Yeh kis ne hum se lahu ka khiraaj phir maanga
Abhi to soye thay maqtal ko sur'khuru kar kay
Feb 1, 2017
Mohabbat hai hamaray paas
Mohabbat hai hamaray paas
Agar woh baad'shah hota
To koi baat bhi hoti
Suna hai baad'shahon ko
Dain koi aisa nazrana
Jo sab cheezon se barh kar ho
to apni baad'shahi tak
Lut'ta detay hain woh aksar
Mohabbat hai hamaray paas
Magar woh baad'shah kab hai
Yaadon kay khaak'daan main mehav-e-kharaam tha
Yaadon kay khaak'daan main mehav-e-kharaam tha
Phir aaj dasht-e-dil main bara ehtamaam tha
Yeh dil keh is kay shor ne bad'naam kar diya
Ashraaf-e-shaher main kabhi apna bhi naam tha
Batlaa na paye tujh ko keh dil main teray liye
Sab silsalon se hatt kar alag hi maqaam tha
Khawaish kay is safar main mera humsafar nahin
Jo shakhs zindagi ki maah-e-tamaam tha
Khushiyan hamaray dar se that'thak kar palat gayein
Ghar main ghamon ka ik ajab az'dahaam tha
Aksar yeh sochti hoon mera jazba-e-khaloos !!
Tha payar , ya faqat woh tera ehtraam tha
Woh shakhs jab se meray ishq kay nisaab main hai
Woh shakhs jab se meray ishq kay nisaab main hai
Yeh jism-o-rooh musal'sal kisi azaab main hai
Yeh taazgi , yeh sabahat , yeh rang , yeh khushbu
Yeh kis haseen ka chehra hai jo gulaab main hai
Na so rahi hain na jaagi hui hain woh aankhein
Keh jaisay fitna bay'daar koi khawab main hai
Biyaaz-e-jaan main nihaan kab hai jazba-e-ulfat
Keh harf harf ayaan iss khulli kitab main hai
Main apnay aap se jaisay sambhal nahin paata
Ajeeb nasha teray mar'marein shabaab main hai
Kahan mumkin tha main dil se teri yaadein mitta deta
Kahan mumkin tha main dil se teri yaadein mitta deta
Bhala kaisay main phir jeeta agar tujh ko bhula deta
Teri ruwai kay darr se liye lab warna
Teray shaher-e-munafaq ki buniyadein hilla deta
Kiya uss ne tark-e-wafa to ho gi uss ki majburi
Jissay barson dua di thi , ussay kaisay bhula deta
Khabar hoti agar mujh ko nahin hai tu muqaddar main
Ussi lamhay main haathon ki lakeeron ko mitta deta
Basti main dewane aaye
Basti main dewane aaye
Basti main dewane aaye
Chub apni dikhlanay aaye
Daikh teray dar'shan kay lo bhi
Kar kay laakh bahanay aaye
Peet ki reet nibhani mushkil
Peet ki reet nibhanay aaye
Uth aur khol jharoka gori
Sab apnay be'ganay aaye
Peer , parohat , mulla ' mukhiya
Basti kay sab siyanay aaye
Tah'nay , meh'nay , Eentein , pathar
Saath liye nazranay aaye
Sab tujh ko samjhanay walay
Aaj in'hein samjhanay aaye
Ab logon se kaisi chori ?
