woh aksar mujh se kehti thi

Woh aksar mujh se kehti thi 

Woh aksar mujh se kehti thi 

Wafa hai zaat aurat ki 

Magar jo mard hotay hain 

Bhout be'dard hotay hain 

Kisi bhanwray ki surat 

Gul ki khushboo lut jaati hai 

Suno tum ko qasam meri

Riwayat tor dena tum 

Na tanha chor kar jana 

Na yeh dil tor kar jana

MAgar phir youn huwa

Mujhay anjanay rastay par 

Akela chor kar us ne 

Mera dil tor kar us ne 

Mohabbat chor di us ne 

wafa hai zaat aurat ki 

Riwayat tor di us ne 

Baarishon kay mousam main waqat kay andheron main

Baarishon kay mousam main 

Waqat kay andheron main 

Main ne us se poocha tha

Chor to na jaao gay ?

Haath thaam kar us ne 

Kaan main bola tha

Kaisay chor sakta hoon ?

Aur aaj aisa hai , , , , , ! !

Waqat ki tamazat main 

Wehshaton kay mousam main 

MAin ne us se poocha hai 

Chor kar jaana tha ?

Muskuraati galiyon main 

Aas kiyon dilaai thi ?

Pyaas kiyon jagaai thi ?

Meray in sawalon par 

Chaltay chaltay woh bola

Mousamon kay khail main main 

Sab jo badaltay rehtay hain 

Aaj woh khatt likhnay ki ba'jaye khud chali aayi

Aaj woh khatt likhnay ki ba'jaye 

Khud chali aayi 

US ne haathon main aik gajra thaama hua tha

Kehnay lagi

MAin apni neendon kay qatal kay jurm main 

Tumhain giriftaar karnay aayi hoon 

Qaid khana-e-dil main qaid karnay aayi hoon 

Is se pehlay keh main kuch kehta ussay 

Us ne woh gajra meri kalaai main pehnaa diya 

Aur chal di  

Na ana meri qabar pe tum hamraah-e-raqeeban

Na ana meri qabar pe tum hamraah-e-raqeeban 

Murdon ko musilmaan jalaya nahin kartay 

Sookhay phoolon ki tarah hum shayed

Sookhay phoolon ki tarah hum shayed 

Gir chukay hain teri kitabon se 

Kya paya hai is sadiyon ki mohabbat se ?

Kya paya hai is sadiyon ki mohabbat se ?

Ek shairy ka hunar , doosra jaagnay ki saaza

Thaam kay dil jo main ne yeh poocha

Thaam kay dil jo main ne yeh poocha

Khair hai be'niqaab aaye ho 

Dheemay se muskura kay woh bolay 

Aashiqon ki nazar nahin lagti 

Hai tabiyat se insaan majboor warna

Hai tabiyat se insaan majboor warna

Dil lagana sawaab thori hai 

Meri aankhein khareedo gay ?

Meri aankhein khareedo gay ?

