Imran's Poetry: 03/09/14

Mar 9, 2014

Izzat

Insaan ki izat rait ke mehal ki manind hoti hai jissy bananey main aik lamba arsa

lagta hai lakin ussay giraney kay liye hawa ka ik jhonka hi kafi hai

Baatain Ishfaq Ahmed ki

Jab zinda admi ka andar mar jata hai to woh bara kush ikhlaaq aur shaista ho

jata hai aur shama-e-zindagi ke parwaney us se noor hasil karney kay liye

door door se ur kar anay lagtay hain

Rasta jab pathrilla ho ,suraj ki tamazat tez ho, her qadam par char'hai ho

to Musaafat mushkil se tah hoti hai

Phool Hi Phool

Mohabbat Allah ki amanat hai

Zamana Kitabon se behtar ustaad hai

Dil ki Ankh ibadat se khulti hai

Num se rooh main tawa'nai ati hai

Gussa shama-e-insaniyat ko bujha deta hai

Jo Allah ke kaam main lag jatay hain, Allah un ke kaam main lag jata hai

Boltay Lafzon Ki Sadaqat

Jo raston ke ishaq main griftaar ho jatay hain Manzalain un se door ho jaya karti hain

Jis shaks ki adm-mougodagi main tum us ki himayat na kar sako ussay apna dost

kabhi mat samjna

Jo log khud se hum kalam rehtay hain woh kabhi tanha nahin hotay

Jo log hansana bhool jatay hain , woh khandar ho jaya kartay hain

veeran aur ujaar khandroan main bhi hota hai keh jo baat hum sochna nahin

chahatay wohi hamaray muqadar main likh di jati hai

bimariyon main sab se bari bimari dil ki hai aur dil ki bimariyon main sab

se bari bimari dil-azari hai

darwazay hamesha khulay rakho kyn keh kuch log datakon ke qaiyal nahin hotay

Jis mohabbat par ap fakhir na kar sakaein woh sirf dukh hai

Kuch khawabon ko paney kay liye kuch khwabon se dasbardar bhi hona parta hai

Kuch log hawa ki manind hotay hain chupkay se zindagi main atay hain aur

chupkay se zindagi ko apney sath le jatay hain

Rishton aur insanon se barh kar kuch bhi aham nahin hota bashar'teeka

woh hamaray sath mukhlis aur pur-khaloos hon

Azmaish dost ki ho ,mohabbat ki ho , ya kisi dilbar lamhay ki kabhi bhi

sood'mand nahin hoti , kon janey is lamhay woh kitna majboor ho

Mohabbat aitabaar ke baghair kuch nahin aitabaar baghair mohabbat

ke bhi qeem'mati hota hai

Jagti raton main khawaabon ki chadar orh kar sehra ki tishnagi aur kushak

paton ki chubhan koi koi mehsoos karta hai

Zindagi kiya hai ,aitabaar aur be-aitabari ke darmiyan ka intahai takleef-deh safar

Kuch main bhi thak gaye hoon ussay dhoondtay huye

Kuch main bhi thak gaye hoon ussay dhoondtay huye

Kuch zindagi ke pass bhi mohlat nahin rahi

Us ki ik ik ada se jhalakney laga khloos

Jab mujh ko aitabaar ki aadat nahin rahi

Main samandar tha magar veerano main sehra ki tarah

Main samandar tha magar veerano main sehra ki tarah

Meray ghar tak chal ke ata itna piyasa kon tha

Tujhay dhoond lenay ke shauq main,

Tujhay dhoond lenay ke shauq main, main ne apna aap ganwa diya

Meri umar thi koi raat jo teri arzoo main kat gaye

Bikharay Mooti

Jin yadon ko yaad kar ke insaan ko takleef hoti ho unhain bhool jana hi behtar hai

Insaan kisi ko shreek bananey se pehlay us ke haal aur mazi ko dekh'ta hai

lakin yeh bhool jata hai keh us ki rafaqat main us ne mustaqil guzarna hai .

