Imran's Poetry: 07/15/14

Jul 15, 2014

Qissa go meray gaaon ke sach kehtay thay

ஜ۩۞۩ஜ♥ஜ۩۞۩ஜ♥ஜ۩۞۩ஜ

Qissa go meray gaaon ke sach kehtay thay

Pyaar kahaani dard bhari reh jaati hai

ஜ۩۞۩ஜ♥ஜ۩۞۩ஜ♥ஜ۩۞۩ஜ

Tumhain sochtay hain gulaabon ko le kar

Khayaalon ko le kar , sarabon ko le kar

Teri aankh main doob janay se pehlay

Bhout sochtay hain sharabon ko le kar

Mujhe chahtay ho kahan se kahan tak

Yahi sochtay hain jawabon ko le kar

Mujhe apni chahat ki aaghosh de do

Kahan jaaon ga apnay khwaabon ko le kar

Mujhe us ne apna na maana to "Arshad"

Kahain jaa bas'ain gay kharabon ko le kar

Poet : Arshad Malik

Kaha us ne mohabbat main yeh gham kiyon saath miltay hain

Kaha main ne yeh kaantay phool bhi to saath paltay hain

Kaha us ne keh lamhay pyaar ke kiyon kam se hotay hain

Kaha main ne keh kab khushboo hamesha saath deti hai

Kaha us ne ghamon se is qadar kiyon pyaar kartay ho

Kaha main ne yahi to hain jo apna saath detay hain

Kaha us ne bichar jayein agar hum tum to acha hai

Kaha main ne tum apni bheegti palkain zara dekho

Kaha us ne keh kitna chahtay ho tum mujhay "Arshad"

Kaha main ne samandar ki kabhi gehraai dekhi hai

Poet : Arshad Malik

Azaad Mukaal'maati Ghazal

Azaad Mukaal'maati Ghazal

Kaha us ne mohabbat main yeh gham kiyon saath miltay hain

Kaha main ne yeh kaantay phool bhi to saath paltay hain

Kaha us ne keh lamhay pyaar ke kiyon kam se hotay hain

Kaha main ne keh kab khushboo hamesha saath deti hai

Kaha us ne ghamon se is qadar kiyon pyaar kartay ho

Kaha main ne yahi to hain jo apna saath detay hain

Kaha us ne bichar jayein agar hum tum to acha hai

Kaha main ne tum apni bheegti palkain zara dekho

Kaha us ne keh kitna chahtay ho tum mujhay "Arshad"

Kaha main ne samandar ki kabhi gehraai dekhi hai

Poet : Arshad Malik

Dil teri yaad se be'zaar bhi ho sakta hai

Yeh'ni ab ishq se inkaar bhi ho sakta hai

Main ne is aas pe takhleeq kay dukh jhailay hain

Yeh zamana kabhi baidaar bhi ho sakta hai

Mujh ko sooli pe charhanay se zara pehlay soch

Youn meri soch ka parchaar bhi ho sakta hai

Ishq youn kooch na kar ! dekh teray jaanay se

Shaher ka shaher ghaza'daar bhi ho sakta hai

Jan na'jaashi koi poochay ga mohabbat le asool

Tab koi Jafar tayaar bhi ho sakta hai

Mehnat-e-ishq meray kaam bhi aa sakti hai

Mujh ko awaaz ka dee'daar bhi ho sakta hai

Yeh wafaaon ki zameen teri tawajah chahaye

Is zameen se koi sardaar bhi ho sakta hai

Jis tag-o-dao main jala hai tera ghar baar "Ameen"

