Teri yaad ki girift aksar mujhay
Apnay haathon ki lakeeron main
Uljhaa deti hai
May 1, 2017
Kuch hum bhi thak gaye hain ussay dhoondtay huye
Kuch hum bhi thak gaye hain ussay dhoondtay huye
Kuch zindagi kay paas bhi mohlat hi nahin rahi
Uss ki aik aik adaa se jhalaknay laga khaloos
Jab hum ko aaitabar ki aadat na rahi
Uss ne apni ungliyon se
Aansu
Uss ne apni ungliyon se
aik aik kar kay
apnay saray aansu
samait liye
aur socha keh
ashk samaitnay wala
Aaj itnay ashk kaisay de gaya
Chand raat ko sabhi daikhein hilal eid ko
Chand raat ko sabhi daikhein hilal eid ko
Ik hamara hi naseeba hadiyan turwa gaya
Hum thay chand kay nazaray main khoye huye
Bas achanak chand ka abaa wahan aa gaya
Bin daikhay ussay Ya-Rab yeh eid na guzray
Bin daikhay ussay Ya-Rab yeh eid na guzray
Kar paida koi sabab yeh eid na guzray
Duniya ko dikhaya hai ik chand jo tu ne
Mujh ko bhi dikhaa de ab yeh eid na guzray
Meri banjar si aankhon se Koi dhoka nahin khao
Meri banjar si aankhon se
Koi dhoka nahin khao
Keh tum kab daikh sakti ho
Meray dil main chuppay ghaao
Ae meray kam sukhan sathi
Tumhein shayed khabar ho gi
Mohabbat main jo behtay hain
Woh aansu khushk hotay hain !!
Bhout kuch soch kar
Bhout kuch soch kar
Aaj bhout kuch jaan kar
Saray dukh sari khushiyan
Apna din apni raat apni chahat
Apni awargi , apni dewangi , apni muskurahat
Sab kuch somp raha hoon
Main tumhein apna dil somp raha hoon
Yeh sheeshay yeh sapnay yeh dhaagay
Yeh sheeshay yeh sapnay
yeh dhaagay
Kissay kya khabar keh
Kahan toot jayein
Mohabbat kay dariya main
Tinkay yeh wafa kay
Janay kis morr par
Doob jayein
Rafta rafta bujh hi gaya aakhir chragh aarzu ka
Rafta rafta bujh hi gaya aakhir chragh aarzu ka
Pehlay dil khamosh tha , ab zindagi khamosh hai
Goonjon ga teray zehan kay gumbad main raat din
Goonjon ga teray zehan kay gumbad main raat din
Tu bhula na sakay jissay aisi guftagoo hoon main
Shaher bhar main jis ne ruswa kiya
Shaher bhar main jis ne
Ruswa kiya hamein be'wafa kay naam par
Khud uss ka daman
Wafa se khaali tha ....!
Barishon kay mousam main
Barishon kay mousam main
Barishon kay mousam main
Dil ki sar'zameeno pe
Gard kiyon bikharti hai ?
Iss tarah kay mousam main
Phool kiyon nahin khiltay ?
Log kiyon nahin miltay ?
Kiyon faqat yeh tanhai
Sath sath rehti hai ?
Kiyon bicharnay walon ki
Yaad sath sath rehti hai ?
Itni tez baarish se
Dil kay aainay par se
Aks kiyon nahin dhultay ?
Zakham kiyon nahin mit'tay ?
Neend kiyon nahin aati ?
Baarishon kay mousam main
Aankh kiyon barasti hai ?
Ashk kiyon nahin tham'tay ?
Barishon kay mousam main ........!
Haqeeqat aashna meray
Guzarish
Haqeeqat aashna meray
Hamein jeewan kay raston par kahan tak sath chalna hai ?
Kahan woh morr hai jis ne hamein tanhai deni hai
Kahan tak tum mujhay thamo gay jab girnay lagon ga main
Kahan par is tarah ho ga keh tum mujh ko na thamo gay
Tumhein awaz doon ga tum meri jaanib na daikho gay
Main jeeta hoon ya marta hoon meray baray na socho gay
Janam din par karo gay phone na hi card bhejo gay
Suno sathi !!!
Hamein jeewan kay rastay par jahan tak sath chalna hai
Wahan tak tum mujhay aadi karo na is tarah apna
Keh jab woh morr aaye aur apni raah main jaon
To apnay raastay ko ajnabi apnay liye paon
Rafaqaton kay naye khawab khush numa hain magar
Rafaqaton kay naye khawab khush numa hain magar
Guzar chuka hai teray Aaitabar ka mousam
Youn to meri aankhon se tum ko pyar bhout hai
Youn to meri aankhon se tum ko pyar bhout hai
Lakin jab jee chahaye in main aansu saja detay ho
Patt jharr kay mousam main tujh ko
Patt jharr kay mousam main tujh ko
Kon se phool ka tohfa bhejon
Mera aangan khaali hai
Lakin meri aankhon main
Naik duaon ki shabnam hai
Shabnam ka her taara
Tera aanchal thaam kay kehta hai
Khushbu , geet , hawa , pani , aur rang ko chahnay wali larki
Jaldi se achi ho ja
Subh-e-bahar ki aankhein kab se
Teri narm hansi ka raasta daikh rahi hain !!