kamyaab azdawaji zindagi Allah ka Ehsaan hai

Hamesha dua mangtay raho ,kyn keh mumkin aur na mumkin sirf

hamari soch main hai.Allah kay liye to kuch bhi na-mumkin nahin

Gunahon ka iqraar kar lena naiki ki taraf pehla qadam hai

Kanwari larki ki zubaan nahin hoti , sirf khyalaat hotay hain

doosron ko haqeer samjhna be-had asaan hai magar khud ko haqeer

samjhna be-had mushkil

Gham se rooh main tawanai ati hai

Jo shaks dukh ponchay aur pershani main izafay ka sabab banay

us se taluq tor lena hi behtar hai

Museebat main ghabraney walay log kabhi kamyaab nahin hotay

sitaray bhi to andheray main chamaktay hain

Mohabbat

Mohabbat woh be-ikhtiyaar amal hai jo apney anjaam se na waqif hoti hai

Hum kehtay hain keh humain khalis-o-pakeeza mohabbat chahiya

kiya kabhi hum ne yeh socha hai keh hum se bhe kisi ko khalis

mohabbat ki chaah-o-talaash ho sakti hai

Mohabbat karo, magar muqadar se shikwa na karo kyn keh mohabbat

main kamyabi her aik ko nahin milti

Taqat ke nashay main choor kabhi mohabbat nahin kar sakta aur na woh

karta hai .kyn keh ussay zaahm hota hai apni barai ka kek woh jo chahay

kar sakta hai.asal mohabbat us waqat samney aati hai jab doulat-o-ghamand

ka label utarta hai

Sunehray Haroof

Apni khwaish ko dil main hi maar dalo kahin aisa na ho keh

Tumhara dil is khwaish main mar jaye

Zindagi ke aadhay gham insaan dusroon se tawaquaat wabasta

kar ke kharidata hai

Agar tum kisi ki raah main pathar bano ge to aaney wala

tumhari raah main pahaar ban jaye ga

Jo shaks apney khloos ki qasmain khaye us par kabhi aitamaad na karo

Insaan ko itna bhi jhoot nahin bolna chaiya keh ussay apni kahi hui baat

ki sachaaie sabat karney kay liye kisi dosray ki gahwahi ki zaroorat paray

Nahin se baat shroo ho to daman hi nahin , dil bhi tang ho jata hai , phir na dil

main jaga milti hai aur na hi daman main

Jo gham mazi ban chuka hai us par ghamgeen aur afsurda honey ka matlab

yeh hai keh hum aik naye gham ko dawat de rahay hain

Dukh jab parday main ho tab tak dukh hi rehta hai aur jab

be-naqaab ho jata hai to is ka doosra naam sukh ho jata hai

Shammah ki zindagi basar karo jo khud to jalti hai magar dosron

ko roshni ponchati hai

Jab tak kisi shaks se baat cheet na ho , ussay haqeer mat samjho

Jab aaqal pukhta hoti hai to admi ki guftagoo bhout kam ho jati hai

Anmol Mooti

Jo shaks dusron ki kushaali par nazar rakhta hai woh hamesh

ghamgeen rehta hai (Hazrat Ali)

Asmaan par nigah zaroor rakho magar yeh na bholo keh paoan zameen par he rakhay

jatay hain kyn keh insaan girta hai to zameen par hi girta hai

Aisay shakas ko ideal bana kar us ke peechay bhagtay kyn ho jo tumhari dastras

main kabhi a hi nahin sakta. is se behtar hai keh khud ko is qabil banayo keh

loag tum ko apna ideal tasawar karney lagyain .

Admi khud apney khyalaat se apni zindagi khraab karta hai

Jo cheez asani se mil jati hai woh ziada der tak nahin rehti

insaan ko 2 cheezain mutaharak karti hain aik shauq , dosra khauf

Mohabbat rooh ka gulaab hai . agar murjha jaye to zindagi main kashish

baqi nahin rahti

Azaad Lab

Hasad

Hasad tumhari kushi se ghamgeen hota hai yeh is kay liye kafi hai

tumhain intaqaam leney ki zaroorat nahin woh khud apni aag main jal raha hai

Haan bas tum hasad se bacho

Ishq-o-Mohabbat

Jab ishq patla hota hai to khamiyaan gahari ho jati hain

Ishaq jisam chahta hai dosti nahin ( spaini kahawat)

