Yeh urri urri si rangat yeh khulay khulay se gaysoo

Yeh urri urri si rangat yeh khulay khulay se gaysoo

Teri subha keh rahi hai teri raat ka fasaana

Andesha bhi bhout tha , Ehtiyaat bhi bhout ki

Andesha bhi bhout tha , Ehtiyaat bhi bhout ki

Hotay hotay woh shakhs aakhir juda ho hi gaya

Larazta hua mera dil zehmat-e-mehar-e-darkashaan par

Larazta hua mera dil zehmat-e-mehar-e-darkashaan par

MAin hoon woh qatra-e-shabnam jo ho khaar-e-biya'baan par

Mouqa jissay mila , woh peeta chala gaya

Mouqa jissay mila , woh peeta chala gaya 

Shayed bhout mithaas hamaray lahoo main thi

Ishq pe jamaa rakha hai ameeron ne qabza

Ishq pe jamaa rakha hai ameeron ne qabza

Teri soghaat ghurbat na hoti to aashiq hum bhi kamal kay thay 

Tum jo kehtay thay keh acha hai zamana hum se

Tum jo kehtay thay keh acha hai zamana hum se 

Yeh bataao keh mila koi hamaray jaisa

Tujhay ana ho to chalay aana asaan pata hai mera

Tujhay ana ho to chalay aana asaan pata hai mera 

Meray naam ki takhti lagi ho gi aur matti ka dhair ho ga

Aaj phir uthaye to tum yaad aa gaye

Aaj phir uthaye to tum yaad aa gaye

NA'janay tum meri subha ho ya dil ki dharkan 

Khaali haathon ko kabhi ghour se dekha hai ?

Khaali haathon ko kabhi ghour se dekha hai ?

Kis tarah log haathon se nikal jaatay hain

Alfaaz to bhout hain meri mohabbat biyaan karnay kay liye

Alfaaz to bhout hain meri mohabbat biyaan karnay kay liye

Woh meri khamoshi nahin samjhtay meray alfaaz kiya samjhein gay

Kuch to bata Ae udaas raaton ki dhundli chandani

Kuch to bata Ae udaas raaton ki dhundli chandani

Bhoolnay waalon ko aakhir kis tarah yaad aayon main

Dil dukhaya karo ijaazat hai

Dil dukhaya karo ijaazat hai

Bhool jaanay ki baat mat karna

Main apni hasti se azaad ho gaya hoon

Main apni hasti se azaad ho gaya hoon

Kisi be'wafa ko zaroorat ho to mujh se khail sakta hai

Daastan-e-wafa bas itni si hai

Daastan-e-wafa bas itni si hai

Us ki khaatir ussi ko chor diya

Tum aao kabhi dastak do dar-e-dil par

Tum aao kabhi dastak do dar-e-dil par

Pyaar pehlay se kam ho , to shikayat karna

Jis umar main aqal aati hai

Jis umar main aqal aati hai

Afsoos hum us umar main mohabbat kar baithay

Keejiye qatal ka aab'ru se ishaara jhat patt

Keejiye qatal ka aab'ru se ishaara jhat patt
YAhi talwaar karay kaam hamara jhat patt

Woh shikayat ki khabar sunn kay huwey jab barham
Lay diya naam raqeebon ne hamara jhat patt

Dil ki nazron se giraa kar na huwey aap khabar
Aisay girtay ko to daitay hain saharaa jhat patt

Sach yeh hai keh meray qasid ne bari chalaaki kar kay
Tasleem-e-khatt guzaara jhat patt

Pas-e-dewaar us ne meri awaaz sunni
Wahin dar'baano ko ghabraa kay pukaara jhat patt 

Khushiyon ki aarzoo main muqaddar bhi so gaye

Khushiyon ki aarzoo main muqaddar bhi so gaye
Aandhi chali kuch aisi keh apnay hi kho gaye

Kiya khoob tha un ka yeh andaaz-e-mohabbat
Pyaar denay aaye thay palkein bhigo gaye

Woh manzalein bhi kho gayein woh raastay bhi kho gaye
Jo aashna se log thay woh ajnabi se ho gaye

Na chaand tha na chaandni ajeeb thi woh roshni
Chraagh thay keh bujh gaye naseeb thay keh so gaye

YEh poochtay hain raastay, rukay ho kis kay wastay
Chalo tum bhi ab chalo woh meharbaan to kho gaye

Mat maang meri zindagi ki dua yeh jaan kisi kaam ki nahin

Mat maang meri zindagi ki dua yeh jaan kisi kaam ki nahin

MAin to woh shakhs hoon jis kay marnay ki log dua sar-e-aam kartay hain

Mujhay yaqeen hai Aaraish-e-jamaal kay baad

Mujhay yaqeen hai Aaraish-e-jamaal kay baad

Aaina teray haath se gir kay toot gya ho ga

Yeh samandar hai kinaaray hi kinaaray jaao

Yeh samandar hai kinaaray hi kinaaray jaao
Ishq her shakhs kay bas ka nahin hai piyaaray jaao

Youn to maqtal main tamashaai bhout aatay hain
Aao us waqat keh jis waqat pukaaray jaao

Dil ki baazi lagaai phir jaan ki baazi lag jaye
Ishq main haar kay baitho nahin haaray jaao

Kaam ban jaye agar zulf junoon ban jaye
Is liye us ko sanwaro keh sanwaaray jaao

Koi raasta koi manzil ussay dushwaar nahin
Jis jaga jaao mohabbat kay saharay jaao

Hum to matti se ug'gaaein gay mohabbat kay gulaab
Tum agar tornay jaatay ho sitaaray jaao

Doobna ho ga agar doobna taqdeer main hai
Chaaye kashti pe raho chaheye kinaaray jaao

