Us ki aankhon main mujhay hijar ka gham dikhta hai

Us ki aankhon main mujhay hijar ka gham dikhta hai

Dil yeh kehta hai keh choom loon aankhain us ki

Khiltay huye her rang se ho jis ki adawat

Khiltay huye her rang se ho jis ki adawat 

Us haath par mehndi ko racha'on bhi to kaisay 

Jis aankh ne dekha hi na ho rang-e-mohabbat 

Us aankh main khwabon ko saja'on bhi to kaisay 

Maloom hai din raat woh rota hai musalsal

Par ddor se ashkon ko chura'on bhi to kaisay 

Jis aas ne tora ho meri soch ka sheesha 

Us aas se phir aas laga'on bhi to kaisay 

Tumhain haq hai thukra do mujh ko

Tumhain haq hai thukra do mujh ko

Magar itna batla do mujh ko 

Keh kiya 

Tum kabhi bhi kisi se 

Mohabbat nahin kar sako gay

Afsano ki duniya main sab jhoot nahin hota

Afsaano ki duniya main sab jhoot nahin hota 

Dil aur bhi uljhay ga parhiyea na kitabon ko

Suna hai log ussay aankh bhar ke dekhtay hain

Suna hai log ussay aankh bhar ke dekhtay hain 

So us ke shaher main kuch din tehar ke dekhtay hain 

Suna hai rabt hai us ki khraab haalon se

So apnay aap ko barbaad kar ke dekhtay hain 

Suna hai dard ki gaahak hai chasham-e-naz us ki 

So hum bhi us ki gali se guzar ke dekhtay hain 

Suna hai us ko bho shair-o-shairyse shaghaf

So hum bhi mohjazay apnay hunar ke dekhtay hain 

Suna hai bolay to baaton se phool jhartay hain 

Yeh baat hai to chalo baat kar ke dekhtay hain 

Suna hai raat ussay chaand takta rehta hai 

Sitaray baam-e-falak se utar ke dekhtay hain 

Suna hai din ko ussay titliyaan statai hain 

Suna hai raat ko jugnoo tehar ke dekhtay hain 

Suna hai hashar hain us ki ghazaal si aankhain 

Suna hai us ko hiran (deer) dasht bhar ke dekhtay hain

Suna hai raat se barh kar hain ka'kalain  us ki 

Suna hai shaam ko saye guzar  ke dekhtay hain 

Suna hai us ke labon se gulaab jaltay hain 

So hum bahaar pe ilzaam dhar ke dekhtay hain

Suna hai aaiyna-e-tamsaal hai jabeen us ki 

Jo sada dil hain ussay aah bhar ke dekhtay hain 

Suna hai us ke badan ki taraash aisi hai 

Keh phool apni qubaein kutar ke dekhtay hain 

Bas ik nigah se lut'ta hai qaflaa dil ka 

So reh'waan-e-tamana bhi dar ke dekhtay hain 

rukay to gardashain us ka tawaaf karti hain 

Chalay to us ko zamanay tehar ke dekhtay hain 

Kahaniyaan hi sahi , sab mubaalgay hi sahi 

Agar woh khwaab hai tabeer kar ke dekhtay hain 

Ab us ke shaher main tehrain keh kooch kar jayein 

"Faraz" aao sitaray safar ke dekhtay hain

Dost ban kar bhi nahin sath nibhanay wala

Dost ban kar bhi nahin saath nibhanay wala 

Wohi andaz hai zaalim ka zamanay wala 

Ab ussay log samajhtay hain giriftaar mera 

Sakhat nadim hai mujhay daam main lanay wala 

Kya kahein kitnay marasam thay hamaray us se 

Woh jo ik shakhs hai munh phair kay janay wala 

Teray hotay huye aa jati thi sari duniya 

Aaj tanha hoon to koi nahin aanay wala 

Muntazir kis ka hoon tooti hui dehleez pe main

Kon aaye ga yahan kon hai aanay wala 

Tum takaluf ko bhi ikhlaas samajhtay ho "Faraz"