Lashkar-e-ishq woh teyaar bhi ho sakta hai

Poet : Ameen Farooqi

December ab bhi tera muntazir hai

December ab bhi tera muntazir hai

Woh lamhay soch ki dehleez par tehray huye hain

December kay maheenay main hazaron saal pehlay jab

Teray waday ke honton ne

Meri aankhon se behti zindagi ke haath choomay thay

Meri be'rang baaton kay kinaray

Tum ne khwaabon ke saharay aur ashkon ke sitaray rakh diyea thay

Aur hawa ko apni chahat ki hifazat ka ishara kar diya tha

Hawa ki khunkiyon main ab bhi teri naram baatain aahaton ka jaal bunti hain

Smaa'at ab bhi teray qehqahon ka shor sunti hai

Khyaal ab tak tumhari ungliyon se

Meray dil kay surkh aansoo poonchta hai

Nigahain barf kay phailay chamaktay canvas par ja baja

Teri rafaqat ki zaroorat paint karti hain

Tha'thartay paaniyon kay tan pay bikhri dhoop tera hijar rooti hai

Kahan hoti hai tu

Mohabbat ki sulagti raah guzaaron kay kinaron par

December ab bhi tera muntazir hai

Poet : Doctor Ibraar Umar

Teray jaisa mera bhi haal tha , na sakoon tha na qaraar tha

Yahi umar thi meray hamnasheen keh kisi se mujh ko bhi pyaar tha

Main samjh raha hoon teri kasak , tera mera dard hai mushtarik

Isi gham ka tu bhi aseer hai , isi dukh ka main bhi shikaar tha

Faqat aik dhun thi keh raat din isi khwaab zaar main gum rahain

Woh saroor aisa saroor tha , woh khumaar aisa khumaar tha

Kabhi lamha bhar ki bhi guftagoo meri us ke saath na ho saki

Mujhe fursatein nahin mil sakein , woh hawa ke rath pe sawaar tha

Hum ajeeb tarz ke log thay keh hamaray aur bhi rog thay

Main khizaan main tha us ka muntazir , ussay intizaar-e-bahaar tha

Ussay parh ke tum na samjh sake keh meri kitaab ke roop main

Koi qarz tha kai saal ka , kai rat'jagoon ka udhaar tha

Poet : Aaitabaar Sajid

Adh khulay honton ke gunchay neem waa aankhain teri

Kis tarah bhoolain in aankhon ko bhala aankhain teri

Zehan se ab naqsh teray mehav hoon gay kis tarah

Saath apnay lay gayi hain dil mera aankhain teri

Gar taaluq hi nahin koi to khalq-e-shaher ko

Day rahi hain kis tarah mera pata aankhain teri

Jis ne socha khud bhula baitha woh apnay aap ko

Jis ne dekha dekhta hi reh gaya aankhain teri

Husan-e-fitrat main samoo kar teri aankhon ka saroor

Her haseen manzar ko hum ne keh diya aankhain teri

Poet : Doctor Inaam-ul-haq Javed

Main khud ko bhool chuka hoon teri mohabbat main

Khuda karay keh na tu is azaab se guzray

Tujhay bhi yaad na aye mera wajood kabhi

Na koi lamha-e-tameer khwaab se guzray

Mera khyal tha ik nazam likh ke hi shayed

Teray khyal ke mehvar se loat aaon ga

Magar woh lamha-e-khush rang qurbaton ka ameen

Jo meri sansoon ki hiddat main aan utra hai

Tumhara lams meri ungliyon kay poron main

Misaal-e-noor chamakta dikhai deta hai

Is aik lams ko main kaisay bhool paaon ga

Ab anay wali judai ke gham se kiya darna

Keh waqaf ho chukay ranj-o-alm se kiay darna

Main khud ko bhool chuka hoon teri mohabbat main

Yaadon ka roshan lams

Main khud ko bhool chuka hoon teri mohabbat main

