Samay samay ki khalish pe tera malaal rahay

Samay samay ki khalish pe tera malaal rahay 

Judaiyon main bhi youn aalam-e-wisaal rahay 

Ana ki jung main hum jeet gaye lakin 

Phir is kay baad dair tak nidhaal rahay 

Rah-e-junoon main yahi zaad-e-raah hota hai 

Keh justagoo barhay dewangi bahaal rahay 

Haseen raatein bhi mehkein tumhari yaadon se

Garray dino main bhi pal pal tera khayal rahay 

Tu aik baar zara kashtiyan jala to sahi 

Hai kya majaal keh ik lamha bhi zawal rahay

Chand kay saath meri baat na thi pehli si

Chand kay saath meri baat na thi pehli si 

Raat aati thi magar raat na thi pehli si 

Hum teri yaad se kal shab bhi milay thay lakin 

Yeh mulaqaat , mulaqaat na thi pehli si 

Aankh kiyon loot gayi khouf se sehraaon ko 

Kiyon keh is baar to barsaat na thi pehli si 

Ab kuch aur tarah ki thi udasi in main 

Chand taron ki yeh baraat na thi pehli si 

Ishq ne pal main badal di meri sari duniya 

Main ne dekha keh meri zaat na thi pehli si

Dil roye zaar-o-zaar sajan

Dil roye zaar-o-zaar sajan 

Tera kab ho ga deedar sajan 

Tera lamha-e-ehsaas piya 

Teray her janib Asaar sajan 

Aur tera kaam masehaai 

Hum sadiyon kay beemar sajan 

Ik veerani , ik tanhai 

Tu in dono kay paar sajan 

Kar lein aankhon kay dariya main 

Hum ne palkein patwaar sajan 

Kuch dair galay lag ro payein 

Na'mumkin hai do yaar sajan 

Mohabbat ka safar kaisa laga hai

Mohabbat ka safar kaisa laga hai 

Yeh jazbon ka bhanwar kaisa laga hai 

Basay ho dil main  to yeh bhi batao 

Yeh ghair abaad gahr kaisa laga hai 

Yahi shikwa tha na tum ko kahon ab 

Dawa na chasham-e-tar kaisa laga  hai

Gali ki ronaqon kay darmiyan main 

Mera sun'saan dar kaisa laga hai 

Meri to rooh tak ghayel hui hai 

Tumhein ujra nagar kaisa laga hai 

Tera wajood to mera gumaan doob gaya

Tera wajood to mera gumaan doob gaya 

Ufaq main door kahin aasman doob gaya 

Bhari hain jis tarah aankhein hamari ashkon se

Hamein to lagta hai sara jahan doob gaya 

Hawa se raabta karnay ki dair thi aur phir 

Samandron main mera baad'ban doob gaya 

Tera khayal ubharta nahin labon se meray 

Meri pannah main mera sayeban doob gaya 

Yahein kahin koi roya hai baith kar "Farhat"

