Woh abhi apnay chehray main utra nahin

Kis se poochon woh kya shakhs hai 

Jo meri 

Aarzu kay jharokon main thehray huye 

Saray chehron main bikhra hua hai magar 

Khud abhi apnay chehray main utra nahin 

Kis se poochon woh kya 

Naam hai jo meri 

Dharkano kay muqaddar main marqoom hai 

Aur woh kya ajnabi hai 

Jo sadiyon se meray khayalon kay kariye main abaad hai 

Magar mera surat shanasa nahin 

Kis ki awaz hai Jo meri rooh main naghma-e-parwaz hai 

Kon bataye ga uss nagar ka pata 

Jis ki matti ki khushbu meray jism kay wastay darj hai 

Jis kay dewar-o-dar meri be'khawab aankhon se manoos hain 

Aur jis ko kabhi main ne dekha nahin 

Na'rasai meri , Na'rasai meri 

Jis ko paya na tha uss ko khonay ka gham 

Meri khawaish kay seenay ka nasoor hai 

Kis ko awaz doon , kis ka matam karon 

Woh abhi apnay chehray main utra nahin 

Kis se poochon Mera mad'dua kon hai 

Na'rasa kon hai 

Do bhaid bharri aankhein

Do bhaid bharri aankhein 

Ik khawab ki chilman se her raat mujhay daikhein 

Do bhaid bharri aankhein 

Her subha ko chiriyon ki cheh'kaar main dhal jayein 

Phoolon ki qaba pehnein 

Shabnam main badal jayein 

Her shaam hawaon se ehwaal mera poochein 

Do bhaid bharri aankhein 

Karti hain ajab baatein kajal ki zuban se yeh 

Dil leti chali jayein andaz-e-biyan se yeh 

Do bhaid bharri aankhein 

Ik khawab ki chilman se her raat mujhay daikhein 

Do bhaid bharri aankhein 

Main subha-o-shaam likhta hoon

♥♥♥♥ Sab se acchay lafz ♥♥♥♥

Main subha-o-shaam likhta hoon 

Zameen par jis qadar 

Achi zabanein boli jaati hain 

Main un se harf chunta 

Aur tumhara naam likhta hoon 

Koi chand chehra Ku'shaa hua

Koi chand chehra Ku'shaa hua 

Woh jo dhund thi , woh bikhar gayi 

Woh jo habs tha , woh hawa hua 

Koi chand chehra Ku'shaa hua 

Tu simat gayi 

Woh jo tairagi thi , chaar su hui 

Woh jo barf thehri thi , ru-b'ru 

Woh jo be'dili thi, sadaf sadaf 

Woh jo khaak urrti thi , her taraf 

Magar ik nigah se jal uthay 

Jo chragh-e-jaan thay bujhay huye 

Magar ik sukhan se mehak uthay 

Meray gulistaan meray aainay 

Kisi khush nazar kay hisaar main 

Kisi khush qadam kay jawaar main 

Koi chand chehra Ku'shaa hua 

Mara sara baagh harra hua 

Dastak kisi ki hai keh gumaan , dekhnay to de

Dastak kisi ki hai keh gumaan , dekhnay to de

Darwaza hum ko tez hawa kholnay to de 

Soda hai umar bhar ka , koi khail to nahin 

Ae chasham-e-yaar , mujh ko zara sochnay to de 

Shayed kisi lakeer main likha ho mera naam 

Ae dost apna haath mujhay dekhnay to de 

Yeh saat Aasmaan kabhi mukh'tasar to hon 

Yeh ghoomti zameen kahin theharnay to de 

Kaisay kisi ki yaad ka chehra bana'on main 

"Amjad" woh koi naqsh mujhay bhoolnay to de

Tum se bichar kar pehron sochta rehta hoon

Tum se bichar kar pehron sochta rehta hoon 

Ab main kiyon aur kisi ki khatir zinda rahoon

Ae khamosh khalla ka6y maalik teri qasam 

Bazam-e-jahan main tujh se ziyada tanha hoon 

Jeeti jaagti duniya kay hangamon main 

Youn lagta hai jaisay main ik saya hoon 

Khoya hai woh jaisay haath ki lakeeron main 

Aisay apnay haath ko takta rehta hoon 

Reza reza toot chuka hoon andar se

Ghar se baahir gardan taan kar chalta hoon 

Janay jis ka naam hai Amjad kon hai woh 

Sach poocho to main ik jhoota chehra hoon

Daam-e-khushboo main griftaar saba hai kab se

 

