Imran's Poetry: 12/29/14

Dec 29, 2014

KAbhi taqdeer ka maatam kabhi mehboob se shikwa

Ae manzil-e-mohabbat tu ne ronay kay siwa diya kiya hai

KAb tak teray faraib ko ek haadsa kahoon

Tu ne to meri wafa ka tamasha bana diya

Aaj bata raha hoon nusqa-e-mohabbat zara ghour se sun

Na chahat ko had se barhaao na ishq ko sar pe charhao

Zindgi itni dukhi nahin keh marnay ko jee chahye

Bas duniya walon ne itnay dukh diye keh jeenay ka dil nahin karta

Umar is tarah meri ishq main guzri Wasi

Jaisay pardes main tehwaar guzar jaata hai

Kisi kay saath pyaar se mazak zaroor karna magar

KAbhi kisi kay saath mazak ka pyaar nahin karna

Qasoor nahin is main kuch bhi un ka Faraz

Hamari chahat hi itni thi keh unhain ghroor ho gaya

Main shaher-e- fanaa hoon teray kis kaam ka

Ek bujhta sa diya hoon teray kis kaam ka

Tu rafaqat kay liye aur kisi ko chun lay

Main to khud tanha hoon teray kis kaam ka

Tu bhi auron ki tarah mujh se kinaara kar lay

Sari duniya se bura hoon teray kis kaam ka

Agar tu waja na poochay to aik baat kahoon

Bin teray ab hum se bhi jiya nahin jaata

Teri masroof zindagi par aitraaz to nahin mujhay

Kis haal main ho tum itna to bata diya karo

Tum meray ho is baat par koi shak nahin mujh ko

Tum kisi aur kay nahin ho bas is baat ka yaqeen dila do

Yeh zehmat bhi to rafta rafta rehmat ho hi jaati hai

Musal'sal gham se , gham sehnay ki aadat ho hi jaati hai

Maseeha ho agar tum sa , zaroorat kiya hai mehram ki

Keh kaanton se bhi zakhmon ki jarahat ho hi jaati hai

Taaluq jin se ho un par gila aaya hi karta hai

Mohabbat jin se ho un se shikayat ho ho jaati hai

Zaroori to nahin suraj sawa nezay pe Aa jaye

Badal jaye koi apna to qayamat ho hi jaati hai

So jaao keh tumhari narm aankhain kahin surkh na ho jayein neend se

Hamara kiya , hum to logon se wafa karnay ki saza kaat rahay hain

Raat chup hai magar khamosh nahin

Kaisay keh doon keh aaj , phir hosh nahin

Aisay doobay hain us ki yaad ki gehraai main

Aankh main neend hai magar sonay ka hosh nahin

Dil main hasraton ko daba kay jeetay hain

Apnay gham ko duniya se chupa kay jeetay hain

Kiya loatay ga zamana khushiyon ko hamari

Hum khushiyaan doosron par luta kay jeetay hain

Log kehtay hain keh mera dil pathar ka hai

Lakin kuch log aisay bhi thay jo issay bhi tor gaye

Nahin mujh ko shikayat ab kisi se

Bas apnay aap se rootha hua hoon

Ba'zahir khush hoon lakin , ik sach bataon

Main andar se bhout toota hua hoon

Kahay ga jhoot woh hum se keh tumhari yaad aati hai

Koi hai muntazir kitna yeh lehjay bol detay hain

Hum udaas hain us ki doori ko lay kar

Woh khud to satata tha , ab us ki yaadain bhi satayen gi

Chalo aaj tumhain raaton main jaagnay ka sabab bata hi deta hoon

Mohabbat kar kay dekh lo , neend aa jaye to kehna

Ungliyaan meri wafa par na uthaana logo

Jis ko shaq hai woh kabhi mujh se wafa kar kay dekhey

Khushiyaan to kab ki rooth kay gayi hain mujh se

Kaash in ghamon ko bhi kisi ki nazar lag jaye

Yeh dikhawa be'waja hai , yahi to dastoor-e-chahat hai

Keh jo mehboob hota hai , wohi masroof hota hai

Hoti hai laakh gham ki dawa neend bhi magar

Hotay hain aisay gham bhi keh sonay nahin detay

Hum kisi ko majboor nahin kartay keh woh hum se baat karay

Jinhain ho rishton ki qadar woh khud hi yaad kar liya kartay hain

Log kehtay hain nafrat buri cheez hai

Magar mohabbat bhi to chain se sonay nahin deti

Milta bhi nahin tumharay jaisa koi aur is shaher main ae be'wafa

Hamain kiya maloom tha keh tum ik hi aur woh bhi kisi aur kay liye

Be'rukhi kabhi kisi ko jeet nahin sakti

Mohabbat sach ho to chor janay walay bhi loat aatay hain

Ranjishein to hoti hain mohabbat main

Magar tum se yeh kis ne kaha

Keh

Mujhay adhoora kar do

Teray loat aanay ka intizaar karta hoon

Dekh main tujh se kitna pyaar karta hoon

MAin banata hoon kaaghaz par teri tasveerain

Phir us se baatain hazaar karta hoon

Tera dukh bhi khaloos-e-niyat se

Apnay dukhon main shumaar karta hoon

Sach samjhta hoon jhoot bhi teray

Youn main tujh pe aaitabaar karta hoon

Ek tum ho keh her dil main utar jaatay ho

Ek hum hain keh her dil se utar jaatay hain

Jee chahata hai ussay muft main dil dy doon

Itnay masoom kharidaar se kiya lena dena

Hasti ko mohabbat main fanaa kon karay ga

