Imran's Poetry: 06/15/14

Jun 15, 2014

Nazar tishna labi ki daastaan kehnay nahin deti

Zubaan honton pe tehray dard ko sehnay nahin deti

Yeh dil be'taab rehta hai tarap jaata hai pehlu main

Magar chahat , shikayat aankh main rehnay nahin deti

Dukhon ki aandhiyaan uth'ti bikharti hain khayalon main

Tabiyat hai keh aankhon se yeh gham behnay nahin deti

Qareenay se liye jaata hoon main duniya se mehroomi

Saleeqay se magar duniya mujhay sehnay nahin deti

Aroos-e-ashk-o-dil'sozi milk rog-e-azadaariyaan

"Qamar" is haal ko yeh be'khudi kehnay nahin deti

Suna hai tum yeh kehti ho , mohabbat kuch nahin hoti

Koi jazba , koi wada , kabhi bhi sach nahin hota

Yeh jo kehtay hain hum ko ishq hai , woh jhoot kehtay hain

Kisi bhi heer ya raanjha , kisi mirza kisi sahiba

Kisi sassi , kisi punoon , kisi laila , kisi majnoon

Ne dil choo kar nahin dekha , mohabbat kuch nahin hoti

Mujhay hai yaad woh din bhi , hamesha tum yeh kehti thi

Mohabbat youn nahin hoti , mohabbat youn nahin hoti

Main tum ko phool deta tha , tum aankhon main takti thein

Bhout gehri si koi soch main tum yeh kehti thein

Mohabbat youn nahin hoti , mohabbat youn nahin hoti

Main jab bhi aankh bhar laata , ya koi geet main gaata

Tumhain jab pyaar se takta , koi jab aah main bharta

Zer-e-lab liye muskaan , mujh ko tum yeh hi kehti thein

Mohabbat youn nahin hoti , mohabbat youn nahin hoti

Bhout din ho gaye ab to ,bichar kar dono zinda hain

Main ab bhi aahain bharta hoon , hamesha yaad karta hoon

Yeh hi main gun'gunaat ahoon , mihabbat youn nahin hoti

Suna hai tum yeh kehti ho , mohabbat kuch nahin hoti

Sab kushiyaan main tujh pe luta doon

Sab khushiyaan main tujh pe luta doon

Aur tujhay kiya jaan-e-wafa doon

Ta-ba-qayamat umar salaamat

Umar da'raazi ki woh dua doon

Tujh se jag mag mann ki nagri

Suraj , taaray , chaand bujha doon

Sang tera ho roop kumaari

Raah ki her dewaar gira doon

Tu jo na ho is jeewan rut main

Sansoon ko bhi aag laga doon

Chaar nafas ki kar dy inayat

Teray liye jannat thukra doon

Ban ja :Abeer" is dil ki raahat

Duniay kay sab dard bhulaa doon

Kushiyaan tujh pe qurbaan kar dain

Khushiyaan tujh pe qurbaan kar dain

Aao tum pe khud ko meharbaan kar dain

Jeewan apna teray naam kar dain

Tumhain ghamon ki khabar na ho

Is tarah khushiyon se maang bhar dain

Teri takleefain , parshaaniyaan jhailain khud

Apni khushiyaan tujh pe qurbaan kar dain

Bhool janay ka to bas aik bahana ho ga

Bhool jaanay ka to bas aik bahaana ho ga

Keh behar'tor ussay yaad to aana ho ga

Koi mousam ho , mehakta rahay shadaab rahay

Apni aankhon ko kanwal aisa banana ho ga

Band muthi se jo urr jaati hai qismat ki pari

Us hatheli main koi chaid puraana ho ga

aablay paaon kay mehkain to magar dard na dain

Dasht main rait kay zarron ko bataana ho ga

Zawiye us ki nigahon kay baray qaatil hain

Samnay us kay bhout soch kay jaana ho ga

Ghaao kitna bhi puraana ho beh'haal ussay

Kachay mousam ki shraarat se bachaana ho ga

Haath likhnay pe misar khour zamanay ka "Batool"