Bhout majboor halat main mujhay neelaam karni hain 

Koi mujh se naqad le le

Main thoray daam le loon ga 

Jo de de pehli boli to ussi kay naam kar doon ga

Mujhay bazaar walay keh rahay hain kam aqal taajir

Suno logo

Nahin hoon main koi hirs ka khwahan 

Nafa nuqsaan ki shatranj nahin main khailnay aaya 

Bari mehboob hain mujh ko yeh meri neem tar aankhein 

Magar ab bechta hoon keh 

Main ne ek khawab dekha tha

Ussay apna bananay ka 

Ussay dil main basanay ka 

Mujhay us khwab ka tawaan bharna hai 

Inhain neelaam karna hai 

Inhain neelaam karna hai 

Waqat apni rawani main dhalta raha

Waqat apni rawani main dhalta raha 

Main tanha tha , tanha hi chalta raha

Kabhi hansta tha apnay naseebon pe main 

Kabhi andar hi andar main jalta raha

Kahin shikwey milay aur kahin thokrein 

Chotein aisi lagein keh sambhalta raha

Us ko paanay ki khatir to sab kuch kiya

Wohi sang'dil tha rastay badalta raha 

Gham-e-zindagi teri raah main

Gham-e-zindagi teri raah main 

Shab-e-aarzoo teri chah main 

Jo ujar gaya woh basa nahin 

Jo bichar gaya woh mila nahin 

Jo dil-o-nazar ka saroor tha 

Meray paas reh kar bhi door tha

Wohi ik gulaab umeed ka

Meri shaakh-e-jaan pe khila nahin 

Mera hamsafar bhi ajeeb hai 

Aur ajeeb tar hoon main aap bhi 

Mujhay manzilon ki khabar nahin 

Ussay raaston ka pata nahin 

Paas-e-karwaan 

Sar-e-rah'guzar

Main shakista paa hoon to is liye

Keh qadam to sab se mila liye

Mera dil kisi se mila nahin 

Veeran si ujrri si tanha baithi woh larki

Veeran si ujrri si tanha baithi woh larki 

Kal raat akelay main 

Shayed kuch warq jala rahi thi 

Uth'tay huye sholon main kuch bhi ek shola

Nazar aa rahi thi

Jhuka kay sar woh aansoo baha rahi thi

Aisay main kisi ne guzartay huye poocha 

Pagal kitaab jala rahi ho ?

Tarap kar boli nahin khawaab jala rahi hoon 

Aik shakhs ka nisaab jala rahi hoon 

Bhout takleef deti hai us ki judai to dost 

Aaj ussi ki saari yaadon ko mita rahi hoon 

Meray qarb se , meray wajood tak ussay iktilaaf to sada ka tha

Meray qarb se , meray wajood tak 

ussay iktilaaf to sada ka tha

Meray gham se , meray junoon tak 

Yeh faasla bas anaa ka tha

Meri zindagi se meri saans tak

Woh falsafa bas dua ka tha

Meri baat se teray zikar tak

Koi silsala jo hawa ka tha

Meri haqeeqat se meray khwaab tak

Woh be'khabar intihaa ka tha

Meray weham se meray gumaan tak

Yeh marhala wafa ka tha

Meri talab se meray naseeb tak 

Yeh muamala khuda ka tha

Shakist dil ki hui , taar zehan kay tootay

Shakist dil ki hui , taar zehan kay tootay 

Hayaat to rahi , naatay hayat se tootay 

Para jo farq , teray zarf pe para ho ga 

Hamara kya hai khilonay thay hum , banay , tootay

Yeh kis kay haath main tha dor sa wajood apna 

Kabhi sirray se , kabhi darmiyaan se tootay 

Main neend main hi sahi jaag to raha tha aakhir

Khulli jo aankh to khawabon kay sil'silay tootay 

Woh ik baat bhi kitnay rukhon se karta hai 

Keh baarha meri nazar kay zawiye tootay

Saahil na janay "Muzaffar" se zarb-e-tanhaai

Ajab nahin keh yeh sheesha paray paray tootay 

Saahil udaas tha keh samandar udaas tha

Saahil udaas tha keh samandar udaas tha 

Lagta tha jaisay sara manzar udaas tha

Loati falak se to bari dil'geer thi dua

Ek khawab tootnay par muqaddar udaas tha

Phir chand ko laga kar galay ro pari ghata 

Aisa laga toofan bhi falak par udaas tha

Meri tabahiyon par ussay bhi malaal tha

Aaina khud ka tor kay pathar udaas tha

Jo shakhs shaher main sab ko hansi baant'ta raha 

Yeh dil ussi ki bazm main ja kar udaas tha

Jaana dil ka shaher , nagar afsos ka hai

Jaana dil ka shaher , nagar afsos ka hai 

Tera mera sara safar afsos ka hai 

Kis chahat se zehar-e-tamana manga tha 

Aur ab haathon main saghar afsos ka hai 

Ek dehleez pe jaa kar dil khush hota tha 

Ab to shaher main her aik dar afsos ka hi 

Hum ne ishq gunnah se bar'tar jana tha 

Aur dil par pehla pathar afsos ka hai 

Dekho us chahat kay pairr ki shaakhon par

Phool udaasi ka hai samar afsos ka hai 

Koi pachtawa sa pachtawa hai "Faraz"