Uth aur khol jharoka gori
Dar'shan ki barkha barsaa de
In piyason ki piyaas bujha de
Aur kisi kay da'waar na jawein
Yeh jo Insha Jee kehla'wein
Tujh ko kho kar duniya khoye
Hum se poocho kitna roye
Jug kay hon dhut'kaaray sajan
Teray to hain piyaray sajan
Gori rokay laakh zamana
Un ko aankhon main bith'lana
Bujhti jog jaganay walay
Een'tein pathar khanay walay
Apnay naam ko ruswa kar kay
Tera naam chupaanay walay
Sab kuch boojhay , sab kuch jaanay
Anjanay ban janay walay
Tujh se jee ki baat karein kya
Apnay se sharmanay walay
Kar kay laakh bahanay aaye
Jogi Alakh jaganay walay
Daikh na tootay peet ki dori
Uth aur khol jharoka gori
Pathar ki tarah agar main chup hoon
Pathar ki tarah agar main chup hoon
To yeh na samjh keh meri hasti
Be'gana shola-e-wafa hai
Teh'qeer se na youn daikh mujh ko
Ae sang traash ! tera teesha
Mumkin hai keh zarb-e-awaleen se
Pehchaan sakay keh meray dil main
Jo aag teray liye dabbi hai
Woh aag hi meri zindagi hai
Chalo gumaan ki had say guzar kay daikhtay hain
Chalo gumaan ki had say guzar kay daikhtay hain
kunwain main kiya hai,kunwain main utar kay dekhtay hain
woh keh rahay hain achoota sa kaam kar daikho
so ,6 ko 5 se tafreeq kar kay daikhtay hain
ab aisi film bhi shayad hi koi ho kay jissay
ikhatthay baith kay afraad,ghar kay daikhtay hain
ab uss kay khaal se chaltay hain gaisu'on ki taraf
simat kay daikh liya hai bikhar kay daikhtay hain
falak per jitnay mulak hain wo apnay channel per
shabana roz tamashay bashar kay daikhtay hain
ab aur kya sar-e-bazaar daikhna anwar
kisi dukaan per chashmay nazar kay daikhtay hain
Is tarah se satanay ki zaroorat kya thi
Boyfriend ki bewafai pe ik ghazal
Is tarah se satanay ki zaroorat kya thi
Kaminay dil ko jalanay ki zaroorat kya thi
Jo nahi tha ishq to keh diya hota
Apni Aauqaat dekhanay ki zarurat kya thi
Maloom tha keh yeh khawab toot jaein gay
Manhoos phir neend main aanay ki zarurat kya thi
Ishq pe lagti rahein gi her daur main pabandi
Ek ashiq ka dil toornay ki zaroorat kya thi
Maan lo agar keh ye yaktarfa mohabbat the to phir nafsiyaati aadmi
Mujhe daikh kay muskuranay ki zaroorat kya thi
Wo haseen lagti hai lekin kitni tayari kay baad
Sent ki, kajley ki, aur ghaazey ki gulkaari kay baad
Wo haseen lagti hai lekin kitni tayari kay baad
Muddaton kay baad us ko daikh kar aisa laga
Jesay roza-daar ki haalat ho aftaari kay baad
Baandh kar sehraa nazar aaya hai youn nosha miyan
Jis tarha mujrim dikhai deta hai giriftaari kay baad
Heroine 55 baras ki ho chuken to gham nahi
Ab gulukaari karen gi wo adaa-kaari kay baad
Qaum ko baidaar ker, disco music cher kar
Jo bechari so chuki hain raag darbaari ke baad
Eid par masroor hain dono miyan biwi bhout
Ik khareedaari se pehlay, ik khareedaari kay baad
Uqd-e-sani ka maza poocha to bolay sheikh ji
Aaisay lagta hai, chicken chakkha hai tarkaari ke baad
Raah-e-ulfat ki traffic ho keh motor-way ki ho
Haadsey hotay hain shahid, taiz-raftaari kay baad
Pehlay kuch izzat thi jis da'maad ki susral main
Pehlay kuch izzat thi jis da'maad ki susral main
