Imran's Poetry: 07/07/14

Jul 7, 2014

Taskeen na ho jis se woh raaz badal daalo

Jo raaz na rakh paye hamraaz badal daalo

Tum ne bhi suni ho gi bari aam kahawat hai

Anjaam ka jo ho khatra aghaaz badal daalo

Pur'soz dilon ko jo muskaan nade paaye

Sur hi na mile jis main woh saaz badal daalo

Dushman ke iradon ko hai zahir agar karna

Tum khail wohi khailo andaaz badal daalo

Ae dost karo himmat kuch door sawera hai

Agar chahtay ho manzil to parwaaz badal daalo

Ana ka mamlaa dar'paish hai warna haqeeqat main

Issay meri, mujhe us ki , kami bhout mehsoos hoti hai

Hazaron dukh parain sehna mohabbat mar nahin sakti

Hai tum se bas yahi kehna mohabbat mar nahin sakti

Tera her baar mere khat ko parhna aur ro dena

Mera her baar likh dena mohabbat mar nahin sakti

Kiya tha hum ne campas ki nadi par ek haseen wada

Bhalay hum ko paray marna mohabbat mar nahin sakti

Jahan main jab talaj panchi chahaktay urrtay phirtay hain

Hai jab tak phool ka khilna mohabbat mar nahin sakti

Puraane ahad ko jab zinda karnay ka lamha aya

Mujhe bas itna likh dena mohabbat mar nahin sakti

Woh teray hijar ki shab main phone rakhnay se zara pehlay

Bhout rotay huye kehna mohabbat mar nahin sakti

Agar hum hasraton ki qabar main hi dafan ho jayein

To yeh qutbon pe likh dena mohabbat mar nahin sakti

Puranay raabton ko phir naye waaday ki khwaish hai

Zara aik baar to kehna mohabbat mar nahin sakti

Gaye lamhaat fursat ke kahan se dhoond kar laaon

Woh pehron haath pe likhna mohabbat mar nahin sakti

Fanaa itna ho jaaon teri zaat main Ya'Allah

Fanaa itna ho jaaon teri zaat main Ya'Allah

Jo mujhe dekh le ussay tujh se mohabbat ho jaye

Koi samjhe to aik baat kahon

Ishq tofeeq hai gunnah nahin

MAin nahin maanta kaaghaz par likha shajra-e-nasab

Baat karney se qabeelay ka pata chalta hai

Bhout andar tak tabahi macha deta hai

Woh ansoo jo aankhon se beh nahin pata

Us ki baatain sochi samjhi jaisay "Mir" ke nazuk shair

Meri baatain behki behki jaisay ghalib ka dewaan

Himmat-e-iltaja nahin baaqi

Zabat ka hosla nahin baaqi

Ik teri deed chin gayi mujh se

Warna duniya main kiya nahin baaqi

Apne mashq sitam se haath na keench

Main nahin ya wafa nahin baaqi

Poet : Faiz Ahmed Faiz

Ab na woh main hoon , na tu hai , na woh maazi hai faraz

Jaisay do saaye tamana ke srabon main milain

Ab bhi barsaat ki raaton main badan toot'ta hai

Jaag uth'ti hai ajab khwaishain angrai ki

Agar khloos ki doulat ke goshawaray banain

To shaher bhar main koi saahib-e-nisaab na ho

Ab to bas khwaab ki baisaakhi pe chalna ho ga

Mudatain ho gayein is aankh ko mazoor huye

Arz-o-samaa kahan teri wusat ko paa sake

Mera hi dil hai woh keh jahan tu sama sake

Aao ik sajda karain aalam-e-madhoshi main

Log kehtay hain keh sagar ko khuda yaad nahin

Atom bumb ejaad muzafar insaan ki