Pairr pe naam koi likh kay mitaana ho ga

Meri sada nighai ko bhi ik israar likha tha

Nigahon main mohabbat thi magar inkaar likha tha

Taaluq jo faqat jazbaat kay parday main pinhaan tha

Usi khamosh rishtay ko sar-e-bazar likha tha

Aqeedat se jhuki gardan kay mehni is tarah niklay

Ibadat ko hamaray jurm ka iqraar likha tha

Adaa-e-be'niazi se nishan us kay mitta dalay

Jahan hum ne usi ka naam laakhon baar likha tha

Chupa kay apnay aansoo muskuraya tha jo mehfil main

Sitam'gar ne ussay bhi sharf ka pindaar likha tha

Koi sapna naya dekhain kisi armaan ka hum sochain

Gham-e-duniya se niklein to gham-e-jana ka hum sochein

Kabhi fursat milay hum ko zamanay kay sarabon se

Wafa ko dhoondnay niklein dar-e-khoban ka hum sochein

Kabhi ehad-e-guzishta se ijazat gar milay hum ko

Mohabbat phir koi kar lain kisi paimaan ka hum sochein

Nigahein khawab to bunti hain lakin wa-e-majburi

Yeh ishrat rokti hai gar kisi mehmaan ka hum sochein

Teri aankhein teray aariz teray lab aur teri zulfein

Dukhon se faasla ho to kham-o-paigaan kahum sochein

Faqat dard-e-mohabbat ka gila hota to kya gham tha

Hazaron dard hain seenay main kis darmaan ka hum sochein

Na janay kin khayalon main behay jata hai dewana

"Qamar" aisa bhi din aaye dil-e-nadaan ka hum sochein

Teri aankhain sundar hain

Sundarta

Teri aankhein sundar hain

Main ne

Yeh ik baar kaha tha

Us din se

Woh pagal larki

Khawab sajaey

baithi hai

Aas lagaye

Baithi hai

Meri aankhon se mat poocho

Safar-e-ishq

Meri aankhon se mat poocho

Karb kay samandar ka

Bikharna hai kaisa

Bachpan main jo sikhaya tha

Guriya ko sajana

Rait se gharonday banana

Sabar ki chaar dewari main

Aanso'on se pyar goondhana

Maan sab jaanti ho tum

Meri aankhon se

Mat poocho

Kujh shouq yaar faqeeri da

Kuj shouq yaar faqeeri da

Kuj ishq ne dar dar rol dita

Kuj sajna hajat nahin chori

Kuj zehar raqeeban ghol dita

Kuj hijar firaaq da rang charya

Kuj dard mahi anmol dita

Kuj sar gayi qismat ghareeb di

Kuj pyar wich logan rol dita

Main ne apnay dil ko jana

Do hisson main to baant liya hai

Ik tera

Ik baqi sari duniya ka

Phir bhi janay kiyon ?

Tera hissa barhta jata hai

Ajnabi si raahon ka ajnabi musafir

Mujh se pooch baitah hai

raasta bata do gay

Ajnabi si raahon kay ajnabi musafir sun

Raasta koi bhi ho

Waasta koi bhi ho

Manzilein nahin miltein

Manzilein to dhoka hain

Manzilein jo mil jayein

To justagoo nahin rehti

Zindagi ko jeenay ki aarzoo nahin rehti

Main jaanti hoon bicharna zaroor hai phir bhi

Abhi milay ho koi aur baat kartay hain

Mujhay ik baat kehni hai

Jo tum hotay ho mujh se door

Udasi ki siyah chadar

Na janay kis tarah , kiyon kar

Meray sar par

Kahin se aan girti hai

Tum se wabasta tamaam talkh-o-sheerin yadon ko main ne

Tum se wabasta

Tamaam talkh-o-sheerin yadon ko main ne

Dil ki dharti main

Ik qabar khod kar dafnaa diya

Lakin.......