Dost hota nahin her haath milanay wala

Theek hai hum khud ko badaltay hain

Theek hai hum khud ko badaltay hain 

Shukriya mashwaray ka , chaltay hain 

Ho raha hoon main kis tarah barbaad

Dekhnay walay haath maltay hain 

Hai woh jaan ab her mehfil ki 

Hum bhi ab ghar se kam nikaltay hain 

Kya takaluf karein yeh kehnay main 

Jo bhi khush hai hum us se jaltay hain 

Tum bano rang , tum bano khushbu 

Hum to apnay sukhan main dhaltay hain 

Hai ajab faisalay ka sehraa bhi 

Chal na pariye to paon jaltay hain

Sar jhukao gay to pathar devta ho jaye ga

Sar jhukao gay to pathar devta ho jaye ga 

Itna mat chaho ussay woh be'wafa ho jaye ga 

Hum bhi dariya hain hamein apna hunar maloom hai 

Jis taraf bhi chal parein gay raasta ho jaye ga 

Kitni sachaai hai mujh se zindagi ne keh diya 

Tu nahin mera to koi dusra ho jaye ga 

Sab usi kay hain , hawa khushbu , zameen-o-aasman 

Main jahan bhi jaaon ga us ko pata ho jaye ga

Dareechay se jhankati woh larki

Dareechay se jhankti woh larki 

Ajab dukh se bharri hui hai 

Keh us kay aangan main phool par 

Aik neeli titli marri hui hai 

Kabhi azano main khoi khoi 

Kabhi namazon main roi roi 

Woh aisay duniya ko dekhti hai 

Keh jaisay us se darri hui hai 

Darood se mehki mehki saansein 

Wazifa parhti hui woh aankhein 

Keh aik shamma-e-umeed un main 

Kai baras se parri hui hai 

Woh dukh ki chadar main lipti lipti

Woh kalay kapron main simti simti 

Mohabbat us ne kisi se shayed 

Meri tarah hi ki hui hai

Khiraaj hai yeh mohabbaton ka , adawaton ka

Khiraaj hai yeh mohabbaton ka , adawaton ka

Azaab lamhon ki weh'shaton ka 

Lahu main nikri hikayaton ka , badan se lipti shikayaton ka 

Ragon main utri , utar kay bikhri , bikhar kay phaili baghawaton ka 

Khiraaj hai yeh mohabbaton ka , adawaton ka

Unhein bhi dekho jo sar pe matti ko orhti hain 

Jo apni hurmat ki kirchiyon ko jigar kay poron se chun rahi hain 

Jo khawab palkon se bun rahi hain 

Phir in ko khud hi udherti hain , bachi kuchi si jo apni saansein samait'ti hain 

Samait kar khud bikharti hain 

Koi to in ka jahan main ho ga , magar kahan hai ?

Panah main jo le lay in ko apni , woh ghar kahan hai ?

Khiraaj hai yeh mohabbaton ka , adawaton ka

Falak pe ugta hua yeh suraj gawahi de ga 

Hawaein roti hain sun kar maaon kay bain her pal

Jo kookti hain , jo hookti hain 

Sisak sisak kar jo jee rahi hain 

Jo apnay baiton ki raakh ki laashein 

Zameen par dewaar chun rahi hain 

Khiraaj hai yeh mohabbaton ka , adawaton ka

MAgar woh pal door ab nahin hai , hamein yaqeen hai 

JAhan main chaaron hi aur kirno ka raaj ho ga 

Mittay huyon kay , luttay huyon kay saron pe khushiyon ka taaj ho ga 

Niqaab utray ga dekh lena 

Jo bhair lagtay thay , bhairiye hain 

Aur un kay abru kay ik isharay pe mout raqsan thi

Chaaron janib 

Aur aasteeno main in kay khanjir chuppay huye thay 

Samjh lo youm-e-hisaab un ka qareeb hai ab 

Niqaab utray ga dekh lena 

Woh kehti hai

woh kehti hai suno janaa
mohabbat mom ka ghar hai
tapish bad'gumani ki
kahin pighla na de is ko

