Dhiyaan rehta hai tere gham ki inayat ki taraf

Dhiyaan rehta hai tere gham ki inayat ki taraf 

Kaisay jayein gay kisi aur ki chahat ki taraf 

Baat niklay gi to sab teri taraf dekhain gay 

Mujh ko anay hi nahin dain gay wazahat ki taraf 

NA'munasib tha magar main ne musal'sal dekha 

Thi jo ik tum se mushaaba usi surat ki taraf 

Ghar jo toota to gaye maa ki taraf hi bachay 

Mur kay dekha hi nahin baap ki shafqat ki taraf 

Jis ki buniyaad main pathar na kisi juram ka ho 

Le chalay koi hamain aisi imaarat ki taraf 

Aik aurat ko samjhnay kay liye kam hai hayat 

Kis tarah aye ho tum doosri aurat ki taraf 

Manzil-e-ishq hai dushwaar magar azm-e-safar 

Dil ne rakha hai usi ku-e-mlaamat ki taraf 

Poet : Salman Sadiqui

Kaisay jayein gay kisi aur ki chahat ki taraf

Dhiyaan rehta hai tere gham ki inayat ki taraf 

Kaisay jayein gay kisi aur ki chahat ki taraf 

Baat niklay gi to sab teri taraf dekhain gay 

Mujh ko anay hi nahin dain gay wazahat ki taraf 

NA'munasib tha magar main ne musal'sal dekha 

Thi jo ik tum se mushaaba usi surat ki taraf 

Ghar jo toota to gaye maa ki taraf hi bachay 

Mur kay dekha hi nahin baap ki shafqat ki taraf 

Jis ki buniyaad main pathar na kisi juram ka ho 

Le chalay koi hamain aisi imaarat ki taraf 

Aik aurat ko samjhnay kay liye kam hai hayat 

Kis tarah aye ho tum doosri aurat ki taraf 

Manzil-e-ishq hai dushwaar magar azm-e-safar 

Dil ne rakha hai usi ku-e-mlaamat ki taraf 

Poet : Salman Sadiqui

Aik anokha khail tamasha main hi tha

Aik anokha khail tamasha main hi tha 

Duniya kay bazaar main sasta main hi tha 

Meray sab iqraar ghalat tehray goya 

Her kirdaar main sab se jhoota main hi tha 

Ilm-o-amal kay auzaaron se lais thay sab 

Tanha , be'bas aur nehata main hi tha 

Main ne kiya tha saray gumaano ko roshan 

Phir jo chadar taan kay soya , main hi tha 

Raah-e-talab main apna rasta , apni chaal 

Sadiyon se jo dhoond raha tha , main hi tha 

Aainay ko haath laga kar daikh chuka 

Woh saalam tha us main shakista main hi tha 

Khud ko roshan samjha tha lakin "suleman"

Bahir jo phaila tha andhera , main hi tha 

Poet : Salman Sadiqui