Kitni der tak
Imlitas kay pairr kay neechay
Baith kay hum ne baatein keein
Kuch yaad nahin
BAs itna andaza hai
Chaand hamari pusht se ho kar
Aankhon tak aa poncha
Jun 19, 2014
Sitaron se aagay jahan aur bhi hain
Sitaron se aagay jahan aur bhi hain
Abhi ishq ky imtihaan aur bhi hain
Tahi zindagi se nahin yeh fizaein
Yahan sainkaron imtihaan aur bhi hain
Qna'at na kar alam-e-rang-o-boo par
Chaman aur bhi hain ashiyaan aur bhi hain
Mujhay zindagi kehnay walay
Mujhay zindagi kehnay walay
Meri zindagi teri ana kay haathon
Reza reza ho gayi phir youn hua ... toot gayi
Bikhar gayi main jaan-e-jana
Kya mohabbat .... Mohabbat isi ko kehtay hain keh
Ana ki maar , maar di jaye
Ik justagoo main raat din bhatkay hain dar badar
Ik justagoo main raat din bhattkay hain dar-ba-dar
Hum ko tumharay pyaar ne awara kar diya
Aansoo ka aik qatra aur pani ki aik boond
Aansoo
Aansoo ka aik qatra
Aur paani ki aik boond
Shakal shabahat aik jaisi lakin
Dono ki hai hayaat kitni ?
Phailtay hi , tapaktay hi
Ik lamhay ko tehartay hi
Aglay lamhay kho jana fanaa ho jana
Farq sirf itna hai in main
Paani ki ik boond , yeh dhabbay ka gumaan de jay
Aur aansoo yeh qatra , jazbaat ka biyaan de jaye
Bhout safaak ho tum bhi
Prinda
Bhout safaak ho tum bhi
Mohabbat aisay kartay ho
KEh jaisay ghar kay pinjray main
Prinda paal rakha ho
Kiyon uthaein na naaz hum un ky
Kiyon uthaein na naaz hum un ky
Khushboo, shabnam , bahaar waari hai
Jaan baaqi thi waar di tujh pe
Tera sadqa nazar utaari hai
manzil nahin milti raasta nahin milta
manzil nahin milti
Raasta nahin milta
Ho kar juda tujh se
Mujhay sahara nahin milta
Roz jeeti hoon
Roz marti hoon
Tere jaane ky baad
Jeene ka asra nahin milta
Her awaaz pe chonk jati hoon
Her aahat pe mur ky dekhti hoon
Kho kar tujhay
Tera saya nahin milta
Hai yakeen mujhay
Laut aye ga woh bhi
Magar tab tak
Saans ko raabta nahin milta
Tehar jaye is dil ki dharkan
Sukoon mil jaye is be'chain ko
Dua karo keh is rooh ko
Jaane ka raasta nahin milta
Atay atay meray naam se reh gaya
Atay atay meray naam se reh gaya
Us ky honton pe kuch kaampta reh gaya
Woh meray samnay hi gaya aur main
Rastay ki tarah Dekhta reh gaya
Jhoot wale kahin se kahin barh gaye
Aur main tha keh sacha bulata reh gaya
Aandhiyon Ky iraday to achay na thay
yeh diya kaisy jalta hua reh gaya
Pehlay pehlay to khwabon ka dam bharne lagti hain
Pehlay pehlay to khwabon ka dam bharne lagti hain
Phir aankhain palkon main chup ky ronay lagti hain
Jaanay tab kiyon suraj ki khwaish kartay hain log
Jab barish main sab deewarain girnay lagti hain
Tasveeron ka rog bhi aakhir kaisa hota hai
Tanhai main baat karo to bolnay lagti hain
Saahil se takranay wali wehshi moujain bhi
Zinda rehnay ki khwaish main marnay lagti hain
Tum kiya jano lafzon ky azaar ki shiddat ko
Yaadain tak sochon ki aag main jalnay lagti hain
Dard apnata hai praye kon
Dard apnata hai praye kon
Kon sunata hai aur sunay kon
Kon dohraye woh purani baat
Gham abhi soya hai jagaye kon
Woh jo apnay hain kiya woh apnay hain
Kon dukh jhele azmaye kon
Ab sukoon hai to bhulanay main hai
Lakin us shakhs ko bhulaye kon
Aaj phir dil hai kuch udaas udaas