Yahien kahin tumhara nishan doob gaya

Ik yahi roshni imkaan main hai

Ik yahi roshni imkaan main hai 

To abhi tak dil veeran main hai 

Shor bar'pa hai teri yaadon ka 

Ronaq hijar-e-biyabaan main hai 

Pyar aur zindagi se lagta hai 

Koi zinda dil be'jaan main hai 

Aaj bhi teray badan ki khushbu 

Teray bhejay huye guldan main hai 

Zindagi bhi hai meri aankhon main 

Mout bhi deeda-e-hairaan main hai 

Dil abhi nikla nahin seenay se 

Aik qaidi abhi zindaan main hai 

Sard sa haath milanay wala tu wohi hai na zamanay wala

Sard sa haath milanay wala

Tu wohi hai na zamanay wala 

Tum mujhay yaad rakho gay kaisay 

Jab khuda bhi ho bhulanay wala 

Dukh ki mazdoori mujhay karna hai 

Hai koi haath batanay wala 

Raat aagay na janay wali 

Hijar bhi shor machanay wala 

Janay ab shaher rahay ya na rahay 

Main to ik shakhs hoon janay wala 

Shayed ik gham hi faqat hota hai 

Umar bhar saath nibhanay wala 

Ab zamana hi nahin hai Farhat 

Deep se deep jalanay wala

Is qadar baraf pari sadmon ki jam gaya sabar meri aankhon main

Is qadar baraf pari sadmon ki 

Jam gaya sabar meri aankhon main 

Sham hoti hai to jal uth'ti hai 

Hijar ki qabar meri aankhon main 

Dekh kar ashkon kay kamzor badan 

Ro paray abar meri aankhon main

Meri sham-e-gham meray paas aa mujhay raas aa

Tanhai

Meri sham-e-gham meri sham-e-gham

Meray paas aa mujhay roz-o-shab ki faseel par

Meri por por main dard ban kay utar gaya

Jo kahin kahin pe paraao tha mera ab ashk ki jheel par

Teray jaisay hi kisi khair khawah se kam na tha

Kabhi raakh tha kisi murda dil se wisaal ki

To kabhi alaao tha be'qaraar hijar ka

Kisi shaher sabar ki saij par

Jo sakoot tha mera umar bhar

Kisi bain se kisi sard aah se kam na tha

Kabhi khaar dekhay hain tum ne neend kay bistaron par uggay huye

Meri aarzu thi to aarzu

Mera khawab kisi qatal gaah se kam na tha

Meri ungliyan bhi hain resha resha jamood se

Meri khawaishein mera dasht-e-dil

Meri chahatein meri chasham-e-nam , meri chasham-e-nam

Meri saham nam , meri shaam nam

Meray paas aa mujhay raas aa

Main na'janay kaisi aziyaton ki rafaqaton main ulajh gaya

Main ulajh gaya kisi ehad-e-halat-e-zaar se

Kisi pyar se koi sach nikal kay nahin mila

Wohi zard rut , wohi zard rut

Wohi barf si meray hum'qadam

Meri shaam nam , meri sham nam 

Meray paas aa mujhay raas aa

Aalam-e-intizaar hai duniya

Aalam-e-intizaar hai duniya 

Teray bin be'qaraar hai duniya 

Aik tum hi nahin zamanay main 

Dekh lo be'shumaar hai duniya 

Be'kali hi nahin udasi bhi 

Teri yadon ka saath deti hai 

Jitnay bhi raaz'daar thay meray 

Bastiyon ki hawa chura laai 

Khouf kay dard'naak lamhon main 

Zindgani mujhay urra laai 

Muflasi main woh din bhi aye hain

Muflasi main woh din bhi aye hain 

Hum ne apna malaal baich diya

Hamari zindagi ki her musafat tumhari raah par lakihi hui hai

Hamari zindagi ki her musafat 

Tumhari raah par lakihi hui hai 

Samandar badalon se poochta hai 

Prinday kis taraf ko jaa rahay hain 

Darakhton kay liye acha nahin hai 

Musafir junglon main bas rahay hain 

Udasi rooh kay andar kahin par

Tumhara naam likh kay rakh gayi hai 

Mohabbat khawab ka bistar bicha kar 

Baray aaram se soi hui hai 

Teri bichri hui khushbu kay saye 

Meray charon taraf phailay huye hain

Taras gaye nain jiya be'chain rahay

Taras gaye nain jiya be'chain rahay 

Sun sun apnay bain jiya be'chain rahay 

Is se jo khamoshi si chaai hai , hum 

Dono kay ma'bain jiya be'chain rahay 

Sari sari shaam tumhari raah takay 

Sari sari rain jiya be'chain rahay 

Dik ki tarein mili hui hain aapis main 

Sanwal be'chain jiya be'chain rahay 

Aadha aadha chand kahan raas aata hai 

Dekh dekh qosain jiya be'chain rahay 

Kabhi safar to kabhi shaam le gaya mujh se

Kabhi safar to kabhi shaam le gaya mujh se

Tumhara dard kai kaam le gaya mujh se

Mujhay khabar na hui aur zamana jatay huye 

Nazar bacha kay tera naam le gaya mujh se

Bhala kahan koi juz us kay milnay wala tha 

Bas ik jurrat-e-na'kaam le gaya mujh se 

Bas ik lamhay kay sach jhoot kay iwaz Farhat 

Tamam umar ka ilzaam le gaya mujh se

Laakh doori ho magar ehad nibhatay rehna

Laakh doori ho magar ehad nibhatay rehna 

Jab bhi baarish ho mera sog manatay rehna 

Tum gaye ho to sar-e-shaam yeh aadat tehri 

Bas kinaray pe kharay haath hilatay rehna

Keh bhej baitha hoon de kay khat teri taraf

Keh bhej baitha hoon de kay khat teri taraf 