Tum hi socho bhala yeh shouq koi shouq hua

Her shaam chraghon ki tarah jalti hein aankhein

Her shaam chraghon ki tarah jalti hein aankhein

Kiya koi chala jaye to youn hota hai

Tu hai harjaai to apna bhi yahi tour sahi

Tu hai harjaai to apna bhi yahi tour sahi

Tu nahin toaur sahi , aur nahin aur sahi

Barbaad kar diya dono ki laraai ne mujhay

Barbaad kar diya dono ki laraai ne mujhay

Na ishq haar maanta hai , na dil shakist ka aadi hai

Sakhat dil gustaakh nazar , aur zaalim lehja

Sakhat dil gustaakh nazar , aur zaalim lehja

Dour-e-changaiz ki lagti hai mehbooba meri

Talkh itni thi keh peenay se zubaan jalti thi

Talkh itni thi keh peenay se zubaan jalti thi

Zindagi aankh kay paani main mila li main ne

Hum thay tumharay saath koi teesra na tha

Hum thay tumharay saath koi teesra na tha
Aisa haseen din kahin dekha sunna na tha

Aankhon main us ki tair rahay thay haya kay rang
PAlkein utha kay meri taraf dekha na tha

Us kay to ang ang main jalnay lagay diye
Jaadu hai meray haath main mujh ko pata na tha

Us kay badan ki la'o se thi kamray main roshni
Khirrki main chaand , taaq main koi diya na tha

Roya kuch is tarah meray shaanay se lag kay woh
Aisay laga keh jaisay kabhi be'wafa na tha

HAi ishq aik rog mohabbat azaab hai
Ik roz yeh khraab karein gay kaha na tha

Ae dil wahan pe had koi rehti bhi kis tarah
Ruknay ko keh raha tha magar rokta na tha

Main jab bhi yaad ki shammain jala kay rakhta hoon

Main jab bhi yaad ki shammain jala kay rakhta hoon
Yeh meri zid hai keh samnay hawa kay rakhta hoon

Main toot sakta hoon lakin main jhuk nahin sakta
Shakista zaat main pehlu ana ka rakhta hoon

Woh baad'baan hai agar kashti-e-mohabbat ka
Main baad'baan se rishtay hawa kay rakhta hoon

Tumharay khat main mehaktay gulaab ki maanind
Woh aur khiltay hain , jitna chupa kay rakhta hoon

Main jaanta hoon keh aana nahin kisi ne
Magar main darwaazy pe nazrein jamaa kay rakhta hoon

Zara sa jhoot hi keh do

Zara sa jhoot hi keh do

Keh meray bin adhooray ho

Ruk gayi zindgaani bas ik mor par bikhartay rahay

Ruk gayi zindgaani bas ik mor par bikhartay rahay
Teray bin youn hi mousam guzartay rahay

Dil kay aangan main roti rahein hasratein
Aankh zinda rahi , khwaab martay rahay

JAb talak tu meri simat chalta raha
Pooch kar mujh se suraj nikalta rahay

Teray lehjay ki khushboo main bheegay huwey
Chaand taaray meray ghar utar'tay rahay

Aankh main chahaton kay samandarliye
Kitni jaldi tum mujh se bigartay rahay

Tujhay kiya khabar hai keh ae humdam hum
Lamha lamha teray baad martay rahay

Un ko bhulaana bhi chahein magar bhula na sakay
Yaadein to mitaana chah rahay , magar dil-e-nadaan na mitaatay rahay

Raah-e-junoon pe chal paray , jeena mohaal kar liya

Raah-e-junoon pe chal paray , jeena mohaal kar liya
Hum ne talaash-e-yaar main khud ko nidhaal kar liya

Kaisay woh din thay pyaar kay, khud pe bara yaqeen tha
PAl main judaai daal di pal main wisaal kar liya

Jeetay rahay wisaal main , Martay rahay firaaq main
Yeh bhi kamaal kar liya , woh bhi kamaal kar liya

Apni bhi kuch khabar nahin , dil ki bhi kuch khabar nahin
Hum ne tumharay hijar main kaisa yeh haal kar liya 

Roz taaron ki numaish main khalal parta hai

Roz taaron ki numaish main khalal parta hai
Chaand pagal hai andheray main nikal parta hai

Aik dewaana musafir hai meri aankhon main
Waqat-be-waqat teharta hai chal parta hai

Apni tabeer kay chakar main mera jaagta khwaab
Roz suraj ki tarah ghar se nikal parta hai

Roz pathar ki himayat main ghazal likhtay hain
Roz sheeshon se koi kaam nikal parta hai

Us ki yaad aayi hai dharkan zara aahista chalo
Dil ki dhak dhak se tasawur main khalal parta hai

Himmat-e-iltaja nahin baaqi , Zabt ka hosla nahin baaqi

Himmat-e-iltaja nahin baaqi
Zabt ka hosla nahin baaqi

Ik teri deed chin gayi mujh se
Warna duniya main kiya nahin baaqi

Apni mashq-e-sitam se haath na khainch
MAin nahin ya wafa nahin baaqi

Teri chasham-e-alam'nawazi ki khair
Dil main koi gila nahin baaqi

Ho chuka khatam ehad-e-hijar-o-wasaal
Zindagi main maza nahin baaqi

Wohi rat'jagay puraanay , wohi dukh bhari kahani

Wohi rat'jagay puraanay , wohi dukh bhari kahani
Meray aanso'on main shamil , meri dastaan puraani

Meri inkisaariyon par, Tera tund-o-tez lehja
Wohi meri jee hazoori , wohi teri hukam'raani

Teri be'niaziyaan hain , meri zindagi ka haasil
Meri shairy main shamil , meray zabat ki kahani

Wohi hijar ka samandar , wohi aankh main udaasi
Wohi sardiyon ki shaamein, wohi dard ki nishaani

Teray husan ki nazar se , ab main utar gaya hoon
Mujhay khud bhi chubh raha hai, meray aanso'on ka paani 

Kisi ki yaad ko dil main basa kar roye

Kisi ki yaad ko dil main basa kar roye
Kisi ki tasveer seenay se laga kar roye

Jo wada kiya tha hum ne kisi se
Hum us waday ko nibha kar roye

Jis shakhs ko hamari zaroorat nahin thi
Hum us ko apni aarzoo bana kar roye

Jis ne hamein apnay qadmon talay bhi jaga na di
Hum ussay apni palkon pe bitha kar roye