Khud ko isi qabar kar sirhanay mujawar ban kar

Mujawar ban kar zinda rehnay ki saza di

Hain aankhein num hamari aur dil fariyad karta hai

Chalay aao tasawur main dewana yaad karta hai

Mohabbat ki tabiyat main yeh kaisa bachpana qudrat ne rakha hai

Keh yeh jitni purani jitni bhi mazboot ho jaye

Issay ta'eed-e-taza ki phir bhi zaroorat rehti hai

Yaqeen ki aakhri hadon tak dilon main leh'lahati ho

Nigahon se tapakti ho , lahu main jagmagati ho

Hazaron tarah kay dil'kash , haseen haalay banati ho

Issay izhaar kay lafzon ki haajat phir bhi rehti hai

Mohabbat maangti hai youn gawahi apnay honay ki

Keh jaisay tifal-e-sada shaam ko ik beej boye

Aur shab main baar ha uthay

Zameen ko khod kar dekhay keh poda ab kahan tak hai

Mohabbat main ajab takraar ki khu hai

Keh yeh iqraar kay lafzon ko sun'nanay se nahin thakti

Bicharnay ki gharri ho ya koi milnay ki sa'at ho

Issay bas aik hi dhun hai

Kaho mujh se mohabbat hai

kaho mujh se mohabbat hai

Tumhein mujh se mohabbat hai

Samandar se kahin gehri , sitaron se siwa roshan

Pyaron ki tarah qaaim , hawaon ki tarah daaim

Zameen se aasman tak jsi qadar achay manazir hain

Mohabbat kay kinaray hain , wafa kay ista'aray hain , hamaray hain

Hamaray wastay yeh chandani raatein sanwarti hain , sunehra din nikalta hai

Mohabbat jis taraf jaye zamana saath chalta hai

Kuch aisai be'sakooni hai wafa ki sar zameeno main

Jo ehal-e-mohabbat ko sada be'chain rakhti hai

Keh jaisay phool main khushbu , keh jaisay haath main para , keh jaisay shaam ka tara

Mohabbat karnay walon ki sehar raaton main rehti hai

Gumaan ki shaakhon main aashiyana banta hai ulfat ka

Yeh ain wasal main bhi hijar kay khadshon main rehti hai

Mohabbat kay musafir jab zindagi kaat chuktay hain

Thakan ki kirchiyan chu'nanay , wafa ki ajrakein pehnay

Samay ki rah'guzar ki aakhri sarhad par ruktay hain

To koi toot'ti saanson ki doori thaam kar

Dheeray se kehta hai

Yeh sach hai na ....!

Hamari zindagi ik doosray kay naam likhi thi

Dhund'laka sa jo aankhon kay qareeb-o-door phaila hai

Is ka naam chahat hai

Tumhain mujh se mohabbat thi

Tumhein mujh se mohabbat hai

Badan se uthti thi us kay khushbu , saba kay lehjay main bolta tha

Yeh meri aankhein thein us ka bistar , woh meray khawabon main jaagta tha

Haya se palkein jhuki hui thein , hawa ki saansein ruki hui thein

Woh meray seenay main sar chupaye , na janay kya baat sochta tha

Koi tha chasham-e-karam ka taalib kisi pe shouq-e-wisal ghalib

Sawal phailay thay chaar janib , bas ik main tha jo chup kharra tha

Ajeeb sohbat , ajeeb rut thi khamosh baithay huye thay dono

Main us ki awaz sun raha tha , woh meri awaz sun raha tha

Bahar aayi to titliyon kay paron main rangon ko khawab jaagay

Aur ik bhanwara kali kali kay labon ko reh reh kay choomta tha !

