Woh meri shaksiyat ki khoj main hain

Woh meri shaksiyat ki khoj main hain 

Jin ko apna nasab nahin maloom 

Dil kisi yaar-e-ba'wafar ki tarah

Dil kisi yaar-e-ba'wafar ki tarah 

Ba'khabar hai bhout khuda ki tarah 

Zindagi bhar tumhara naam meray 

Dil se nikla kisi dua ki tarah 

Main ne her morr pe tujhay dhoonda 

Hijar kay shaher ki hawa ki tarah 

Umar bhar tera dukh uthaya hai 

Waqat ki di hui saza ki tarah 

Kuch nahin soojhta mohabbat main 

Khouf aur gham ki intihaa ki tarah 

Ik baar kaho tum meray ho

Meray dil kay shaam saweray ho

Ik baar kaho tum meray ho 

Mujhay tum bin kuch na dikhaai de

Kiyon itnay ghour andheray ho 

Main punchi payar kay deson ki 

Tum meray rain baseray ho 

Main maal-o-manaal mohabbat ka

Tum daaku chor luteray ho 

Kuch bolo ya azaad karo 

Kiyon khamoshi se gheray ho 

Apni mohabaton ki khudai na diya kar

Apni mohabaton ki khudai na diya kar 

Her be'talab kay haath kamai diya na kar 

Deti hai jab zara si bhi aahat aziyatein 

Aisi khamoshiyon main sunai diya na kar 

Pehlay hi haadsat kay imkaan kam nahin 

Youn mujh ko raaston main sujhai diya na kar

Nazrein to pathron ko bhi kar jayein chaak chaak 

Saj dhaj kay bastiyon main dikhai diya na kar 

In mousamon main panchi palat'tay nahin sada 

Dil ko udasiyon main rihaai diya na kar 

Aata nahin badalna jo andaz-e-dushmani 

Chehray badal badal kay dikhai diya na kar 

Farhat koi to farq ho aam aur khaas main 

Her aik aashna ko risai diya na kar 

 

Lag raha hai shaher kay asaar se Aa laga jungle dar-o-dewaar se

Lag raha hai shaher kay asaar se 

Aa laga jungle dar-o-dewaar se 

Jin ko aadat ho gayi sehraaon ki 

Mut'maein hotay nahin ghar baar se 

Yeh to sara bazu'on ka khel hai 

Sheh'ragein kat'ti nahin talwaar se 

Aa giray hain ain veerani kay beech 

Kuch prinday kuch shajar be'maar se 

Raaston par ghaas ugg aayi agar 

Kon lootay ga samandar paar se 

Phatt na jaye dil kahin israar se 

Is liye guzray nahin bazar se 

 