Aur keeray takhleeq-e-resham kartay hain

Us ke andar koi funkaar chupa baitha hai

Jaantay boojhtay jis shakhs ne dhoka khaya

Aa ke pathar to mere sehan main do chaar giray

Jitnay is pairr ke phal thay pas-e-dewaar giray

Asad khushi se mere haath paaon phool gaye

Kaha jo tu ne zara meray paaon daab to de

Ata hai daagh hasrat-e-dil ka shumaar yaad

Mujh se meray gunnah ka hisaab ae khuda na maang

Aadam ki kisi roop main tehqeer na karna

Phirta hai zamanay main khuda bhais badal kar

Kiya mera kaam koi doosra kar sakta hai

Roz ik gehray samnadar main utar sakta hai

Chaand niklay to khraabay ki taraf mat jana

Aik saya tumhain aaghosh main bhar sakta hai

Meharbaan ho keh main sailaab se keh aya hoon

Tu hai be'ghar tu mere ghar main tehar sakta hai

Hansana , rona , dar-o-dewaar se baatain karna

Jis tarah raat gayi , din bhi guzar sakta hai

Mujh main jo shakhs hai , pathar bhi hai aaiyana bhi hai

MAr ke jee sakta hai , jeetay huye mar sakta hai

MAin jo aankhain teray sehra main liye phirta hoon

Un ka paani bhi sraabon main bikhar sakta hai

Pagal hai zamana phoolon ka duniya hai dewaani phoolon ki

Gulshan se keh do khair nahin , ayi hai jawani phoolon ki

Husan ki chahat ke parday main husan ki loot chalti hai

Phool to ghreeb kiya kartay dushman hai jawani phoolon ki

Wajib to ho ga keh kharon ko us ki tu na lena khabar

Chaak hua daman tab main ne ' chairi jawani phoolon ki

Gulshan ko loota duniya ka ilzaam hai kis ke joban par

Kaanton ki adalat ho baithi , phir kiya lena zubaani phoolon ki

Jharti kushboo phaili hai , phaili sehar ki gulshan main

Mushtaq hai kisi ki deed ki yeh rooti jawani phoolon ki

Do pal jeevan ki rangat hai do pal chaman ki ronaq hai

Hasil hai anjaam kaliyon ko yeh sabaq kahani phoolon ki

Dekhi hai samad ne is ghazal main kiya namkin jawaani phoolon ki

Kiya khoob ghazal aap kehtay hain her shair main rawaani phoolon ki

Sard sard mousam main zard zard honton pe

Sard sard mousam main

Zard zard honton pe

Chup ka yeh jo pehra hai

Yeh bhi juram tehra hai

Iss taveel chup ka bhi

Un ke sar hi sehra hai

Sardiyon ki shaamon main

Shaal orhay yaadon ki

Haan kisi ke wadon ki

Chal ae dil tu us waadi

Jis jaga pe kaanton ka

Ik ghana sa jungle hai

Us ghanay se jungle main

Qabar hai shakista si

Us main dafan hain yaadain

Kuch udaas shamon ki

Bijliyaan hosh pe gira hi de

Aaj parda sanam utha hi de

Pyaas bujhti nahin hai sagar se

Mere saaqi mujhe suraahi de

Ab koi loat ke na aye ga

Aas ke sab diye bujha hi de

Sab se kartay raho bayan us ka

Us ko shayed koi bata hi de

Meh'kaday ki kabhi to aye saaqi

May'kashon ko bhi sar'brahi de

Khud hi qaatil banay hain munsif bhi

Kon ab qaatil ki gawahi de

Apna hi mulk jo fatah kar lain

Hum ko aisay na ab sipahi de

Kaisa suraj tulooh hua hai "qamar"

