Us ne chaha to chahaton ki hadon se barh kar

Us ne chaha to chahaton ki hadon se barh kar 

Kehta tha haath na chorna toofano se dar kar 

Phir khud hi tor diya woh taaluq zindagi kay ek mor par 

Aaj main ne poocha to kehta hai woh 

LAmha tha jo guzar gaya kinaaron ko tor kar 

Khud hi ro para woh ek zindagi kay mor par 

Aur keh gaya tum kisi aur kay ho jaao mujhay bhool kar 

MAin hasraton se dekhta raha ussay apnay haathon ko jor kar 

MAgar main karoon ga intizaar un lamhaat ko thaam kar 

KAbhi to ho ga ussay bhi yeh ehsaas 

Kisi ne chaha tha ussay duniya ko chor kar

Main ussay kaisay akela chor doon is raah main

Main ussay kaisay akela chor doon is raah main 

Saath jo chalta raha majbooriyon kay baad bhi 

BAn kay khushboo bas gaya hai youn meray ehsaas main 

Door ho paya nahin woh dooriyon kay baad bhi 

Rafta rafta us ko bhi yeh duniya raas aa gayi 

Muskura kay woh mila hai ranjishon kay baad bhi 

Faaslay kab kam huye hain raabton kay baad bhi 

Hum ajnabi thay , ajnabi  hain , mohabbaton kay baad bhi

Toot sa gaya hai meri chahaton ka wajood

Toot sa gaya hai meri chahaton ka wajood 

Ab koi acha bhi lagay to hum izhaar nahin kartay

Nahin aayein gay teray meh'khanay main teri qasam

Nahin aayein gay teray meh'khanay main teri qasam 

Ek baar pila woh jaam keh mehboob na aaye yaad kabhi

Apnay matlab kay ilawa kon kisi ko poochta hai

Apnay matlab kay ilawa kon kisi ko poochta hai 

Bina rooh kay to ghar walay bhi mayyat ko nahin rakhtay

Majboori main jab koi juda hota hai

Majboori main jab koi juda hota hai 

Zaroori nahin keh woh be'wafa hota hai 

Dy kar woh aap ki aankhon main aansoo

Akelay main aap se bhi ziada rota hai

US be'wafa se bhi rishta mitta kaisay doon

US be'wafa se bhi rishta mitta kaisay doon 

Woh jaan hai meri ussay bhula kaisay doon 

Apni rooh main basa kay jissay pyaar kiya tha 

Sochta hoon ussay ab dagha kaisay doon 

Kitnay khwaab sajaye thay meri in aankhon ne 

Main apna her khwaab bhala jala kaisay doon 

Woh roye ga to ansoo meray bhi niklain gay 

US ki be'wafai ki ussay saza kaisay doon 

Woh kehta hai keh us ki khushi ki dua maangon main 

PAr woh kisi aur ka ho jaye ussay yeh dua kaisay doon

Suno aisa nahin kartay

Suno aisa nahin kartay 

Keh jis dil main bhi rehtay ho 

Ussay tora nahin kartay 

Bin jis kay na jee payein 

Ussay chora nahin kartay 

Suno kuch dair ruk jaao

Koi tadbeer kar lain gay 

Jo saaray khwaab dekhye hain 

Inhain tabeer kar lain gay 

Bina teray yeh jeewan hum 

Kaho kaisay bita'ein gay 

Qasam se toot jayein gay 

Suno jab yaad aayo gay 

Bhout khud ko rulaein gay 

Tumhain na bhool payen gay 

Suno jab dard ho ga to 

Tarap kar mar hi jayein gay 

Tumhain na bhool payein gay

Meray pukhta iraaday meri taqdeer badlain gay

Meray pukhta iraaday meri taqdeer badlain gay 

Meri qismat mohtaaj nahin haathon ki lakeeron ki