Zindagi

Zindagi aik taweel ukta denay wali kahani hai.aur is ko wohi shaks kamyabi

ke sath parh sakta hai.jis ki tawajo hamesha kahani ke aglay peragraf par ho gi

Zindagi main hamesha woh rahain apnaow jahan se kuch hasil ho

Zindagi aik aisay phal daar drakhat ki manind hai jo sirf inhi ko phal deta hai

jo is par charh kar phal torney ki koshish kartay hain

Baton se kushboo aye

Agar zindagi aram-o-sukon se guzarna chahtay ho to dusron se shikwa na karo

Sirf bad-duaein hi khushiyon ke raston main band nahin bandhti

bar ha sabar bhi sukh ki raah main dhool ban jaya kartay hain

zindagi main kisi ko itn amat chaho keh tum is ki judai bardast na kar sako

Insaan ko is gulaab ke phool ki tarah hona chiya jo in hathon main kushboo deta

hai jo ussay masal detay hain

Jo apney liye asool nahin banatay .unhain dosron ke banaye huaye

asoolon par chalna parta hai

Kamyaab insaan mazi ki nakamiyan yaad rakhtay hain

Jab aitamaad toot'tay hain to insaan andar se kis tarah kirchi kirchi

hota hai yeh wohi jaan sakta hai jo is qarb se guzra ho

Mohabbat agar be-wafa ban jaye to ansoo muqadar ban jatay hain

Dusron ko maaf kar diya karo lakin apney aap ko nahin

Mehakti Kaliyan

Sabar se Barh kar koi cheez meethi nahin

Muskurahat khubsurti ki alamat hai ,aur khoobsurti zindagi ki

Tang zehan log ,hamesha tang raston par chaltay hain

Kisi par aitamaad na karo keh halki choat se zindgi bojh nazar aney lagay

Agar duniya main pur sakoon rehna chahtay ho to

kisi ko dil kighrai se mat chahyo

Khushboo jaisay lafz

Itna Oncha na uro keh suraj ki sohaiyen pigla dain

Be maqsad bolney wala apna maqsad kho deta hai

Gul-e-daoodi aisay mousam main khilta hai .jab koi phool nahin khilta.