main kehta hoon
jis dil main zara bhi bad'gumani ho
wahan kuch aur ho to
mohabbat ho nahin skti


woh kehti hai
sada aisay hi
kiya tum mujh ko chayo ge
keh main is main kami ko bhi
gawara kar nahin sakti

main kehta hoon
mohabbat kiya hai
yeh tum ne sikhya hai
mujhay tum se mohabbat key siwa
kuch bhi nahin ata

woh kehti hai
judaai se bhout darta hai dil mera
keh khud ko tum se hat kar dekhna
mumkin nahin hai ab

main kehta hoon
yahi khadshay bhout mujh ko satatay hain
magar sach hai mohabbat main
judai sath chalti hai

woh kehti hai
batayo kiya mere bin jee sako ge tum
meri batain , meri yadein , meri aankhain
bhula do ge

main kehta hoon
kabhi is baat par socha nahin main ne
agar ik pal ko bhi sochon to
saansein rukney lagti hain

woh kehti hai
tumhain mujh se
mohabbat is qadar kyun hai
keh main ik aam si larki
tumhain kyn khaas lagti hoon

main kehta hoon
kabhi khud ko meri aankhon se tum dekho
meri deewani kyn hain
yeh khud hi jaan jayo gi

woh kehti hai
mujhay waraftagi se dekhtay kyn ho
keh main khud ko bhout
qeemti mehsoos karti hoon

main kehta hoon
mata-e-jaan bhout anmol hoti hai
tumhain jab dekhta hoon zindagi
mehsoos karta hoon

woh kehti hai
mujhay alfaz ke jugno nahin milty
keh tumhain bata sakon
keh dil main meray
kitni mohabbat hai

main kehta hoon
mohabbat to nighahon se jhalakti hai
tumhari khamoshi mujh se
tumhari baat karti hai

woh kehti hai
batayo na kis ko khoney se dartay ho
batayo kon hai woh jissy
yeh mausam bulatay hain

main kehta hoon
yeh meri shairy hai aaina hai dil ka
zara dekho batayo kiya
tumhain is main nazar aya

woh kehti hai
suno !! bhout batain banatay ho
magar sach hai yeh batain
bhout hi shaad rakhti hain

main kehta hoon
yeh sab batain yeh fasanay ik bahana hain
keh pal kuch zindagi ke
tumharay sath kat jayein
phir us ke baad khamoshi ka
dilkash raqs hota hai
nighaein bolti hain
lab khamosh rehtay hain

Agar tum loat aatay to tumhein lagta

Agar tum loat aatay to tumhein lagta

Hawaein khushbuon ko le kay phoolon se 

Chura kay rang titli kay paron se , gun'gunati hain 

Chaman ki khushk shakhon ne gulabon aur patton ka libada orh kar

ithlaanay ki phir se ada paai

Naye andaz se dharkan ne bajnay ka hunar seekha

Mohabbat ka saleeqa tha bhout mushkil magar seekha

Kisi kay band honton pe duaein ugg rahi hain youn

keh jaisay door bhatka sa koi aahu palat kar aa gaya ghar ko 

Laga , sach much kisi aabad ne sajday se uthaya sar achanak baad sadiyon kay 

Aur apnay samnay mabood kay paikar ko paya , muskura utha

Zara socho, keh us ko woh gharri kaisi lagi ho gi ?

Zamane baad aisi be'khudi kaisi lagi ho gi ?

Agar tum loat aatay to . . . . . . 

Magar tum loat kar aatay bhi to kaisay

Kisi ko jeetay jee tum ne chitta main khud jala dala

Mitta dala ........... bhula dala 

Faqat ab raakh baqi hai 

Magar janaa !

Agar tum loat aatay to............