Din main jo raat ki siyahi de

Sunsaan raahon pe chaltay dil sawaal karta hai

Sunsaan raahon pe chaltay

Dil sawaal karta hai

Aaj kiyon akela hoon

Dil ko ab kiya batlayein

Khail yeh muqadar ke

Kuch ajeeb hotay hain

Dil main basnay walon ke kab

Saath naseeb hotay hain

Khail ik hum khailay thay

Khail hum woh haaray hain

Faysal us ki chahat main

Jaan-o-dil bhi waaray hain

Phir nahin mila woh jab

tab khyaal aya keh

Main bhi kitna tanha hoon

Meri is tanhai main

Koi hamsafar hota

main bhi ghar ko jaata gar

Mera bhi koi ghar hota

Aisa to par kuch bhi nahin

Main hoon tanha rahain hain

Jin par jab bhi chalta hoon

Dil sawaal karta hai

Hum kabi na kabhi mar jayein gy

Jab tum mur ke dekho gy

tab hum nazar nahin ayein gy

Khushiyaan dhoondtay dhoondtay

Dukh kitnay uthain gy

Raah main anay wale sab

Mushkalon se takrain gy

Phir bhi hum ko nahin yakeen

Tujh ko bhool jayein gy

Faysal is qissay ko hum

Kab talak dohrain gy

Tu ne hum ko jaana nahin

Pyaar hamara maana nahin

Shayed tu hum ko samjha sake

Dil ko yeh samjhain gy

Hum jkabhi na kabhi mar jayein gy

Jab shaam ke bheegay saye hon koi ghar janey ki baat karay

Jab shaam ke bheegay saye hon

Koi ghar janey ki baat karay

Hum ko kiyon aisa lagta hai

Kaash apna bhi ik ghar hota

Us apne ghar ke aangan main

Kai pyaar ke deep jalatay hum

Ya phir ban kar , jaisay shabnam

Ek pyaar ka pairr lagatay hum

+Yaa us ki chat ko chand gagan

Chanda taaron se sajatay hum

Phir lait kar apne bistar main

Aur khol kar apni aankhon ko

Kitney hi khwwab dikhatay hum

Par aisa to ab kuch bhi nahin

Na tum ho na woh aangan hai

Saray mousam ab phagan hain

Hain sard hawaein zard shajar

Na chaand hai na taaray hain

Her soo chaya andhera magar

Teri yaad ka suraj nikka hai

Woh suraj, dhalti shaam aur main

Youn sar ko jhukaye baithay hain

Teri yaadain , baatain , piyaar woh sab

Seenay se lagaye baithay hain

Faisal tum hi ab batlaao

Jab tanha kaatna ho yeh safar

Koi jaye phir kiyon apne ghar

Jahan apna koi na rehta ho

Sunehri shaam ka manzar , bhala sa ik chahera tha

Dil-e-tanha ki dharkan par , teri yaadon ke pehra tha

Hamaray dil ke ghayo, bhar hi jaatay , gar na hotay tum

Keh tum ghafil maseeha thay , yahan par zakham gehra tha

Woh jis ne aa ke meri zindagi rangeen kar daali

Ussi ke sar meri itni zaboon haali ka sehra tha

Jo bhaa jaat to kar deta teh-o-bala duniya ko

Woh ik ansoo, tere jaanay par , palkon pe tehra tha

Sabhi ahbaab waqif thay , hamaray ishq se Imran

Magar jo tha makeen-e-dil , wohi si se behraa tha

Aaj sarma ki pehli baarish hai

Her soo andhera chaya hai

Meri amwaas zindagi ki tarah

Raastay sunsaan aur soonay hain

Mere khali ghar ki tarah

Baadal bhi khul ke barsaa hai

Meri bheegi aankhon ki tarah

Hawa kitni yak'basta hai

Honton pe anay wali

Sard aahon ki tarah

Dil main reh janay wali

Kuch duaon ki tarah

Es ajeeb mousam main

Ajab hai dil ka haal meray

Yaad tumhari aati hai

Jaisay sarma ki pehli baarish

Saath main sardi laati hai

Kuch waisay hi teri yaad ke juloo main

Ik gehra snaata aya hai

Ab dil ke baraf zaron main

Her aahat , Madoom hui hai

Her umeed , madoom hui hai

Ab teri yaad ki shiddat main

Ab teray hijar ki hiddat main

Hum chup chaap pighaltay hain

Ab teray hijar ki hiddat main hum chup chaap pighaltay hain

Aaj sarma ki pehli baarish hai

Her soo andhera chaya hai

Meri amwaas zindagi ki tarah

Raastay sunsaan aur soonay hain

Mere khali ghar ki tarah

Baadal bhi khul ke barsaa hai

Meri bheegi aankhon ki tarah

Hawa kitni yak'basta hai

Honton pe anay wali

Sard aahon ki tarah

Dil main reh janay wali

Kuch duaon ki tarah

Es ajeeb mousam main

Ajab hai dil ka haal meray

Yaad tumhari aati hai

Jaisay sarma ki pehli baarish

Saath main sardi laati hai

Kuch waisay hi teri yaad ke juloo main

Ik gehra snaata aya hai

Ab dil ke baraf zaron main

Her aahat , Madoom hui hai

Her umeed , madoom hui hai

Ab teri yaad ki shiddat main

Ab teray hijar ki hiddat main

Hum chup chaap pighaltay hain

Kisi ne mujh se pooch liya kaisay ho

Kisi ne mujh se pooch liya kaisay ho ?