Daam-e-khushboo main griftaar saba hai kab se 

Lafaz-e-izhaar ki uljhan main para hai kab se 

Ae karri chup kar dar-o-baam sajanay walay 

Muntazir koi ku-e-nida hai kab se 

Chaand bhi meri tarah husan shanasa nikla 

US ki dewaar pe hairaan kharra hai kab se 

Baat karta hoon to lafzon se mehak aati hai 

Koi anfaas kay parday main chuppa hai kab se

Shobada baazi-e-aaina-e-ehsaas na pooch 

HAirat-e-chasham wohi shokh-e-kaba hai kab se 

Dekhiye khoon ki barsaat kahan se hoti hai 

Shaher pe chaai hui surkh ghatta hai kab se 

Kor chashmon kay liye Aaina khana maloom 

Warna her zarah tera aks numa hai kab se 

Khoj main kis ki bharra shaher laga hai Amjid

Dhoondti kis ko sar-e-dasht hawa hai kab se 

Faraz karo hum taray hotay

Farz karo hum taaray hotay 

Ik doojay ko 

Door door se dekh dekh kar jaltay bujhtay 

Aur phir ik din 

Shaakh-e-falak se girtay 

Aur tareek khalaon main kho jaatay 

Dariya kay do dhaaray hotay 

Apni apni moj main behtay 

Aur samandar tak is andheri 

Wehshi aur munh zor musaafat 

KEh jaadu main tanha rehtay 

Faraz karo hum bhoor samay kay panchi hotay 

Urtay urtay ik doojay ko chootay 

Aur phir khulay gagan ki gehri 

Aur be'sarfa aankhon main kho jaatay 

Abar-e-bahaar kay jhonkay hotay 

Mousam kay ik be'naqshay se 

Khwaab main miltay 

Miltay aur juda ho jaatay 

Khushk zameeno kay haathon par 

Sabaz lakeerain kunda kartay 

Aur un'dekhye sapnay botay 

Apnay apnay aansoo ro kar chain se sotay 

Farz karo hum jo kuch hain woh na hotay ?

Na koi gham khizzan ka hai , na khwaish hai bahaaron ki

Na koi gham khizzan ka hai , na khwaish hai bahaaron ki 

Hamaray saath hai Amjad kisi ki yaad ka mousam 

Amjad Islam Amjad

Tum jis khwaab main aankhain kholo

Tum 

Tum jis khwaab main aankhain kholo 

Us ka her roop amar ....

Tum jis rang ka kapra pehno 

Woh mousam ka rang ....

Tum jis phool ko hans kar dekho 

Kabhi na woh murjhaye .....

Tum jis harf pe ungli rakh do 

Woh roshan ho jaye ....