Woh jo shaher-e-dil tha , ujar gaya

Woh jo shaher-e-dil tha , ujar gaya

Woh jo khawab tha , woh bikhar gaya 

Kabhi mousamon ki nazar lagi

Kabhi wahimon ne dara diya 

Kabhi manzilon kay saraab ne 

Hamein raastay se hatta diya 

Kabhi zindagi ki kitab se 

Hamein jis ne chaha mitta diya 

Bas isi liye , , , ,!!

Woh jo jaa raha tha to door tak

Ussay dekhtay hi rahay magar !

Nahin di sada !

Ussay roktay bhi to kis liye !

Tum ayo to hum bhi eid karain

Tum ayo to hum bhi eid karein 

Hasrat hai tumhari deed karein 

Tum ayo to hum bhi eid karein 

Kuch dair to dil ko chain milay 

Kuch roz to man ka phool khilay

Ab log bhi kuch ta'eed karein 

Tum ayo to hum bhi eid karein 

Tum se yeh aik guzarish hai 

Yeh apnay dil ki khwaish hai 

Ik baar milo , ik baar milo 

Her baar yahi takeek karein

Tum ayo to hum bhi eid karein 

Jab gham kay badal chaye thay 

Us waqat bhi tum na aaye thay 

Sab dushman yeh tanqeed karein 

Tum ayo to hum bhi eid karein 

Mana keh hum dewane hain 

Sab baaton se anjanay hain 

Jab apnay hi beganay hain 

Kya ghairon se umeed karein 

Tum ayo to hum bhi eid karein

Tamaam shaher ki galiyaan bhari hain rangoon se

Tamaam shaher ki galiyan bharri hain rangon se

Hawa guzar kay jo aayi hai in dareechon se

Kabhi bhi shaakh pe phir barg-e-aarzu na khilay

Hawa ne baat yeh keh di udaas shakhon se 

Bichar bhi jayein to dil ko koi malaal na ho 

Bas itna raabta rakho tamaam logon se

Masoom hai woh kitni waqif nahin ulfat se

Masoom hai woh kitni 

Waqif nahin ulfat se

Kya dard-e-mohabbat hai 

Kya dard-e-judaai hai 

Aahon ka fasana kya ?

Ashkon ki kahani kya ?

Furqat ki ghataon main 

Ulfat ki adaon main 

Is wadi-e-tanha main

Lehraati hui cheekhein 

Kar deti hain paida

Harkat si sitaron main 

Masoom hai woh kitni

Waqif nahin ulfat se 

Agaah ussay kar doon 

Khamosh mohabbat se

Aur aankhon hi aankhon main 

Us shokh ko samjha doon 

Gehraiyon main dil ki 

Jo saaz hai posheeda 

YEh raaz ussay keh doon 

Ik baat ussay keh doon 

Honton ki khamoshi se

Lakin yeh musibat hai 

Is aag se ulfat ki 

Jal jaye na dil us ka 

Nanha sa namoona hai

Ik mehar-o-wafa ka 

Hum us ki karein pooja

Masoom hi achi hai 

Masoom hi rehnay do

Poocha tha aik saahib-e-dil ne mera mizaaj

Poocha tha aik saahib-e-dil ne mera mizaaj 

Be'sakhta labon pe tera naam aa gaya 

Hum ne tumharay baad na rakhi kisi se aas 

Ik tajurba bhout tha baray kaam aa gaya

Dil chahata hai aaj meray paas tum raho

Dil chahta hai aaj meray paas tum raho 

Meray badan ka rooh ka ehsaas tum raho 

Main zindagi se sari mohabbat nichor loon 

Meri khushi hai mera gham-o-yaas tum raho 

Her khawab qatal kar kay tumhein sochtarahon 

Main hoon wajood-e-ishq mera maas tumraho

Yeh maanta hoon dil se keh kuch bhi nahin hoon main 

Ho kar mera yaqeen , mera raas tum raho 

Lafzon main dhal rahi hai mohabbat ki waardaat 

Main zaat likh raha hoon to qartaas tum raho 

Aisa nahin keh khel ka koi hunar nahin 

Main haarnay lagon to meri aas tum raho 

Bantay sanwartay woh rahein , sheeshay kay samnay 

Lakin ada-e-husan kay akaas tum raho  

"Saahil" to ashk-e-zeest hai , shayed woh gir paray 

Lakin jahan-e-khaas main almaas tum raho

 