Woh aur hon gay keh jin ko "Amjad" naye manazir ki chah ho gi

Main is kay chehray ko dekhta hoon , main us kay chehray ko dekhta tha

Jaagty main sula dia hai mujh ko

Dil ne itna thakaa dia hai mujh ko

Shaher-e-khamosh , tere dedaar ki khatir

Tu ne lehjha naya dia hai mujhay

Meri aankhon ne kho dia tha jo khwaab

Teri aankhon ne laa dia hai mujhay

Kaisi gardish thi, kaisi larzish thi

Khaak par se utha dia hai mujhay

Pehlay main ne dia ganwaya tha

Ab diye ne ganwa dia hai mujhay

Dasht-o-dariya ne mujh se mil mil kar

Apnay jaisa bana dia hai mujhay

Us ne aik baagh main bulaya hai

Aur dil ka pata dia hai mujhay

Milnay tujh se kai mulaqaat baaqi hain

Thi jo adhoori woh baat baqi hai

Tujhay jane bina yeh dil de diya hum ne

Ab meri aankhon main kai sawalaat baaqi hain

Jab waqat ly aya hai hamain paas tumharay

To phir na jayo abhi raat baaqi hai

Jazbon ki in bijliyon se hi dil dar raha hai

Abhi to meri jaan pyaar ki barsaat baaqi hai

Milnay tujh se kai mulaqaat baaqi hain

Thi jo adhoori woh baat baqi hai

Piyaar ky deep jalanay wale kuch kuch pagal hoty hain

Apni jaan se jane wale kuch kuch pagal hoty hain

Hijar ky gehray zakham mile to mujh ko kuch ehsaas hua

Pagal ko samjhaney wale kuch kuch pagal hoty hain

Jaan se piyaaray logon se bhi kuch kuch parda laazam hai

Saari baat bataney wale kuch kuch pagal hoty hain

Khawabon main bhi anmol milan ky sapnay dekhtay rehtay hain

Neendon main muskuranay wale kuch kuch pagal hoty hain

Is jhooti nagri main hum ne yehi hamesha dekha hai

Sach baat batanay wale kuch kuch pagal hoty hain

Pyaar jinhain ho jaye chain bhala kab mil pata hai

Shab bhar ashk bahanay wale kuch kuch pagal hoty hain

Apni zaat ky ujray gulshan se woh pyaar kahan kartay hain

Auron ko mehkanay wale kuch kuch pagal hoty hain

Us ky ishq main bheeg ky hum ko yeh ehsaas hua

Dil ki baat main anay wale kuch kuch pagal hoty hain

Zindagi ne sikhaya hamain

Kisi par umeed nahin rakhna

Par rakhna aitabaar her kisi par

Zindagi ne sikhaya hamain

agar tum khud ko chaho gy

To her koi acha lagay ga

Zindagi ne sikhaya hamain

Tum ko bura nahin lagay ga

Agar dekho gy samnay wale ki nazar se

Zindagi ne sikhaya hamain

Na rona us par jo nahin hai tumhara

Jo hai tumhara usi se khush rehna

Zindagi ne sikhaya hamain

Nafrat se mohabbat karo gy to

Nafrat ko mohabbat ho jaye gi

Mohabbat se nafrat karo gy to

Mohabbat nafrat main bdal jaye gi

Zindagi ne sikhaya hamain

Na dhoondo khushi ko , na dhoondo chaain

Khushi , chaain dhoondny se kahan milti hai

Yeh hai khud ky andar , mehsoos kar ky dekho

Chalo hum maan letay hain keh waqat-e-judai hai

Magar yeh bhi to mumkin hai keh yeh waqat-e-judai ho

Ta'aluq tark kar dena tumhain asaan lagta hai

Magar mumkin hai youn na ho

Nahin manzal ki janaib yeh safar asaan sahi lakin

Jissay ab chahatay ho woh kareeb-e-jaan sahi lakin

Bhula saktay ho woh lamhay jinhain tum zeest ka hasil samjhtay thay

Keh meray lams ko waja-e-sukoon-e-dilsamjhty thay

Meri tasveer ko locket main rakh kar dil ki her dharkan sunatay thay

Meray khat chup ky parhty aur parh ky muskuratay thay

Kiya woh sab jhoot tha?