Amjas islam amjad

Tum se bichar kar pehron sochta rehta hoon

Tum se bichar kar pehron sochta rehta hoon 

Ab main kiyon aur kisi ki khatir zinda rahoon

Ae khamosh khalla ka6y maalik teri qasam 

Bazam-e-jahan main tujh se ziyada tanha hoon 

Jeeti jaagti duniya kay hangamon main 

Youn lagta hai jaisay main ik saya hoon 

Khoya hai woh jaisay haath ki lakeeron main 

Aisay apnay haath ko takta rehta hoon 

Reza reza toot chuka hoon andar se

Ghar se baahir gardan taan kar chalta hoon 

Janay jis ka naam hai Amjad kon hai woh 

Sach poocho to main ik jhoota chehra hoon

Khawab nagar hai aankhein kholay dekh raha hoon

Khawab nagar hai aankhein kholay dekh raha hoon 

Us ko apni jaanib aatay dekh raha hoon 

Kis ki Aahat qariya qariya phail rahi hai 

Dewaron kay rang badaltay dekh raha hoon 

Kon meray jaadu se bach kar jaa sakta hai 

Aaina hoon Sab kay chehray dekh raha hoon 

Darwaze par tez hawaon ka pehra hai 

Ghar kay andar chup kay saaye dekh raha hoon 

Jaisay mera chehra meray dushman ka ho 

Aainay main khud ko aisay dekh raha hoon 

Manzir manzir veerani ne jaal tany hain 

Gulshan sulshan bikhray pattay dekh raha hon

Manzil manzil hole main doobi awazein hain 

Rasta rasta khouf kay pehray dekh raha hoon 

Shaher-e-sang'dilan main "Amjad" her rastay par 

Awazon kay pathar chaltay dekh raha hoon

Lienein (Lines) kat'ti rahein lafz badalnay kay sabab

Lienein (Lines) kat'ti rahein lafz badalnay kay sabab 

Koi tehreer ,musal'sal nahin honay payi 

Haasil-e-umar yahi chand adhooray khaakay 

Koi tasveer mukamal nahin honay payi 

Chand meri khirki main aaye

Chand meri khirki main aaye

Chaand kabhi to taaron ki bheer se niklay 

Aur meri khirki main aaye 

Bilkul tanha aur akela

MAin is ko baanhon main bhar loon 

Aik hi saans main sab ki sab woh baatein kar loon 

Jo meray taalu se chimti 

Dil main simti rehti hain 

Sab kuch aisay ho jaye , jab hai na !

Chand meri khirki main aaye ,tab hai na !

Bhout nazdeek ho kar bhi woh itna door hai mujh se

Bhout nazdeek ho kar bhi woh itna door hai mujh se 

Ishaara ho nahin sakta , pukaara jaa nahin sakta

Chehray pe meri zulf ko phailyo kisi din

Chehray pe meri zulf ko phailyo kisi din

Kiya roz gajratay ho baras jayo kisi din

Razoan ki tarah utro meray dil main kisi shab

Dastak pe meray hath ki khul jayo kisi din

Peeroan ki tarah hussan ki baraish main naha loon

Badal ki tarah jhoom ke ghar ayo kisi din

Kushboo ki tarah guzroo meray dil ki gali se

Phoolon ki tarah mujh pe bikhar jayo kisi din

Guzrain jo meray ghar se to ruk jayein sitaray

Is tarah meri raat ko chamkyo kisi din

Main apni her aik saans usi raat ko de doon

Sar rakh ke meray seenay pe so jayo kisi din

Poet : Amjad Islam Amjad

Dil main koi umeed na aankhon main roshni

Dil main koi umeed na aankhon main roshni 

Niklay gi is tarah koi jeenay ki raah kiya 

"Amjad" nazool shair kay kaisay banain asool 

Sailaab kay liye koi hota hai raah kiya 

milay sadiyon ki pyaas aur pani , zara phir se kehna

 

milay sadiyon ki pyaas aur pani , zara phir se kehna

bari dil ruba hai yeh sari kahani , zara phir se kehna

kahan se chala tha judaei ka saya nahin dekh paya

keh rastay main thi aanson ki rawani , zara phir se kehna

hawa yeh khabar tu sunati rahay aur main sunta rahoon

badalney ko hai ab yeh mousam-e-khazani , zara phir se kehna

mukar janey wala kabhi zindagi main kushi phir na paye

youn hi khtam kar lain chalo yeh kahani , zara phir se kehna

samay ke samandar ! kaha tu ne jo bhi , suna par na samjhay 

jawani ki nadi main tha tez pani ,zara phir se kehna

Poet : Amjad Islam Amjad

Zubaan pe mohar laga de jalaal aisa hai { Hamd-e-bari-ta'ala }

Hamd-e-bari-ta'ala

Zubaan pe mohar laga de jalaal aisa hai
Nazar ki taab se baahir , jamaal aisa hai 

Kahin dikhai na de aur her taraf moujood

Gumaan yaqeen main badal de , kamaal aisa hai 

Woh noor jis ki samai nahin kisi dil main 

Bashar ki soch se baahir , khyaal aisa hai 

Her ik cheez nazar aati hai ziada saaf 

Hamari rooh kay sheeshay main baal aisa hai 

Arooj pe hai muqadar ba'feez chshm-e-karam 

Yeh meer-e-umr-e-rawan ka zawaal aisa hai 

Woh muskurain gay sun kar palat kay dekhain gay 

Hamaray lab pe machalta sawaal aisa hai 

Koi bhi waqat ho "Amjad" yeh phailta rehta hai 

Dilon main fazal-e-khuda ka nihaal aisa hai 

Amjad Islam Amjad

Ishq main khwaab sanad ban jaye

Ishq main khwaab sanad ban jaye 

Koi nahin hai kamil phir bhi 

Sab kuch "Amjad" mil bhi jaye 

Kiya hota hai hasil phir bhi