Imran's Poetry: 06/29/14

Jun 29, 2014

Is se pehlay keh be'wafa ho jayein

Kiyon na ae dost hum juda ho jayein

Tum bhi heeray se ban gaye pathar

Hum bhi kal kiya se kiya ho jayein

Hum bhi majboorion ka uzr karain

Aur kahain aur mubtala ho jayein

Ishq bhi khail hai naseebon ka

Khaak ho jayein kimiyaan ho jayein

Ab ky gar tu mile to hum tujh se

Aisay liptain teri qaba ho jayein

Bandagi hum ne chor di hai imran

Kiya karain log jab khuda ho jayein

Apne ehsaas ki shamma ko jalaye huwey rakhna

Ik dard sa seenay main jagaye huwey rakhna

Aas paas bakhairna apni yaadon ky sab moti

Maazi ky sab kirdaron ko bhulaye huwey rakhna

Alfaaz ko soghatein jiti bhi milein kam hain

Kari se kari mil kar zanjeer banaye rakhna

TAnha na kabhi rehna ehbaab ki mehfil main

Yaadon ky kisi hajoom ko bakhairaye huwey rakhna

Ghafil na kabhi hona dil ky badalne se

Sar apni ana ka her waqat uthaye huwey rakhna

Tanhai ky aalam main milna tum kabhi khud se

Par ehsaas ky shaher se khud ko bachaye huwey rakhna

Dil ki baat labon par laa kar ab tak hum dukh sehtay hain

Hum ne suna tha is basti main dil wale bhi rehtay hain

Beet gaya sawan ka maheena mousam ne nazrain badlien

Lakin inpiyaasi aankhon main ab tak ansoo behtay hain

Ek hamain awara kehna koi bara ilzaam nahin

duniya wale dil walon ko aur bhout kuch kehtay hain

Jin ki khatar shaher bhi chora jin ky liye bad'naam huwey

Aj wohi hum se begane begane se rehte hain

Aaj jo abhi us raah guzar se chaak giribaan guzra tha

Is awara dewane ko pagal kehtay hain

Mohabbat main her ik lamha wisaal karna hai

Ab pyaar tujhy her din maah-o-saal karna hai

Aagay bhi barhna hai aut tum ko bhi paana hai

Khuda se bas ik yahi sawaal karna hai

Kami ho gi na aghaaz ta anjaam-e-mohabbat

Dekho hum ne ab yeh kamaal karna hai

Dar na jana kahin zamano ki gardish ko dekh kar

Sirf raat aur sawere ka khyaal rakhna hai

Jitni bhi ayein nafratein raastay main tumhare

Be'khouf-o-khatar sab ko pai'maal karna hai

Anjaam is tarah se ho keh rutt hi badal jaye

Bilaal izaton ka bhi ane nagar khyal karna hai

Woh jis ka naam bhi liya pahailyon ki oot main

Nazar phairi to chup gayi sahaliyon ki oot main

Woh tere ishtiaaq ki hazaar heela sazaein

Woh mere iztraab yaar baaliyon ki oot main

Chalo keh hum bhi bujhay bujhay ghar ka marsia kahain

Woh chaand to utar gaya haweliyon ki oot main

Mere baghair bhi tum jeena hansi khushi se

Parta hai farq kiya hai ek shakhs ki kami se

Barbaadiyon main apni bas dosh hai hamara

Tohmat nahin kisi par , shikwa nahin kisi se

Ahi saans ab to bhaari , jeena bhi ik khawaari

YA rab mujhe utha le , hoon tang zindagi se

Ye aainay main jaan hai kiyon ab dekhta

Kiyon guftagoo karti hoon main ik ajnabi se

Deewangi ki mujh par tohmat hai jo ghalat hai

Ruswa hui hoon main to apni junoo'gari se

Shagufta baat meri Palu main baand lena

Umeed mat lagana ab tum kisi se

Ek hi dharti pe kartay hain dono rehan basera bhi