Hargiz nahin dil ko ab bhi yakeen hai keh

Tum loat aayo gy

Jab se tum ko nahin dekha meri in aankhon ne

Khuda ki qasam raat ko sone se inkaar karti hain

Zindagi ky in dino tum mujh se door ho

Yeh her waqat mujh se yahi sihkayat karti hain

Jo teray sath guzray hain yeh in ki baat karti hain

Khuda ki qasam raat ko sonay se inkaar karti hain

|Yaad hai woh her lamha jo teray sath beeta tha

Lakin jab hum juda huwey Yeh us din ki baat karti hain

Khuda ki qasam raat ko sonay se inkaar karti hain

Saari duniya rooth jaye parwaah nahin

Kahin tum na rooth jayo yeh is baat se darti hain

Khuda ki qasam raat ko sonay se inkaar karti hain

Seenay main jalan aankhon main toofan sa kiyon hai

Is shaher main her shakhs parishaan sa kiyon hai

Dil tha to dharkan ka bahana koi dhoondy

Pathar ki tarah b'ehis ik baya'baan sa kiyon hai

Tanhai ki yeh kon si manzal hai rafeeqo

Tha had-e-nazar ek bayabaan sa kiyon hai

Hum ne to koi baat nikali hai gham ki

Woh zood-e-pashemaan pashemaan sa kiyon hai

Kiya koi nahin baat nazar ati hai tujh main

Ayana hamain dekh ky hairaan sa kiyon hai

Kitnay qarb ka lamha tha meri zindagi ka

Raah-e-wafa main jab dost bhi ajnabi ho gaye

Basaya tha us ki yaadon ka pur hole samandar dil main

Ek hi pal main woh us ko sehra kar gaya

Sadiyon se chaha tha jissay main ne

Jaanay kiyon ab woh baigana ho gaya

Meray liye to ik haqeeqat hai woh lakin

Main us ky liye ik afsana ho gaya

Basi hain us ki chahatein mere dil main abhi tak

Woh hi meri nafraton main dewaar ho gaya

Tumhari yaad aa rahi hai pal pal rula rahi hai

Meri tanhai bhi aaj bhout sata rahi hai

Raasta bhi hai ab samnay, darr bhai hai veeraan

Khamoshi bhi aaj tum ko khud hi pukaar rahi hai

Tumhari her baat se mehsoos kuch youn hota hai

Jaisay kisi phool ki kushboo sara aalam mehka rahi hai

Tumhari yaadon ky saharay din raat guzartay hain

Jaisay aandhi main kahin roshni jag'maga rahi hai

Qadam qadam pe mujh ko ehsaas yeh hota hai

JAisay koi manzal khud mujhay bula rahi hai

Rukh ab to aksar mujhay gumaan kuch youn hota hai

Hawa bhi jaisay mil ky paighaam wafa ky laa rahi hai

Koi lamha bhi kabhi loat kar nahin aya

Woh shakhs aisa gaya phir nazar nahin aya

Wafa ky dasht main raasta nahin mila koi

Siwaye gar-e-safar hamsafar nahin aya

Kisi chraagh ne poochi nahin khabar meri

Koi bhi phool meray naam pe nahin aya

Palat ky anay lagay shaam ky parinday bhi

Hamara subha ka bhoola magar nahin aya

Hamain yaqeen hai woh wafa khilaaf

Yeh umar kaisay katay gi gar woh nahin aya

Phir aaj wohi bhooli kahani yaad ati hai

Tumharay sath guzri zindgani yaad ati hai

Tumhain bhoolay huwey bhi ik zamana ho gaya lakin

chalak jati hain aankhain jab purani yaad ati hai

Woh jis main markazi kirdaar hasil tha kabhi mujh ko

Main jitna bhulati hoon woh kahani yaad ati hai

Meray dil ko gham-e-duniya ki daulat bakhshany wale

Mujhy reh reh kar teri meharbaani yaad ati hai

Ujarti dil ki duniya dekhna khamosh reh jana

Abhi tak dosto woh be'zubaani yaad ati hai

Meri sab wafaein tumharay liye

Meray ehad-o-paymaan tumharay liye

Meri sab adaein tumharay liye

Meri sab jafaein tumharay liye

Meri raaton ki neendain tumharay liye

Meri ratjagain bhi tumharay liye

Dharakta hai yeh dil bhi tumharay liye

Meri nas nas main chahat tumharay liye

Meri sansoon ki garmi bhi tumharay liye

Meray hathon ki narmi tumharay liye

Hai phoolon main kushboo tumharay liye

Hai taroon ki jhl'mil tumharay liye