Main ne hans kay kaha

Zindagi main gham hai

Gham main dard hai

Dard main maza hai

Aur mazay main hum hain

Zindagi ko suljhanay main ulajti hai zindagi

Pyaar ke deep jalanay main sulagti hai zindagi

Hum ne kaha yeh kab keh wafa tum na karo gy

Haan kuch waaday nibhanay main lagti hai zindagi

Chahat main , mohabbat main griftaar huye ho

Ab khud hi jaan jaao gy , bilaktee hai zindagi

Mohabbaton ke raahi aa jatay hain nigah main

Keh un ki nigahon se chalakti hai zindagi

Imran diyaar-e-ghar ho ya madar-e-watan

Acha wohi hai dais jahan milti hai zindagi

Hum ko tere dukhon ne dard se choor kiya hai

Veeraana-e-dil main jazbaat ko maqboor kiya hai

Kai baar ruk sake na meri aankh se aansoo

Zabt-e-mohaal, Tu ne bhi saath chor diya hai

Hum saazishon ke jungle main gaye raah se bhatak

Meer-e-karwaan ne bhi rukh mor liya hai

Jeetay jee hum jo bikhray hain , hairaan tum ho kiyon

Yeh us hi dil ke tukray hain jo tor diya hai

Hum ko khyaal main anjuman -arai'yaan thein pasand

Tabeer mili to sapnay dekhna chor diya hai

Faysal hamaray ishq ki thi intihaa koi

Phir us ne kiyon ghairon se naata jor liya hai

Kitni ajeeb baat hai keh ab woh mere saath hai

Kitni ajeeb baat hai

Keh ab woh mere saath hai

Kitni ajeeb baat thi

Woh tab bhi mere saath thi

Par tab ,dooriyan bhi thein

Chahat ko aik hone main

Bhout se majbooriyan bhi thein

Hum tab bhi baat kartay thay

Hum ab bhi baat kartay hain

TAb cards khatam ho jaatay thay

Magar baat khatam na hoti thi

Ab samne hain main aur woh magar

Kiyon sochna parta hai , agar

Koi baat us se kehni ho

Pardais jane ka gham kon boojh sakta hai

Pardais jane ka gham

Kon boojh sakta hai

Pardasiyon ke aansoo

Kon ponch sakta hai

Koi bhi nahin hota

Jis ke galay lag jayein

Eid ke din bhi hum

Udaasiyon main gum ' gaaein

Geet woh mohabbat ke

Hum jo gun'gunatay thay

Sochon main , khyalon main

Aik hote jaatay hain

Kis tarah se kat'ti hai

Kis tarah se batlayein

Dil ke zakham apno ko

Kis tarh se diklayein

Zakham jo ik nishaani hain

Chahaton ke bandhan ki

Jo keh hum ne baandhay hain

Jo kabhi na tootain gy

Hum hi toot jayein gy

Tere dukh ki khulfat se

TAb hi choot paayein gy

Adhoori sanson ka safar adhooray khwabon ka nagar

Adhoori sanson ka safar

Adhooray khwabon ka nagar

Hum ne gee kar dekh liya

Adhoori zindagi mili magar

Ashk aankhon main ayein to

Dhundlaney lagtay hain manzar

Halankay barkha sawan main

Khill se jatay hain shajar

Yeh jo tum khush khush rehtay ho

Meri chahat ka hai sab asar

Main tum se pyaar karta hoon

Tum hi ho ab meri mehwar

Kaanch se hain jazbay meray

Toot kar jayein na bikhar

Mohabbat ki si baazi main

Tumhain jeetain gy , haray gar

Yahi Imran ab khwaish hai

Umar ho tere sang basar

Mohabbat mar nahin sakti mohabbat maar deti hai