Neel gagan ky saye tale ghar tera bhi ghar mera bhi

Rang-o-nasal ka jhagra kaisa , kumba ik qabeela ik

Tere khoon ka laal hai rang . waisa hi rang mera bhi

Tera mera mazhab kaisa , Pyaar hi sab ka mazhab hai

Ek khuda hai tera bhi aur tera khuda hai mera bhi

Kon kis ka dost hua , jab hath main sab ky khanjar ho

Band pitaare main rakhta hai apna saamp sapera bhi

Dair hui jab barq giri thi , ab tak wehshat taari hai

Thak kar suraj doob le ga to chp'paye ga andhera bhi

MAin tumhain dil main basa loon agar bura na lage

Main tumhain apna bana loon agar bura na lage

Tum hi ho chahat meri tum hi ho manzil meri

Tumhain dharkan main chupa loon agar bura na lage

Shab-e-tanhai main tera intizaar karta hoon

Teri neendon ko chura loon agar bura na lage

Tum hi khwaab ho tum hi khushi ho meri

Tum hi se tum ko chura loon agar bura na lage

Be'bas bhout hai keh beemaar bhout hai

Ab aa ke milo hum se dil ko yeh israar bhout hai

Ek shakhs jo her aan khafa rehta hai mujh se

Dil us ki mohabbat main giriftaar bhout hai

Mana hamain jeene ka qareena nahin ata

Aye zeest magar tujh se pyaar bhout hai

Kuch hum bhi bhulane ka taqaza nahin kartay

Kuch un ki tabiyat main bhi inkaar bhout hai

Is zaat ky sehra ki karri dhoop main hum ko

Saathi na sahi saya-e-dewaar bhout hai

Barson guzar gaye so kar nahin dekha

Aankhon main neend thi so kar nahin dekha

Woh kiya janein dard mohabbat ka

Jis ne kisi ka ho kar nahin dekha

Aap ko dekh kar yeh nigha jhuk gayi

Khamoshi ab her baat kehhaye gi

Parh lo in aankhon main apni mohabbat

Aap ki qasam sari raaton ki neend urr jaye gi

Kon rota hai yahan raat ky sanaton main

Mere jaisa hi koi hijar ka maara ho ga

Kaam mushkil hai magar jeet hi loon ga us ko

Mere mola ka wasi joun hi ishara ho ga

Aaj bhi us ki aankhon main raaz wohi tha

Chahera wohi tha chaheray ka libaas wohi tha

Kaisay us ko be'wafa keh doon yaroo

Aaj bhi us ky dekhney ka andaaz wohi tha

Youn mere dil main us ki mohabbat tehar gayi

Muflis ky ghar main jaisay zaroorat tehar gayi

Dharkan ki jaan leva aziyat ki zad main tha

Dil tham gaya to jaisay qayamat tehar gayi

Jo dil ko bhalay lagtay hain woh juda ho jate hain

Jin se ziada pyaar karain woh khuda ho jate hain

Main her dost ko chahta hoon zindagi ki tarah

Shayed woh sab isi liye be'wafa ho jate hain

Izhaar-e-mohabbat ka haq hum ko to nahin tha

Aap kiyon khamosh thay kuch to kaha hota

Nahin tha khud pe bharosa meri chahat main kami thi

Zubaan se tha nahin mumkin to aankhon se kaha hota

Guzar gaye hain bhout din rafaqat-e-shab main

Ik umar ho gayi chahera woh chaand sa dekhe

Tere siwa bhi kai rang kush nazar thay magar

Jo tujh ko dekh chuka ho woh aur kiya dekhe

Woh jo geet tum ne suna nahin

Meri umar bhar ka riaz tha

Meray dard ki thi dastaan

Jissay tum hansi main urra gaye

Ik waqat ky khone ka ehsaas hua hai

Yeh lamha na kabhi sach main paas hua hai

Kiyon milti mujhay waqti rihaai bhi "ranj"