Jo samjh na saka hamari dil'lagi
Hum us se dil laga kar roye

Tha koi jo meray dil ko zakham dy gaya

Tha koi jo meray dil ko zakham dy gaya
Zindagi bhar jeenay ki qasam dy gaya

Laakhon phoolon main se ek phool chuna tha main ne
Jo kaanton se bhi gehray zakham dy gaya

Zaroor us main koi bhool ho gayi ho gi

Zaroor us main koi bhool ho gayi ho gi

Mera naseeb kahan hai keh yaad aayon tujhay

Kuch nahin milta jitni marzi wafa kar lo kisi se

Kuch nahin milta jitni marzi wafa kar lo kisi se

Jab waqat wafa na karay to wafa'daar bhi be'wafa ho jaatay hain

Hawa se mil kar chunri kaa'hay mujh ko sataye

Hawa se mil kar chunri kaa'hay mujh ko sataye
Sajni, urr urr kar tujh ko yeh kuch samjhaye

Rang hatheli par mehandi ka kaisa lagay
Lagta hai ik shola sa us par lehraye

Honton ki yeh laali aakhir kiya kehti hai
Sajni geet milan ka koi tu bhi gaaye

Bolo maathy ki yeh bindiya kiyon chairay hai
Yeh chahti hai tu sajan ka saath nibhaye

Kaan ka jhumka holay holay kiya kehta hai
Tera sajjna shaher se tujh ko lenay aaye

Kis kay liye hai bolo na , chori ki kahan kahan
Jis kay shaano par tu zulfon ko lehraye

Aanchal kiyon be'taab hai ghoonghat ban jaanay ko
Gori us ko khwaab kis ne hain dikhlaye

Kiyon takta hai chanda badli se chup chup kar
Teray roop sunehray se chanda sharmaaye

Suna hai aaj bik raha hai ishq bazaar main logo

Suna hai aaj bik raha hai ishq bazaar main logo

Jaao us ishq faroosh se poocho wafa bhi saath detay ho

Bhout takleef deti hain , teri yaadein , teray qissay , teri baatein

Bhout takleef deti hain , teri yaadein , teray qissay , teri baatein

Faqat itna hi kehna hai , keh loat aao to acha hai

Taqseem ho rahi thein khuda ki niamatein

Taqseem ho rahi thein khuda ki niamatein

Ek ishq baich gaya so meray naam likh diya

Ae saaqi aashiqi ko kahan tak nibhaon main

Ae saaqi aashiqi ko kahan tak nibhaon main

Kis be'wafa kay saath mera naam likh diya

Ussay kehna juft aur taaq ka hum se nahin wasta koi

Ussay kehna juft aur taaq ka hum se nahin wasta koi

Hamein to jab bhi lagi , zarb lagi aur taqseem huwey

Gham se be'gana bana deti hai chahat us ki

Gham se be'gana bana deti hai chahat us ki
MAin bhala kaisay bhula doon yeh inayat us ki

MAin kabhi khud se juda us ko na kar paaon
Meri ik umar ka haasil hai mohabbat us ki

Koi jaa kar to zara itna bata dy us ko
Mujh ko us se bhi ziyada hai zaroorat us ki

