Shouq se toro dil mera mujhay kya
Tum hi is main rehtay ho apna hi ghar bar'baad karo gay
Feb 2, 2015
Maktab-e-ishq main paish aaye sawalon ki tarah
Maktab-e-ishq main paish aaye sawalon ki tarah
Hum parishaan hi rahay apnay khayalon ki tarah
Zikar jab ho ga mohabbat main tabaahi ka kahin
Yaad hum aayein gay duniya ko hawalon ki tarah
Hum dil to kiya jaan bhi luta dain gay Dost
Woh hamain chahye to sahi chahnay walon ki tarah
Tarapta hoon neend kay liye to bas yahi dua nikalti hai
Tarapta hoon neend kay liye to bas yahi dua nikalti hai
Bhout buri cheez hai yeh mohabbat kisi dushman ko bhi na ho
Kabhi jo kar sako aisa to koshish kar kay dekhna
Kabhi jo kar sako aisa to koshish kar kay dekhna
Mujhay meri tarah chahna faqat meri talab karna
Aray saahib apni bad'duaein apnay paas rakho
Aray saahib apni bad'duaein apnay paas rakho
Mujhay mohabbat hai barbaad khud hi ho jaaon gay
Ujray huye harappa kay asaar ki tarah
Ujray huye harappa kay asaar ki tarah
Zinda hain log waqat ki raftaar ki tarah
Kiya rehna isi shaher main majbooriyon kay saath
Biktay hain log shaam kay aakhbaar ki tarah
Bachon ka rizq mout kay joo'ay main rakh diya
Circus main kood'tay huye funkaar ki tarah
Qatil bar'jamaan hai munsif kay saaye main
Maqtool phir raha hai Azadar ki tarah
Waaday zarooraton ki nazar kar diye gaye
Rishtay hain saaray rait ki dewaar ki tarah
Mohsin meray wajood ko sang'saar kartay waqat
Shamil tha sara shaher ik tehwaar ki tarah
Woh shaks kabhi us ka , kabhi is ka to kabhi mera huwa
Woh shaks kabhi us ka , kabhi is ka to kabhi mera huwa
Husan bar'baad kar diya us ne mohabbat ki tijarat kartay kartay
Jitna bhi tum ko sochon utna hi door paaun
Jitna bhi tum ko sochon utna hi door paaon
Jitna bhi tum ko chahon khud hi bikharta jaaon
Main aam sa musafir be'aas be'sahara
Tu door rehnay wala ik aasmaan ka taara
MAin rait se ulajhta sehraaon ki hawa hoon
Tum saahilon pe chalta baad-e-saba ka jhonka
Haan farq to bhout hai , par baat yeh faqat hai
Main laakh toot jaaun , khud se hi rooth jaaon
Par yeh na ho ga mujh se , main tum ko bhool jaaon
Kabhi hum bhi baa'is-e-touqeer hua kartay thay
Kabhi hum bhi baa'is-e-touqeer hua kartay thay
Us kay shaher ki jageer hua kartay thay
Itna acha to na tha naam hamara magar
Phir bhi us kay haath pe tehreer hua kartay thay
Aray hamain to gustaakh bana diya is zamanay ne
Warna aisay chup thay keh tasveer hua kartay thay
Hazaaron maslay hain jo mujhay masroof rakhtay hain
Hazaaron maslay hain jo mujhay masroof rakhtay hain
Magar tum anmol itnay ho keh phir bhi yaad aatay ho
Us ne hum se poocha teri raza kiya hai
Us ne hum se poocha teri raza kiya hai
Kiyon kartay ho mohabbat wajah kiya hai
Kaisay bataaon ussay meri khata kiya hai
Jo wajah se karay mohabbat us ki mohabbat hi kiya hai
Log seenay main qaid rakhtay hain dil ko
Log seenay main qaid rakhtay hain dil ko
Hum ne sar pe charha rakha hai
Toofan aur mohabbat dono hi bhout yaad'gaar hotay hain
Toofan aur mohabbat dono hi bhout yaad'gaar hotay hain
Farq sirf itna hai keh toofan main makaan gir jatay hain aur mohabbat main insaan
Nikaal dy nichor kay meri ragon se sara khoon
Nikaal dy nichor kay meri ragon se sara khoon
Agar na aaye wafa nazar kisi qatray main to be'wafa keh dena
Zindagi youn hui basar tanha
Zindagi youn hui basar tanha
Qaafla saath aur safar tanha
Apnay saaye se chonk jaatay hain
Umar guzri hai is qadar tanha
Raat bhar boltay hain snaatay
Raat kaatay koi kidher tanha
Doobnay walay paar jaa utray
Naqsh-e-paa apnay chor kar tanha
Din guzarta nahin hai logon main
Raat hoti nahin basar tanha
Hum ne darwazay tak to dekha tha
Phir na janay gaye kidher tanha
Tu jo roye ga to meri palkon pe nami reh jaye gi
Tu jo roye ga to meri palkon pe nami reh jaye gi
Zindagi bas naam ki zindagi reh jaye gi
Tu mujhay chor raha hai ek baar phir se soch lay
Main chala jaaon ga aur teri aankhein dekhti reh jayein gi
Yeh nahin keh zindagi tum bin jee nahin paaon ga
Haan meri zindagi main ek kami reh jaye gi
Zindagi main sab se ziyada main ne tumhain chaha
MAin agar nahin bhi raha to meri yaad reh jaye gi
Qalam se likh nahin sakta main zakhmi dil kay afsaanay
Qalam se likh nahin sakta main zakhmi dil kay afsaanay
Mujhay tujh se mohabbat hai , teray dil ka khuda jaanay
Woh bhool jaye to ussay bhool jaanay do
Woh bhool jaye to ussay bhool jaanay do
US ki be'wafai kay liye , hum apni wafa ko nahin chor saktay
Mohabbat ki shat'rang main woh bara chaal'baaz nikla
Mohabbat ki shat'rang main woh bara chaal'baaz nikla
Us ne dil ko mohra bana kay hum se zindagi hi cheen li
Duniya kay sagar main ek tumhari hi kashti ka sahara mila hai
Duniya kay sagar main ek tumhari hi kashti ka sahara mila hai
Tum bhi wahan na chor dena jahan koi saahil hi na ho
Qasoor mera tha to qasoor un ka bhi tha Mohsin
Qasoor mera tha to qasoor un ka bhi tha Mohsin
Nazar hum ne jo uthaai thi to woh hi jhuka letay
Sikka bana kay jab bhi uchaala gaya mujhay
Sikka bana kay jab bhi uchaala gaya mujhay
MAin sab ki haar jeet main taqseem ho gaya
Tum se milnay ki justagu , tumhain paanay ka khwaab
Tum se milnay ki justagu , tumhain paanay ka khwaab
Zindagi in do sapno se shuru, in do armaano pe khatam
Us ne mehboob jo badla to taa'jub kaisa
Us ne mehboob jo badla to taa'jub kaisa
Log kaafir se musalmaan bhi to ho jaatay hain
Subscribe to:
Posts (Atom)