Khuda karay keh na tu is azaab se guzray

Tujhay bhi yaad na aye mera wajood kabhi

Na koi lamha-e-tameer khwaab se guzray

Mera khyal tha ik nazam likh ke hi shayed

Teray khyal ke mehvar se loat aaon ga

Magar woh lamha-e-khush rang qurbaton ka ameen

Jo meri sansoon ki hiddat main aan utra hai

Tumhara lams meri ungliyon kay poron main

Misaal-e-noor chamakta dikhai deta hai

Is aik lams ko main kaisay bhool paaon ga

Ab anay wali judai ke gham se kiya darna

Keh waqaf ho chukay ranj-o-alm se kiay darna

Tum yaad ka jhonka ho

Sanjoke ho aasha ho

Tum dil ka sahara ho

Kiya arz karain kiya ho

Tum jaan-e-tamana ho

Main ishq main laa'sani

Tum husan main yakta ho

Hai dard sada dil main

Tum is ka madawa ho

Khilta hai jo her rut main

Tum woh gul-e-rea'na ho

Chahat ki mehak ho tum

Tum yaad ka jhonka ho

ஜ۩۞۩ஜ♥ஜ۩۞۩ஜ♥ஜ۩۞۩ஜ

Ab karb ke toofan se guzarna hi paray ga

Suraj ko samandar main utarna hi paray ga

Fitrat ke taqazay kabhi badlay nahin jaatay

Kushboo hai agar woh to bikharna hi paray ga

Parti hai to par jaye shikan us ki jabeen par

Sachai ka izhaar to karna hi paray ga

Her shakhs ko ayein gay nazar rang sehar ke

Khurasheed ki kirno ko bikharna hi paray ga

MAin soch raha hoon yeh sar-e-shaher nigaaran

Yeh us ki gali hai to tehrna hi paray ga

Ab shaana-e-tadbeer hai haathon main hamaray

Haalaat ki zulfon ko sanwarna hi paray ga

Ik umar se be'noor hai yeh mehfil-e-hasti

Ejaaz koi rang to bharna hi paray ga

Poet ; Ejaaz Rehmaani

Ae zindagi khatam kar ab yeh yaadon ke silsalay

Main thak si gayi hoon dil ko tasaliyaan detay detay

Na zahir hui tum se na bayaan hui hum se

Bas suljhi hui aankhon main uljhi rahi mohabbat

Zaroorat nahin aaj mohabbat ki hamain

Kal jab thi tab ussau ghroor tha

Hum hi naye thay ishq ki duniya main jo na jaan paye

Keh us ka shaher to be'wafa kay liye mashoor tha

ஜ۩۞۩ஜ♥ஜ۩۞۩ஜ♥ஜ۩۞۩ஜ

Pyaar sabhi ko jeena sikha deta hai

Wafa ke naam pe marna sikha deta hai

Pyar nahin kiya to kar ke dekho

Zaalim her dard sehna sikha deta hai

ஜ۩۞۩ஜ♥ஜ۩۞۩ஜ♥ஜ۩۞۩ஜ

Her ik pal ka taaluq teray khyaal se hai

Meri ghazal ka taaluq teray khyaal se hai

Bandha hua hai teri aarzoo se sara badan

Her ik amal ka taaluq teray khyaal se hai

Yeh tishnagi to mujhe jaan se bhi pyaari hai

Keh maray thal ka taaluq teray khyaal se hai

Keh meri rooh ki saari bahaar tujh se hai

Kanwal kanwal ka taaluq teray khyaal se hai

Yeh zindagi bhi hai teri ata ae jaan-e-jaan

Agar ajal ka taaluq teray khyaal se hai

Yeh meri rooh munaqish hai teri yaadon se

Keh is mehal ka taaluq teray khyaal se hai

Firaaq-o-hijar ke yeh jis qadar masail hain

Sabhi ke hal ka taaluq teray khyaal se hai

Toot sa gaya hai meri chahaton ka wajood

Ab koi acha bhi lagay to hum izhaar nahin kartay

Kon kehta hai mout ayi to mar jaayon ga

Main to dariya hoon samandar main utar jaaon ga

Bhout dair kar di tum ne meri dharkan mehsoos karnay main

Woh dil neelaam ho gaya jis ko kabhi hasrat tumhari thi