Dukh ka nahin afsos , magar afsos ka hai 

Tu kya janay pagli koyal

Tu kya janay pagli koyal

Kon mujhay tarpaata hai 

Jaagi soi aankhon wala

Dil main utar'ta jata hai 

Kitnay komay komal chehray 

Meri raah main aaye hain 

Lakin woh aik sundar chehra 

Sapno main aa jata hai 

Us ka dard chupa kar dil main 

Ghazlein likhta rehta hoon 

Her mousam ki pehli baarish 

Us ki yaad dilaati hai 

Baad-e-saba ka her aik jhonka 

Us ki yaad dilaata hai 

Tu kya janay pagli koyal 

Kon mujhay tarpaata hai 

Woh hi dar'paish hai phir zindagi khawabon khayalon ki

Woh hi dar'paish hai phir zindagi khawabon khayalon ki 

Kahan hai ab tumhari woh mohabbat itnay saalon ki 

Agar meray muqaddar main andhera hi andhera tha

Kahani kiyon sunaai thi mujhay tum ne ujaalon ki 

Bara hai farq dono main magar dil'chasp hain dono

Teri duniya jawabon ki meri duniya sawalon ki 

Tumhain jab se main likhta hoon tumhain jab se main parhta hoon 

Zaroorat hi nahin parti kitabon kay hawalon ki 

Taaluq jorna aur torna tum se koi seekhay

Kahan se aa gayi tum ko hahaarat aisi chaalon ki 

Shagufta dil ko rakha hai faqat is wastay main ne 

Zaroorat phir na par jaye tumhein meri misaalon ki 

Main nikla tujhay dhoondnay yaadon ki khulli sarkon par

Main nikla tujhay dhoondnay yaadon ki khulli sarkon par 

Khushk patton ki tarah roz bikhar jaata hoon 

Aankhon ka rang baat ka lehja badal gaya

Aankhon ka rang baat ka lehja badal gaya

Woh shakhs aik shaam main kitna badal gaya

Qadmon talay jo rait bichi thi woh chal parri

Us ne churaya haath to sehraa badal gaya

Koi bhi cheez apni jaga par nahin rahi

Jaatay hi aik shakhs kay kiya kiya badal gaya

Hairat se saray lafz ussay dekhtay rahay

Baaton main apni baat ko kaisa badal gaya 

Shayed wafa kay khail se uktaa gaya tha woh 

Manzil kay paas aa kay jo rasta badal gaya 

Ruswa karay gi yeh nami jo chashm-e-tar main hai

Ruswa karay gi yeh nami jo chashm-e-tar main hai 

Pee jaa ashak, ae aankh , keh baat abhi ghar ki ghar main hai 

Un pe zahir meray Armaan kis unwaan hotay

Un pe zahir meray Armaan kis unwaan hotay 

Main na kehta bhi to aankhon se numayaan hotay 

Kiyon na rehnay diya sar dosh-e-adu par apna 

Teray gaysoo to na thay hum jo pareshaan hotay 

Mout ne rok diye Ashk-e-mareez-e-shab-e-gham 

Yeh woh taaray thay jo din ko bhi numayaan hotay 

Kon dewana unhain chain se rehnay deta 

Phool agar meri tarah chaak-e-giribaan hotay 

Raat kiyon baat bikhairay thay na poocha main ne

Khawab ki baat ki sarkaar pareshaan hotay 

Ae dil hijar ki shab kat gayi dhoka hai tumhein 

Subha hoti to sitaray na darakhshaan hotay 

Lutf woh ishq main paaye hain keh jee jaanta hai

Lutf woh ishq main paaye hain keh jee jaanta hai 