Bhout haara hua wajood lagta hai ab apna
Bhout haara hua wajood lagta hai ab apna
Her kisi ne loota hai mohabbat ka hawala de kar
Ussay kehna Mukamal kuch nahin hota
Ussay kehna
Mukamal kuch nahin hota
Milan bhi na'mukamal hai
Judai bhi adhoori hai
Yahan aik mout poori hai
Ussay kehna
Udasi jab ragon main khoon ki manind utar'ti hai
Bhout nuqsaan karti hai
Ussay kehna
Bisaat-e-ishq pe jab maat hoti hai
Mukamal Bas Khuda ki Zaat Hoti Hai
Ab to loat aa
Ab to loat aa
Bhout si garm do'pehrein
Tanha guzar gayi hain !!
Bhout si khanak raatein
Yaadon kay sang beet gayi hain
Ab to loat aa
Keh tanhai ka zehar rafta rafta
Meray jisam ka sara lahu choos raha hai
Tujh ko acha lagnay wala chehra
Rafta rafta tujh se rooth raha hai
Ab to loat aa !!
Zara si khaak sada baal-o-par main rakhtay hain
Zara si khaak sada baal-o-par main rakhtay hain
Hum apnay saath zameen ko safar main rakhtay hain
Udasiyan bhi basatay hain apnay seenay main
Nishan-e-wusat-e-sehra bhi ghar main rakhtay hain
Bhout udaas na ho shaam-e-be'chragh keh hum
Sehar ki roshniyan chasham-e-tar main rakhtay hain
Hamaray sach ki gawahi pe ungliyan na utha
Yeh hi to aaib hum apnay hunar main rakhtay hain
Baar haa un se na milnay ki qasam khataa hoon main
Baar haa un se na milnay ki qasam khataa hoon main
Aur phir yeh baat qasdan bhool bhi jaata hoon main
Doobtay daikhay hain in aankhon se itnay aaftaab
Roshni kay naam se bhi ab laraz jata hoon main
Itni afsurda dili Allah dushman ko na de
Log hanstay hain to jee hi jee main sharmata hoon main
Be'rukhi ko un ki sach much be'rukhi samjha
Aaj apni is ghalat fehmi pe pachtata hoon main
Chahata yeh hoon keh duniya mujh ko tanha chor de
Janay kiyon ab gham gusaari se bhi ghabraata hoon main
Aye ehal-e-wafa daad-e-jafa kiyon nahin detay
Aye ehal-e-wafa daad-e-jafa kiyon nahin detay
Soye huye zakhmon ko jaga kiyon nahin detay
Iss jashan-e-chraghan se to behtar thay andheray
In jhootay chraghon ko bujha kiyon nahin detay
Jis main na koi rang na aahang na khushbu
Tum aisay gulistaan ko jala kiyon nahin detay
Deewar ka yeh azar suna jaye ga kab tak
Dewaar agar hai to giraa kiyon nahin detay
Chehron pe jo daalay huye baithay hain niqabein
Unn logon ko mehfil se utha kiyon nahin detay
Toba ka yahi waqat hai kya soch rahay ho
Sajday main jabeeno ko jhuka kiyon nahin detay
Yeh jhootay khuda mil kay dabo dain gay safeena
Tum Hadi-e-bar'Haq ko sada kiyon nahin detay
Apna ghar chor kay hum log wahan tak ponchay
Apna ghar chor kay hum log wahan tak ponchay
Subh-e-farda ki kiran bhi na jahan tak ponchay
Main ne aankhon main chupa rakhay hain kuch aur chragh
Roshni subha ki shayed na yahan tak ponchay
Be'kahay baat samjh lo to munasib ho ga
Iss se pehlay keh yahi baat zuban tak ponchay
Tum ne hum jaisay musafir bhi na daikhay hon gay
Jo baharon se chalay aur khizan tak ponchay
Aaj pindaar-e-tamana ka fasoon toot gaya
Chand kam zarf gillay nok-e-zuban tak ponchay
Aik manoos si khushbu hai fiza main ab tak
Aik manoos si khushbu hai fiza main ab tak
Paas se uth kay abhi koi gaya ho jaisay
Ronaq-e-zeest se kuch youn hai taluq mujh ko
Phool ' gulshan main tehar shaakh para ho jaisay
Aadmi jaan kay khaata hai mohabbat main faraib
Khud faraibi hi mohabbat ka sila ho jaisay
Aik aansu bhi bahatay huye jee darta hai
Mujh ko dar parda koi daikh raha ho jaisay
Youn zamana gham-e-doran se daraata hai mujhay
Meray haq main gham-e-doran bhi khuda ho jaisay
Subscribe to:
Posts (Atom)