isi tarah sacha dost bhi aisay mousam main sath rehta hai jab koi nahin hota

Jab zindagi guzar rahi hoti hai to hum is taraf nahin dekhtay

jab guzar jati hai to phir hum is ki taraf dekhna chahtay hain

Apney dil ke andar mar janey se behtar hai kisi ke dil main

hamesha kay liye zinda ho jayo

Baat hai Samjhney ki

Gaarhon main Andheray jaldi phailtay hain Jab keh parbaton parbaton par

Suraj sab se pehlat tulooh aur sab se Aakhir main ghroob hota hai

Buray waqat ko apney waqat par hi guzarna hai .Ap ke cheekhney chilaney

se koi khaas farq nahin paray ga

Apney aap ka khyal rakhiya kyn keh khud aap ko apney aap

ki sab se ziada zaroorat hai

Aap jinhain bewaqoof samjh rahay hotay hain .darasal woh aap ki

Harkatain nazar andaaz kar rahay hotay hain

Hum bhout se logon ko chahney ke ba wajood bhi nazar andaaz nahin kar saktay

Uqaab ko ghaez thi Fakhta pakarney se

Uqaab ko ghaz thi Fakhta pakarney se

Jo gir gaye to youn hi neem jaan chor gaya

Na janey kon sa asaib dil main basta hai

Keh jo bhe tehra woh aakhir makaan chor gaya

Barshon ke Mousam main

Barshon ke mousam main

Tum ko yaad karney ki

Aadtain purani hain

Is baar socha hai

Aadtain badal dain ge

Phir khyal aya

Aadatain badalney se

Barshain nahin rukti

Mojaza

Mujahy chor kar akela

Tu chala gaya

Mujh se door kahin

Aur main

Teri judai main

Abhi tak

Zinda hoon

Tu hi bata

Yeh mojaza nahin to aur kiya hai

Kabhi youn hi chaltay chaltay

Be-nishaan mazil ki taraf

Paon main chalay par jatay hain

Manzar Ojhal ho jatay hain

Bhout se apney kho jatay hain

Manzil phir bhi nahin milti

Aankh main palney wale saray khwaab

Rakh ki surat ho jatay hain

Tabeer phir bhi nahin milti

Rooh tak zakhmi ho jati hai

Sakoot-e-shab hai Tanhai hai

Sakoot-e-shab hai

Tanhai hai

Lakin aisi tanhai

Kis main goongti rahi hain sari un kahi batain

Jo dil main shor to karti hain

Lakin keh nahin patay

kisi ke door jatay poan ki halki si woh Aahat

Kabhi paton ki khar khar main

kisi ke lotney ka shak

Kabhi beetay palon ki goonj

Kabhi madham si sargoshi

Kabhi apney hi andar chal rahi Aandhi ki awazain

Sakoot-e-shab hai tanhai hai

Lakin aisi tanhai

Jaisay door tak awazon ka phail hua jungle

Raiza raiza hai mera aks magar hairat yeh hai

Mera Aina slamat hai to phir toota kiya hai

Jism se khoon nichor leta hai

Ishq jab hijar Oorh leta hai

Na janey raat ki tanhai main mareez-e-gham pe kiya guzri

shikan bistar ki kehti hai keh dam mushkil se nikla hai

Itna qareeb ayo keh jee bhar ke daikh lain

shyed keh phir milo to yeh zoq-e-nazar na ho

Aye ho ab keh jo tum to aik shab qiyaam kar lo

Shyed keh phir guzar ho to mera ghar na ho

Mumkin hai keh tarteeb-e-waqat main aisa bhi lanha aye

Keh dastak ko teray hath uthain to mera dar na ho

Na mukhlis tha mujh se na waqif meray jazbaat se tha

Us ka rishta to faqat apney mufadat se tha

Ab jo bichara hai to kiya rona us ki judai par

Is ka andesha to pehli he mulaqaat se tha

Main bhi manta nahi tha magar yahi sach hai

Teray wastay main umrain guzaar sakta hoon

Yahi nahin keh tujhay jeetney ki khwaish hai

Main teray wastay khud ko bhi haar sakta hoon

Yeh umar tumhari aisi hai

Jab Asmaan se taray tor ke le ana bhi

Sach much mumkin lagta hai

Shaher ka her abad ilaqa

Apna angan lagta hai

Youn lagta hai jaisay her din

Her aik manzar

Tum se ijazat le kar

Apni shakal moaiun karta hai

Jo chaho woh ho jata hao

Jo socho woh ho sakta hai

lakin ae is kachi umar ki barish main

Mastana phirti chanchal larki

Yeh badal jo aj tumhari chat par ruk kar tum se batain karta hai

Ik saya hai

Tum se pehlay aur tumharay baad ke her aik mousam main yeh

Her aik chat par aisay he aur isi tarah se

Dhokay banta phirta hai

Subha azal se shaam abad tak

Aik he khail aur aik he manzar

Dekhney wali ankhon ko her baar dekhya jata hai

Ae sapno ki saig par soney jagnay wali larki

teray khwaab jeayein

Lakin itna dehaan main rakhna

Jeewan ki is khwaab sara ke

Saray manzar

Waqat ke qaidi hotay hain jo apni ro main

In ko sath liya jata hai

Aur mehmaiz kiye jata hai

Dekhneay wali Aankhain peechay reh jati hain

Dekho jaisay meri Aankhain

Poet Amjad Islam Amjad

Khud tishna hoon logon ki main kiya piyaas bujhyon

Ghairon ko to yeh halat dekhai nahin jati

Ik baar bhujhaya tha teray labon se

Ab mae se bhi woh piyaas bujhai nahin jati

Dil ki choton ne kabhi chain se rehney na diya

Jab chali sard hawa main ne tujhay yaad kiya

Is ka rona nahin kyn tum ne kiya dil barbad

Is ka gham hai keh bhout der se barbad kiya

Kuch khwaab meri jagti ankhon ko bakhsh kar

Woh andhiyoun main rait ke ghar de gaya mujhay

Kaash koi is tarah se waqif ho meri zindagi se

Keh main barish main bhi ro`oan to woh meray ansoo parh le

Tanhai

Tu kahan hai keh teri yaad ke hathon ab to

Hai meray sath preshaan meri tanhai bhi hai

Mujhay parho to zara ehtiat se parhna

Khud apni zaat main bikhri hui kitaab hoon main

Mujhay sab qabool hai ae falak

Gham-e-yaar mujh se talab na kar

Main ussay kaisay juda karoon

Jo meri umar bhar ki talash hai

Dharkno ke nasheb-o-fraz ko sanwar tha aur bas

Kaghaz pe dil ka boujh utara tha aur bas

Bas itnna janti hoon Keh awaz us ki thi

Itna pata hai us ne pukara hai aur bas

Duniya ki fikar kiya thi Zamaney ka khuf kiya
Hum ko faqat khyal tumhara tha aur bas