Dekhiya aaj yaad aye kon
Jahan raat kabhi bhi soyi na ho
Jahan raat kabhi bhi soyi na ho
Jahan subha kisi pe royi na ho
Jahan hijar na wehshat boyi na ho
Jahan koi kisi ki khoyi na ho
Mujhay aur kahin le chal sanwal
Jahan shaher hon saray veeran
Jahan log hon sabhi beganay
Jahan sab ky sab hon dewaane
Jahan koi hamain na pehchane
Mujhay aur kahin le chal sanwal
JAhan nafrat dil main bas na sake
Jahan koi kisi ko dus na sake
Jahan koi kisi pe hans na sakay
Jahan koi bhi gunjal kas na sakay
Mujhay aur kahin le chal sanwal
Jahan dard kisi ko raas na ho
jahan koi bhi udaas na ho
Jahan zulmat ki boo basi na ho
Jahan tu bhi zyada paas na ho
Mujhay aur kahin le chal sanwal
Is waqat to youn lagata hai keh kuch bhi nahin hai
Is waqat to youn lagata hai keh kuch bhi nahin hai
Mehtaab na suraj na andhera na sawera
Aankhon main dareechon main kisi husan ki jhalkan
Aur dil ki panahon main kisi dard ka dera
Mumkin hai koi weham ho mumkin hai suna ho
Galiyon main kisi chaap ka ek aakhri pehra
Shakhon main khyalon ky ghanay pairr ky shayed
Ab aa kay karay ga na koi khwaab basera
Na mehar na bair na ik rabat na ik rishta
Tera koi apna na paraya koi mera
Mana keh yeh sunsaan gharri sakhat bari hai
Lakin meray dil yeh to faqat ik gharri hai
Himmat karo jeene ko abhi umar parri hai
Ansoo main ne rok liye hain
Ansoo main ne rok liye hain
Khawabon ka gharonda tor dia hai
Khat bhi saray phaar diye hain
Dil ko main ne baand liya hai
band yeh darwazay khol na jana
mujhay tum ab yaad na ana
Sheesh mehal ky yeh sundar sapnay
Tu ne chakna choor kiye hain
Teray naam pe baithay aansoo
Khamoshi se zabat kiye hain
Zabat ky bandhan tor na jana
Tum mujhay ab yaad na ana
Ek ek kar ky saray panchi
Apnay gharon ko chalay gaye hain
Prem nagar ky woh darwaze
Main ne thak ky band kar diye hain
Dar yeh saray khol na jana
Tum mujhay ab yaad na ana
Hum hijar ky rastay pe safar kar nahin saktay
Hum hijar ky rastay pe safar kar nahin saktay
Ek lamha teray bina basar kar nahin saktay
Woh aakhri lamhon main mujhay maang raha hai
Yeh waqat aisa keh guzar kar nahin saktay
Khud hath se apnay ussay khona hi paray ga
yeh zabat bhi kamhai magar kar nahin saktay
Youn apni nighaon ko chura leyata hai tujh se
Keh dil ky iradon ki khabar kar nahin saktay
Tum khwaab jalatay rahay hum aaj tak chup thay
Ab dil ka youn jalna par sabar kar nahin saktay
Yeh aankh andheron main hai piyaas ka sehra
Is noor ky dariya par nazar kar nahin saktay
Her chand keh meri aankh main ansoo hain laraztay
Jaltay huwey sholay is par asar kar nahin saktay
Ab chahein baand lein gy tumhain apni nazar se
Hum is liye khuda se khafa ho nahin saktay
Woh shaam woh rukhsati ka sama yaad rahaye ga
Woh shaam woh rukhsati ka sama yaad rahaye ga
Woh shaher woh kacha makaan yaad rahay ga
Woh tees si ubarti thi idhar yaad rahay gi
Woh dard keh utha tha yahan yaadrahay ga
Kuch mir ko abiyaat thay kuch faiz ky misray
Ek dard ka tha jin main bayaan yaad rahay ga
Hum bhool sakey hi na tujhay bhool sakain gy
Tu yaad rahay ga hamain hamesha yaad rahay ga
Hum issay jeet hi lain gy dil ko yeh yakeen tha
Hum issay jeet hi lain gy dil ko yeh yakeen tha
