Aks kitnay utar gaye mujh main

Aks kitnay utar gaye mujh main 

Phir na janay kidher gaye mujh main 

Main ne chaha tha zakham bhar jayein 

Zakham hi zakham bhar gaye mujh main 

Main woh pal tha jo kha gaya sadiyan 

Sab zamanay guzar gaye mujh main 

Yeh jo main hoon zara sa baqi hoon 

Woh jo tum thay , woh mar gaye mujh main 

Her ik baat pe kehtay ho tum keh "to kya hai "

Her ik baat pe kehtay ho tum keh "to kya hai "

Tum hi kaho keh yeh andaz-e-gutagoo kya hai 

Na shola main yeh karishma na barq main yeh adaa

Koi batao keh woh shokh-e-tund-e-khu kya hai 

Yeh rashk hai keh woh hota hai hum sukhan tum se

Wa'garna khouf-e-bad'amozi-e-adu kya hai 

Chipak raha hai badan par lahu se peh'rahan 

Hamari jaib ko ab hajit-e-rafu kya hai 

Jala hai jism jahan , dil bhi jal gaya ho ga !

Kuraidtay ho jo ab raakh , justagoo kya hai 

Ragon main doortay phirnay kay hum nahin qayel 

Jab aankh se hi na tapka , to phir lahu kya hai ?

Roshni bharr gayi nigahon main

Roshni bharr gayi nigahon main 

Ho gaye khawab be'amaan jaana