Jazbaat ka qaidi bhi kabhi khaas hua hai

Mat kaho mujhe izhaar-e-mohabbat zubaan se biyaan karney ko

Suna hai zamaney se keh hoty hain kaan dewaaron ky bhi

Hone do yeh qissa biyaan aankhon se sehar

Keh yeh kar deti hain her baat khamoshi main bhi

Woh kushi tha umeed tha ik ehsaas tha

Baad main yeh gumaan hua , bas pal do pal ka sath tha

Rehta hai aaj bhi intizaar is aankh ko kisi apney ka

Woh ja kar aaj bhi sath hai jo kabhi hamaray paas tha

Be-zubaano ko jab woh zubaan deta hai

Parhne ko phir woh quraan deta hai

Bakhney pe ata hai jab ummat ky gunnahon ko

Tohfay main gunah'gaaron ko ramzan deta hai

Akela waris hoon main us ki tamaam nafraton ka Mohsin

Woh jo shakhs saray shaher main pyar baant'ta phirta hai

Apney kho janey ka is raah main imkaan na tha

Tha magar itn abhi us ka mujhe armaan na tha

Kuch tasna bhi tha warna meray gham par woh shakhs

Jitna ata tha itna parishaan na tha

Jab khizzan aye to loat aye ga woh bhi mohsin

Woh baharon main zara kam hi mila karta hai

Tez baarish main kabhi sard hawaon main raha

Ik tera zikar tha jo meri sadaon main raha

Kitney logon se mere gehray mrasam hain magar

Tera chahra hi faqat meri duaon main raha

Na sawaal ban kar mila karo , na jawaab ban kar mila karo

Meri zindagi mera khwaab hai mujhe khwaab ban kar mila karo

Her aik shaam ko mere doston na azaab ban kar mila karo

Mujhe meh'kaday main milo agar to sharaab ban kar mila karo

Mujhe achay log bhout mile main to un ky qarz se mar gaya

Gar ho sake to kabhi kabhi to khraab ban kar mila karo

Abhi sochna hai to soch lo hamain chorna hai to chor do

Naye mousam main milo mujhe to gulaab ban kar mila karo

Na to is tarah se mila karo na to us tarah se mila karo

Haan hazoor ban ky mila karo haan janaab ban kar mila karo

Khamoshi khud apni sada ho aisa ho bhi sakta hai

Sanata hi goonj raha ho aisa ho bhi sakta hai

Mera maazi mujh se bichar ky jane kis haal main hai

Meri tarah woh bhi tanha ho aisa ho bhi sakta hai

Sehra sehra kab tak main dhoondon ulfat ka ik alam

Alam alam ik sehra ho aisa ho bhi sakta hai

Ehl-e-toofaan socha raha hai sahil doob jata hai

Khud un ka dil doob raha ho aisa ho bhi sakta hai

Kathan hai raah'gur thori door sath chalo

Bhout bara hai safar thori door sath chalo

Tamaam umar kahan koi sath deta hai

Main jaanta hoon magar thori door sath chalo

