Imran's Poetry: 03/27/18

Mar 27, 2018

Hamein dariyaaft karnay se

Hamein taskheer karnay tak

Bahut hain marhalay baqi

Hamein zanjeer karnay tak

Hamaray hijar kay qissay

Sameto gay to likho gay

Hazaron baar socho gay

Hamein tehreer karnay tak

Hisab-e-umar ka itna sa goshwara hai

Tumhein nikaal kay dekha to sab khasara hai

Woh kya visaal ka lamha tha Jis kay nashay main

Tamaam umar ki furqat hamen gawara hai

Abhi umeed baqi hai keh woh bichra hua ik shakhs

Kisi bhi mor pe aa kar mujhay hairaan kar de ga

Kaash keh kabhi aisa bhi ho

Aadhi raat ko meray mobile pe koi call aaye

Screen pe tumhara naam jag'maga raha ho

Jissay daikh kar hamesha ki tarah

Meri aankhein num ho jayein

Phir main laraztay huye haathon se

Mobile ko uthaon

Tumhari call receive karon

Aur phir

Tumhari siskiyon bharri awaz aaye

Aur tum kaho

Phir se loat aayo na

Tumhari yaad aati hai

Aur phir khamoshi sari raat baatein karay

Kehtay hain keh waqat kay saath

her zakham bhar jata hai

Magar sach to yeh hai

Keh hum dard kay saath jeena seekh jatay hain

Kisi ko ghar se nikaltay hi mil gayi manzil

Koi hamari tarah umar bhar safar main raha

Tark-e-ta'aluq kaam na aaya

Un se mohabbat aaj bhi hai

Woh jo ishq tha , woh junoon tha

Yeh jo hijar hai , yeh naseeb hai !!

Tum aakhri manzil ho meray saray safar ki

Ab mujh se koi naqal makani nahin ho gi

Mera sochna teri zaat tak

Meri guftagoo teri baat tak

Na tum milo jo kabhi mujhay

Mera dhoondna tujhay paar tak

Main ne apna sab kuch ganwa diya

Teri nafraton se pyar tak

Kabhi fursatein jo milein to aa

Meri zindagi kay hisaar tak

Main ne jana keh main kuch nahin

" Teray pehlay se teray baad tak "

Chalti phirti hui aankhon se azaan daikhi hai

Main ne janat to nahin daikhi hai Maan daikhi hai

Yeh waqat bhi ajeeb so'dagar hai

Jawani ka laalich de kar bachpan le gaya

Ab ameeri ka laalich de kar

Jawani cheen raha hai

Mohabbat ko aqeeda , aashqui ko deen kehta tha

Koi tha jo meri her baat pe Ameen kehta tha

Kabhi aanay nahin deta tha , meri aankh main aansu

Meray ashkon ko apnay ishq ki toheen kehta tha

Duniya main sab se mushkil kaam

Apni bikhri hui zaat ko samaitna hai

Kisi rishtay ko kitni bhi mohabbat se baandha jaye

Lakin agar

Izzat aur lihaaz chala jaye

To mohabbat bhi chali jaati hai

Aap 4 din manzar se ghayeb ho kar dakhein

Log aap ka naam tak bhool jayein gay

Insaan sari zindagi is faraib main guzaar deta hai

Keh woh doosron kay liye eham hai

Lakin yeh haqeeqat hai

Keh hamaray honay na honay se

Kisi ko koi farq nahin parta

Insaan umeedon se bandha

Aik zidi prinda hai

Jo ghayel bhi umeedon se hai

Aur zinda bhi umeedon par hai

Tumhara deen mushkil hai , mera aasaan rehnay do

Khudara sheikh mujh ko tum faqat insaan rehnay do

Kahani qissa go mujh ko jahanum ki suno mat

Khuda ki rehmaton par tum mera emaan rehnay do

Zindagi kabhi kabhi aisi thokar maarti hai

Keh

Insaan seedha sajday main jaa girta hai

Neend na wekhay bistra ___ tay bukh na wekhay maas

Mout na wekhay umar noon tay ishq na wekhay zaat

Iss weham main woh daagh ko marnay nahin detay

Mashooq na mil jaye kahin zer-e-zameen aur

Ho sarfarz-e-yaqeen , had-e-tasawur se guzar

Woh bhi kya ishq jo paband-e-khayalat rahay

Qadar to woh hoti hai

Jo kisi ki mojudagi main ho

Jo kisi kay baad ho

Ussay "Pachtawa" kehtay hain

Mohabbat ki raahon pe bicharnay wali agar aurat ho to

naye raaston se manoos hotay

Ussay dair nahin lagti

Lakin Mard !

Jahan bicharta hai wahin bikhar jata hai

Aasmano se frishtay jo utaaray jayein

Woh bhi is dour main sach bolein to maray jayein

Saday ookhay welay nibh waysan

Teda waqat--e-urooj vi na rah si

Jahan wajib ho qurbani

Wahan socha nahin kartay

Karnay gaye thay Uss se taghafal ka hum gila

Ki aik hi nigah keh bas khaak ho gaye

Uss kay baghair aaj aadha december beet gaya

Jis kay baghair kabhi lamha na guzarta tha

Sada dil si nazuk kach warga

Assan sang nu yaar bana baithay

Assan tan mann leer-o-leer keeta

Galay ishq da chola paa baithay

Pairi ishq de ghungroo banh laye nain

Assi rog umar da la baithay

Sanu karb di sooli tang sajna

Assi pyar da jurm kama baithay

Sadi umar hazar saal hosi

Assi ishq da zahar jo kha baithay

Sada jism tay laash hoya

Jind mitran tay jo luta baithay

Ishq woh satween hiss hai

Keh jissay atta ho

Ussay rang sunai dain

Ussay khushbu dikhaai de

Kabhi pathar ki thokar se bhi aati nahin kharaash

Kabhi ik zara si baat se insaan bikhar jaatay hain

Adhoora ishq tha , Lakin

Mukamal khaa gaya , Mujh ko

Maktab-e-ishq se her koi waif nahin Saahib !!!

Paa lena hi ishq nahin "fanaa hona bhi ishq hai "

Dil ko pani main rakh diya main ne

Aag jaisi thein khwaishein uss ki !!