Jaam jaam peenay se kiya faida

Jaam jaam peenay se kiya faida
Shaam ko pee subha utar jaye gi

Do boond mohabbat kay pee lay
Zindagi saari nashay main guzar jaye gi

Kisi ne dil ko tor diya hai Tanha kar kay chor diya hai

Kisi ne dil ko tor diya hai
Tanha kar kay chor diya hai

Shaakh pe nazuk phool khila tha
Tez hawa ne tor diya hai

Meri jaanib aatay aatay
Kisi ne tujh ko mor diya hai

Jis ko jitna toot kay chaha
Us ne utna tor diya hai

MAin bhi sochon tum bhi socho
Kis ne kis ko chor diya hai

Koi nazar bhi uthaye teri taraf to dil dharak jaata hai

Koi nazar bhi uthaye teri taraf to dil dharak jaata hai

Na janay kiyon aisa lagta hai keh koi cheen kar lay jaye ga tujhay mujh se

Kamray se baahir ka manzar baadil, baarish aur hawa

Kamray se baahir ka manzar baadil, baarish aur hawa

Kamray kay andar ka manzar aankhein, Aansoo aur dua

Ussay keh do keh ab mujhay yaad karna chor dy

Ussay keh do keh ab mujhay yaad karna chor dy

Kahin yeh cheenkain mujhay pagal na kar dain

Tujh ko kis phool ki nishaani detay Dost

Tujh ko kis phool ki nishaani detay Dost

Tu juda hi aisay mousam main hua jab darakhton kay bhi haath khaali thay

Jee to chahta hai jala doon be'wafaon kay gharon ko

Jee to chahta hai jala doon be'wafaon kay gharon ko

Afsoos un gharon main us ka bhi ghar aata hai

MAin ne mout ko dekha to nahin Par shayed bhout khoobsurat ho gi

MAin ne mout ko dekha to nahin Par shayed bhout khoobsurat ho gi

Kambakhat jo bhi us se milta hai jeena hi chor deta hai

Janoon-e-jawani main lal'kaara tha ishq ko

Janoon-e-jawani main lal'kaara tha ishq ko

Haath jor kar kharra hoon jaan bakhshi kay liye

NAhin maloom mujhay tujh se mohabbat hai keh chahat

NAhin maloom mujhay tujh se mohabbat hai keh chahat

Din-ba-din teri yaad main toot'ta bikharta jaa raha hoon

Ishq ne paighaam bhaiga hai

Ishq ne paighaam bhaiga hai

Koi hai jo reh gaya ho barbaad honay se

MAin paa saka na bhula saka , na dil ki baat bata saka

MAin paa saka na bhula saka ,
na dil ki baat bata saka

Woh hansi hansi main hi chala gaya
Keh main haath tak na hila saka

Youn hi sochta raha main door tak
magar us ko kuch na bata saka

Yeh maqaam hi tha ajeeb sa
Keh main khud ko bhi na bacha saka

Woh juda huwa to kuch is tarah
Koi rasam tak na nibha saka

Ussay jana tha woh chala gaya
Ussay aaj tak main na bhula saka

MAin jo main tha , main wohi hoon

MAin jo main tha , main wohi hoon

Woh jo woh tha , woh badal gaya

Hum apni shaam ko jab nazar-e-jaam kartay hain

Hum apni shaam ko jab nazar-e-jaam kartay hain 

Adab se hum ko sitaray salaam kartay hain

Galay lagatay hain dushman ko bhi saroor main hum 

Bhout buray hain magar naik kaam kartay hain 

Sajaayen kiyon na issay yeh saraaye hai dil ki 

Yahan haseen musafir qayaam kartay hain 

HAyat baich di thoray se pyaar kay badlay 

Yeh karo'baar bhi teray ghulaam kartay hain 

Hamain bhi ek nazar  se nawaz de saqi 

Hum apnay hosh-o-khird teray naam kartay hain 

Qateel kitnay sukhan saaz hain yeh sanaatay 

Sakoot-e-shab main jo hum se kalaam kartay hain

Us ki kaali aankhon main hain yeh antar mantar sab

Us ki kaali aankhon main hain yeh antar mantar sab 

Chaaku waaku 

Churiyaan wuriyaan 

Khanjar wanjar sab 

Jis din se tum roothay mujh se , yeh bhi rootay roothay hain 

Chaadar waadar 

Takiya wakiya 

Bistar wistar sab 

Aakhir main kis din doobon ga , fikar main dooba rehta hoon 

Yeh dariya wariya 

KAshti washti 

Langar wangar sab 

Dukh kay chaman kay baasi hain yeh , dard kay shaher kay baani sab 

Yeh mohsin wohsin 

Ghalib shalib 

Sagar wagar sab 

Dil jo toota to nigahon ne bahaye aansoo

Dil jo toota to nigahon ne bahaye aansoo 

Qatra qatra meri palkon ne giraye aansoo 

Tishna lab is ne mera naam liya hai jab bhi 

Jaam bhar bhar kay mujhay is ne pilaye aansoo 

JAhan kuch bholi wafaon kay nishaan baaqi hain 

Hum ne un raahon pe ruk ruk kay bahaye aansoo 

Dard ka bojh zara kam to hua hai mera 

Surat-e-shair jo lafzon main sajaye aansoo 

MAin nahin dekh saka dard kisi ka 

Meri aankhon main to aaye hain paraye aansoo

Kis qadar ehtamam kartay ho

Kis qadar ehtamam kartay ho 

Dil dukhaana sawaab ho jaisay

Meri soch kay tehray pani main

Meri soch kay tehray pani main 

Teray nain kanwal jab hanstay hain 

Meray dhyaan kay uljhay aangan main 

JAb subha sitaaray chunti hain 

Jab shaam koi sur bunti hai 

Main sochta hoon in raaston main 

Hum kitni dair kay baad milay 

JAb kitnay mousam beet gaye 

Is karb kathor musafat main 

Dil sadiun chakna choor hua 

Is hijar kay taptay sehra main 

Kya ghazlein thein jo raakh hui 

Kya neendain thein jo khaak hui

Hum kitni dair kay baad milay 

Kiyon itni dair kay baad milay 

Ussay main kiyon bataon main ne us ko kitna chaha hai

Ussay main kiyon bataon main ne us ko kitna chaha hai

Bataya jhoot jaata hai

Keh sachi baat ki khushboo to

Khud mehsoos hoti hai

Meri baatein meri sochein

Ussay khud jaan janay do

Abhi kuch din

Mujhay meri mohabbat azmaanay do

Agar woh ishq kay ehsaas ko pehchaan na paye

Mujhay bhi jaan na paye

To phir aisa karo ae dil

Khud gum'naam ho jaao

Magar us be'khabar ko zindagi bhar muskuranay do

Abhi kuch din mujhay meri mohabbat azmanay do ...?

Ojhal sahi nigah se , dooba nahin hoon main

Ojhal sahi nigah se , dooba nahin hoon main

Ae raat khabardaar keh haara nahin hoon main

Dar'paish subh-o-shaam yahi kash'makash hai ab

US ka bano main kaisay keh apna nahin hoon main

Mujh ko farishta honay ka dawa nahin magar

Jitna bura samjhtay ho , utna nahin hoon main

IS tarah phair phiar kay baatain na keejiye

Lehjay ka rujh samjhta hoon bacha nahin hoon main

Mumkin nahin hai mujh se yeh tarz-e-munafqat

Duniya teray mizaaj ka banda nahin hoon main

Ghazab tha aaj gulshan main yeh hasrat khaiz nazara

Ghazab tha aaj gulshan main yeh hasrat khaiz nazara 

Idhar bulbul ka dam toota , udhar fasal-e-bahaar aayi

Haath main haath un ka youn aaya

Haath main haath un ka youn aaya 

Zindagi haath lag gayi jaisay

Ek tasveer jo kamray main lagai hui hai

Ek tasveer jo kamray main lagai hui hai 

Ghar ki tooti hui dewaar chupai hui hai 

Dhol ka shor qayamat hai keh teri baraat 

Doosray gaa'on se is gaa'on main ayi hui hai 

Aankh pe sheesha lagaya hai keh mehfooz rahay 

Teri tasveer jo paani main banai hui hai 

Takhat aur taaj to paa'on main paray rehtay hain 

Woh gadai teray darwaish ne pai hui hai 

Qabar par deep na rakh naam ka kutba na laga 

Hum ne mushkil se yeh tanhai kamai hai

Kitab-e-ishq likhnay ki mujhay fursat nahin

Kitab-e-ishq likhnay ki mujhay fursat nahin 

Abhi tak be'wafai par meri tehqeeq jaari hai

Dil-e-masoom pe teray qaatlaana hamlay

Dil-e-masoom pe teray qaatlaana hamlay 

Apnay naino se kaho zara tameez se

Bana kar dil ka wazir mujhay

Bana kar dil ka wazir mujhay 

Torr daali Asembliyan tu ne

Jab bhi miltay ho muskuraatay ho

Jab bhi miltay ho muskuraatay ho 

Itni khushiyan kon deta hai

Meri mohabbtein bhi ajeed thein

Meri mohabbtein bhi ajeed thein 

Mera faiz bhi tha kamaal par 

Kabhi sab kuch mila bina talab 

Kabhi kuch na mila sawaal par

Doob kar suraj ne mujhay aur bhi tanha kar diya

Doob kar suraj ne mujhay aur bhi tanha kar diya 

Mera saaya bhi chup gaya meray apno ki tarah

Aankh se lahoo na bahaya kar

Aankh se lahoo na bahaya kar 

Ae dil ussay kabhi to bhool jaya kar 

Dekhna woh ik din tujhay chor jaye ga 

Na tu ussay itna sataaya kar

Itna Aetabaar bhi acha nahin hota 

Ussay her ik baat na bataya kar 

Shiddat-e-gham se seena phat jaye ga 

Aankh se kuch aansoo bahaya kar   

Us jaisa tujhay kahin mil nahin sakta 
Hazaar baar roothay hazaar baar manaya kar 