Chahaton ke jahan main kuch faida ho na ho Magar

Chahat ke junoon main sirf khasara tha aur bas

Logon ne ussay meri mohabbat samjh liya sagar

Woh mujh ko jaan se piyara tha aur bas

Yahi wada liya tha na hamesha khush he rehna hai

Lo dekho , Dekh lo aa ke

Meri Ankhon ko dekho tum

Yeh kitni shokh lagti hain

Meray honthon ko dekho tum

Hamesha muskuratay hain

Koi bhe gham agar aya

Usaay hans kar saha main ne

Meray chaheray ko dekho tum

Hamesha pur sakoon ho ga

Kiya tha main jo tum se woh wada kar diya poora

Magar aik baat hai janaa

Kabhi jo waqt mil jaye

To meri shairy parhna

Tumhain mehsoos to ho

Kahin talkhi bhara lehja

Kahin pe dard ki jhelain

Kahin lehjay ki karwahat

Suno main kush to hoon

Lakin mera her Lafaz rota hai

In udaas rahoon par

Is akelay dil ke sath kar liya

Safar kitna aur kitna baqi hai

Woh jo aik tara sa door jhilmilata hai

Rasta dekhata hai

Aur doob jata hai

Par ab is akelay pan se dil yeh sawal karta hai

Jugnoan ki khwaish main

Titliyoun ki chahat main

Kar liya safar kitna aur kitna baqi hai

Aya kuch is ada se keh palkaien bhigo gaya

Lamha teray khyal ka kitna shadeed tha

Mohabbton main dukhon ke siwa rakha he kiy hai

Sanam mil bhi jaye to hijar ke andeshay maar datay hain

Kamosh raat , us ka intizaar , aur yeh neend ka boujh

MAin mohabbat n akarti to kab ki so chuki hoti

Agar woh piyaar kar leta mera daman pakar leta

To jeevan main faqat us se mohabbat farz ho jati

Mohabbat qarz hoti hai

Magar acha kiya us ne mujhay samjha kar chal nikla

Mujhay thukra kar chal nikla

Bhout nadaan sa hai woh

Kahan maloom hai us ko

Mohabbat zindage main faqat aik baar milti hai

Agar thukar kar chal niklain to umrain beet jati hain

Mohabbat ki tamana main

Magar her aik rastay pe

Sirf ruswai milti hai

Faqat tanhai milti hai

Main keh paband-e-slasal hoon aik mudat se

Sah`e la hasil hoon aik mudat se

kalayian sooni maang bhi veraan hai

Main khud se ghafil hoon aik mudat se

sadiyaan huiyen apna jisam choray huye

main us ki rooh main dakhil hoon aik mudat se

log mujh par utha rahay hain sang

Mohabbat main jo pagal hoon aik muddat se

Meray kassay main ab to daal sika shdmani ka

Teray dar ki sahil hoon aik mudat se

Thakan se choor hon Aa samait le mujh ko

No khaiz Awara Badal hoon aik muddat se

Guzray huye taveel zamaney ke baad bhi

Dil main raha woh chor kar janey ke baad bhi

Pehloo main rah kay dil ne diya hai bhout fraib

Rakha hai us ko yaad bhulaney ke baad bhi

Go to yahan nahin hai Magar tu yahin pe hai

Tera he zikar hai teray janey ke baad bhi

Lagta hai kuch kaha hi nahin hai ussay Adeem

Dil ka tamam haal sunaney ke baad bhi

Main bhool jayon tumhain ab yahi munasib hai

Magar bhulana bhi chahiyon to kis tarah bhoolon

Keh tum to phir bhi haqeeqat ho koi khwaab nahin

Yahan to dil ka yeh aalam hai kiya kahoon

Bhula saka na yeh woh silsala jo tha hi nahin

Woh ik khyal jo awaz tak gaya he nahin

Woh ik baat jo main keh nahin saka tum se

Woh aik rabt woh jo hum main kabhi raha hi nahin

Mujha hai yaad woh sab woh jo kabhi hua hi nahin

Agar yeh haal hai dil ka to koi samjhaye