Nashe main choor hon main bhi tumhain bhi hosh nahin

Mara maza ho agar thori door sath chalo

Yeh aik shab ki mulaqaat bhi ghaneemat hai

Kissay hai kal ki khabar thori door sath chalo

Abhi to jaag raha hai chraagh raahon ky

Abhi hai door shaher thori door sath chalo

Taveel-e-manzil-e-jana hamain bhi karna hai

Imran tum bhi agar thori door sath chalo

Sochta hoon ussay neend bhi ati ho gi

Ya meri tarah faqat ashk bahati ho gi

Woh meri shakal mera naam bhulane wali

Meri tasveer se kiya aankhain milaati ho gi

Is zameen pe bhi haisailaab meri aankhon se

Mere maatam ki sada arash hilati ho gi

Shaam hote hi woh chokhat pe jala ky sham'ein

Apni palkon pe kai khwaab sajati ho gi

Us ne silwa bhi liye hon ge siyaah rang libaas

Ab moharram ki tarah eid manati ho gi

Jab bhi zulfon main koi phool sajati ho gi

Mere tareek zamano se nikalne wali

Roshti tujh ko meri yaad dilati ho gi

Dil ki masoom ragein khud hi sulgaati ho gi

Joun hi tera tasawar ka kon awoh jalati ho gi

Roop de kar mujhay us main kisi sehzade ka

Apne bachon ko kahani sunati ho gi

Ab jo bichra to ab duniya main kiya rakha hai

Sari duniya ko tere gham main bhula rakha hai

MAin teray shaher ky logon se karon kiyon shikwa

Tere apno ne hi mujh se tera shaher chura rakha hai

Hum tujhe dhoondtay phirtay hain faqeer ban kar

Khud ko na jane kahan tu ne chupa rakha hai

Woh bulayein to kiya tamasha ho

Hum na jayein to kiya tamasha ho

Yeh kinaron se khailney wale

Doob jayein to kiya tamasha ho

Banda parwar jo hum pe guzri hai

Hum bataein to kiya tamasha ho

Aaj hum bhi teri wafaon par

Muskurain to kiya tamasha ho

Teri surat ji itifaaq se

bhool jayein to kiya tamasha ho

Waqat ki chan sa'atein sagar

Loat ayein to kiya tamasha jo

EK Jurm Huwa Hay Hm Se

Kisi rishte Se Wfa Kr Baithe

Kuch Apna Sa samj Kr usko

Sub Raz Bta Baithe

Phir Usi rishte Ki Rah Me

Dil-0-Jan Ganva Baithe

Is Jurm Ki Aesi Sza Mili K

Hm Un Se Juda Baithe

W0 Yad Boht Ate

J0 hm ko Dil Sy Bhula Baithy

Wo tum na they ik khayal tha

Meri soch ka hi kamal tha

Wo mohabbatain wo chahatain

Meri uljhanoon ka hi jaal tha

Meray dil mein thin jo ronaqain

Wo tera hi husan-o-jamal tha

Jawab jis ka mila nai

Wo aiysa hi ek sawal tha

Wo aaj mile to yun laga

Wohi to hai jis ka intazar tha

Usay yaad kaisay na karon

Usay bholna bhi muhal tha

Ab us ki kiya misal doon

Wo to aap apni misal tha..