Urtay urtay aakhir chand dil ki shaakh se uljha hai

Urtay urtay aakhir chand 

Dil ki shaakh se uljha hai 

Hum thak haar kay soye hain 

Dard bhala kab soya hai 

Sard mizaji ka mousam 

Ik muddat se thehra hai 

Rastay khali khali hain 

Koi ronaq guzri hai 

Aisa zor naseeb mera 

Janay kis ne likha hai 

Tera wada abhi talak 

Taaq kay oper rakha hai 

Itna karwa ishq sabhi 

Logon en kab chakha hai

Bas ik chragh yeh roshan dil-e-tabbah main hai

Bas ik chragh yeh roshan dil-e-tabbah main hai 

Keh us ki meri judai abhi nibah main hai 

Tumhara hijar sadi do sadi to paa lain gay 

Abhi kuch itni sakat to hamari chah main hai 

Main mut'maein hoon keh tu mut'maein nahin dushman 

Abhi to aik yahi chaal razm gaah main hai 

Ajab ghroor meray qalb-e-munkasar main hai 

Ajeeb ajz meri zaat-e-kuj kalaa main hai 

Main pur'sakoon hoon muzafaat main baseray par 

Keh shaher bhar ka tamasha meri nigah main hai

Chand hamesha saath meray shab bhar baith kar roya hai

Chand hamesha saath meray 

Shab bhar baith kar roya hai 

Aaj hamaray daman par 

Khul kar barish barsi hai 

Sara shaher adhoora hai 

Sara shaher sawali hai 

Aisay pathar mousam main 

Dil ka bojh uthaye kon 

Hum ne tera naam liya 

Dil ne dard sambhala hai 

Doori to phir doori hai 

Pagal ko samjhay kon 

Ik awara mousam ne 

Us se ja milwaya tha

Raat aur din ki biyabani se mehsoos hua

Raat aur din ki biyabani se mehsoos hua 

Kuch na kuch gayeb hai 

Kuch na kuch aisa jissay hona tha 

To teray khawab , tamanaein ya umeed koi 

Muntazir dil ' lab be'aab ya chasham pur'nam 

Koi mehroomi ya be'chaini koi 

Kuch khalaa aisay bhi hotay hain keh aa jati hai roniq jin se 

Umar kay ujray huye shehron main 

Zindagi hoti hai kuch zehron main 

Hum jo tariyaaq samjh kar tujhay bhoolay to samjh aaya keh jewan kya hai 

Teray aa janay ki umeed pe atki hui saanson ki qasam 

Zindagi kuch nahin Andho bina 

Teray andar ko dekha hai alag kar kay to phir kuch bhi nahin baqi bacha

Teri yaadon main baha'iye huye aansoo jeewan 

Teray khawabon se basai hui basti jeewan 

Teray zakhmon se sajaya hua rasta jeewan 

Raat aur din ki biyabani se mehsoos hua 

Sari veerani teray baad hua hai paida 

Woh tum jo chor gaye thay dukha hua mera dil

Woh tum jo chor gaye thay dukha hua mera dil 

Safar ne dhoond liya hai raha saha mera dil 

Kuch is tarahs e taziyat ki aas main tha 

Kisi ne hans kay bhi dekha to ro diya mera dil 

Hai apni apni risaai raah-e-mohabbat main 

Hai apna apna tareeqa tera khuda mera dil 

Nagar ne mohjaza maanga teri mohabbat ka 

Tu jhoom jhoom kay sehraaon se utha mera dil 

Kisi ne jab bhi yeh poocha keh kon hai "Farhat"

To muskura kay hamesha yeh hi kaha mera dil

Hum be'chain mizajon se neendein koson door huyein

Hum be'chain mizajon se 

Neendein koson door huyein 

Chotay se is jeewan main 

Aik judai kaafi hai 

Kis soraakh se dasay gaye 

Hum ko yaad nahin rehta 

Sampon ki abadi main 

Rehna hai to dar kaisa

Bhook mitanay ki khatar 

Tum ne sapnay beej diye 

Suraj mukhi banta tha 

Aik chragh na seh paya 

Airay ghairay logon se

Kuch din to parhez kar

Kaho kisi pe kabhi dard aashkaar kiya ?

Kaho kisi pe kabhi dard aashkaar kiya ?

Kabhi kabhi kai logon ko so'gawar kiya 

Kabhi kisi kay liye khud ko be'qaraar kiya ?

 Tamam umar mohabbat ka intizaar kiya 

Kisi ko sompi kabhi apnay waqat ki taqseem ?

Kabhi kabhi teri yaadon se kar-o-baar kiya 

Yeh shaher bhar main kiyon akar kay phirtay ho ?

Hamein gharoor bhout hai keh hum ne pyar kiya 

Koi tazaad koi ikhtilaaf is doran ?

Ghamon ko kund kiya dil ko tez dhaar kiya 

Kaho jo logon pe ehsaan kartay phirtay ho ?

Khud apnay dil ko sada main ne zer baar kiya 

Batao dukh ki riyazat main kya kya tum ne ?

Ajal ko phool kiya , zindagi ko khaar kiya 

Main jis ki raah pe hoon her jaga pe hai mojood

Main jis ki raah pe hoon her jaga pe hai mojood

Main jis safar pe hoon khud bais-e-safar hai mujhay

Ae raat Aa aur meray galay lag ja

Ae raat ! 

