tum se na shikayat ki main ne 

Be'loas mohabbat ki main ne 

Kis dhang se ulfat ki tum ne ?

Kis rang se chahat ki tum ne ?

Ghairon pe inayat ki tum ne 

Apno se adawat ki tum ne 

Haan ! nazar-e-inayat ki tum ne 

Par behar-e-zaroorat ki tum ne 

Is nazam ka unwaan koi nahin 

Ab dard ka darmaan koi nahin 

Ab chaak-e-giribaan koi nahin 

Ab hijar se na'laan koi nahin 

Sun pao to haal-e-dil keh doon ?

Ab nazam kahoon ?

Ya rehnay doon ?