Imran's Poetry: 12/28/14

Dec 28, 2014

Mujhay tum se mohabbat hai

Aakhri khwaish

Meray sathi

Meri yeh rooh meray jism se parwaz kar jaye

To loat aana

Meri be'khwaab raaton kay azaabon par

Siskatay shaher main tum bhi

Zara si dair ko rukna

Meray be,noor honton ki duaon par

Tum apni sard paishaani ka pathar rakh kay ro dena

Bas itni baat keh dena

Mujhay tum se mohabbat hai

Woh mohabbat bhi teri thi

Woh shararat bhi teri thi

Agar kuch be'wafai thi to

Woh be'wafai bhi teri thi

Hum chor gaye shaher to

Woh hidayat bhi teri thi

Aakhir kartay to kis se kartay shikayat

Woh shaher bhi tera tha

Aur woh adalat bhi teri thi

Mana keh gham kay baad milain gi muskurahtein

Lakin jiye ga kon teri be'rukhi kay baad

Woh be'wafa ho kar bhi tujhay pyaray hain Aye dil

Khuda janay un main wafa hoti to kiya hota

Kal tak jo kehtay thay keh ronq-e-mehfil tujh se hai

Aaj wohi mujh se ulajhtay hain keh tum mehfil main na aya karo

Teri qasam abhi tak soye nahin hum

Ronay ko dil karta hai par roye nahin hum

Yaad na karain tum ko aur so jayein hum

Itnay be'wafa abhi huye nahin hum

Yeh kiya her dam kisi ki minatein karna

Kiya issi ko kehtay ho mohabbat karna

Jo apni qismat main hai milay ga wohi

Phir kis baat par rab se shikayat karna

Yeh pagal pan nahin to aur kiya hai

Phir zameen kay ho kar asmaan se bagawat karna

Bhout kar chuka hai logo pyaar yeh dil

Ab koi sikhaye is ko bhi nafratein karna

Pehlay yaad karna ussay phir rotay rehna

Na janay kab choray ga dil yeh harkatein karna

Muddat se jis kay wastay dil be'qaraar tha

Woh loat kar na aaya magar intizaar tha

Jo hamsafar tha chor gaya raah main mujhay

Main phans gaya bhanwar main aur woh dariya kay paar tha

Manzil qareeb aayi to tum door ho gaye

Itna to tum bataao keh yeh kaisa pyaar tha

Dewaar bana di yeh kis ne dono kay darmiyaan

NA woh sakoon se baitha na mujh ko qaraar tha

Yeh baat umar bhar samjh na paya main

Kiyon dil mera us ka talab'gaar tha

Meri aankhon se kabhi utro dil main

Keh main dharkan main basa loon tum ko

Jaan se bhi barh kar chahon tumhain

Apni zindagi hi bana loon tum ko

Meray khwabon main sirf tum hi baso

Apni neendon main saja loon tum ko

Logon ki bheer main kho na jana kahin

Zamanay se hi chalo main chura loon tum ko

Meri tanhai ko zaroorat hai tumhari Dost

Agar ijaazat ho to yaadon main basa loon tum ko

Khamosh hoon main lakin inkaar nahin

Meri na'kamyabiyan hain ' haar to nahin

Hum tumhain pa na sakay to kiya hua

Lakin sirf tumhain pa lena pyaar to nahin

Main khud hairaan hoon apnay sabar ka pehlu dekh kar

Us ne yaad karna chor diya par main ne intizar nahin chora

Sookhaye patton ki tarah bikhray hain hum to

Kisi ne samaita bhi to sirf jalanay kay liye

Jab tujhay basaya hai dil ki gehraiyon main

To yeh kaisay mumkin hai raat ho aur main tujhay yaad na karon

Yeh meri talaash ka jurm hai ya meri wafa ka qasoor

Jissay dil kay jitnay qarib laao woh utna hi door chala jaata hai

Ajab shikwa sa rehta hai , tumhain mujh se mujhay tum se Wasi

Tumhain ulfat nahin mujh se , mujhay nafrat nahin tum se

Hoti hai wafa un ki nigahon se numayan

Kartay hain jo alfaaz main izhaar bhout kam

Kitni zalim hoti hai yeh pal do pal ki dosti Ghalib

Na chahtay huye bhi dil ko kisi ka intizaar sa rehta hai

Uth uth kay kisi ka intizaar kar kay dekhna

Kabhi tum bhi kisi se pyaar kar kay dekhna

Kaisay tootay hain mohabbat kay rishtay

Ghaltiyaan do chaar kar kay dekhna

Zindagi ka fal'safa samjhna ho to

Baarish main kachi dewaar khari kar kay dekhna

Nafrat ho jaye gi tum ko bhi duniya se

Mohabbat kisi se be'shumar kar kay dekhna

Tum meray ho na

Woh jab bhi mujh se milta tha

Her baar masoomiyat se poocha karta tha keh

Tum meray ho na

Aur main her baar

Us kay chehray ko choom kar qasam khaya karta tha

Haan , main tumhar hi hoon

Kaash

Main ne bhi aik baar us se poocha hota keh

Tum meray ho na

Mujhay yaad aa kar itna be'chain na kar

Ik yeh hi sitam kafi hai keh meray paas nahin ho tum

Dhoondo gay ujray rishton main wafa kay khazanay

Tum meray baad bhi meri chahat ko yaad karo gay

Apnay chehray pe koi dard na tehreer karo

Waqat kay paas na aankhein hain , na ehsaas , na dil

Anaa kehti hai iltajaa kiya karni

Woh mohabbat hi kiya jo mangnay se milay

Muktasir yeh keh achay lagtay ho

Chahnay ka sabab , aur kuch bhi nahin

Saaf keh do agar gila hai koi

Faisala , faaslay se behtar hai

Raah taktay huye jab thak gayi aankhain meri

Dhoondnay us ko meri aankh se aansoo niklay

Udasi tum pe baithay gi to tum bhi jaan jaao gay

Keh kitna dard hota hai , nazar andaaz karnay se

Hum to is duniya main bikti hui mohabbat kay faqeer hain

Koi agar nafrat bhi deta hai to ussay bhi qabool kar letay hain

Is ishq se bach kay rehna bhout buri bala hai yeh

Is zulm kay sataye mujhay namazi bhi milay aur sharabi bhi

Jalway to be'panah thay is kainaat main

Yeh aur baat hai keh nazar tum pe ruk gayi

Main nahin itna ghafil keh apnay chahnay walon ko bhool jaaon

Masroof zaroor hota hoon lakin sab ko yaad kar kay sota hoon

Hum to jal gaye usi ki mohabbat main mom ki tarah

Agar phir bhi koi hamain bewafa kahay to us ki wafa ko salam

Woh sach kehta tha keh ussay meri muskurahat se pyar hai Wasi

Isi liye jatay jatay woh meri muskurahat bhi lay gaay