Meri zindagi ab tumharay liye

Meri her kushi ab tumharay liye

Tu hai bani sirf meray liye

Main hoon bana sirf tumharay liye

Haan, sirf tumharay liye

Kisi aur hi safar main

Sar-e-raah mil gayi thi

Tujhay aur kiya bataon

Woh teri tarah koi thi

Kisi shair-e-bymaan main

Main watan badar akela

Kabhi mout ka safar tha

Kabhi zindagi se khaila

Mera jisam jal raha tha

Woh ghaat ka sayebaan thi

Main rafaqaton ka mara

Woh meri mizaaj daan thi

Mujhay dil se us ne pooja

Usay jaan se main ne chaha

Isi hamraahi main aakhir

Kahin aa gaya dohraha

Yahan gumrahi ka imkaan

Ussay rang-o-boo ka lapka

yahan daam thay hazaron

Yahan her taraf nafs tha

Kahin zar zameen ka dal dal

Kahin jaal tha hawas ka

Woh fiza ki fakhta thi

Woh hawa ki raaj'putri

Kisi ghaat ko na dekha

Kisi jheel par na utri

Phir ik shaam aisi ayi

Keh woh shaam aakhri thi

Koi zal'zala saaisa aya

Koi barq si giri thi

Ajab andiyaan chaliein phir

Keh bikhar gaye dil-o-jaan

Na kahin gul wafa thi

Na chragh ehad-e-paimaan

Woh jahaz utar gaya tha

woh jahaz utar gaya tha

Teri aankhon main hain ansoo

Mera dil bikhar raha hai

Tu jahan mujhay mili hai

Woh wahan juda hui thi

Tujhay aur kiya bataon

woh teri tarah koi thi

Jaa ky phir jo loat aye woh zamana kaisa

Teri aankhon ne chaira hai yeh fasana kaisa

Aankh sar'shaar-e-tamana hai tu wada kar le

Chaal kehti hai keh ab loat ky ana kaisa

Mujh se kehta hai keh saaye ki tarah sath hain hum

Youn na milnay ka nikla hai bahana kaisa

Ishq shikwa ti nahin hai , na mile tum hum se

Ranj is ka hai keh tum ne hamain jana kaisa

Khud ho socha tha bhout us ne poocha tha bhout

Haal jab khud hi na samjhay to suna'na kaisa

Tujh ko pane ki khwaish thi so kiya tha maloom

Apne hi aap ko kho baithein gy pana kaisa

Ab ronay kay liye itnay ansoon kahan se laaon

Yeh aaj tumhari be'wafi ne

Tumhari be'atnaai ne

Mujhay tanha kar dia

Kirchi kirchi kar dia

Ab ronay kay liye itnay ansoon kahan se laaon

Aaj ki raat katay gi kaisay

Kal ka din katay ga kaisay

Zindagi meri katay gi kaisay

Ab ronay ky liye itnay ansoon kahan se laaon

Woh jo tumhari baatain

Woh jo tumharay iraday

Kahan gaye woh waadhy

Jo tum sab bhool chuki ho

Ab ronay kay liye itnay ansoon kahan se laaon

Hamain koi gham nahin tha Gham-e-aashiqui se pehlay

Na thi dushmani kisi se teri dosti se pehlay

HAi yeh meri bad'naseebi tera kiya qasoor hai

Teray gham ne maar dala mujhay zindagi se pehlay

Mera pyaar jal arha hai ,aray, chand aaj chup ja

Kabhi piyaar tha hamain bhi teri chandani se pehlay

MAin kabhi na muskurata jo mujhay yeh ilam hota

Keh hazaron gham milain gy mujhay ik kushi se pehlay

Yeh ajeeb imtihaan hai keh tumhi ko bhoolna hai

Mile kab thay is tarah hum tumhain be'dili se pehlay

Hamain koi gham nahin tha Gham-e-aashiqui se pehlay

Na thi dushmani kisi se teri dosti se pehlay

Mujhay kab arzoo thi ho mera anjaam chupky se

Tumharay dard ko hi aa gaya aaraam chuky se

saba, kushboo nahin hai yeh jissay tum mushtahir kar do

Saba ly jayo par dena ussay paighaam chupky se

Udhaar aankhain mili hum ne idhar dil de diya apna

Khreeda dard chori se chukaye daam chupky se

MAin teray dihaan main gum hoon to sab hi dihaan raktay hain

Meray aangan main ati hai hamesha shaam chpky se

Jo hum ne waqat-e-aakhir , aakhri ik saans khichaa tha

Liya tha kaampty honton tera naam chupky se

Khizaan ky rang main abhi bahaar baqi hai

Chraagh-e-shaher hai par intizaar baqi hai

