Ik shaks ki chahat ka armaan raha aksar

Ik shaks ki chahat ka armaan raha aksar

Jo jaan kar bhe Sab kuch anjaan raha aksar

 

yeh piyaar mohabbat ka hai khel khuda janey kaisa

keh jis ne wafa ki us ko nuqsaan raha aksar

 

Ata hai woh neendon main rehta hai woh khwaabon main

Ik he to us ka Mujh pe ehsaan raha aksar

 

kon kehta hai woh meray bagair tanha ho ga

Woh ik chaand hai kahin aur chamakta ho ga

 

woh to rehta hai mohabton ke dais main

usay kiya khabar koi tanha ussay sochta ho ga

Ajnabi he sahi Meharban to tha

Ajnabi he sahi Meharban to tha

koi aur rishta na bhe ho Dil ka mehman to tha

Yeh alag baat hai dekha na tha us ko magar

Alfaaz ki surat main woh meri jaan to tha

Hazaroon meel lambi musaftain

Hazaroon meel lambi musaftain 

Woh tamam shab ki batain

Woh hamari sitaron main mulaqatain

Hamesha yaad rakhoon ga

Woh meri mazi ki Her talkh yaad koMita dena

Mujhay zindagi ki janab bula lena

Tera mujh ko smait lena

Hamesha yaad rakhoo ga

MAin chaand ka tammnai

Banana nahin chahata 

Main khwaab ko haqeeqat

Banana nahin chahta

Kyn keh Chaand aur khwaab ko

Hum sirf dekh saktay hain 

Paa nahin saktay

Lakin Aa Meray maseeha

Main tujh ko aur teri masihaai ko

Hameesha yaad rakhoon ga

 

Mujhay manzalon se Aziz hain teri rah guzar ki musaftain

Mujhay manzalon se Aziz hain teri rah guzar ki musaftain
keh likhi hain meray naseeb main abhi umar bhar ki musaftain

usi aik pal ki talash jissay loog kehtay hain zindagi
Teri rah guzar main bikhar gayein meri umar bhar ki musaftain

Abary ajeeb se wastay Keh Guraiz pa sabhi rastay
Woh teri nigah kay faslay yeh meri nazar ki musaftain

jisay Aks aks Ganwa diya

 jisay Aks aks Ganwa diya

Kabhi ro baroo the meray liye 

Jisay naqash naqash bhuja diya

Kabhi chaar soo the meray liye

Jo had-e-hawa se bhe door hai

Kabhi koo bakoo the meray liye

Jo tapash hai mojay-e-sarab ki

Kabhi Aab ju the meray liye

jissay ap likhata hoon khat main ab

Kabhi sirf tu the meray liye

Teri yaad ki grift

Teri yaad ki grift Aksar

Mujhay 

Apney hathon 

ki lakeeron main 

Uljha dati hai

Ik ishq nagar ki wadi thi

Ishq Nagar

Ik ishq nagar ki wadi the

Jahan piyaar ki nadiya behti the

Kuch dil wale bhe rehtay thay

Jo piyaar ki batain kartay thay

Jab bahar ka mousam ata tha

Aur phool piyaar ke khiltay thay

Mast naseeli shamoo main 

2 dil piyaar se miltay tahy

Aik roz woh basti ujar gaye

Aur piyaar ki hasti bikhar gaye

Phir her aik dil ko soag laga

Aur jewan bhar ka roag laga

Dewane phirtay rehtay hain

Aur her aik se woh kehtay hain

Iqrar kisi se mat karna

Tum piyaar kisi se mat karna

Aisay chup hain keh yeh manzal bhe khari ho jaisay

Aisay chup hain keh yeh manzal bhe khari ho jaisay

Tera milna bhe judai ki ghari ho jaisay

Manzalain door bhe hain , manzalain nazdeek bhe hain

Apney he paon main zangeer pari ho jaisay

Na janey kab se teri surat ko tarasti hai nigha

Na janey kab se teri surat ko tarasti hai nigha

Muntazir saig pe baithi hui dulhan ki tarah

Tujh se bichari to bhattakti hai mohabbat janaa

Dil garifta si teray shaher main jogan ki tarah

Shauq hai tujh ko juda honey ka lakin

Raakh kar de ge judai Eendhan ki tarah

Tera rishta keh meray dil se hai dharkan ki tarah

Tera rishta keh meray dil se hai dharkan ki tarah

Dil khankta hai teray naam pe kangan ki tarah

Aaj phir dil pe ghata chai teri yadoon ki

Aaj phir toot ke roya hoon main sawan ki tarah

Janay kab se teri surat ko tarsti hai nigah 
Muntazir saij pe  baithi hui dulhan ki tarah 