Baarishain rooth jaati hain

Kisi ko na mananay par

Kisi ke yaad anay par

Yeh phir rim jhim barasti hain

Bhout nuqsaan karti hain

Tab pale kuch nahin rehta

Tabhi to tum se kehta hoon

Mohabbat tum nahin karna

Tum is qazye main mat parna

Agar tum ruk na paao to

Khud ko mohaal mat karna

Mohabbat ko anaa ke but pe

Tum qurbaan mat karna

Kiyon keh

Mohabbat zindagi ke dukh ka

Dil ko baar deti hai

Agar tum jeetna chaho

tumhain yeh haar deti hai

Jo sar ko tum jhuka do gy

Tumhain yeh pyaar deti hai

Imran rakhna tum yeh yaad

Mohabbat mar nahin sakti

Mohabbat maar deti hai

Bhout takleef hoti hai , bhout hi dard sehta hoon

Main teri yaad aye to , ghazal aur shair kehta hoon

Yeh mumkin hai na samjho tum , mere dil ki baaton ko

Mari shaamain bhi tum se hain , tumhai ko sehar kehta hoon

Yeh ranjish hai ,adawat hai , mohabbat hai , keh majboori

Teri yaadon ke hain tarkash bharay, aur main ne'htta hoon

Woh ghar tha jis main jeena, main ne, tum ne , aur mohabbat ne

Ab us tootay gharondy main , tanha main bhi rehta hoon

Mujhe toofaan ki mojon ka koi dar ab nahin Imran

Jafaa ky baher main bhi safeena bhi to bahata hoon

Jo hun nahin to gham nahin

Jo tum hotee to gham nahin

Hum tum se bichar kar zinda hain

Kiya yeh saza abhi kam nahin

Hum ne to dariya baha diye

Teri aankh phir bhi nam nahin

Abhi aur kitna jeevan hai

Keh tootay dil main dam nahin

Hum ne to tum ko chaha tha

Sapnon main tum ko paya tha

Jo tum ne thukraya to hai

par piyaar hua yeh kam nahin

Ab taskeen nahin milti

Dil ki makeen nahin milti

Jo mili thi woh to chor gayi

Jo mile gi woh sanam nahin

Imran yeh hum ne jaana hai

Yeh qissa bhout puraana hai

Kirdaar badaltay rehtay hain

Aaj hum hain aur kal hum nahin

Hum dil ke safar pe jayein gy

hum ne yeh socha hai jana

tere saath yeh jeevan bitayein ge

Ab tak to jeetay rehtay thay

Ab se zindagi apnaein gy

Tum paas raho , ya door raho

Tum dil ke dukhon se choor raho

Hum aaj se wada kartay hain

Hum yeh irada kartay hain

Tere dukhon ka ho ga madawa

Teri raahon main ho ga chiraaghan

Teri basti goonjay shahnaai

Tere mann main ho gi beenaai

Koi zakham na phir reh jaye ga

Hum hi marham ban jayein gy

Khushiyon se ho ge shaad jo tum

hum dekhain gy , abaad ho tum

Ujray ho jaisay baad ho tum

Shadaan ho , farhad ho tum

Jab aisay tum ban jaao gy

Tab Imran mile gi hum ko khushi

Tab hum aashiq keh'layein gy

Hum dil ke safar pe jayein gy

Mere zehan main ik tera hi tasawur hai

Woh tasawar keh jo dil se juda nahin hota

Zehan-o-dil main ik jung barpaa rehti hai

Aur is jung ka koi faisala nahin hota

Zehan kehta hai tu apni nahin , parai hai

Dil yeh kehta hai sanam be'wafa nahin hota

Aik uljhan si mere saath lagi rehti hai

Es uljhan ka koi bhi sehra nahin hota

Yaad karta hoon jab guzray maah-o-saal ko main