Yeh khail bhi haar gaye hum koi gumaan honay tak
Mom ka badan nahin hota yeh dhoop nahin itni tez hoti
hum to jhulas ky reh gaye koi saiybaan honay tak
Hum hi kam feham thay yeh zindagi hi dushwaar thi
Intizaar main hum reh gaye is ky asaan honay tak
Umar bhar tarastay rahay nazar-e-iltafaat ko
Hum kahain keh nahin rahay us ky meharbaan honay tak
Ek diya dil main jalana bhi bhujha bhi dena
Ek diya dil main jalana bhi bhujha bhi dena
Yaad karna bhi issay roz bhula bhi dena
Kiya kahoon yeh meri chahat hai keh nafrat hai
Naam likhna bhi mera likha kar mitta bhi dena
Phir na milnay ko bicharti to hoon tujh se lakin
Mur kar dekhna to palatnay ki dua bhi dena
Khat bhi likhna ussay mayoos bhi rehna us se
Juram karna bhi magar khud ko saza bhi dena
Mujh ko rasmon ka takal'luf bhi gawara lakin
Jee main aye to yeh dewaar gira bhi dena
Badla na apnay aap ko jo thay wohi rahay
Badla na apnay aap ko jo thay wohi rahay
Milty rahay sabhi se magar ajnabi rahay
Duniya main jeet payo to to haro na khud ko tum
Thori bhout to zehan main naraazgi rahay
Apni tarah sabhi ko kisi ki talash thi
Hum jis ky bhi qareeb rahay door hi rahay
Guzro jo baagh se to dua mangtay chalo
Jis main khilay hain phool woh daali hari rahay
Guzar hi jata hai pal us ki yaad main
Jis ne milay main sadiyon ka faasla rakha
Jo likhay thay tum ne kabhi fuqat ky lamhon main
teray in khatoon ko hum ne dil se lagaye rakha
Fursat main kabhi un ansoo'on ka bhi sochana
Jin ko teri be'rukhi pe aankhon main chupaye rakha
Ae dil tu us pyaar ko bhool ja
Ae dil tu us pyaar ko bhool ja
Ae dil tu us yaar ko bhool ja
Jo na mana kabhi tujhay apna
Ae dil tu us dildaar ko bhool ja
Dia hai zamanay main us ne tumhain dhoka
Ae dil tu us dhokay baaz ko bhool ja
Andheri raaton main to aisay roya na kar
Ae dil tu un raaton ky intizaar ko bhool ja
Kabhi ayi thi teray jeevan main bahaar
Ae dil tu us mousam-e-bahaar ko bhool ja
Us ky dil se kabhi mila tha mera dil
Ae dil tu us deedaar ko bhool ja
Jo kiya tha kabhi tu ne us se iqraar
Ae dil tu us iqraar ko bhool ja
Ulfat main kisi ko youn sataya nahin kartay
Ulfat main kisi ko youn sataya nahin kartay
Raaij shab-e-furqat bhi mitaya nahin kartay
Mana keh gham aur rang to deti hai mohabbat
Shikayat bhi magar lab par to laya nahin kartay
Ek waqat mukarar hai duaon main asar ka
Be'waqat kabhi hath uthaya nahin kartay
Bad'naam zamanay main wohi ashaaq hui hai
Wada jo mohabbat main nibhya nahinkartay
Kehnay ko shab-e-gham bhi guzar jaye gi
Toofan shab-e-furqat main uthaya nahin kartay
Hum bhi apnay dil ki haar se parishaan hain tum bhi ho
Hum bhi apnay dil ki haar se parishaan hain tum bhi ho
Andar se reza reza meri jaan tum bhi ho
Hum bhi hain ik ujrri hui basti ki tarah
Aankhain bata rahi hain keh veeraan tum bhi ho
Parishaan hain hum bhi karri dhoop ky safar se
Saaye ki aarzoo main parishaan tum bhi ho
Hum bhi khizaan ki shaam ka aangan hain be'chraagh
Shookay huwey pairr darakhton jaisay tum bhi ho
Jaisay kisi khyaal ka saya hain do wajood
Hum bhi agar be'qaraar hain be'chain tum bhi ho
Mil jayein hum ko to kaisay suhana safar katay
Ghayal hain hum bhi , dil se zakhmi tum bhi ho