Hamain salaam karo ay hawadis-e-douraan

tumharay sath hain phir bhi qaraar baqi hai

Guzar chuka hai umeedon ka qafila kab ka

Raah-e-yaqeen pe abhi bhi ghubaar baqi hai

Hamain pukaar lo jab chaho hum milain gy wahin

Mile hain khaak main lakin waqaar baqi hai

Teri tarah hamain bhi yaad anay wala ho

Teray siwa bhi koi to staanay wala ho

Her ik subha yahi dil main hook uth'ti hai

Hamain bhi naaz se koi jaganay wala ho

Woh kis umeed main ghar main rakhain keh jis ghar main

Na anay wala ho na koi janay wala ho

Her ik se nazrain milayi hain un ky koochay main

Keh jaisay ab koi hum ko bhulanay wala ho

Hai dosti kay liye aaina nazar meri

Nazar milaye jo nazrain milanay wala ho

Keh jaisay koi bal'la mujh pe anay wali hai

Harass kehta hai koi bachnay wala ho

Hamaray shaher main kiya kiya saje sajaye hain ghar

Hamaray ghar ko bhi koi sajanay wala ho

Haasil ho mujh ko himmat itni keh faqat

Duniya ko dikha doon apni shuja'at ya rab

Ho mera naam bhi un naamon main shaamil

Jo mohabbat main kar gaye hain ooncha naam ya rab

Teray hathon pe sajay hinaa ky surkh rang

Meray khoon main bhi shamil ho raang-e-hina ya rab

Tujh ko bhi hasil ho uroosa ka rutba

Mujh ko bhi us ka nosha bana dy ya rab

Dy tofeeq itni to dani ko

Na ho ussay koi nadaan ya rab

Ab ky tum khwabon ko meri jagah na do

Taraptay dil ki dard ki youn dawaa na do

Duniya ky gham sounp kar mujhay

Ab kush rehnay ki dua na do

Dikhlaa kar mea'khanay ka rasta pahir

Aab-e-zam zam ki sada na do

Kaantay bhar kar meray daaman main

Mujhay phoolon ki si ada na do

Mila kar zehar meray jaam main

Mujhay be'wajha mout ki waja na do

Gunnah jo sarzard hua hai mujh se

Pal pal be'gunahi ki saza na do

Badnaam kar ky us ki galiyon main ab

Us ky ashiyaanay ka tum hi pata na do

Mohabbat kartay hain dikhana nahin jantay

Ilzaam magroori ka de kar yeh sila na do

Jala rakha hai umeedon ka dia sadiyon se

Pal bhar ki khalish se issay bhujha na do

AMin ik na'cheez sahi kisi ky dil ka hissa hoon

Mujhay youn safha-e-hasti se mita na do

Zaib nahin deta mujhay mohabbat ka hasool

Nafrat hi sahi , tarq-e-tallauq ki magar hawa na do

Cheen kar mujh se zindagi meri

Mujhay aur jeenay ki bad'dua na do

Mujhay qudrat kay raazon ki samjh bilkul nahin aati

Jissay tabeer milni ho ussay sapnay nahin aatay

Jinhein hum kabhi jaantay bhi nahin Un hi sy mohabbat ho jati hai

Chand din chand lamhay sath guzartay hain mohabbat ho jati hai

Khyalaat miltay hain sochain bhi milti hain mohabbat ho jati hai

Dil ki chand baataim bhi hoti hain jin se mohabbat ho jati hai

Sochon main khyalon main aur na janay kiyon mohabbat ho jati hai

Kisi ki kuch baatain dil main utar jati hain mohabbat ho jati hai

Yeh to mohabbat hai na dekhay huwey bhi lakin mohabbat ho jati hai

Hazaron faaslay hotay hain dil ik hota hai mohabbat ho jati hai

Meri her ik ada main chupi thi teri mohabbat

Tu ne mehsoos na ki yeh aur baat hai

Main ne her dam teray hi khwaab dekhay

Mujhay tabeer na mili yeh aur baat hai

Main ne jab bhi tujh se baat karna chahi

Mujhay alfaaz na mile yeh aur baat hai

Main teri mohabbat ky samandar main door tak nikla

Mujhay sahil na mila yeh aur baat hai

Qudrat ne likha tha tujh ko meri taqdeer main

Teri qismat main , main na tha yeh aur baat hai

Uthaa ky hath khuda se bas maangi yahi dua

Naseeb hon kushiyaan tumhain tum kush raho sada

Tum ko rahat milay , tum ko chahat mile

Tumhain saray jahan ki mohabbat mile