 

Dilkash-o-jaan afreen hain kis qadar aankhein teri

Dilkash-o-jaan afreen hain kis qadar aankhein teri 

Jaisay sotay main bhi jaagein raat bhar aankhein teri 

Basti basti , dasht-o-dariya , lamha lamha , roz-o-shab 

Hain safar main saath meray hum safar aankhein teri

Bichar jana zaroori hai

Bichar jana zaroori hai 

Tumhain majboor ho kar !

Hum ne aakhir likh diya jana !

Keh in halaat main behtar hai 

Hum bhi maan hi jayein 

Hamara ab baaham rehna nahin mumkin 

So apnay dil ko samjhana zaroori hai 

Bichar jana zaroori hai

Us ne phool bhejay hain phir meri iyaadat ko

Us ne phool bhejay hain 

Phir meri iyaadat ko 

Aik aik pati main 

Un labon ki narmi hai 

Un jameel haathon ki 

Khush'gawaar hiddat hai 

Un lateef saanson ki 

Dil'nawaz khushbu hai 

Dil main phool khiltay hain 

Rooh main chraghan hai 

Zindagi mo'atar hai !

Phir bhi dil kehta hai 

Zindagi mo'atar hai !

Phir bhi dil kehta hai 

Baat kuch bana leta 

Waqat kay qeemati khazanay se 

Aik pal chura leta 

Kaash woh khud aa jata

Hui hai shaam to aankhon main bas gaya phir tu

Hui hai shaam to aankhon main bas gaya phir tu

Kahan gaya hai , meray shaher kay musafir tu 

Bhout udaas hai ik shakhs teray janay se 

Jo ho sakay to chala aa usi ki khatar tu 

Meri misal keh ik nakhal khushk sehra hoon 

Tera khayal keh shaakh-e-chaman ka taahirtu 

Main jaanta hoon keh duniya tujhay badal de gi 

Main maanta hoon aisa nahin ba'zahir tu 

Hansi khushi se bichar jaa agar bicharna hai 

Yeh her maqaam pe kya sochta hai aakhir tu 

"Faraz" tu ne ussay mushkalon main daal diya 

Zamana saahib-e- zar aur sirf shaair tu

Dheeray dheeray raat ne palkein mond lein apni

Dheeray dheeray raat ne 

palkein mond lein apni 

Aur sitaron ki wadi main 

Khoya khoya sa sanata 

Khawab nagar main gum lagta hai 

Chand kay chehray par raqsan hai 

Thakan-o-choor aur tanhai 

Be'kal sa madham lagta hai 

Lakin janaa !

Dekh lo aa kar ,,,

Koi abhi tak jaag raha hai ,,,,

Yeh titli roop badalti hai

Yeh titli roop badalti hai

Kabhi dhanak dhanak se par ly kar

Kabhi jugnoo ka paikar ly kar

Kabhi phoolon ka mehvar ly kar

Kabhi kushboo se sharmati hai

Itraati hai , ithlati hai

Kabhi paa lenay ki aas liye

KAbhi kho janay ka dar lay kar

Kabhi dhoop ky sang sang chalti hai

Kabhi shaam ko oorh ky jalti hai

Yeh titli roop badalti hai

Samandar pooch sakta hai

Samandar pooch sakta hai 

Musafir rait par kuch likh raha tha 

Kya likha us ne ?

Kinaray pe kharra hairaan sa kuch sochta bhi tha 

Bhala kya sochta tha woh ?

Kisi kay saath bhi jaao samandar ki taraf janaa !

To itna zehan main rakhna 

Samandar pooch sakta hai

Meri rooh main shighaaf daal kar

Meri rooh main 

shigaaf daal kar !