Kaisay sukoon paaon tujhay dekhnay ky baad
Kaisay sukoon paaon tujhay dekhnay ky baad
Ab kiya ghazal sunaon tujhay dekhnay ky baad
Awaaz de rahi hai meri zindagi mujhay
Jayon main ya na jayon tujhay dekhnay ky baad
Kaabay ka ehtraam bhi meri nazar main hai
Sar kis taraf jhukayon tujhay dekhnay ky baad
Teri nigha-e-mast ne deewana kar dia hai
Kiya mae'kaday ko jayon tujhay dekhnay ky baad
Nazaron main taab-e-deed hi baaqi na rahi
Kis se nazar milayon tujhay dekhnay ky baad
Tu ne mangi thi Ae dil dua shaam na ho
Tu ne mangi thi Ae dil dua shaam na ho
Ho gayi shaam main kahan jaon
Na koi raasta na thikana na koi darwaza
Tu bata Ae dil-e-na'kaam main kahan jaon
Reza reza meray jazbaat ko kar dia kis ne
Lut gaya meri zindagi ka aakhri armaan main kahan jaon
Kis qadar boujh hai seenay pe tujhay kiya maloom
Ab nahin takta issay tu hi bata kahan jaon
Ek gharonda tha meray paas jo toot gaya
Le ky na'kamiyon ka daagh main kahan jaon
Aitbaar tootay to woh bhi aisay logon par
Aitbaar tootay to
Woh bhi aisay lagon par
Jin ko hum apna jaanain
Jab bhi gham se bhoujhal ho
Un ko meharbaan maanain
Aitbaar tootay to
Aisay zakham miltay hain
jo kabhi nahin bhartay
Meharbaan saaye jab
Hum se rooth jayein to
Aisi dhoop milti hai
Jis main rooh jalti hai
Aitbaar tootay to
Dil ka aanina jo hai
woh bhi toot jata hai
Woh jo aks apna ho
Woh bhi rooth jata hai
Aitbaar tootay to
Aisay zakham miltay hain
Aisi dhoop milti hai
Aisay aks khotay hain
Log hans bhi lain shayed
Dil hamesha rota hai
Aitbaar tootay to
Pehlu main dard-e-ishq ki duniya liye huwey
Pehlu main dard-e-ishq ki duniya liye huwey
Baithi hoon zindagi ka sahara liye huwey
Dil main us chaand ki roshni liye huwey
Aaghosh main hai chaand ka daagh liye huwey
Poonchay to dil main josh-e-tamana liye huwey
Loatay magar luti hui duniya liye huwey
Main jee rahi hoon in tanhayion ky andheray main
Teri mohabbat ka sehra liye huwey
Uthti hoon bazam-e-ishq se na janay kaisay
Behki si ek nazar ka sehra liye huwey
Hum kisi ky sath main aur dil kisi ky sath raha
Hum kisi ky sath main aur dil kisi ky sath raha
Ajab mazaak meri zindagi ky sath raha
Kamaal ka be'reham mera woh muqaddar tha
Kinaar-e-aab bhi jo tishnagi ky sath raha
Woh ik dukh main door chor ayi thi
Tamaam umar meri zindagi ky sath raha
Jo dil main baat thi honton se kis tarah ho
Dil un ki bazam main ek be'basi ky sath raha
Hansay jo hum to aankhon se aansoo nikal paray
Hamesha gham koi meri kushi ky sath raha
Aaj jo us ki yaad main jo ro dia tha main
Aaj jo us ki yaad main jo ro dia tha main
Janay kab kiyon kahan kiya kho dia tha main ne
Gira kar chand aansoo chashm-e-nam se apni
Sadiyon se mila hua daag-e-dil dho dia tha main ne
Wapis kar diya tha us ne sirf ik baar se
Piyaar mohabbat dosti main jo dia tha main ne
Dekh nahin sakti thi kisi ky sath
Yahi to ik haq nahin us ko dia tha main ne
Ek shakhs paas reh kar bhi samjha nahin mujhay
Ek shakhs paas reh kar bhi samjha nahin mujhay
Is baat ka malaal hai shikwa nahin mujhay
Main is ko be'wafai ka ilzaam kaisay doon
Is ne ibtada hi se chaha nahin mujhay
Kiya kiya umeedain baand kar aya tha samnay
Afsoos teri aankh ne parkha nahin mujhay