Bas ik baar dard-e-dil ko khatam kar do Ae tabeeb

Bas ik baar dard-e-dil ko khatam kar do Ae tabeeb 

Wada kartay hain phir kabhi pyaar nahin karain gay

Jalta huwa diya dekh kar khush honay ki aadat thi us ki

Jalta huwa diya dekh kar khush honay ki aadat thi us ki 

Bas us ko khush dekhnay kay liye hum ne khud ko aag laga di

Bhout umeed rakhna aur phir be'aas hona bhi

Bhout umeed rakhna aur phir be'aas hona bhi 

Bashar ko maar deta hai bhout hasaas hona bhi 

Sunno ik kaan se aur doosray se phaink do baahir 

Bhout takleef-de hai sahib-e-ehsaas hona bhi 

Youn hi to abr-e-rehmat ki talab karta nahin koi 

Zaroori hai muqaddar main zara si pyaas hona bhi 

Bhout se qalb ruk jaatay hain khushiyon ki khabar paa kar 

Hamein to khoob jajta hai ghamon ka raas hona bhi

Bikhri taman'nao ka gham hai aur kuch bhi nahin

Bikhri taman'nao ka gham hai aur kuch bhi nahin 

Meri udaasi hi mera hum dam hai aur kuch bhi nahin 

Pathar numa shakhs ko ek phool ki maanind samjha 

Meri ek yeh hi khoobi kam hai aur kuch bhi nahin 

Log kehtay hain keh main taras shanas hoon 

Han yeh dil hi thora narm hai aur kuch bhi nahin 

Karri dhoop main jal jal kay mujhay manzil phir na mili 

Aur paaon main meray zakham hain aur kuch bhi nahin 

Main is dil ko cheer kay tujhay kiya dikhaon Ae jan-e-ghazal

Bas ek bara hi bewafa sanam hai aur kuch bhi nahin

Chashm-e-num teri rawaani se alag rehta hoon

Chashm-e-num teri rawaani se alag rehta hoon

Aag hi aag hoon pani se alag rehta hoon

Gumshuda hoon dhoond mat meray naam-o-nishaan

Main to her yaad dehani se alag rehta hoon 

Tu meray tazkara-e-ishq main kiyon rehta hai 

Main to khud apni kahaani se alag rehta hoon 

Phool se tark-e-taaluq ko zamana guzra

Ab to main teri her nishaani se alag rehta hoon 

Aik shakhs se mila hai mujhay sab dhoka-o-faraib 

Main ab aalam-e-faani se alag rehta hoon

Jab waqat aaya to woh bik chuka tha

Jab waqat aaya to woh bik chuka tha 

Mujh ko ameer honay main zara dair ho gayi

Ae dil qarz chukaanay hain umar bhar kay mujhay

Kabhi bhula kay kabhi yaad kar kay ussay 

Ae dil qarz chukaanay hain umar bhar kay mujhay 

Abhi to manzil-e-jana se koson door hoon main 

Abhi to raastay hain yaad apnay ghar kay mujhay 

Jo likhta phirta hai dewaar-o-dar pe naam mera 

Bakhair na dy kahin harf harf kar kay mujhya 

Mohabbaton ki bulandi pe hai yaqeen to koi 

Galay lagaya meray miyaar par utaar kay mujhay 

Chraagh ban kay jala jis kay wastay ik umar 

Chala gaya woh hawa kay sapurd kar kay mujhay

Kabhi bhula kay kabhi yaad kar kay ussay

Kabhi bhula kay kabhi yaad kar kay ussay 

Ae dil qarz chukaanay hain umar bhar kay mujhay 

Abhi to manzil-e-jana se koson door hoon main 

Abhi to raastay hain yaad apnay ghar kay mujhay 

Jo likhta phirta hai dewaar-o-dar pe naam mera 

Bakhair na dy kahin harf harf kar kay mujhya 

Mohabbaton ki bulandi pe hai yaqeen to koi 

Galay lagaya meray miyaar par utaar kay mujhay 

Chraagh ban kay jala jis kay wastay ik umar 

Chala gaya woh hawa kay sapurd kar kay mujhay

Mousam-e-wisaal guzar gaya to khayal ban kar mila karain gay

Mousam-e-wisaal guzar gaya to khayal ban kar mila karain gay 

Bichar gaye to hum ik maah-o-saal ban kar mila karain gay 

Kitab-e-ehad-o-wafa kay ik ik warq pe apni khabar milay gi 

Hum ehal-e-ulfat mohabbaton ki misaal ban kar mila karain gay 

Hazaar lamhon ki ho musaafat dilon ki dharkan sunaai dy gi 

Guzartay lamhon ki her sadaa main dhamaal ban kar mila karein gay 

Abhi to lamhon ki dooriyon par bhatak rahay hain magar kabhi hum 

Falak ki gardish main aa gaye to hilaal ban kar mila karein gay 

 