Yeh hawa ' yeh bhi kab kisi kay huye bhala 

Youn hi baat baat main zikar aaya tha ishq ka 

Woh na janay kaisi gharri thi tab se gayi nahin 

Na juda huye ho kabhi na miltay ho theek se

Tujhay kis ne bakhshi hain raat din ki yeh aadatein 

Yeh jo aasman hai kahin kahin se chatakh gaya 

Kisi bad'naseeb ki bad'dua to nahin lagi 

Tu to baraf jaisa raha hamesha salook main 

Teray tapaak milan se  phaili hain hairatein 

Udas shamein , ujaar rastay kabhi bulaein to loat aana

Udas shamein , ujaar rastay kabhi bulaein to loat aana 

Kisi ki aankhon main rat'jagon kay azab ayein to loat aana 

Abhi nayi wadiyon , naye manzaron main reh lo magar meri jaan 

Yeh saray ik aik kar kay jab tum ko chor jaye to loat aana 

Jo shaam dhaltay hi apni apni panah'gahon ko lot'tay hain 

Agar woh panchi kabhi koi dastaan suna'ein to loat aana 

Naye zamano ka karb orhay zaeef lamhay nidhaal yaadein 

Tumharay khawabon kay band kamron main loat ayein to loat aana 

Main roz youn hi hawa pe likh likh kay us ki janib yeh bhejta hoon 

Keh achay mousam agar paharon pe muskura'ein to loat aana

Agar andheron main chor kar tum ko bhool jayein tumharay sathi 

Aur apni khatir hi apnay apnay diye jala'ein to loat aana

Zindagi , jaisay koi zard safar mout zada

Zindagi , jaisay koi zard safar mout zada 

Sang , haiwaan ' shajar mout , mout zada 

Muskuraein to hansay jati hai 

Zakham khaai hui taqdeer ' dagar mout zada 

Aur ronay kay liye bethein to rumalon par 

Jhar jharata hua emaan sulag uth'ta hai 

Jazab honay hi nahin deta kisi aansoo ko 

Bheeg jati hai jabeen sadmay ki 

Din chamakta hai saro hum tamana 

aur phir 

Door girti hui peelahat main 

Char maraai hui ik shaam latak aati hai 

Raat parti hai to kartay hain basar mout zada 

Is tarah jaisay saleebon se bandhi be'chaini 

Mout se agla koi khouf basar karti hai

Kis farishtay ka giribaan pakar kar poochein 

Hanstay bastay huye bazaron par 

Kis ne daali hai nazar mout zada 

Dil lab-e-dard 

Parishaan khayalat ki chokhat se laga baitha hai 

Jis tarah se koi pas maanda aziz 

Dam-ba-dam doobti yaadon ki saf-e-maatam par 

Thaam kar baitha ho , sar mout zada 

Zindagi ....

Zindagi , dard ka ghar mout zada 

Khirkiyan sard 

Dareechay khamosh 

Sehan veeran 

Shajar mout zada 

Rooh sun'saan 

Khabar mout zada 

Dil biyabaan 

Asar mout zada 

Bastiyan , gaon , mohalay , chopaal

Adh mari aas , bashar mout zada

Socha to mera aks tha aankhon main tumhari

Socha to mera aks tha aankhon main tumhari 

Dekha to bhout khaali nazar aayi woh jheelain 

Her roz kisi gham ki khalish kheench laye 

Bichray huye mousam ki guzar'gaah pe mujh ko 

Ik hijar hai , aata hai jo her raat meray paas 

Phir pehron kya karta mujh se teri baatein 

Be'chaini kay aalam se gurezan to bhout hoon 

Lakin kisi sehra main paray dil ka karon kya 

Phir dekho meray haal pe rota hai bhala kon 

Veerani-e-dil Aa tujhay aankhon main basa loon

Dil kaaba dil masjid mandir

"Dil"

Dil kaaba 

Dil masjid mandir 

Dil darbar-e-faqeeran 

Dil duniya 

Dil urran khatola

Dil zindan-e-aseeran

Meray baad dard ki dastaan tujhay kon aa kay sunaye ga

Meray baad dard ki dastaan 

Tujhay kon aa kay sunaye ga 

Mujhay raastay main khabar mili 

Woh to shaher  hi se chala gaya 

Meri zindgani kay khaar-o-khas 

Koi jatay jatay jala gaya 

Meray rat'jagon ko khabar karo 

Mujhay neend aayi hai dekhnay 

Main to apnay aap main hi nahin 

Mujhay meray haal pe chor do  

Bara sakhat hai tera raasta

Mujhay meri raah pe mor de 

Tujhay kaisay lagta hai din dhalay 

Kisi dukh ka seenay main tootna

Is qadar achi tarah janta hai

Is qadar achi tarah janta hai 

Woh mujhay lakhon main pehchanta hai 

Meri her baat kahan sunta hai 

Meri her baat kahan maanta hai 

Dard'ba'dar milta nahin kuch dil ko 

Dar'ba'dar khaak hi bas chaanta hai 

Tu kahan hai tu kahan hai jani 

Dil shab-o-roz pe gardanta hai 

Tujh ko paa lena hai her qeemat par 

Koi her lamha yahi thaanta hai

Khushbu sa badan yaad na sanson ki hawa yaad

Khushbu sa badan yaad na sanson ki hawa yaad 

Ujray huye baghon ko kahan baad-e-saba yaad 

Aati hai parishani to aata hai khuda yaad 

Warna nahin duniya main koi teray siwa yaad 

Jo bhoolay hain magar teray ilawa 

Ik bichra hua dil aata hai sada yaad 

Main to ab ik umar se pachtawon ki zad main 

Kya tum ko bhi aati hai kabhi apni khata yaad 

Mumkin hai bhala kaisay ilaaj-e-gham janan

Jab koi dawa yaad na hai koi dua yaad