Kitni hai munfarid yeh zindagi ki aarzoo

Kitni hai munfarid yeh zindagi ki aarzoo

Mar jaatay hain kisi pe log jeenay kay wastay

Mohabbat paagalon ki guftagoo hai

Nigahain bolti hain be'tahaasha 

Mohabbat paagalon ki guftagoo hai

Nahin hai teri misal jaana

Nahin hai teri misal jaana

dabi dabi si wo muskarahat

labon pay apnay saja saja kay

wo naram lehjay main baat karna

ada say nazrain jhuka jhuka kay

wo aankh teri shararti si

wo zulf mathay pay nachti si

nazar hatay na ek pal bhi

main thak gya hun hata hata kay

wo teray hathon ki ungliyon ko

milla kay zulfon main kho sa jana

haya ko chehray pay phir sajana

phool chehra khila khila kay

wo hath hooroun kay ghar hon jaisay

wo paon pariyoun kay par hon jaisay

nahin hai teri misal jaana

main thak gya hon bata bata kay

Husn-e-shama likhoon ya sarab likhoon

Husn-e-shama likhoon ya sarab likhoon

humdum likhoon sathi likhoon ya khuwab likhoon

tere sarapa-e-husn se hairan hoon main

meh'jabeen likhoon sahar likhoon ya aftaab likhoon

teri zulf jo chupati ha chehra tera

raqeeb likhoon nagin likhoon ya naqab likhoon

nazar utha k jo chal diye aap

be'rukhi likhoon bewafa likhoon ya hijaab likhoon

khatam ho jata ha zakheera-e-alfaaz "wasi"

dil to kehta ha

teri tareef likhoon be-inteha likhoon be-hisaab likhoon

Mohabbat ajnabi jazba nahin

Mehram

Mohabbat ajnabi jazba nahin koi , issay her aankh parhti hai 

Issay her dil samjhta hai , magar yeh shart shamal hai , tumhara dil woh sheesha ho 

Keh jis kay paar ki duniya , her aik mousam , her ik manzar , idhar baithay nazar aye

Wagarna rait ki manind , koi bhi naam tum likh do , hawa ka aik jhonka aye ga aur , 

khaali haath ho gi tum

Hum to is ki her khwaish poori karnay ka wada kar baithay

Hum to is ki her khwaish poori karnay ka wada kar baithay 

Hamain kiya pata hamain chorna bhi is ki aik khwaish thi

Yahaan to baat karnay ko bhi jee tarasta hai

Yahaan to baat karnay ko bhi jee tarasta hai 

Watan main hotay , to apno se baat kar letay

Baaton baaton main bicharnay ka ishaara kar kay

Baaton baaton main bicharnay ka ishara kar kay 

Khud bhi roya woh bhout hum se kinaara kar kay 

Aik hi shaher main rehna hai magar milna nahin 

Dekhtay hain yeh aziyat bhi gawara kar kay

Us kay lehjay kay badalnay ki kahaani ko samjh kar

Us kay lehjay kay badalnay ki kahaani ko samjh kar 

Ab bhi ae dil ! ussay chaho to tumhari marzi

Muhabbton ke nisaab jaisa , woh aik chehra kitaab jaisa

Muhabbton ke nisaab jaisa

woh aik chehra kitaab jaisa

mehkta hai meray qalb-o-jaan mein

woh shakhs khiltay ghulaab jaisa

yaqeen bhi hai wo meray dil ka

gumaan bhi hai saraab jaisa

main sochon us ko tou toot jaye

khayaal nazuk hubaab jaisa

wo baansuri hai jo hoont rekhon

jo daikhon choo k, rubaab jaisa

main us ke agay na daikh paaon

wo ik sarapa naqaab jaisa

gunah hai yahan muhabbat

mujhay gunah yeh sawaab jaisa

Mujh ko maloom nahi chahat kay taqazay lekin

Mujh ko maloom nahi chahat kay taqazay lekin

ham ne teri baaton kay siwa har baat bhula rakhi hai

safar mushkil hai maloom hai lekin

tu hamara hai to har fikr mita rakhi hai

tu bhula de to bhula de lekin ham ne

teri khushbo bhi taveez bana rakhi hai

tu alag ho to har baar yoon lagta hai

zindgi maot k pehlu mein bitha rakhi hai

teri baatain, tera lehja , tera chehra

tujh mein khaaliq ne har cheez juda rakhi hai

Mere khwaabon ke gulshan mein khizaa'en raqs karti hain

Mere khwaabon ke gulshan mein khizaa'en raqs karti hain

mere honton ki larzish mein wafaa'en raqs karti hain

mujhe woh laakh tarpaaye magar uss shakhs ki khaatir

mere dil ke andheron mein duaa'en raqs karti hain

usay kehna ke laut aaye sulagti shaam se pehle

kisi ki khushk aankhon mein sadaa'en raqs karti hain

Khuda jaane kesi kashish hai uski yaadon mein

main uska zikr chheroon to hawaa'en raqs karti hain