Aankhon se nikaltay huye ashkon ko sambhalo

Aankhon se nikaltay huye ashkon ko sambhalo 

Behtay huye paani pe safar kon karay ga

Kati hai gham ki raat baray ehtaraam se

Kati hai gham ki raat baray ehtaraam se

Aksar bhujha liya hai chraghon ko shaam se 

Roshan hai apni bazam aur is ehtraam se

Kuch dil bhi jal rahay hain chraghon kay naam se 

Muddat hui hai khoon-e-tamana kiye magar

Hum khailtay rahay kisi zulfon ki shaam se 

Her saans par hai mout ka pehraa laga hua 

Aahista ae hayaat guzar is maqaam se 

Kaati tamaam umar faraib-e-bahaar main 

Kaantay samit'tay rahay pholon kay naam se 

Yeh aur baat hai keh hum na sun sakay 

Awaaz us ne di hai hamein her maqaam se 

Tujhay chor bhi nahin saktay , teray ho bhi nahin saktay

Tujhay chor bhi nahin saktay , teray ho bhi nahin saktay 

Yeh kaisi be,basi hai aaj hum ro bhi nahin saktay 

Yeh kaisa dard hai pal pal hamain tarpaye rakhta hai 

Tumhari yaad aati hai to phir so bhi nahin saktay 

Chupa saktay hain aur na hum dikha saktay hain logon ko 

Kuch aisay daagh hain dil par jo hum dho bhi nahin saktay 

KAha tha chor dain gay yeh nagar , phir ruk gaye lakin 

Tumhain paa to nahin saktay magar kho bhi nahin saktay

Tum bhool jaao gay pal bhar main kabhi socha na tha

Tum bhool jaao gay pal bhar main kabhi socha na tha 

Agar hota maloom to tumharay qareeb aanay ka tasawur bhi na kartay

Woh to pani kay qatray hain jo aankhon se beh jatay hain

Woh to pani kay qatray hain jo aankhon se beh jatay hain 

Ansoo to woh hotay hain jo dard ban kay aankhon main hi reh jatay hain

Ek teri khamoshi jala deti hai dil ko

Ek teri khamoshi jala deti hai dil ko 

Baqi sab hi baatein achi hein teri tasveer main

Ho saza-e-mout to kiya lamha ho ga woh

Ho saza-e-mout to kiya lamha ho ga woh 

Keh hum qazi se aakhri khwaish teri mulaqaat mangein

Woh jo roop zair-e-niqaab tha

Woh jo roop zair-e-niqaab tha 

Ussay dekhna mera khwaab tha 

Jo mila tha hijar ki shakal main 

Meri chahaton ka azaab tha 

Yeh sawal tha keh mila karo 

Na mila karo yeh jawaab tha 

Jissay dekh kar main tarap utha 

Teri aankh main woh hijaab tha 

Teray paas thi meri tishnagi 

Meray paas jam-e-shrab tha 

Tera pyaar tha meri shairy 

Tera ishq meri kitaab tha 

Woh jo roop zair-e-niqaab tha 

Ussay dekhna mera khwaab tha

Us kay dil main jaga maangi thi musafir ki tarah

Us kay dil main jaga maangi thi musafir ki tarah 

Us ne tanhaiyon ka ek sehraa meray naam kar diya

Bhout juda hai auron se meray dard ki kefiyat

Bhout juda hai auron se meray dard ki kefiyat 

Zakham ka koi nishaan nahin , aur takleef ki koi intihaa nahin

Mousam-e-karb-e-intizaar bhi jhoot

Mousam-e-karb-e-intizaar bhi jhoot 

Dil na manay to wisaal-e-yaar bhi jhoot 

Ay mout teri talab bhi lghzish-e-lab

Ay zindagi tera aaitabar bhi jhoot

Meri taqdeer se pooch meri qismat ka faisala

Meri taqdeer se pooch meri qismat ka faisala 

Meri muskurahat pe na ja mera dard talaash kar 

Aankhon se pooch meray intizaar ki had 

Itminaan pe na jaa meray sabar ko talaash kar 

Meray doston se pooch meri dosti ka aalam 

Surat pe na jaa meri seerat talaash kar 

Jo mil jayein tum ko meri baaton kay jawaab 

To phir tu zara sa kaam kar 

Mujhay aas paas na dekh mujhay khud main talaash kar

Mana keh bhout qeemti hai waqat tera

Mana keh bhout qeemti hai waqat tera 

Magar hum bhi nayaab hain baar baar nahin miltay

Meri zindagi mujhay bata bhool kar tujhay kiya mila

Meri zindagi mujhay bata bhool kar tujhay kiya mila 

KAhan doob gayi kashti meri wafa ki 

Kiyon meri chahaton ko kinara na mila 

Mohabbat main hum bhi thay wafa daar dost

Par hamein aaj tak koi sahara na mila 

Jis shakhs ko bhi paanay ki tamana ki hum ne 

Woh hi shakhs phir hum ko dobara na mila 

Meri zindagi mujhay bata mujhay bhool kar tujhay kiya mila

Teri yadon ki rawani aur yeh january

Teri yadon ki rawani

aur yeh january

Meri batain , teri kahani 

aur yeh january

Mera hath , tera sath , lambi sarak

aur yeh january

Gum sum shamein , sunehri ratein

aur yeh january

Behti nadi gatay panchi , urti dhund

aur yeh january

Coffe ' bistar , teri mohabbat

aur yeh january

Tanha mann , tanha chaand , mera kamra

aur yeh january

Meri aankhain , meri neend , meray khwaab 

aur yeh january

Raiza-e-kaanch ki surat main bikhar jaati hoon

Raiza-e-kaanch ki surat main bikhar jaati hoon 

Main teri yaad main jab had se guzar jaati hoon 

Ab guraizan hai woh milnay se jo kehta tha kabhi 

Tum se miltay hi main aur nikhar jaati hoon 

Roz khati hoon tujhay yaad na karnay ki qasam 

Roz wadon se main apnay hi mukar jaati hoon 

Mujh ko tamasha bana diya hai mohabbat ne teri 

Log kastay hain awazein main jidher jaati hoon 

Her gham pe chaya hai mohabbat ka dhoka 

Ab koi pyaar se bolta hai to dar jaati hoon

Yaadon main teri her baat rahay gi

Yaadon main teri her baat rahay gi 

Zindagi teri mohabbat se abaad rahay gi 

Chahaye bhula dein zamanay ko hum 

Teri yeh piyari si dosti hamesha yaad rahay gi

Duniya main phir milein gay agar aankhein khulein to

Duniya main phir milein gay agar aankhein khulein to 

Yeh raat agar aakhri hai to alwida hamesha kay liye

Yaadein ,Zindagi main bhout se log aatay hain

Yaadein 

Zindagi main bhout se log aatay hain 

Kuch apnay kuch beganay 

Kuch jaan se pyaaray lagtay hain 

Jin kay bin jeena bhi dushwaar hota hai 

Jin kay bin her kushi adhoori hoti hai 

Lakin aik din sab chor jaatay ahin 

Kuch jaan boojh kar bhool jaatay hain 

Kuch kisi baat pe naraz ho jatay hain 

Aur 

Kuch khamoshi se hi naatay tor jaatay hain 

Yeh sab wapis loat kar ro nahin aatay 

Lakin reh jaati hain to un ki sirf "yaadain"