Ranj bhi aisay uthaye hain keh jee jaanta hai 

Jo zamanay kay sitam hain woh zamanay jaanein

Tu ne dil itnay sataye hain keh jee jaanta hai 

Muskuraatay huye woh majmaa-e-aghiyaar kay saath 

Aaj youn bazm main aaye hain keh jee jaanta hai 

Kaaba-o-dair main pathraa gayein dono aankhein 

Aisay jalwe nazar aaye hain keh jee jaanta hai 

Dosti main teri dar'paish hamaray dushman 

Iss qadar apnay paraaye hain keh jee jaanta hai 

Daagh-e-waa'rafta ko hum aaj teray koochay se

Is tarah kheench kay laye hain keh jee jaanta hai 

Chalo rooth jaao tum hum tum ko manatay hain

Chalo rooth jaao tum hum tum ko manatay hain

Tum koi zid lagao hum ussay aagay barhatay hain 

Bhout din ho gaye taaron kay jhurmat ki chamak dekhye 

Tum likho geet hum tum pe ghazal gun'gunatay hain 

Abhi to waqat hai mutthi main aur jazbaat hain dil main 

Chalo ab maan jaao tum , hum tum se rooth jatay hain 

Meray haathon ko thaamo aur koi phir zid nayi kar do 

Chalo tum do qasam apni hum wapis loat aatay hain 

Aur bhi hain bhout se azmanay kay hunar baqi 

Rakho tum haath dil pe , hum tumhain dharkan sunatay hain 

Bhout din ho agye khamosh mohabbat ko nibhatay huye 

Hamein tum se mohabbat hai , hum kehna bhool jatay hain 

Qissa-e-hijar agar tujh ko sunanay lag jayein

Qissa-e-hijar agar tujh ko sunanay lag jayein 

Jaan-e-jaan umar nahin is main zamanay lag jayein 

Main ne is khouf se gham tujh se chupaye apnay 

Meray Aansoo teri aankhon se na aanay lag jayein  

Kaash aisa ho kabhi kuch na kahoon tujh se 

Meri aankhein  hi ehwaal batanay lag jayein 

Rat'jagay khilnay lagay phir se meri neendon main 

Rog mujh ko na kahin phir se puranay lag jayein 

Aisay Aalam main tujhay bhoolna mumkin hai 

Keh jab saray mousam hi teri yaad dilaanay lag jayein 

Ae dil-e-ishq'zaada mujh ko tujh se shikayat kaisi ?

Jab meray khawaab hi khud mujh ko jalanay lag jayein 

Hum teri Aas main youn behtay hain

Hum teri Aas main youn behtay hain 

Jaisay laa'ilaaj ko intizaar ho mout ka

Ab kay youn bhi teri zulfon ki shikan tooti hai

Ab kay youn bhi teri zulfon ki shikan tooti hai 

Rang phootay kahin khushboo ki rasan tooti hai 

Mout aayi hai keh taskeen ki Saa'at aayi 

Saans tooti hai keh sadiyon ki thakan tooti hai 

Dil shakista to kai baar huway thay lakin 

Ab kay youn hai keh her ik shaakh-e-badan tooti hai 

Itni be'rabt mohabbat bhi kahan thi apni 

Darmiyaan se kahin zanjeer-e-sukhan tooti hai 

Silsala tujh se bicharnay ka kahan khatam huwa

Ek zamanay se raah-o-rasm-e-kuhaan tooti hai 

Meray yaaron kay tabasum ki kiran maqtal main 

Nok-e-neza ki tarah zair-e-kafan tooti hai 

Reza reza main bikharta gaya her su "Mohsin"