Aa aur meray galay lag ja

Aa main tumhari aankhein , tumharay hont 

Tumharay rukhsaar aur tumhari paishani chomon 

Tumhari thorri pe bosa doon 

Tumhain kajal lagaon 

Tumharay baal sanwaron 

Aur tumhari maang main sitaray bhar doon 

Aur tumharay shano pe sar rakh kay 

Bichray huye logon 

Aur beetay huye lamhon ko yaad karo

Aur toot kay charon taraf bikhray huye aaino ki kirchiyan 

Chun chun kay 

Tumhein apni zakhmi porein dikhaon 

Ae raat !

Aa aur meray wajood main utar 

Aa aur meri hatheliyon pe aahista aahista 

Apna tamaam roop phela de 

Dukh aisa dariya hai jo aankh kay rastay behta hai

Dukh aisa dariya hai jo 

aankh kay rastay behta hai 

Tanhai ki baat na kar 

Sara shaher hi tanha hai 

Gham meray darwaze par 

Dharna maar kay baitha hai 

Hum ne apna aap sada 

Us kay khoj main paya hai 

Kala dard wichoray ka 

Door door tak phaila hai 

Dil ko dekh kay rota hoon 

Kitna bhola bhaala hai 

Ronay walay bhool gaye 

Kon kahan khoya hai 

Kuch na kuch shor machaein gay zaroor

Kuch na kuch shor machaein gay zaroor 

Dard chup chaap to janay se rahay 

Zindagi teray yahi tor hain to 

Hum tera saath nibhanay se rahay

Jahan hum hain yahan to aitraaf-e-dard bhi ik masla thehra

Jahan hum hain 

Jahan hum hain 

Yahan to aitraaf-e-dard bhi ik masla thehra 

Mohabbat ki saza wari pash-e-mani bani 

Joro sitam kay hum'qadam ho kay 

Dil-e-pa'maal kay ujray huye raston pe aisay dan'danati hai 

Keh jaisay raat kay pichlay pehar 

Tanhai khamoshi se mil kay rooh kay gum sum dareechay dhar'dharati hai 

Jahan hum hain 

Gham-e-duniya gham-e-wabastagi ki aar main 

Aksar tamanaon kay baaz thaam kay dhachkay lagata hai 

Gham-e-duniya praya'pan nahin to apna'pan bhi ho nahin sakta 

Jahan hum hain 

Kaf-e-afsos milnay ki bhi qeemat dena parti hai 

Taseef bik nahin sakta magar shayed taseef ki kharidaari to laazim hai 

Koi dekhay na dekhay zaat kay show'case main gum sum saja ehsaas se

Aankhein churaye muntazir rehta hai 

Na'mehsoos lamhon ka 

Yeh ik gham hai magar yaro yahan  aisay hi kitnay aur bhi gham hain 

Jahan hum hain

Be'sabab hi talash karta hoon

Be'sabab hi talash karta hoon 

Woh meray aas paas bikhra hai

Be'chain mizaji main ajab kuch bhi nahin tha

Be'chain mizaji main ajab kuch bhi nahin tha 

Socha to bicharnay ka sabab kuch bhi nahin tha 

Is bakhat main ab laakh zamana tujhay chahay

Hum ne to tujhay chaha , tu jab kuch bhi nahin tha 

Tu ne meri jaan jhaank kay dekha na tha dil main 

Chehray pe jo tha woh to ghazab kuch bhi nahin tha 

Jo mujh se faqeeron kay dilon main tha wohi tha 

Logon ne jissay pooja woh rab kuch bhi nahin tha 

Farhat jo koi bhi tha kahan se tha bas us ka 

Ik ishq siwa naam-o-nasab kuch bhi nahin tha

Mudaton baad mera sog mana'nay aaye

Mudaton baad mera sog mana'nay aaye 

Log bhool hua kuch yaad dilanay aaye 

Barh gaya dil kay janazay main  sitaron ka hajoom 

Kitnay gham aik teray gahm kay bahanay aaye 

Raat ik ujri hui soch meray paas aayi 

Aur phir ujray huye kitnay zamanay aaye 

Aik ik kar kay hawadasbari tarteeb kay saath 

Marhala waar mera saath nibhanay aaye 

Naqsh pukhta tha teray gham ka wagarna mousam 

Baar ha dil se meray is ko mitanay aaye