Apni to zindagi ki ajeeb kahani hai

Apni to zindagi ki ajeeb kahani hai 

Jis cheez ko chaha woh hi be'gaani hai

Hanstay hain duniya ko hansanay kay liye warna 

Duniya doob jaye in aankhon main itna paani hai 

Suno tum bhout yaad aatay ho

Suno tum bhout yaad aatay ho 

Dil main bas kay dharkan ban jaatay ho 

Suno zara yeh baarish to dekho 

Tum paani ban kar aksar in aankhon main 

Kiyon utar aatay ho 

Yeh dekho yeh faaslay kaisay 

Jo kabhi mitt nahin paatay 

Tum door ho lakin aksar paas rehtay ho 

Suno tum bhout yaad aatay ho 

Haan bhout yaad aatay ho

Khwaishein be'lagaam mat karna

Khwaishein be'lagaam mat karna 

Rizq apna haram mat karna 

Be'wafa kay qareeb mat jaana 

Bad'zubaan se kalaam mat karna 

Doston ko khaloos se milna 

Gharz rakh kay salaam mat karna 

Dekhna kabhi ishq main apni 

Zindagi ghulaam mat karna 

Toot jayein taluqaat agar 

Raaz ki baat aam mat karna 

Kisi kay dil main rehna to umar bhar rehna 

Aik do din qayaam mat karna

In faaslon ki fikar main kiyon karon bhala

In faaslon ki fikar main kiyon karon bhala 

Bhout door reh kar bhi meray paas hai koi 

Is soch main dooba hai bhout dair se mera dil 

Kiya us kay dil main bhi aisa ehsaas hai koi 

Us ki nazron se hai bana meri saanson ka ta'salsul

Is tarah meri zindagi ki aas hai koi 

Us ka jo poochna hai to bas itna hi jaan lo 

Bhout khaas, Bhout khaas, Bhout khaas hai koi 

Abhi jo jaa rahay ho to yeh bhi ussay kehna 

Us kay bina is shaher main bhout udaas hai koi 

Chalo choro janay do in tootay dil ki aahon ko

Chalo choro janay do in tootay dil ki aahon ko 

Agar kisi ko ehsaas hota to hum bikhartay hi kiyon

Na thukraa meri mohabbat mujhay ghareeb samjh kar

Na thukraa meri mohabbat mujhay ghareeb samjh kar 

Yeh doulat walay kharidaar to hotay hain magar wafa'dar nahin

Rahay ga yeh gila taqdeer se hamesha

Rahay ga yeh gila taqdeer se hamesha 

Keh jis ko umar bhar chah ussi ko umar bhar tarsay

Zindagi tu hi bata kaisay tujhay pyaar karoon

Zindagi tu hi bata kaisay tujhay pyaar karoon 

Teri her saans meri umat ghata deti hai

Us ko jana tha woh chala gaya

Us ko jana tha woh chala gaya 

Hum ko khona tha hum ne kho diya 

Farq to sirf itna tha 

Us ne zindagi ka ik pal khoya 

Hum ne ek pal main poori zindagi kho di

Neend se kiya shikwa karon main saaqi

Neend se kiya shikwa karon main saaqi 

Qasoor to us chehray ka hai jo mujhay sonay nahin deta

Na janay kiyon aaj bhout udaas hai hamara dil faraz

Na janay kiyon aaj bhout udaas hai hamara dil faraz 

Lagta hai hamein bhool janay ka iraada hai kisi ka

Wafa ki talaash to aksar be'wafaon ko hoti hai

Wafa ki talaash to aksar be'wafaon ko hoti hai 

Hum ne to duniya hi chor di kisi ki wafa kay liye

Mujhay bhi sikha do bhool janay ka hunar

Mujhay bhi sikha do bhool janay ka hunar 

Mujh se raaton ko uth uth kar roya nahin jata

Qatra-e-shabnam ki tarah urrh jayein gay gul se

Qatra-e-shabnam ki tarah urrh jayein gay gul se 

Ek yaad si reh jaye gi gulshan main hamari

So jaao ab aur kitna ussay yaad kar kay jaago gay ay dil

So jaao ab aur kitna ussay yaad kar kay jaago gay ay dil 

Ussay kiya pata keh us kay liye bhi koi raat bhar jaagta hai

Zindagi ki raahon main hum ne shaam kar di

Zindagi ki raahon main hum ne shaam kar di 

Dil ki her gali teray naam kar di 

Itna bhi na socha kaisay katay gi zindagi 

Bas bina sochay her shaam teray naam kar di

Toot jayein to mukamal nahin honay deti

Toot jayein to mukamal nahin honay deti 

Janay is neend ko khawabon se adawat kiyon hai

Hum ko kuch yaadein satati hain shab-o-roz warna

Hum ko kuch yaadein satati hain shab-o-roz warna

Hum bhi tumhari tarah pur'sakoon so jaatay

Best combination of Faraz , Iqbal and Ghalib

Best combination of Faraz , Iqbal and Ghalib

Ghalib

Zahid sharab peenay dy masjid main baith kar 

Ya woh jaga bata jahan khuda nahin 

Iqbal

Masjid khuda ka ghar hai peenay ki jaga nahin 

Kaafar kay dil main jaa wahan khuda nahin 

Faraz

Kaafir kay dil se aaya hoon main yeh dekh kar 

Khuda mojood hai wahan , ussay pata nahin

Mujh main be'lous mohabbat kay siwa kuch bhi nahin

Mujh main be'lous mohabbat kay siwa kuch bhi nahin 

Tum agar chaho to meri saanson ki talaashi lay lo

Zindagi youn bhi bhout kam hai mohabbat kay liye

Zindagi youn bhi bhout kam hai mohabbat kay liye 

Phir rooth kar waqat ganwanay ki kiya zaroorat hai

Kaash keh tujhay waqat kay sehraa main lagay piyaas

