Imran's Poetry: 03/01/15

Mar 1, 2015

Neendain bhi nelaam ho jaati hain bazaar-e-ishq main

Itna asaan hota hai kisi ko bhool jana

Hum zubaan se shreek shikayaton ko kartay nahin

Kiyon keh hum se apno par ilzaam lagaye nahin jaatay

Main apnay halaat se sulaah to kar loon lakin

Mujh main jo ik shakhs ru'posh hai mar jaye ga

Hanstay huye chehron ko ghamon se azaad na samjho

Hazaron gham chupay hotay hain halki se muskaan main

Be'wafa waqat tha , tum thay , ya muqaddar mera

Baat itni hai keh anjaam judai nikla

Bas jaatay hain dil main ijazat liye baghair

Woh log jinhain hum zindagi bhar paa nahin saktay

Tujhay paa na sakay to tamaam umar duaein dain gay

Zaroori to nahin jissay hasil na kar sako ussay chor diya jaye

Aaj main ne talaash kiya us ko apnay aap main

Woh mujhay her jaga mila ik meri taqdeer kay siwa

Hum intizaar karain gay tera qayamat tak

Khuda karay keh qayamat ho aur tu aaye

Teri mehfil se uthaata ghair mujh ko .. kya majaal..

Dekhta tha main ... keh tu ne bhi ishaara kar diya..

Meray chehray se mera dard na parh paao gay wasi

Meri Aadat hai her baat pe muskura dena

Kabhi shokiyan dikhana kabhi un ka muskurana

Yeh adaein kar na dalain mera kaam chupkay chupkay

Thukraa kay hum ko us ne kaha keh ab muskuraao

Hum bhi hans diye keh sawal un ki khushi ka tha

Mat cheen apna naam meray lab se is tarah

Is be'naam zindagi main tera naam hi to hai

Us kay dil par bhi kya khoob guzri ho gi

Jis ne is marz ka naam "Mohabbat" rakha ho ga

Meray sapno ko youn hi mehaktay rakhna

Main ne thaama hai tera haath baray maan kay saath

Deemak ki tarah chaatay ga meray wajood ko

Youn ishq mujhay kho'khlaa andar se karay ga

YEh mohabbat ka bandhan bhi kitna ajeeb hai

Mil jaye to baatein lambi , bichar jaye to raatein lambi

Zindagi shayed isi ka naam hai

Dooriyan , majbooriyan , tanhaiyaan

Shaam-e-fursat dhalay , hum nahin chahtay

Gham se fursat milay , hum nahin chahtay

Phir naya waar sehnay ko tiyaar hain

Tu parishaan rahay hum nahin chahtay

Aaj aansoo bahanay se , mat roko

Aaj baarish thammay, hum nahin chahtay

Hum teray baad ujray hon, to bhi theek hai

Ab kahin dil lagay , hum nahin chahtay

Teray paikar ko hum dekhtay hi rahain

Tu nazar se hattay , hum nahin chahtay

Kis qadar dil'nasheen hai yeh mojon ka shor

Gham ka dariya rukay hum nahin chahtay

IS qadar pyaar se tu pakra na kar

Aag dil ko lagay hum nahin chahtay

Kuch dil ki lagi tum chairo

Kuch dil lagana hum seekhein

Kuch pyaar ki baatein tum karo

Kuch pyaar nibhana hum seekhein

Kuch nazar ka ishaara tum karo

Kuch aankh milaana hum seekhein

Kuch jaan ki baazi tum lagaao

Kuch jaan se jaana hum seekhein

Kuch thora sa hans kay tum dekho

Kuch muskurana hum seekhein

Kuch milnay ki aas tum do

Kuch waqat pe aana hum seekhein

Dil par tum bas haath rakh do

Kuch dil dharkaana hum seekhein

Kuch pyaar se paas tum aayo

Kuch galay lagana hum seekhein

Kitni raaton ka lahoo pee kay nikharti hai Ghazal

KAisay likhtay hain hum Ashaar tujhay kya maloom

Bhout Aaram karna chahti hoon

Yahi aik kaam karna chahti hoon

Shaoor-e-Aagahi aik almiya hai

Issay neelam karna chahti hoon

Main apni umar kay saaray asaasay

Tumharay naam karna chahti hoon

Tumharay khaima-e-khushboo main reh kar

Main shub-o-shaam karna chahti hoon

Chraghon se hawa ki dushmani hai

Issay na'kaam karna chahti hoon

Mohabbat aik katba hai laga hota hai jo aksar

Mohabbat aik katba hai

Laga hota hai jo aksar

Kabhi laila kay mar'qad par

Kabhi majnu ki hasrat par

KAbho sohi kay mattkay par

KAbhi mirza kay teeron par

Mohabbat aik katba hai

Keh jis par saaf likha hai

Mohabbat mout ki aaghosh main

Sar rakh kay sona hai

Mohabbat dil pe la'haq rog hai

Ta'umar rona hai

Mohabbat to kisi maidan main

Rakhi hyi aik aisi miyaat hai

KEh jis ko kandha denay kay liye koi nahin aata

Magar phir bhi labon par

her kisi kay rakha hai yahi jumla

Mujhay tum se mohabbat hai

Ishq kay maidan main doray to nahin thay

Ab bhi gadhay ho pehlay bhi ghoray to nahin thay

Office bhi lait aaye ho aur kaan bhi hai laal

Begam ne raat ko kaan marooray to nahin thay

Shikayat kiyon ki apnay baap se ja kar

Pakray thay haath teray torray to nahin thay

Kal shaam mujhay dekh kar tum bhaagay kiyon is tarah

Sagar kay haath main koi rorray to nahin thay

Professor hi jab aatay hon hafta waar college main

College main

Professor hi jab aatay hon hafta waar college main

To ooncha kiyon na ho taleem ka miyaar college main

Agarcha doosray mashroob bhi mehngay nahin miltay

Magar chalta hai aksar sharbat-e-de'daar college main

Woh digree kay bajaa'ye "Meem" lay kar loat aaya

Milla tha daakhla jis ko samandar paar college main

Mujhya dar hai keh hum dono kahin samdhi na ban jayein

Meri gul'naar college main , tera gulzar college main

Husan ki top ka gola maara Tera kakkh na rahay

Tera kakkh na rahay

Husan ki top ka gola maara Tera kakkh na rahay

Tujh pe gir jaye Qutbi sitara Tera kakkh na rahay

Bankinkcouncil teri her shai karki kar dain

Charh jaye tujh pe qarza bhaara Tera kakkh na rahay

Sardi anadr nehar kay banay sara raat khalootay

Tu na aayi laya laara Tera kakkh na rahay

Dil ki chori kay ilzaam main police ka chaapa par jaye

Phariya jaye tabar sara Tera kakkh na rahay

Sari ghazal suna kar bhi nahin saarra dil ka mukiya

Sada hai bas iko naara Tera kakkh na rahay

Aur bhi cheezein bhout si lut chuki hain dil kay saath

Yeh bataya doston ne ishq farmanay kay baad

Iss liye kamray ki ik ik cheez check karta hoon main

"Ek teray aanay se pehlay , Ek teray janay kay baad"

Tum rakh sakay na paas zara apnay Qoal ka

Jhoota Mehboob

Tum rakh sakay na paas zara apnay Qoal ka

IS baar bhi badal gaye her baar ki tarah

Wada kiya tha tha raat ko aanay ka par na aaye

Jhootay ho tum bhi shaam kay Akhbaar ki tarah