Gham kitna hi sangeen ho

Gham kitna hi sangeen ho , Neend se 

Pehlay tak hai 

(Wasif Ali Wasif)

Raastay main ik shajar hai zameen par para huwa

Raastay main ik shajar hai zameen par para huwa 

Sayaa magar hai apni anaa par arra huwa

Deeda'waron ne us ko banaya ameer-e-shaher 

Tha jis ki chasam-e-kour main pathar jurra huwa 

Kis kis se taziyat ka fareeza ada karoon 

Her Aadmi kay sar pe hai qutba garha huwa 

Toray ga kon waqat kay zalim jamood ko 

Ehal-e-hunar kay lab pe taala para huwa 

Qaatil bhi yaar thay meray maqtool bhi aziz 

Wasif main apnay aap main naadim bara huwa

Na aya hoon na main laya gaya hoon

Na aya hoon na main laya gaya hoon 

Main harf-e-kin hoon farmaya gaya hoon 

Meri apni nahin hai koi surat 

Her aik surat se behlaya gaya hoon 

Bhout badlay meray andaaz lakin 

Jahan khoya wahin paya gaya hoon 

Wajood-e-ghair ho kaisay gawara 

Teri raahon main basaya gaya hoon 

Na'janay kon si manzil hai "wasif"

Jahan nehlaa ke bulwaya gaya hoon