Woh bhout pur'sakoon hai 

Is baat se be'khabar !

Keh meri rooh main 

Basnay wala 

Ik faqat 

"Wohi" tu hai !

Dil hi to hai is ko koi sataye kiyon

Dil hi to hai is ko koi sataye kiyon 

Sataye to phir shiddat-e-gham se bhar na aaye kiyon 

Dil tornay walay sada 'be'kal hi rahay 

Mohabbat ko meri umar-e-khizar lag na jaye kiyon

Us ko bhi shayed Kabhi kisi se mohabbat hui ho gi

Us ko bhi shayed 

Ik tanha larki 

Chaltay chaltay 

Chup chaap se ik dam 

Tehar si jati hai 

Bikhray huye baal 

Puranay se kapray 

Apnay haath ki mutthi main aik murra tarar kaghaz pakray 

Na janay kis soch main gum 

Muskurati hai phir seham kay ro si jati hai 

Main aksar us ko dekha karta hoon 

Sochta hoon .............

Poochon kabhi us se 

Kon ho tum ?

Tumharay haath main yeh jo murra tarra kaghaz hai 

IS par kya likha hai ?

Magar main sochta hi reh jaata hoon 

Aur woh 

Aisay hi ruk ruk kay chaltay chaltay 

Meray paas se guzar jaati hai 

MAin pooch nahin paata 

Bas yahi soch kay reh jaata hoon 

Us ko bhi shayed 

Kabhi kisi se mohabbat hui ho gi ,,

Phool thay rang thay lamhon ki sabahat hum thay

Phool thay rang thay lamhon ki sabahat hum thay 

Aisay zinda thay keh jeenay ki alamat hum thay 

Sab khird mand banay phirtay hain her mehfil main 

Is teray shaher main ik saahib-e-wehshat hum thay 

Ab kisi aur kay haathon main tera haath sahi 

Yeh alag baat hai kabhi ehal-e-rafaqat hum thay 

Rat'jagon main teri yaad aayi to ehsaas hua 

Teri raaton ka sakoon neend ki raahat hum thay 

Ab to khud apni zaroorat bhi nahin hai hum ko 

Woh din bhi thay keh kabhi teri zaroorat hum thay 

Kabhi tum ne yeh bhi socha keh tumharay dil girifta tumhein kitna chahtay hain

Kabhi tum ne yeh bhi socha 

keh tumharay dil girifta 

tumhein kitna chahtay hain 

Tumhein zindagi se barh kar 

Jo aziz hum ne samjha 

So koi sabab to ho ga 

Kabhi tum ne yeh bhi socha ?

Sar-e-shaam muntazir thay 

Kabhi neelameen ujaalay 

Kabhi titliyan labon par 

Kahin phool jaisay aariz

Kahin qam'qamon si aankhein 

Yeh jo chara gar hamaray 

Koi saa'at-e-rafaqat 

Sar-e-shaam maangtay hain 

Inhein kya khabar keh hum ne 

Tumhein somp di hain raatein 

Tumhein daan ki hain aankhein 

Kabhi tum ne yeh bhi socha 

Keh tumharay dil girifta 

Pas-e-daam door akelay 

Kisi shamma-e-sokhta se 

Yeh jo kar rahay hain baatein 

Tumhein kitna chahtay hain 

Tumhein roz-o-shab ki dhun main 

Kabhi bhoolna bhi chahein

To kabhi na phool payein 

Keh ehad-e-zindagi hai 

Jissay torna bhi chahein 

To kabhi na tor payein 

Tumhein zindagi se barh kar 

Jo aziz hum ne jana 

so koi sabab to ho ga 

Kabhi tum ne yeh bhi socha ?

 

Tumhain roz-o-shab ky dukh main

Tumhein roz-o-shab kay dukh main 

Kabhi bhoolna bhi chahein to 

Kabhi na bhool payein 

Keh yeh ehad-e-zindagi hai 

Jissay torna bhi chahein 

To kabhi na tor payein

Yeh jo qurbaton ka khumaar hai

Yeh jo qurbaton ka khumaar hai 

Meray ajnabi , meray Aashna !