Kab tak thehrana mujhay us ky paas
Acha hua keh us ne bhi roka nahin mujhay
Teray galay main jo banhoon ko daal rakhti hai
Teray galay main jo banhoon ko daal rakhti hai
Tujhay mananay ka kaisa kamaal rakhti hai
Tujhay khabar hai tujhay sochnay ki khatar hum
Bhout se kaam muqadar pe taal rakhti hai
Koi bhi faisala hum soch kar nahin kartay
Tumharay naam ka sika uchaal rakhti hai
Tumharay baad yeh aadat si ho gayi apni
Bikhartay sookhtay paate sambhaal rakhti hai
Kushi se milti hai khud ko aziyaat de kar
So jaan boojh ky dil ko nidhaal rakhti hai
Kabhi kabhi woh mujhay hans ky dekh lati hai
Kabhi kabhi mera be'had khayal rakhti hai
Tumharay hijar main yeh haal ho gaya apna
Kisi ka khat ho ussay bhi sambhaal rakhti hai
Kushi mile to teray baad kushi nahin hoti
Hum apni aankh main her dal nalaal rakhti hai
Zamanay bhar se bichar ky woh apni pannah main
Meray wajood ky tukray sambhaal rakhti hai
Kuch is liye bhi to be'haal ho gaye hum log
Tumhari yaad ka be'had khyaal rakhti hai
Chehrey pe gard pairon main safar hai keh nahin hai
Chehrey pe gard pairon main safar hai keh nahin hai
Tu dekh keh meri manzal pe nazar hai keh nahin hai
Jaa panay liye dhoond le kisi ahle-e-mahal ko
Na janay meri qismat main ghar hai keh nahin hai
Teray paas hai abhi aur dard to woh bhi mujhay de de
Na pooch keh mujh main aur sabar hai keh nahin hai
Meri neendain to mar chuki hain rat'jagon ky hath
Teray khawabon ko bhi koi aisa dar hai keh nahin hai
Yeh soch ky kay ayi hoon main main jungle se kuch jugnoo
Na janay ab kismat main shaher hai keh nahin hai
Tu dekh mera shouq mari shakiston ko na dekh
Pairon talay teray ghar ki dagar hai keh nahin hai
Managa hai tujhay rab se keh ek zid si hai kab se
Dekhon to meri duaon main asar hai keh nahin hai
Aankhon ko intizaar ka de ky hunar chala gaya
Aankhon ko intizaar ka de ky hunar chala gaya
Chaha tha ek shakhs ko janay kidhar chala gaya
Din ki woh mehfalain gayein raaton ky rat'jagay gaye
Koi samait kar meray shaam-o-sehar chala gaya
Jhonka hai ik bahaar ka rang-e-khyaal yaar bhi
Her soo bikhar bikhar gayi kushboo jidhar chala gaya
Us ky hi dam se dil main aaj dhoop bhi chandani bhi hai
de ke woh apni yaad ky ansoo janay kahan chala gaya
Koocha -ba-koocha dar-ba-dar kab se bhatak raha hai dil
Hum ko bhula ky raah woh apni dagar chala gaya
Chaha tha ik shakhs ko jane kidhar chala gaya
Mujh ko mout ne nahin zindagi ne pal pal sataya hai
Mujh ko mout ne nahin zindagi ne pal pal sataya hai
Lartay lartay is zindagi ne phir meray kamzor dil ko haraya hai
Kaisay kahon is masoom dil pe kiya kiya beeti hai
Sun ky kisi se hawaon ne bhi be'sumaar ashkon ko bahaya hai
Aisi zindagi ka to bas ek mout hi sahara hai
Aaj zaroorat parnay pe khuda ne bhi munh mujh se phiraya hai
KAisay jiyon jeenay ka bahana bhi nahin milta hai
Ghair to ghair apno ne bhi mujhay zaar zaar rulaya hai
Na yeh aashiqui na yeh dostana meray kisi kaam aya hai
|Mouka milnay pe sabhi ne meri hasti ko para para jalaya hai
Sun ky meray gham ka afsana naseeb bhi mujh se sharmaya hai
Aap apni hi nazron main main khudaya khud ko giraya hai
Subscribe to:
Posts (Atom)