Kaash keh tujhay waqat kay sehraa main lagay piyaas 

Aur tu tarap kay maangay mujhay paani ki tarah

Jalway to be'pannah thay is kainaat main

Jalway to be'pannah thay is kainaat main 

Yeh aur baat hai keh nazar tum pe ruk gayi

Toot jaye gi teri zid ki aadat us waqat ay dost

Toot jaye gi teri zid ki aadat us waqat ay dost 

Jab milay gi khabar tujh ko keh yaad karnay walay yeh jahan chor gaye

Laa teray pairon main marham laga doon

Laa teray pairon main marham laga doon 

Thokar maar kay meray dil ko tujhay chot to lagi ho gi

Hamaray saath beetay lamhon ki yaadein sambhaal kay rakhna

Hamaray saath beetay lamhon ki yaadein sambhaal kay rakhna 

Phir hum yaad to aayein gay par loat kay kabhi nahin aayein gay

You are so much important in my life

You are so much important in my life 

Not because i enjoy your company

But

I feel so much lonely  in your absence

Ek taraf duniya main wafa nahin

Ek taraf duniya main wafa nahin 

Dosri taraf zindagi main maza nahin 

Sab hamain chor kay chalay gaye 

Ae Khuda ! hum to phir bhi kisi se khafa nahin

Saans tootnay se insaan aik hi baar marta hai

Saans tootnay se insaan aik hi baar marta hai 

Magar 

Aas tootnay se insaan pal pal marta hai 

So don't hurt any one in your life

Hum to be'jaan cheezon se bhi wafa kartay hain

Hum to be'jaan cheezon se bhi wafa kartay hain 

Tujh main to phir bhi meri jaan basi hai

Yeh tum se keh diya kis ne keh baazi haar baithay hum

Yeh tum se keh diya kis ne keh baazi haar baithay hum 

Abhi tum pe lutaanay ko hamari jaan baaqi hai

Dil lag janay se behtar tha

Dil lag janay se behtar tha 

Aag lag jaati is dil ko

Tumharay saath chaltay hain hazaron chahnay walay

Tumharay saath chaltay hain hazaron chahnay walay 

Meray honay na honay se tumhain kiya farq parta hai

Yeh zaalim hawaein , yeh awargi ka mousam aur yeh baarish

Yeh zaalim hawaein , yeh awargi ka mousam aur yeh baarish 

Kaash aaj koi mojza ho keh deedar-e-yaar ho jaye

Inhi se larta hoon aur phir inhi pe fakhar karta hoon

Inhi se larta hoon aur phir inhi pe fakhar karta hoon 

Yeh meray dost hain , ya rab tu in ko sada kush rakhna

Dosti nibhatay nibhatay kuch mohabbat si ho gayi hai

Dosti nibhatay nibhatay kuch mohabbat si ho gayi hai 

Us kay saath rehtay rehtay chahat si ho gayi hai 

Us se baat kartay kartay hamain aadat si ho gayi hai 

Ek pal bhi na milay to na'janay be'chaini si rehti hai 

Dosti nibhatay nibhatay kuch mohabbat si ho gayi hai

Kisi kay saath guzray pal baray rangeen hotay hain

Kisi kay saath guzray pal baray rangeen hotay hain 

Mohabbat kay yeh roz-o-shab baray haseen hotay hain 

Ishq karna hai to pehlay bikharnay ka hunar seekho 

Ishq main aksar hadsay baray rangeen hotay hain 

Kabhi fursat main aa kar dekh is veeraan se ghar main 

Kisi ki yaad main hum bhi baray gham'geen hotay hain

Aaj phir mujh ko us ki yaad dila di baarish ne

Aaj phir mujh ko us ki yaad dila di baarish ne 

Dil main jo bhol ki aag thi bhujha di baarish ne 

Main tanha tha apnay ghar main zamanay se 

Magar meray ghar ki dewaar gira di baarish ne 

Us kay zikar se ho gayi meri aankhein num 

Magar dosto , yeh sari baat chupa di baarish ne 

Suna hai woh bhi roye hain aaj bhout 

Lagta hai un ko bhi meri yaad dila di baarish ne 

Woh be'wafa huye to phir kiya huwa

Aaj meray saath ro kar wafa nibha di baarish ne 

Woh khafa hain hum se to khafa hi rehnay do

Woh khafa hain hum se to khafa hi rehnay do 

Hum ko un ka gunnah'gaar hi rehnay do 

Woh samjhtay hain hum ne chor diya hai un ko 

Baat to jhoot hai magar sach hi rehnay do 

Muddaton maangi hain khuda se khushiyaan un ki 

Jo aata hai ilzaam hum pe to ilzaam hi rehnay do 

Us ki shart hai keh main be'wafa banu

Agar khushi milay us ko to mujhay be'wafa hi rehnay do 

Aaye ga waqat to dekha'en gay tum ko apna khaloos 

Abhi khamosh hain , hum ko bas khamosh hi rehnay do

Saath to ik pal ka tha phir kiyon mujhay yaad aatay ho tum ?

Saath to ik pal ka tha phir kiyon mujhay yaad aatay ho tum ?

Aks ki tarah meray dil pe kiyon chaa jaatay ho tum 

Dilbar bhi nahin ho meray , humdam bhi nahin 

Yeh raastay pyaar kay mujhay phir kiyon dikhaa jaatay ho tum?

Hum kabhi milay thay to ik ajnabi ki tarah 

Meri raaton ki neend phir kiyon urra jaatay ho tum 

Hawa'on se hum tumhara pata poochtay rahay 

Kuch issi tarah se apna dewaana bana jaatay ho tum 

Saath to ik pal ka tha phir kiyon mujhay yaad aatay ho tum