Sheesha sheesha meri sangeeni-e-fun tooti hai 

Chooriyon se meri shikayaten kartay kartay

Chooriyon se meri shikayaten kartay kartay 

Phir se gayi hai , woh meri tasveer se rooth kar 

Qaflay raakh huwe dasht-e-junoon main kitnay

Qaflay raakh huwe dasht-e-junoon main kitnay 

Kaash keh khushiyon ki tarah dard bhi hijrat kartay 

Roshni ki dhaar par likhay kahani aur dukh

Roshni ki dhaar par likhay kahani aur dukh 

Aankh se behta hua khamosh pani aur dukh 

Meray kamray main ussi tarteeb se rakhye huwe 

Phool khatt waday dilasay ik jawani aur dukh 

Ek doojay se bichar kar umar bhar rotay rahay 

Raat sehraa khushk pattay ek raani aur dukh 

Ab meray lafzon main woh pehlay si kefiyat nahin 

Daal ab bhi jholi main teri meharbani aur dukh 

Raat sehraa main kisi ne bansuri ki hook par 

Rakh dain phir roti huwi yaadein purani aur dukh 

Hussan-e-gul hai bahaar deta hai

Hussan-e-gul hai bahaar deta hai 

Ishq hasti sanwaar deta hai 

Sirf aik dil ka rona rotay ho 

Gham to hasti ujaar deta hai 

Jo bhi dil chahay dil kay saath karo

Dil tumhain ikhtiyaar deta hai 

Chand gharriyaan udhaar maangi thein 

Aaj kal kon udhaar deta hai 

Aadmi baadshah hai jungle ka 

Ya to apnay bhi maar deta hai 

Khawaab main iltijaa woh kartay hain 

Qais ! zulfein sanwaar deta hai  

Sirf meray chehray ki udasi se bhar aaye us ki aankhon main Aansoo

Sirf meray chehray ki udasi se bhar aaye us ki aankhon main Aansoo

Dil ka Aalam to abhi us ne dekha hi nahin tha 

Tum ne poocha hai chalo tum ko bata detay hain

Tum ne poocha hai chalo tum ko bata detay hain 

Jo hum pe guzri hai tum ko bhi suna detay hain 

Teray baad hamein khud pe bhi Aetabaar nahin 

Lafz likhtay hain likh kar mita detay hain 

Nami aankhon main liye logon se kabhi hans lain 

To aisa lagta hai keh khud ko saza detay hain 

Teri yaad se ik pal bhi ghafil na rahay 

Youn hi dil kay behal janay ko bhula detay hain 

Hum ne hans kay teray saath guzaaray thay kabhi 

Yaad aatay hain jo woh pal to rula detay hain 

Kaash tum samjh patay

Kaash tum samjh patay

Kaash tum samjh patay

Kitna chaha hai tum ko 

Kitna manga hai tum ko 

Kis qadar mohabbat hai 

Kis qadar zaroorat hai 

Kaash tum samjh patay 

Jaan yeh tumhari hai 

Her khushi tumhari hai 

Dil lagi tum hi se hai 

Kaash tum samjh patay

Zindagi tum hi se hai 

Rooh ki zaroorat ho tum 

Dil ki dharkan ho tum 

Meri mohabbat ho tum 

Kaash tum samjh patay

Sirf tum se mohabbat hai 

Sirf tum ko chaha hai 

Kaash tum samjh patay

Kaash tum samjh patay

Ae dil dharak tarrap Magar itna yaad rakh

Ae dil dharak tarrap !

Magar itna yaad rakh 

Teray jazbaat aur hain 

Meray halaat aur hain 

Aur un kay khayalat aur hain  

Husn be'panah adaa-e-dil'ruba aur us pe yeh no'umri ka taaj

Husn be'panah adaa-e-dil'ruba aur us pe yeh no'umri ka taaj 

Haan tujhay zaib deta hai youn be'wafa hona 

Main ne bul'bul se jo poocha dard-e-judai ka ilaaj

Main ne bul'bul se jo poocha dard-e-judai ka ilaaj 

Uff shaakh-e-gul se gir pari , tarpi aur tarap kay mar gayi 

Khawab posh aankhon main Aanso'on ka bhar jaana

Khawab posh aankhon main 

Aanso'on ka bhar jaana 

Hasraton kay saahil par 

Titliyon ka mar jaana 

Habas ki hawaon main 

Khushbo'on ka ka dar jaana 

Dil kay garm sehraa main 

Umangon ka jhulas jaana 

Shikwa liye labon pe

Shikayaton ka ruk jaana 

Marz la'dawa hona 

Dard be'pannah hona 

Kya bhout zaroori tha 

Ab tera juda hona ?

Main ne kaano main pehan ki hai tumhari awaz

Main ne kaano main pehan ki hai tumhari awaz 

Ab meray wastay be'kaar hai chandi sona 

Uth'ti rehti hai aik gard mujh main

Uth'ti rehti hai aik gard mujh main 

Kon phirta hai dar-ba'dar mujh main 

Mujh ko mujh main jaga nahin milti 

Woh hai mojood is qadar mujh main 

Safar-e-zindagi main saanson ki doar

Safar-e-zindagi main saanson ki doar 

Bas do hi lafzon pe tikki hai 

Saans chalay to woh saath ho 

Aur saans rukay to woh paas ho 

Apnay dil ko teray dil se mila baithay hain

Apnay dil ko teray dil se mila baithay hain 

Zindagi ki khushiyan teray naam laga baithay hain 

Teri justaju main beet jaye gi umar hamari

Apni aankhon main teri tasveer bana baithay hain 

Zindagi sanwar gayi teray milnay se 

Teri chahat ko apni rooh main sama baithay hain