Hamein yaadon ka ik gehra samandar paar karna hai

Hamein yaadon ka ik gehra samandar paar karna hai 

taaluq ki inhi shakista kashtiyon par hi safar anjam karna hai 

Tum baad'bano ko agar chaho 

Kisi bhi ajnabi simat hawa main 

Khol saktay ho 

Mujhay to is samnadar kay tlaa'tum main 

abhi kuch dair rehna hai

Bichray lamhon main us ne mujh se kaha tha dekho

Bichray lamhon main 

Us ne mujh se kaha tha dekho 

Hamari raahein juda juda hain 

Magar hamein aik doosray ka khayal rakhna hai zindagi bhar 

Kisi bhi lamha udasiyon ki 

Faseel hayel na honay dena  

Hawa kay haathon pe likhtay rehna

Judaiyon kay tamaam qissay

Qadam qadam par jo paish ayein , woh sani'hay bhi nazar main rakhna  

Main jab bhi lota to apnay honton ki tazagi ko 

Tumhari bujhti  hui in aankhon main laa rakhon ga 

Jo meri apni hain sirf meri 

Bichartay lamhon main us ne mujh se na janay kya kuch kaha 

Suna tha 

Aur ab ussay bhi yahi kahay ga 

Woh jis kay haathon main haath dalay 

Naye safar par nikal para hai

Mohabbat karnay walay suna hai

Mohabbat karnay walay suna hai 

Aankhon main taray liye phirtay hain 

Aur chehray par qos-o-qazah kay rang bhi 

Saray liye phirtay hain 

Warna apni khwaish thi 

Keh taray das'taras main hotay 

Keh dhanak rang apnay bas main hotay 

Aur isi tarah 

Ab bhi qabool na ho to yeh qismat ki baat hai 

"Ameen" keh rahay hain meri her dua kay saath

Mera jee hai jab tak teri justagu hai

Mera jee hai jab tak teri justagu hai 

Zaban jab talak hai yehi guftagoo hai 

Tamana hai teri , agar hai tamana 

Teri aarzoo hai , agar aarzoo hai 

Khuda janay kya ho ga anjaam us ka 

Main be'sabar itna hoon , woh tand'khu hai

Gha'neemat hai yeh deed'wa deedariyan 

Jahan moond gayi aankh main hoon na tu hai 

Nazar meray dil ki parri "Dard" kis par 

Jidher dekhta hoon wohi ru'ba'ru hai

Her ik janib udasi hai abhi sochein to kya sochein

Her ik janib udasi hai 

Abhi sochein to kya sochein 

Her ik su hu ka aalam hai 

Abhi bolein to kya bolein 

Her ik insaan pathar hai 

Abhi dharkein  to kya dhakrein

Fiza par neend taari hai 

Abhi jaagein to kya jaagein 

Her ik maqtal ki sha'rag se lahu ki lehar jaari hai 

Abhi dekhein to kya dekhein 

Her ik insaan ka saaya abhi matti pe bhaari hai 

Abhi likhein to kya likhein 

Youn raah-e-wafa ki saleeb par do qadam uthanay ka shukriya

Youn raah-e-wafa ki saleeb par do qadam uthanay ka shukriya 

Bara pur'khatar tha yeh raasta teray loat janay ka shukriya 

Jo udas hain teray hijar main , jinhein bojh lagti hai zindagi 

Sar-e-bazam youn inhein dekh kar tera muskuranay ka shukriya 

Teri yaad kis kis bhais main meray shair-o-naghmay main dhal gayi 

Yeh kamal tha teri yaad ka , mujhay yaad aanay ka shukriya 

Jo asool zamanay bhar ka tha , woh asool tu ne nibha diya 

Yahi rasm thahri hai  Moh'tabar , mujhay bhool janay ka shukriya

Tark-e-ulfat ki qasam bhi koi hoti hai qasam

Tark-e-ulfat ki qasam bhi koi hoti hai qasam 

Tu kabhi yaad to kar bhoolnay walay mujh ko 

Mujh se tu poochnay aaya hai wafa kay mah'ni

Yeh teri sada dili maar na dalay mujh ko 

Thay khaak-e-raah bhi hum log qehar-e-toofan bhi

Thay khaak-e-raah bhi hum log qehar-e-toofan bhi

Saha to kya na saha aur kiya to kiya to kya na kiya 

Woh heela'gar jo wafa jo bhi hai , jafa khu bhi 

Kiya bhi to "Faiz" kis butt se dostana kiya