Tujh ko khonay ka kahin bhi gumaan nahin hota

Hum ne jo saath guzaray hain lamhay , un sab main

Ek gharri ko bhi main gham aashna nahin hota

Par jo dekhon main apnay ahad ka chalan Imran

Be'los ishq ka yahan kuch silaa nahin hota

Toofaan ki nagri main koi pyaar ke deep jalaye kaisay

Her hath main so so pathar hain koi kaanch ka ghar banaye kaisay

Dard ke is markiz main her aankh hai purnam ashkon se

Yahan khushiyan to anmol si hain koi muskaan laboon pe laye kaisay

Woh waqat to kab ka beet gaya dukh dard jab baanta kartay thay

Yeh khud'gharzon ki duniya hai koi tere ranj ghataye kaisay

Her shakhs masroof hai nafrat main yahan baat nakar mohabbat ki

Bahaarain chaman se rooth gayi hainphool se shabnam aye kaise

Yeh nagar bhout abaad to hai par milta koi insaan nahin

Jab izzat ho sab jhooton ki koi sach labon pe laye kaisay

JAb ujraye basti khwabon ki aur dil ka mousam jal'thal ho

Phir zabat ka daaman chuta ho koi apne ashk chupaye kaisay

Jo tehreer nahin raikhaon main ussay toot ke dil ne chaha hai

Her shai main us ki soorat hai koi aur nazar main samaye kaisay

Aap ko main ne nigahon main basa rakha hai

Aaiyna choriye aaiynay main kiya rakha hai

Tu ne phool jo zulfon main saja rakha hai

Yeh dia hai jo andheray main jala rakha hai

Tu bhi kehti ho qayamat main milain ge hum ko

Choriya choriya is baat main kiya rakha hai

Jeet le jaye koi mujh ko naseebon wala

Zindagi ne mujhe dewaar pe laga rakha hai

Un ki aankhon se mujhe kehnay na deti hai

Kahoon kiya zubaan se mujhe bolney na deti hai

Karti hai tang mujhe sapno main aa ke

Kiya karoon raaton ko sonay na deti hai

Meri saanson main mere dil main basi hai

Dharkano ko dharkano se milne na deti hai

Kaali si zulfon main qaid kar leti hai

Apne door mujhe rehnay na deti hai

Sangeet is ki chahat ka mann main basa hai

Magar kiya karoon woh mujhe ganay na deti hai

Yeh bhi ek dour hai yeh bhi guzar jaye ga

Yeh bhi ek dour hai

YEh bhi guzar jaye ga

Yeh mast kharamaam waqat

Apni chaal badal jaaye ga

Is jisam ka her ansar

Qatra qatra pighal jaaye ga

Be'khwaab in raaston se

Her khwaab nikal jaaye ga

Rang badaltay chaheron ka

Ek aur rang dhal jaaye ga

Zakham puraane kehtay hain

Naya her dard behal jaaye ga

Zindagi ik musafar ka kuba

Musafir choola badal jaaye ga

Main ek haqeeqat hoon abhi

Mujh par bhi yeh kal aaye ga

Kabhi socha hai tu ne dil kiya kehta hai

Kabhi socha hai kiya hota jab toot'ta hai

Kitne dard hota hain

Jab apno se khauff hota hai

Woh manzar bhi kiya manzar hota hai

Jab tu kareeb reh kar bhi door hota hai

Kitna kamzor woh shakhs hota hai

Jo dost hi ko dhoka deta hai

Itna bad'naseeb woh kiyon hota hai

Jo majmay main bhi akela hota hai

Judai ka gham bhi kiya gham hota hai

Kiyon her koi mujh se sawaal karta hai