Tu masar keh aaina khanay main 

Teray khaal-o-khad kay siwa mujhay 

Kahin aur kuch na dikhaai de  

Yeh azaab toq-o-risan mera 

Kisi qasar khawab-o-khayal tak

Meray zehan ko na risaai de 

Mujhay raasta na sujhaai de 

To yeh chatt jo apnay saron pe hai 

Yeh jo baam-o-dar kay hisaar hain 

Yeh jo rat'jagon ki bahaar hai 

Yeh jo qurbaton ka khumaar hai 

To isi pe kya shab-e-umar ki sabhi raahaton ka madaar hai ?

Meray ajnabi , meray Aashna !

Keh dhuwan dhuwan si jo hai fiza

yeh thami thami si jo hai hawa

Yeh jo shor hai dil-e-zaar ka 

KAbhi is pe ghour kiya hai kya ?

Meray ajnabi , meray Aashna !

Kabhi kaash tujh se main keh sakoon ....

Keh yeh sa'atein hain khathan bhout 

Meray zakham-e-jaan kay tabeeb aa

Meray tan badan se bhi rabt rakh 

Meri rooh kay bhi qareeb aa

Meray ajnabi , meray Aashna !

 

Meray ajnabi , meray Aashna !

Yeh jo qurbaton ka khumaar hai 

Meray ajnabi , meray Aashna !

Tu masar keh aaina khanay main 

Teray khaal-o-khad kay siwa mujhay 

Kahin aur kuch na dikhaai de  

Yeh azaab toq-o-risan mera 

Kisi qasar khawab-o-khayal tak

Meray zehan ko na risaai de 

Mujhay raasta na sujhaai de 

To yeh chatt jo apnay saron pe hai 

Yeh jo baam-o-dar kay hisaar hain 

Yeh jo rat'jagon ki bahaar hai 

Yeh jo qurbaton ka khumaar hai 

To isi pe kya shab-e-umar ki sabhi raahaton ka madaar hai ?

Meray ajnabi , meray Aashna !

Keh dhuwan dhuwan si jo hai fiza

yeh thami thami si jo hai hawa

Yeh jo shor hai dil-e-zaar ka 

KAbhi is pe ghour kiya hai kya ?

Meray ajnabi , meray Aashna !

Kabhi kaash tujh se main keh sakoon ....

Keh yeh sa'atein hain khathan bhout 

Meray zakham-e-jaan kay tabeeb aa

Meray tan badan se bhi rabt rakh 

Meri rooh kay bhi qareeb aa

Meray ajnabi , meray Aashna !