Tujh se bichri to bhatakti hai mohabbat jana
Dil garifta si teray shaher main jogan ki tarah 

Shouq hai tujh ko juda honay ka lakin Arshad 
Raakh kar day gi judai Eendhan ki tarah

Teri chahat main guzri meri her shaam thi

 

Teri chahat main guzri meri her shaam thi

Meray dil se nikli hui her dua tary naam thi

Ab mujh ko ilzaaam na do bewafai ka

Meray hathon ki lakeeron main wafa Aam thi

Qadar poocho un se jo kartay hain mohabbat ki pooja

Sirf taray shaher main Mohabbat meri badnaam thi

Dosti apni bhe asar rakhte hai faraz

Dosti apni bhe asar rakhte hai faraz 

Bhout yaad ayein ge zara bool kar to dekho

Ab ki baar milain gay to khoob rulain ge tumhain

Ab ki baar milain gay to khoob rulain ge tumhain

Suna hai ! rotay huay tumhain lipat janey ki Aadat hai

Us ki dehleez pe sadiyoun se khara hoon faraz

Us ki dehleez pe sadiyoun se khara hoon faraz 

Mujh se milney ke jo lamhaat gina karta tha

Hijar ka tara doob chala hai dhalney lagi hai raat wasi

Hijar ka tara doob chala hai dhalney lagi hai raat wasi 

Qatra Qatra baras rahi hai Ashkon ki barsaat wasi

Taray baad yeh duniya walay mujhko pagal kar dain gi

Kushboo ke dais main mujh ko lay chal apney sath wasi

Youn he chp ki mohar laga kar kab tak gum sum baitho gi

Khamoshi se dum guthta hai chairo koi baat wasi

Chora wasi ab us ki yadain tum ko pagal kar dain gi

Tu qatra hai woh darya hai  dekh apni auqaat  wasi

 

Poet :  Wasi Shah

Mujhay Aaj bhi yaad hai

 

Mujhay Aaj bhe yaad hai
woh sardiyon ki shaam
Jab us ne meray hatj pakray
aur meri ankhon main dekh kar kaha
Keh tumharay haath bhout garam hain
Aur yeh wafa daar logon ki nishani hai
Main bhout khush tha
itna khush keh main yeh bhool gay keh
us shaam us ke hath kitney sard thay

Us se mil layain to acha hai

Us se mil lain to acha hai

Kabhi us se bhout gehray marasam thay

Magar phir silsala toota to youn toota

Keh barson dil ke Aangan main

koi mousam nahin utra

Magar ab phir

Yeh dil pagal-e-bazid hai keh

kisi fursat ke lamhay main

us se mil lain to Acha hai

Gum sum hua aawaz ka dariya tha jo ik shaks

Gum sum hua aawaz ka dariya tha jo ik shaks
Pathar bhe nahin ab woh, sitara tha jo ik shaks
Shyed woh koi harf-e-wafa dhoond raha tha
Chehron ko baray ghour se parhta tha jo ik shaks

Shera ki tarh der se piyasa tha woh shyed !
Badal ki tarah toot ke barsa tha jo ik shaks
Ae taz hawa koi khaber us ke janoon ki
Tanha safar-e-shauq pe nikla tha jo ik shaks

Ab aakhri satroon main kahin naam hai us ka
Ahbaab ki fehrist main pehla tha jo ik shaks
Hathon main chupay huaye phirta hai kai zakham
Sheeshay ke khilonon se bhelta tha jo ik shaks

Mur Mur ke usay dekhna chayain meri Aankhain
Kuch door mujhay chorney aya tha jo ik shaks
Ab us ne bhe apna liye duniya ke qareenay
Sayeeki rafaqat se bhe darta tha jo ik shaks

Her zahan main kuch naqash-e-wafa chor gaya hai
kehnay ko bharay shaher main tanha th ajo ik shaks
Munkar hai wohi ab meri pehchaan ka Mohsin
Aksar mujhay Khat khoon se likhta tha jo ik shaks


Poet : Mohsin Naqvi

Kab tak raho ge aakhir youn door hum se

Kab tak raho ge aakhir youn door hum se

Milna paray ga aakhir aik din zaroor hum se

Daman bachanay walay yeh be-rukhi kaisi hai ?