Mana keh tere dil mein koi aur makeen hai

Tu bhi to mera ghum hai aqeeda hai yakeen hai

Main jabr ke sajdon mein kaheen toot na jaun

Pathar ke khudao meri sheeshe ki jabeen hai

Aayne tujhe teri khabar de na saken ge

Aa dekh meri aankh mein tu kitna haseen hai

Deewar mein chunwa ke mujhe jurm-e-wafa par

Aye mere shahenshah tu pareshan to nahi hai

Palkon se tarasha tha kbi humne jo heera

Mat puchh ab wo kiski angoothi ka nageen hai

Dil pak Nahi To Pak Ho Sakta Nahi Insan

Warna Iblees Ko Bhi Aate The Wuzoo K Fara,iz Baht

Sir Jhukane Se Namazein Adda Nahi Hotin

DIL Jhukana Parta Hay Ibadt K Liye

Iqbal Ne Iss Liye Tor Di Tasbih

Kaya Gin k Naam Loon Us Khuda ka

Jo Be Hisab Deta Hay

Koi mujh ko mera bhar'poor sarapa la de

Mere baazo meri aankhain mera chahera la de

Aisa dariya jo kisi aur samandar main gire

Is se bhtar hai keh mujh ko mera sehra la de

Kuch nahin chayea tujh se meri Ae umar-e-rawaan

Mera bachpan mere jugnoo meri guriya la de

Jis ki aankhain mujhe andar se bhi parh sakti hoon

Koi chahera to mere shaher main aisa la de

Kishti-e-jaan to bhanwar main hai kai barsoon se

Aye khuda ab to baboo de ya kinara la de

Tez jhonka na seh saka patta

Shaakh se toot kar gira patta

Zard roo se murra turra patta

Ayi aandhi hua hawa patta

MAin bhi tha zaib-e-gul hara patta

Zar-e-paa hai yeh keh raha patta

De sila rabt pairr se rakhna

Fasl-e-gul ka yeh gham'zada patta

Be'saharon ki zindagi jaisay

Pairr ky saaye main para patta

Hum bhi ra'ana thay youn kabhi

Jaisay gul'zaar ka hara patta

Suraj sar pe aa poncha hai

Saye bhi chupty jate hain

Aisi hi muskaan tumhari

Guncha jaisay khil jata hai

Zakham laga ky woh kehti hain

Bol re sajan tu kaisa hai

Baatein kar amrooze ki piyaare

Chor de us ko jo farda hai

Is duniya main ulfat dhoondy

Kuch kuch deewana lagta hai

Tum agar mujh ko na chaho to koi baat nahin

tum kisi aur ko chaho gi to mushkil ho gi

Ab agar mail nahin hai to judai bhi nahin hai

Baat tori bhi nahin tum ne banai bhi nahin

Yeh sehra bhi bhout hai mere jeenay ky liye

Tum agar meri nahin ho to parai bhi nahin

Mere dil ko na sraho to koi baat nahin

Ghair ky dil ko sraho gi to mushkil ho gi

Tum haseen ho , tumhain sab pyaar kartay hon ge

Main jo marta hoon to kiya aur bhi martay hon gy

Sab ki aankhon main isi shouq ka toofaan ho ga

Sab ky seenay main yahi dard ubharty hon gy

Mere gham main na kraahoto koi baat nahin

Aur ky gham main kraaho gi to mushkil ho gi

Kisi ki aankh jo pur'nam nahin hai

Na samjho yeh keh us ko gham nahin hai

Sawaad-e-dard main tanha khara hoon

Palat jaon magar mousam nahin hai

Samjh main kuch nahin ata kisi ki

Agarcha guftagoo mabham nahin hai

Sulagta kiyon nahin tareek jungle

Talab ko boo agar madham nahin hai

Yeh basti hai sitam par'war'digaan ki

Yahan koi kisi se kam nahin hai

Kina dosraye dariya ka jaisay

Woh sathi hai magar mehram nahin hai

Dilon ki roshni bhujhney na dena

Wajood tairagi mehkam nahin hai

Main tujh ko chah kar pachta raha hoon
Koi is gham ka marham nahin hai

Jo koi sun sake amjad to duniya
Ba'juz ik baaz'gashat-e-gham nahin hai

Yaad main teri jahan ko bhoolta jata hoon

Bhoolney wale kabhi tujh ko bhi yaad ata hoon main

Ik dhundla sa tasawar hai keh dil bhi tha yahan

Ab to seenay main faqat ik tees si paata hoon main

O wafa-e-na'ashna kab tak suno tera gila

Be'wafa kehtay hain tujh ko aur sharmata hoon main

Aarzoo'on ka shabaab aur marg-e-hasrat haye haye

Jab bahaar aye gulistaan main to mur'jhata hoon main