Kabhi daman kabhi palkein bhigona kis ko kehtay hain

Kabhi daman kabhi palkein bhigona kis ko kehtay hain 

Kisi mazloom se poocho keh rona kis ko kehtay hain 

Kabhi meri jaga khud ko rakho phir jaan jaao gay 

Keh duniya bhar kay dukh dil main samona kis ko kehtay hain 

Meri aankhon meray chehray ko ik din ghour se dekho 

Magar mat poochna veeran hona kis ko kehtay hain 

Tumhara dil kabhi pighlay  agar gham ki haraarat se 

Tumhein maloom ho jaye ga rona kis ko kehtay hain 

Hum bhi shakista dil hain parishan tum bhi ho

Hum bhi shakista dil hain parishan tum bhi ho 

Andar se reza reza meri jaan tum bhi ho 

Hum bhi hain ik ujray huye shaher ki misaal 

Aankhein bata rahi hain keh veeran tum bhi ho 

Dar-paish hai hamein bhi karri dhoop ka safar 

Saaiye ki aarzoo main prishaan tum bhi ho 

Hum bhi khizan ki shaam ka aangan hain , be'chragh 

Bailain hain jis ki zard woh dalaan tum bhi ho 

Jaisay kisi khayal ka saya hain do wajood 

Hum bhi agar qiyaas hain , imkaan tum bhi ho 

Mil jayein hum to kaisa sohana safar kattay 

Ghayal hain hum bhi , sokhta saman tum bhi ho 

Her shaam us se milnay ki aadat si ho gayi

Her shaam us se milnay ki aadat si ho gayi

Phir rafta rafta us se mohabbat si ho gayi

Shayed yeh taza taza judai ka tha asar 

Her shakal yak'baik teri surat si ho gayi

Ik naam jhil'milanay laga dil ky taaq par

Ik yaad jaisay bais-e-rahat si ho gayi

Khud ko saja sanwaar ky rakhnay ka shouq tha 

Phir apnay aap se mujhay wehsaht si ho gayi

Album main koi chor gaya apnay aap ko

Is tarah gaibaana rafaqat si ho gayi

Hum apnay aap se itni murawaat kar hi letay hain

Hum apnay aap se itni murawat kar hi letay hain 

Kabhi tanhai main khud ko malaamat kar hi letay hain 

Unhein ilzaam kya dain jin kay zehar alood hain lehjay 

Kahin thori bhout to hum bhi gheebat kar hi letay hain 

Kabhi teesha ba'kaf ho kar , kabhi khama ba'kaf ho kar 

Jo karna ho hamein hasb-e-zaroorat kar hi letay hain 

Koi toota hua dil jor detay hain mohabbat se 

Nimazi to nahin lakin ibadat kar hi letay hain 

Dilon main youn agar ik doosray se pyar barhta hai 

Chalo , ik din bichar janay ki himmat kar hi letay hain

Dhoop ky dasht main sheeshay ki rid'dain di hain

Dhoop ky dasht main sheeshay ki rid'dain di hain

Zindagi ! tu ne hamein kaisi sazaein di hain 

Sholon jaisi hi ataa ki hain sulagti boondein 

Aag barsaati hui hum ko ghataein di hain 

Ik dua go ne rafaqat ki tasali de kar 

Umar bhar hijar main jalnay ki sazaein di hain 

Dil ko bujhnay ka bahana koi darkaar to tha 

Dukh to yeh hai teray daman ne hawaein di hain 

Kaisa mahool mila hai hamein jeenay kay liye 

Denay walay ne hamein kaisi fizaein di hain

Aisay na thay hum ehal-e-dil itnay kahan kharab thay

Aisay na thay hum ehal-e-dil itnay kahan kharab thay 

Hum bhi kisi ki aas thay  , hum bhi kisi ka khawab thay 

Ab jo huye hain khair se randa-e-khalq-e-shaher hum 

Chehra shab ka noor thay , sheesha-e-fun ki aab thay 

Dil pe kisi kay naqsh thay surat-e-harf-e-aarzu 

Is ki kitab-e-zeest main laaiq-e-intisaab thay 

Aisi thein woh rafaqatein jaisay hum apnay aap main 

Rang-e-shua-e-mehar thay , reza-e-aaftab thay 

Wadon ka ik shaher jis se guzar rahay thay hum 

Aankhein khulein to door tak her su wohi saraab thay 

Dil sa chragh kab bujha , aankhein dhuwan dhuwan huwein 

Kehnay ko apnay aas paas kitnay hi mahtaab thay

Paak sar zameen shaad baad

Paak sar zameen shaad baad

Kishwar-e-haseen shaad baad 

Tu nishan-e-azam-e-aali shaam 

Arz-e-pakistan !

Markaz-e-yaqeen shaad baad 

Paak sar zameen ka nizaam 

Quwat-e- akuwat-e-awaam 

Qoam , mulk , saltanat 

Painda tabinda baad 

Shaad baad manzil-e-muraad

Parcham-e-sitara-o-hilaal 

Rehbar-e-taraqi -o-kamal 

Tarjaman-e-maazi shan-e-haal

Jaan-e-istaqbaal !

Saya khuda-e-zul jalaal