Tumhain bhula bhi chahyon to kis tarah bhoolon

Keh tum to phir bhi haqeeqat ho koi khwaab nahin

Aakhri harba hamain ab azmana chiya

Jo bacha hai woh bhe dawo pe lagana chiya

Khul kar us ka zikar karna chiya ahbaab main

Rafta rafta youn ussay phir bhool jana chiya

Zindagi ik pal ki mohlat par bhi amada nahin

Aur hamain qurbat ka us ki ik zamana chiya

Tu ura de khaak Meri janglon ,sehraon main

Ae hawa-e-Muztarab , mujh ko thikana chiya

Woh bisharat le ke aneay walay qasad kiya huaye

Muntazir hai ik zamana, Un ko ana chaiya

Yeh mumkin hai Hamaray darmiyaan koi Ghalat fehami bhe na rahti

Yeh mumkin hai Hamaray darmiyaan koi

Ghalat fehami bhe na rahti

Jo apney dil main choti se

Khalash hai khatam ho jati

Bata deta keh mujh ko aaj bhi us ki zaroorat hai

Jo is jeevan ka hasil hai to bas us ko mohabbat hai

Bata deta keh logon ki sabhi batain fasaney hain

Sabhi qissay puraney hain

Main keh data zara se baat par youn roothna acha nahin hota

Mohabbat karney walon main

Ghalat fehmi to ho sakti hai Par jhagra nahin hota

Main her ik baat keh data

Khalash bhi door ho jati hai

Main is ka hath pakary youn hi us ka hum qadam rehta

Woh Agay hath to karta

Woh mujh se baat to karta

Ik umar ke baad us ko dekha

Aankhon main sawaal thay hazaron

Honthon pe magar wohi tabasam

Chahaeray pe likhi hui udasi

Lehjay main magar bala ka tehrao

Awaaz maon goongti judai

Banhain thi magar wasaal-e-samaa

Simti hui us ke bazomain

Ta dair main sohti rahithi

Kis abar guraiz pa ki khatar

Main kaisay shajar se kat gaye thi

Kis chayon ko tark kar diya tha

Main us ke gale lagi hui thi

Woh poonjh raha tha meray ansoo

Lakin bari dair ho chuki thi

Ajab be ikhtiarai hai aur is be iktiyari main

Ajab be ikhtiari hai

Aur is be iktiyari main

Meray jazbay, Meray alfaaz mujh se rooth jatay hain

Main kuch bhe keh nahin sakta, main kuch bhe likh nahin sakta

Udasi orh leta hoon

Aur in lamhon ki muthi main

Tumhari yaad ke jugnoo kahin jab jagmagatay hain

ya beetay waqat ke saye

Meri be khwaab aankhon main kai deepak jalatay hain

Mujhay mehsoos hota hai

Mujhay tum ko batana hai

Keh rut badlay to panchi bhe gharon ko loat atay hain

Suno jann ..... ! chalay ayo

Tumhain mousam bulatay hain

Meray Andar bhout din se

keh jaisay jung jari hai

ajab be-ikhtiari hai

Main na chahyon magar phir bhi tumhari soch rehti hai

her aik mosam ki dastak se tumhara aks banta hai

kabhi barish tumharay shabnami lehjay main dhalti hai

kabhi sarma ki yeh ratain

Tumharay sard hathon ka dehkhta lams lagti hain

kabhi pat jhar

Tumharay poan se ronday huay

paton ki awazain sunata hai Mujhay be had satata hai

Kabhi mousam gulabon ka

Tumhari mukurahat ke sabhi manzar jagata hai

Mujhay be-had satata hai

Kabhi palkain tumhari

Dhoop orhay jism-o-jaan par shaam karti hai

Kabhi Aankhain meray likhay huaye misroan ko

Apney naam karti hain

Main kush hoon ya udasi ke kisi mousam se lipta hoon

Koi mehfil ho tanhai main ya mehfil main tanha hoon

Ya phir apni lagaye Aag main bujh bujh ke jalta hoon

Mujhay mehsoos hota hai

Meray andar bhout din se

Keh jaisay jung jari hai