Ban chuka hai ab to chapraasi wohi susral main
Apnay ghar main sher tha, susral main bakri bana
Deedni hai sher-dil ki buzdili susral main
Jab susar ho pehlwan aur boxer saaley sab hi
Uff bhi kar sakta nahi phir aadmi susral main
Kiyon na wo susral kay chakkar lagaye raat din
Saaliyan jis ko milen gulfaam si susral main
Maa’en apni betiyon ki lakh tareefen karen
Chup nahi sakten per un ki khamiyan susral main
Asal main hotay nahi hain us main johar iss qadar
Jis qadar banta hai rashid her koi susral main
Types of aashiq
Types of aashiq
Ameer aashiq
Main bhi kharidar hoon main bhi khareedon ga
Piyar kahan bikta hai pata bata doo
Ghareeb aashiq
Sona na chandi na koi mehal jan-e-mann
Tugh ko main na day sakoon gaa
Jhoota aashiq
Kal shab dekha main ne chand jharokay mein
Uss ko kia salaam tumharay dhokay mein
Sachaa aashiq
Dil ho gaya hai tera dewana aab koi jachta nahin
Naadan hai samaghta nahin bin teray rehta nahin
Kamyab aashiq
O kendi hai sayaan main teri yaan
Nakaam aashiq
In say nain mila kay dekho
Yeah dhoka bhi kha kay dekho
Chalaak aashiq
Buss bhai buss ziyada baat nahin memsaab
Aaj kay baad mulaqat nahin memsaab
Majboor aashiq
Izhar bhi mushkil hai kuch keh bhi nahin saktay
Majboor hain uff allah chup rah bhi nahi saktay
Buzdil aashiq
Main tera shehar chorr jaon ga
Dheete aashiq
Chahay jiss shehar bhee jayen chahay jiss mulk bhee jayen
Main hi mahiwal hoon tera sohniye tu meri gal sun ja
Izzat daar aashiq
Teri ruswayon say darta hoon
Jub teray shehar se guzar taa hoon
Baagh janay ka maza jaata raha
Baagh janay ka maza jaata raha
Ghaas khanay ka maza jaata raha
Boss ne chuthi ki arzi phaar di
Girh-giraane ka maza jaata raha
Ho gaya akhir isi gull se nikah
Gull khilaanay ka maza jaata raha
Nikli begum bhi krate champion
Ghar bsaanay ka maza jaata raha
Jab se ayi hai meri qamqr main chukk
Naaz uthaanay ka maza jaata raha
Dusri bivi mili bhi tandhu
Dan'dnaanay ka maza jaata raha
Jaisay he chhitrol is ne ki
Bulbulanay ka maza jaata raha
Kuch naya kaam tujh ko karna hai
Kuch naya kaam tujh ko karna hai
Bad-ma'ashi main naam karna hai
Khoon do char tu ne ker dalay
Jaibon main noot apni bhar dalay
Taqat-e-zulm jis kay pass nahin
Jeena duniya main us ko rass nahin
Jis kay khoon main rachi barood ki bu
Jaanta hai woh zindigi ki kho
Jaahileeyat ka kya ye door aaya
Apnay logon pe tera zoor aaya
Bharam gherat ka to nay toor diya
Peechay zulm-e-arab ko choor diya
Kerna chahta hai kya zara to bol
Girha apni aqal ki kudh to khol
Khoon apna tu kiyon bahata hai
Kiyoon tu apna hi ghar jalata hai
Bachay sehmay huway yeh teray hain
Tang tujh se yeh saray chehray hain
Guzray dino ki bhuli hui baat ki tarha
Guzray dino ki bhuli hui baat ki tarha
Ankhon main jaagta hai koi raat ki tarah
Tum se umeed thi keh nibhao gay dosti
Tum bhi badal gaye karachi kay halaat ki tarah
Un ki makhmoor nigahoon kay karishmay toba
Un ki makhmoor nigahoon kay karishmay toba
Pak'bazoon ko bhi mah'khaar bana detay hain
Aur pay-ba-pay zulm-o-sitm raah-e-mohabat mein qamar
Aik insaan ko fankaar bana detay hain
Subscribe to:
Posts (Atom)