Kehnay ko mera us se koi wasta nahin

"Amjad' magar woh shakhs mujhe bhoolta nahin

Darta hoon aankh kholon to manzar badal na jaye

MAin jaag to raha hoon magar jaagta nahin

Aashaftagi se us ki ussay be'wafa na jaan

Aadat ki baat aur hai dil ka bura nahin

Tanha udaas chaand ko samjho na be'khabar

Her baat sun raha hai magar boolta nahin

Khamosh rat'jagon ka dhuwaan tha chaar soo

Nikla kab aftaab mujhe to pata nahin

"Amjad" woh aankhain jheel si gehri to hain magar

Un main koi bhi aks meray naam ka nahin

Poet : Amjad Islaam Amjad

Woh saahilon ki hawa si larki

Gulaab chaheray pe muskurahat

Chamakti aankhon main shokh jazbay

Woh jab bhi collage ki seeriyon se

Sahaliyon ko liye utarti

To aisay lagta keh jaisay dil main utar rahi ho

Kuch is teeqan se baat karti

Keh jaisay duniya us ki aankhon se dekhti ho

Woh apnay rastay pe dil bichaati hui nigahon se hans ke kehti

Tumharay jaisay bhout se larkon se main yeh baatein

Bhout se barson se sun rahi hoon

Main saahilon ki hawa hoon , neelay samnadron kay liye bani hoon

Woh saahilon ki hawa si larki

Jo raah chalti to aisa lagat keh jaisay dil main utar rahi ho

Woh kal mili to is tarah thi

Gulaab chahray pe muskurahat

Chamakti aankhon main shokh jazbay

Keh jaisay chaandi pighal rahi ho

Magar jo boli to is ke lehjay main woh thakan thi

Keh jaisay sadiyon se dasht-e-zulmat main chal rahi ho

Gulaab chaheray pe muskurahat chamakti aankhon main shokh jazbay

Aik Larki

Gulaab chaheray pe muskurahat

Chamakti aankhon main shokh jazbay

Woh jab bhi collage ki seeriyon se

Sahaliyon ko liye utarti

To aisay lagta keh jaisay dil main utar rahi ho

Kuch is teeqan se baat karti

Keh jaisay duniya us ki aankhon se dekhti ho

Woh apnay rastay pe dil bichaati hui nigahon se hans ke kehti

Tumharay jaisay bhout se larkon se main yeh baatein

Bhout se barson se sun rahi hoon

Main saahilon ki hawa hoon , neelay samnadron kay liye bani hoon

Woh saahilon ki hawa si larki

Jo raah chalti to aisa lagat keh jaisay dil main utar rahi ho

Woh kal mili to is tarah thi

Gulaab chahray pe muskurahat

Chamakti aankhon main shokh jazbay

Keh jaisay chaandi pighal rahi ho

Magar jo boli to is ke lehjay main woh thakan thi

Keh jaisay sadiyon se dasht-e-zulmat main chal rahi ho

Poet : Amjad Islaam Amjad

Yeh alag baat keh main shaher zada hoon lakin

ஜ۩۞۩ஜ♥ஜ۩۞۩ஜ♥ஜ۩۞۩ஜ

Yeh alag baat keh main shaher zada hoon lakin

Bachpana ab bhi mera gaaon main rakha hua hai

ஜ۩۞۩ஜ♥ஜ۩۞۩ஜ♥ஜ۩۞۩ஜ

Mohabbat ki duniya main mashoor kar doon

Meray sada dil tujh ko maghroor kar doon

Teray dil ko milnay ki khud arzoo ho

Tujhe is qadar gham se ranjoor kar doon

Mujhe zindagi door rakhti hai tujh se

Jo tu paas ho to issay door kar doon

Mohabbat ke iqraar se sharam kab tak

Kabhi samna ho to majboor kar doon

Yeh be'rangiyaan kab tak ae husan-e-rangeen

Idhar aa tujhay ishq main choor kar doon

Yu agar samnay ho to main be'khudi main

Sitaron ko sajday pe majboor kar doon

Nahin zindagi ko wafa warna "Akhtar"