Jahan main sab se achay hon teray naseeb

Koi dukh kabhi bhi na aye qareeb tumharay

Dil ki her arzoo poori khuda karay

Tumharay chahnay walo ko kabhi bhi na juda karay

Mil jayein tum ko meray bhi naseeb ki kushiyaan

Dua hai yeh bas tum ko kabhi gham na milain yahan

Mujh se apna pyaar kabhi wapis mat lena

Mujh se yeh iqraar kabhi wapias mat lena

Kehtay rehna mujh ko her pal main tera hoon

Mujh se yeh izhaar kabhi wapis mat lena

Sajta rehna jhoomar ban kar maathay par

Mujh se yeh singhaar kabhi wapas mat lena

Aankhain roshan rakhna apni yaadon se

Mujh se yeh deedaar kabhi wapas mat lena

Kushboo ban kar basna meray tan mann main

Mujh se yeh mehkaar kabhi wapas mat lena

Hansi ky raastay pe chala karo

Kushiyon ki mehak liya karo

Piyaar se dilon ko chooa karo

Jahan tumhain gham nazar aye

Is na'cheez ko yaad kiya karo

Her kal'li tujh se kushboo udhaar mangay

Aftaab tujh se noor udhaar mangay

Khuda karay keh tu dosti aisi nibhaye keh log

Teri dosti tujh se udhaar maangain

Kehtay hain gham bantanay se hota hai kam

Aisay hi kabhi pehlay maantay thay hum

Teray piyaar ki nishani tera gham hi to meray paas

Woh bhi baat ho to rahaye ga kiya maray paas

Sochta hoon in saagar ki lehron ko dekh kar

Kiyon yeh kinaron se takra kar palat jati hain

Karti hain woh kinaray se be'wafai

Ya phir saagar se wafa nibhati hain

Tum ko chahnay wale kam na hoon gy

Waqat ky sath magar hum na hon gy

Apna piyaar chahaye kisi ko bhi dena

Par teri yaad ky haq'daar sirf hum hi hon gy

Her phool kushboo'daar nahin hota

Her pathar chamak'daar nahin hota

Dosti dekh kar karna dost

Kiyon keh her dost hum sa dil'daar nahin hota

Koi aankhon se baat kar leta hai

Koi aankhon main mulaqaat kar leta hai

Bara mushkil hota hai jawaab dena

Jab koi khamosh reh kar sawaal kar leta hai

Woh atay to hain magat tan se nahin

Woh baith'ty to hain magar mann se nahin

Kon kehta hai keh woh piyaar nahin kartay

Kartay to hain magar hum se nahin

Kaash dil ki awaaz main itna asar ho jaye keh

Hum aap ko yaad karain aur aap ko khabar ho jaye

Aaj rab se yahi dua meri keh

Jissay aap chahein woh aap ka hamsafar ho jaye

Hum kabhi aap se khafa ho nahin saktay

Yeh dil ky rishtay be'wafa ho nahin saktay

Aap bhalay hamain bhool ky soo jayein

Hum aap ko yaad kiye bina so nahin saktay

Hansana hamara kisi ko gawara nahin hota

Her musafir zindagi ka sahara nahin hota

Miltay bhout log is tanha zindagi main

Par her koi tum se piayar nahin hota

Chaand kay liye sitaray bhout hain

Lakin sitaron ky liye chaad ik hai

Aap kay liye to hazaron hon gy

Lakin hamaray liye aap hi ik hain

Kaanton ky badlay phool kiya do gi

Ansoo ky badlay kushi kiya do gi

Hum chahtay hain aap se umar bhar dosti

Hamray is sawaal ka jawaab kiya do gi

Baa awaaz-e-buland ya sar-ba-sujood

Sajda karo iltija karo

Jo dil se niklay tumharay meray liye

Aisi ik dua karo

Kitni sadiyaan guzri is baat ko

Tumhain milnay ko ab aankhain tarsein

Jo tum ko mujh se mila sakay

Tum aisa koi silsala karo

Jaaiz hai us rishtay ka tootna

Jis main milnay ki chah na ho

Chahte ho gar apna mujh ko

To her roz mujh se mila karo

Guzraa zamana teri mohabbat ka

Ik bhooli hui kahani hai

Teray koochay main umar bhar na gaye

Sari duniya ki khaak chaani hai

Lazat-e-wasal ho Keh zakham-e-firaaq

Jo bhi hi teri meharbaani hai

Kis tamana se tujh ko chaha tha

Kis mohabbat se haar mani hai

Apni qismat pe naaz karta hoon

Jab teray shaher se guzarta hoon