Hashar meri shair goi hai faqat fariyaad-e-shouq

Apna gham dil ki zubaan main , dil ko samjhata hoon main

Honton pe kabhi un ky mera naam hi aye

Aye to sahi bar sar-e-ilzaam hi aye

Hairaan hain , lab basta hain , dil'geer hain gunchay

Kushboo ki zubaani tera paighaam hi aye

Lamhaat musarat hain tasawar se guraizaan

Yaad aye hain jab bhi gham-o-aalaam hi aye

Taron se saja lein gy raah-e-shaher-e-tamana

Madoor nahin subho chalo shaam hi aye

Kiya raah badalney ka gila hum safron se

Jis raah se chalay teray dar-o-baam hi aye

Thak haar ky baithay hain sar-e-koo-e-tamana

Kaam aye to phir jazba-e-nakaam hi aye

Baaqi na rahay saakh ada dasht-e-junoon ki

Dil main agar andesha-e-anjaam hi aye

Agar mohabbat meri sachi hai to ik din zaroor mila de gi

Agar zid meri paki hai to aye khuda asmaan ko bhi hila de gi

Na inkaar kar sakta haikoi meri wafa se , mujhe yaqeen hai

Par tum sambhalna ek din meri wafa tujhe be'wafi ka sila de gi

Yeh baat sach hai tum ne hum se pyaar kiya aur doosray pal hi bhula dia

Mera pyaar itna asaan na tha na socha tha keh tero mohabbat daga de gi

Na bhula sakoon gi woh mohabbat na woh be'wafai jo tu ne ki

Saza is se barh kar kiya de gi keh umar bhar meri mohabbat tujhe dua de gi

Agar dam hai meri wafa-e-mohabbat main to woh ik din aye ga zaroor

Jab meri yaad main tu tarpaye ga par tab tujhe apni mohabbat na de gi

Woh hai manind-e-sang to main sang traash ban jaon

Chaahon ussay itna keh pathar bhi devta ban jaye

Ho aisi khalish meri chahat main key ussay her bandhan se azaad karoon

Woh loat aye her baar magar aur mera ban jaye

Ho shiddat aisi keh Mujhe hi kiya mere aks ko bhi tera khyaal ho

MAin jo aaina dekhon kabhi mujhe khud par bhi tera gumaan ho jaye

Mera ishq ho ishq ki us manzal par keh khud ishq tarap uthaye

Main tujhe nazar bhar ky dekhon hi keh meri aankh bhar aye

Her shakhs us ky baad mujhe anjana laga

Bhool jane main ussay poora zamana laga

Peet main bhi maaray khanjar , dil ko bhi kiya zakhmi

Andaaz ua ka yeh mujhay bara qatlaana laga

Her baar ghairon ki tarah woh milta raha mujhe magar

Phir bhi na woh zaalam mujhe bei'gaana laga

Kahin bhi na mili jab mujhae dard-e-dil ki dawa

Tab mai'khana hi mujhe apna dawa'khana laga

Kahani sun mere barbaad hone ki woh bola

Bhout khoob hamain yeh afsana laga

Aaj ky is dour main woh dhoond raha hai wafa

Kiya kahoon , mujhe to dilbar poora deewana laga

Meri zindagi bhi meri nahin , yeh hazaar khano main bat gayi

Mujhe ik mutthi zameen de , yeh zameen kitni simat gayi

Teri yaad aye to chup rahoon , zara chup rahoon to ghazal kahoon

Yeh ajeeb aag ki bail thi , mere tan badan se lipat gayi

Mujhe likhney wala likhey bhi kiya , mujhay parhney wala parhay bhi kiya

Jahan mera naam likha gaya , wahin roshni ulat gayi

Na koi khushi na koi malaal hai , keh sabhi ka ik sa haal hai

Tere sukh ky din bhi guzar gaye , mere dukh ki raat bhi kat gayi

Meri band palkon pe toot ky koi phool raat bikhar gaya

Mujhay siskiyon ne jaga dia , meri kacchi neend uchat gayi

Jitna bhi behak jaye insaan to rehta hai

Her lamha sambhlney ka imkaan to rehta hai

Sadiyon ky mrasam ki apni hai jaga lakin

Dam bhar ka ta'aluq bhi pehchaan to rehta hai

Dam torti yaadain hon ya khwaab parishaan se

Kuch paas mere us ka samna to rehta hai

Ek ky jab rishtay lamhon main bikhar jayein

Aankhain to barasti hain armaan to rehta hai

Bichray huwey logon ka milna to hai mushkil par

Umeed to rehti hai imkaan to rehta hai