Mohabbat se duniya ko mamoor kar doon

Jab tera hukam mila , tark mohabbat kar di

Dil magar is pe woh dharka keh qayamat kar di

Tujh se kis tarah main izhaar-e-tamana karta

Lafaz soojha to ma'afi ne baghawat kar di

Main to samjha tha keh loat atay hain jaane wale

Tu ne to jaa ke judai meri qismat kar di

Mujh ko dushman ke iradon pe bhi pyaar ata hai

Teri ulfat ne mohabbat meri aadat kar di

Pooch baitha hoon main tujh se teray koochay ka pata

Teray halaat ne kaisi teri surat kar di

Kiya tera jisam , teray husan ki hiddat main jala

Raakh kis ne teri sonay ki si rangat kar di

Poet : Ahmed Nadeen Qasmi

Teri nafrat main woh dam nahin jo meri chahat ko mita de

Meri chahat ka samnadar teri soch se bhi gehra hai

Suna hai log ussay aankh bhar ke dekhtay hain

So us ke shaher main kuch din tehar ke dekhtay hain

Suna hai rabt hai us ki khraab haalon se

So apnay aap ko barbaad kar ke dekhtay hain

Suna hai dard ki gaahak hai chasham-e-naz us ki

So hum bhi us ki gali se guzar ke dekhtay hain

Suna hai us ko bho shair-o-shairyse shaghaf

So hum bhi mohjazay apnay hunar ke dekhtay hain

Suna hai bolay to baaton se phool jhartay hain

Yeh baat hai to chalo baat kar ke dekhtay hain

Suna hai raat ussay chaand takta rehta hai

Sitaray baam-e-falak se utar ke dekhtay hain

Suna hai din ko ussay titliyaan statai hain

Suna hai raat ko jugnoo tehar ke dekhtay hain

Suna hai hashar hain us ki ghazaal si aankhain

Suna hai us ko hiran (deer) dasht bhar ke dekhtay hain

Suna hai raat se barh kar hain ka'kalain us ki

Suna hai shaam ko saye guzar ke dekhtay hain

Suna hai us ke labon se gulaab jaltay hain

So hum bahaar pe ilzaam dhar ke dekhtay hain

Suna hai aaiyna-e-tamsaal hai jabeen us ki

Jo sada dil hain ussay aah bhar ke dekhtay hain

Suna hai us ke badan ki taraash aisi hai

Keh phool apni qubaein kutar ke dekhtay hain

Bas ik nigah se lut'ta hai qaflaa dil ka

So reh'waan-e-tamana bhi dar ke dekhtay hain

rukay to gardashain us ka tawaaf karti hain

Chalay to us ko zamanay tehar ke dekhtay hain

Kahaniyaan hi sahi , sab mubaalgay hi sahi

Agar woh khwaab hai tabeer kar ke dekhtay hain

Ab us ke shaher main tehrain keh kooch kar jayein

"Faraz" aao sitaray safar ke dekhtay hain

Poet : Ahmed Faraz

Mujh sa na de zamanay main parwar'digaar dil

Ashafta dil , fareefta dil , be'qarar dil

Mashoor ho gayi hai ziarat shaheed ki

Khoon kushta arzoo ka bana hai mizaar dil

Us ki talaash hai keh nazar aye arzoo

Zaalim ne roz chaak kiye hai hazaar dil

Pehlay pehal ki chah ka karain na imtihaan

Ana to seekh le abhi do chaar baar dil

Niklay meri baghal se woh aisi tarap ke saath

Yaad aa gaya mujhe wahin be'iktiyaar dil

Aashiq huye woh jab se adoo par yeh haal hai

Rakh rakh ke haath dekhtay hain bar bar dil

Us ne kaha hai sabar paray ga raqeeb ka

Le aur be'qaraar hua be'qaraar dil

Be'taab ho ke bazam se us ki utha diya

Ghafal hoon main magar hai bhout hoshiyaar dil

Mar gaye jin kay chahnay walay

Un haseeno ki zindagi kya hai

Lihaaz-e-ishq na hota to tujh se ranjashain hotein

Shikayat sirf itni hai keh tu samjha hi nahin mujh ko

Ishq qatil se bhi , maqtool se hamdardi bhi

Yeh bata kis se mohabbat ki jaza paye ga ?

Sajda khaliq ko bhi , iblees se yaraana bhi

Hashar main kis se aqeedat ka sila maangay ga ?