Keh do agar hua hai koi qasoor hum se

Hum cheen lain ge yeh shaan-e-be niazi 

Tum mangtay phiro ge apn aghroor hum se

Samandar main utarta hoon to Aankhain bheeg jate hain

Samandar main utarta hoon to Aankhain bheeg jate hain

Teri Aakhon ko parhta hoon to Aakhain bheeg jate hain

Tumhara naam likhney ki ijazat chin gaye jab se

Koi bhe lafz likhta hoon to Aankhain bheeg jate hain

Teri yadoon ki khushboain khirkiyon main raqas karte hain

Teray gham main sulagta hoon to Aakhain bheeg jate hain

Main hans kar jhail leta hoon judai ki sabhi rasmain

Gale jab su ke lagta hoon to Aankhain bheeg jate hain 

Na janay ho gaya hoon hasaas is qadar main kab se

Kisi se baat karta hoon to  Aankhain bheeg jati hain

woh sab guzray lamhat mujh ko yaad atay hain

Tumharay khat jo parhta hoon to Aankhain bheeg jati hain

Main sara din bhout masroof rehta hoon magar jaatay he

Qadam chokhat pe rakhta hoon to Aankhin bheeg jati hain

Her aik muflas ke mathay par alam ki dastanain hain

Koi chehra bhe parhta hoon to Aankhain bheeg jati hain

Baray logon ke Onchay bad numa sard mehlon ko

Ghreeb Aankhon se takta hoon to Aankhain bheeg jati hain

Teray koochay se ab mera taluq wajbi sa hai

Magar jab bhe guzarta hoon to  Aankhain bheeg jati hain

Hazaroon mousmon ki hukamrani hai meray dil par

Wasi main jab bhe hansta hoon to  Aankhain bheeg jati hain

Na dosti se rahay na dushmani se rahay

Na dosti se rahay na dushmani se rahay

Hamain tamam gilay apni Agahai se rahay

Woh paas aye to Mouzo-e-guftagoo na mila

Woh loat jaye to her guftagoo usi se rahay

Barish ki tez boondon ne jab dastak de darwaze par

Barish ki tez boondon ne jab dastak de darwaze par
Mehsoos hua tum aye ho Andaaz tumharay jaisa tha

Hawa ke halkay jhonkay ki jab aahat hui khirki par
Mehsoos hua tum aye ho Andaaz tumharay jaisa tha

Main tanha chala jab barish main Aik jhonkay ne mera sath diya
Main samjha tum ho sath meray Ehsaas tumharay jaisa tha

Phir Ruk gaye woh barish bhe na rahe baqi Aahat bhe
Main samjha mujhay tum chor gaye Andaaz tumharay jaisa tha

Chahman main jab bhe saba ko gulaab poochtay hain

Chahman main jab bhe saba ko gulaab poochtay hain

Tumhare Aankh ka ehwaal , khwaab poochtay hain

Kahan kahan huaye roshan hamaray baad chragh ?

Sitaray deda-e-tar se hisaab poochtay hain

Woh tisna-e-lab bhe Ajab hain jo moj-e-sehra se

Suraag-e-habas, Mizaj-e-sarab poochtay hain

Kahan basi hain woh yadain , ujarna hai jinhain

Dilon ki baanj zameen se Aazaab poochtay hain

Baras parain teri Aankhain to phir yeh bhaid khula

Sawal khud se bhe apna jawab poochtay hain

Hawa ki humsafri se ab aur kiya hasil

Bas apney shaher ko khana-e-khraab poochtay hain

Jo be-niyaz hain khud apney husan se mohsin

Kahan woh Mujh se mera intikhab poochtay hain

Poet : Mohsin naqvi