Yeh farz meray siwa adaa kon karay ga

Meray haathon ki lakeeron ko dekh najoomi

Dekh is zindagi main mujh se wafa kon karay ga

Ae hamsafar tujhay kiya khabar teri raah guzar meri sajda gaah

Teri ik nazar meri zindagi teri be'rukhi meri mout hai

Jis ki khatar sari haddain tor di hum nay

Aaj us ne bhi keh diya keh zara hadh main raha karo

Jab tum hi na milay to kisi ki tamana kiya karon main

Bazaar-e-mohabbat main dil baar baar farokht nahin kiya kartay

Us kay dedaar ko aaj aankahin youn taras rahi hain

Jaisay hasrat ho banjar zameen ko muddat se ek barsaat ki

Teray honay par bhi khud ko tanha samjhon

Main be'wafa hoon ya tujh ko be'wafa samjhon

Teri be'rukhi se waqat to guzar gaya hai mera

Yeh khud'dari hai ya teri anaa samjhon

Teray baad kiya haal hua hai mera

Yeh teri inayat hai ya saza samjhon

Zakham detay ho aur marham bhi laga'tay ho

Yeh teri aadat hai ya adaa samjhon

Chahat kay parday main nafrat hai mumkin

To nafrat kay parday main chahat bhi ho gi

Agar koi khafa hota hai tum se apna samjh kar

To us ko yaqeenan tum se mohabbat bhi ho gi

Jafa jo ishq main hoti hai to jafa hi nahin

Sitam na ho to mohabbat main kuch maza hi nahin

Qismat saath na dy to mohabbat nafrat main badal jaati hai

Aksar kaanta lagnay par log phool hi phaink diya kartay hain

Bichar kar tum se zindagi saza lagti hai

Yeh saans bhi jaisy mujh se khafa lagti hai

Tarap utjtay hain dard kay maaray

Zakhmon ko jab teray shaher ki hawa lagti hai

Agar umeed-e-wafa karoon to kis se karoon

Mujh ko meri zindagi bhi be'wafa lagti hai

Mujh se yeh log kehtay hain Kahin dil chor aaye ho

Mujh se yeh log kehtay hain

Kahin dil chor aaye ho

Bhout chup chaap rehtay ho

NA bantay na sanwartay ho

NA koi baat kartay ho

Bhari mehfil main bhi aksar

Hamesha khoye rehtay ho

Udaasi aankhon main lay kar

Her ik chehray ko taktay ho

Koi jab yaad aata hai

To thandi aah bhartay ho

To khul kar kiyon nahin kehtay

Kisi ko yaad kartay ho

Keh tum bhi pyaar kartay ho

Her deewar ko raah-e-mohabbat se hata diya jaye

Phir meray yaar se mujhay mila diya jaye

Aaj kisi ki yaad mujhay bhout tarpa rahi hai

Ab mujhay koi jaam pila diya jaye

Umar bhar ki qaid mujhay qabool hai

Agar qaid khana meray yaar ka dil bana diya jaye

Daldal thi zindagi so main dhansta chala gaya

Main apni be'basi pe youn hansta chala gaya

Pehlay dikha raha tha mujhay manzalon kay khwaab

Phir meray samnay se woh raasta chala gaya

MAin ro para tha jis ki judai ko soch kar

Woh shakhs meray haal pe hansta chala gaya

Mana keh naseeb main meray koi hamdard nahin

Phir bhi koi shikwa koi gham nahin

Tanha hain aur tanha hi chalay jayein gay

Badnaseeb to hain magar bewafa hum nahin

Yaadain unhi ki aati hain jin se kuch taaluq ho

Her shakhs nigah-e-mohabbat se dekha nahin jaata

Aatay ahin khwabon main khayalon main musalsal

Phir hum se yeh kehtay hain keh hum parda nasheen hain

Tumhain bhulanay main mujhay waqat lagay ga

Aur wohi kuch waqat zindagi hai meri

Ae chashm-e-yaar na yaad na nafrat aur na ehsaas

Kiya hum kisi bhi salook kay qabil nahin rahay

Waah re ishq tera kiya kehna

Jo tujhay jaan lay , tu us ki jaan lay

Teri talaash main mera wajood hi na raha

Tabah kar gayi meri hasto ko arzoo teri

Tamana woh tamana hai jo dil ki dil main reh gaye

Jo mar kar bhi na poori ho ussay armaan kehtay hain

Mubarak ho aap ko December ki yeh baarish

Bhout dino se thi yeh asmaan ki sazih

Aaj poori hui un ki khwaish

Bheeg lo apno ko yaad kar kay

Mubarak ho aap ko December ki yeh baarish

Mera inaam pakistan mera paighaam pakistan

Jab hum ne khuda ka naam liya

Us ne hamain inaam diya

Mera inaam pakistan

Mera paighaam pakistan

Mohabbat Aman hai

Aur is ka hai paighaam pakistan

Khuda ki khaas rehmat hai

Bazurgon ki bishaarat hain

Kai naslon ki qurbani

Kai naslon ki mehnat hai

Asaas hai dalairon ka

Shahidon ki amanat hai

Ta'awn hi ta'awn hai

Mohabbat hi mohabbat hai

Jabhi tareekh ne

rakha hai hai is ka naam Pakistan

Andhron ko mitaye ga

Ujaala ban kay chaye ga

Yeh khitta inqalaabi hai

Nayi duniya banaye ga

Agar Allah ne chaha

Zamana woh bhi Aaye ga

Jahan tak waqat jaye ga

Issay aagay hi paaye ga

Nida qaid ki hai

Iqbal ka ilhamm Pakistan

Mohabbat aman hai

Aur is ka paighaam Pakistan