Mat cheen apna naam meray lab se is tarah

Is be'naam zindagi main tera naam hi to hai

Bin teray jaan-e-jaana qayamat hai chaand raat

Mat pooch mujh se kaisi museebat hai chaand raat

Ho gi yeh teray wastay be'hijjat ki ibtidaa

Meray liye to sakhat aziyat hai chaand raat

Aik hi shaher main itni baarishein theek nahin

Aao hum tum baant laein aankhon ki barsaat

Main jee loon ga mujh ko raas hai tareeki

Saray din tum le lo mujh ko de do raat

Yeh pichlay pehar ka zard ru chaand

Be'raaz-o-niyaaz-e-ashnaai

Teri qandeel hai tera dil

Tu aap hai apni roshnai

Bad'naam meray pyaar ka afsana hua hai

Dewane bhi kehtay hain keh dewana hua hai

Rishta tha tabhi to kisi be'dard ne tora

Apna tha tabhi to koi be'gaana hua hai

Badal ki tarah aa ke baras jayein ik din

Dil aap ke hotay huye veerana hua hai

Bajtay hain khyalon main teri yaad ke ghungroo

Kuch din se mera ghar bhi pari khana hau hai

Mousam ne banaya hai nigahon ko sharabi

Jis phool ko dekhon wohi pai'maana hua hai

Is dour ki duniya se guzar kiyon nahin jaate

YEh log bhi kiya log hain mar kiyon nahin jaate

HAi kon zamanay main mera poochnay wala

Na'daan hai jo kehtay hain keh ghar kiyon nahin jaate

Sholay hain to kiyon un ko bharaktay nahin dekha

HAin khaak to raahon main bikhar kiyon nahin jaate

Ansoo bhi hain aankhon main duaein bhi hain lab par

Bigraye huye halaat sanwar kiyon nahin jaate

Hum hi main na thi koi baat yaad na tum ko aa sake

Tum ne hamain bhulaa diya ,hum ne tumhain bhula sake

Tum hi agar na sun sake qissa-e-gham ,sunay ga kon

Kis ki zubaan khulay gi phir hum na agar suna sake

Hosh main aa chukay thay hum jsoh main aa chukay thay hum

Bazam ka rang dekh kar sar na magar utha sake

Ronaq-e-bazam ban gaye lab pe shikayatein rahein

Dil main shikayatein rahain , lab na magar hila sake

Shouq-e-wisaal hai yahan ,lab par sawaal hai yahan

Kis ki majaal hai yahan hum se nazar mila sake

Aisa ho koi naam-e-bar baat par kaan dhar sake

Sun ke yaqeen kar sake , jaa ke unhain suna sake

Ajz se aur barh gayi barhami, mizaaj dost

Ab woh kare ilaaj , dost jis ki samjh main aa sake

Ehal-e-zubaan to hain bhout, koi nahin hai ehal-e-dil

Kon teri tarah "Hafeez" dard ke geet gaa sake

Ab is ke baad ghannay junglon ki manzal hai

Yeh waqat hai keh palat jayein humsafar meray

Sab se youn milna keh jaisay dil main koi dukh na ho

Mujh main yeh khoobi bhi hai , sab khamiyon ke ba'wajood

KAshti bhi nahin badli dariya bhi nahin badla

Aur doobnay waalon ka jazba bhi nahin badla

Hai shouq-e-safar aisa aik arsay se yaroo

Manzil bhi nahin paai rasta bhi nahin badla

Ishq ki taqweem main asar-e-rawaan ke siwa

Ishq

Ishq ki taqweem main asar-e-rawaan kay siwa

Ishq dam-e-jibraiel , ishq dil-e-mustufa (pbuh)

Aur zamanay bhi hain jin ka nahin koi naam

Ishq khuda ka rasool (pbuh) , ishq khuda ka kalaam

Ishq ki masti se hai paikar-e-gul-e-taabnaak

Ishq fiqiya-e-haram , ishq ameer-e-junood

Ishq hai seh'baaiay khaam , ishq hai kaas-ul-ikraam

Ishq hai ib-nas-sabeel , is kay hazaron maqaam

Woh mujh se door ho kar khush hai to rehnay do ussay

Mujhe chahat se ziada us ki muskurahat pasand hai

Khudaya hum unhain dekhain

Keh un ka dekhna dekhain

Shamma mizaar thi , na koi sogawaar tha

Tum jis pe ro rahay thay , woh kis ka mazaar tha

Tarpon ka umar bhar dil-e-marhoom kay liye

Kam bakhat, na'muraad,larkapan ka yaar tha

Soda-e-ishq aur hai wehshat kuch aur shai

Majnoo ka koi dost fasana nigaar tha

Jadoo hai ya talisam tumhari zubaan main hai

Tum jhoot keh rahay thay mujhay aitabaar tha

Kiya kiya hamaray sajday ki ruswaiyaan huyein

Naqsh-e-qadam kisi ka sar-e-raah guzaar tha

Is waqat tak wazah main aya nahin hai farq

Tera karam shreek jo parwar'digaar tha

Gul tera rang chura laye hain gulzaaron main

Jal raha hoon bhari barsaat ki bocharon main

Mujh se katra ke nikal jaa magar ae jaan-e-haya

Dil ki lo dekh raha hoon teray rukhsaaron main

Husan-e-be'gaana ehsaas-e-jamaal acha hai

Gunchay khiltay hain to bik jaate hain bazaron main

Zikar kartay hain tera mujh se be'unwaan-e-jafa

Chara gar phool pro laye hain talwaaron main

Zakham chup saktay hain lakin mujhe fun ki so'gand

Gham ki doulat bhi hai shamil meray shahkaaron main

Mujh ko nafrat se nahin pyaar se masloob karo

Main to shamil hoon , mohabbat ke gunnah'gaaron main

Poet : Ahmed Nadeen Qasmi

Kahin tum bhi na ban jana mazmoon kisi kitaab ka

Log baray shouq se parhtay hain kahaniyaan be'wafaon ki