Kiyon mera dil her baar roo deta hai

Ab to saya bhi yeh hi sawaal karta hai

Kaisay tu itna khush rehta hai

Yeh be'khudi keh rahi hai

Yeh be'sabab nahin hai

Koi dushman hosh ka hai

Koi hosh ab nahin hai

Deewana dil keh raha hai

Deewana yeh kab nahin hai

Khird ka ab kiya karo gy

Khird'gar sab nahin hain

Duniya se kiya dil lagana

Duniya apni jab nahin hai

Kal khwaab ke siwa kiya

Kal ghar koi shab nahin hai

Her saans kash'makash hai

Her taraf tu jab nahin hai

Kahin kisi shaher main phir kisi kay ghar main

Kahin kisi shaher main

Phir kisi ke ghar main

Koi hasraton ka maara

Aaj mar gaya ho ga

Dilon ke bhaid saaray

Jaan letay hain sitaray

Khud apni hi chaal se

Koi dar gaya ho ga

Yeh do aankhain dekho

Kitne khwaab dekhti hain

Kisi ka in se guzar kar

Waqat tehar gaya ho ga

Kahin nafa barhaana hai

Kahin aarzoo sarghana hai

Asaan hai shikaar hona

Shikaar kar gaya ho ga

Ussay marghoob chahatein hain

Be'basi ki shikayatein hain

Us ka ab bhi woh thikaana

Wahin woh phir gaya ho ga

Meri mutthi main band ik jugnoo

Bahar nikalna chahta hai

Par nikal paata nahin

Raasta dhoondta hai

Par dhoond paata nahin

Main mutthi kaisay khol doon

Wohi to mera apna hai

Agar mutthi khul gayi to

Woh urr jaye ga

Mere liye murr kar

Kabhi nahin aye ga

Woh jaanta hi nahin

Mujhe woh kitn apyaara hai

Wohi to bas ik sahara hai

Woh jaanta hi nahin

Jaane bhi to kaisay

Woh to apni duniya ka baasi hai

Meri duniya

Jo sirf meri duniya hai

Woh us kay liye anjaani hai

Woh jaana chahata hai

Ussay jana hi ho ga

Kiyon keh

Kai sitaray

Us ke muntazir hain

Ussay unhain raasta dikhana hai

Us safar pe un ko jana hai

MAin itni zaalim to nahin

Main itni sang'dil to nahin

NAhin

Main khud gharz to nahin

Meri mutthi ko khulna hi ho ga

Us jugnoo ko urrna hi ho ga

Batool bhi kitni pagal hai

Dost banaya bhi to ussay

Jo chraagh hai kai manzalon ka

Jo raahi hai kai raaston ka

Ussay aagay jaana hi ho ga

Apni manzil ko paana ho ga

Jaa mere jugnoo

Aaj main mutthi apni khol di

YEh haath phir se khaali hain

Na'jane ksisay sawali hain

Khairaat koi de jata hai

Do pal ki khushi de jata hai

Yeh phir bhi kiyon matwaali hain

Yeh haath phir se khaali hain

Shaher-e-khamo'shaan se aya hai koi qasid

Shaher-e-khamo'shaan se

Aya hai koi qasid

Khamoshiyon main koi

Phir se tehalka hai

Her dam badal raha hai

Rang ulfaton ka

Ab ke himaaqaton ka

Rang bhi halka hai

Her baar us se mil kar

Us ko hi hum ne dhoonda

Her chaheray pe hai qadaar

Yeh usi ka malka hai

Toba us ke be'niyazi

Ishq ki dekh sar'farazi

Aashiqon ki her ada main

Wohi to jhalka hai

Apna yeh nahin thikana

Us se mil kar raaz jana

Us ke sang safar yeh

Gulshan se gul ka hai

Her qadam ik manzal

Her raah , raah-e-haq hai

Mila reh'bar ki surat

Makeen mere dil ka hai