Her gharri na janay kiyon Aas paas rehtay ho

Her gharri na janay kiyon Aas paas rehtay ho 

Tum ajeeb mousam ho bas udaas rehtay ho 

Kuch bharam to rakhna hai apnay dil ki dharkan ka 

Tum meray nahin par paas rehtay ho 

MAin to aik larki hoon qaid main mohabbat ki 

Tum ko kya huwa sahib kiyon naraz rehtay ho 

Ek din bicharna hai jaanti hoon main lakin 

Tum aabhi se kiyon aakhir bad'hawaas rehtay ho 

Kiya koi nayi larki aa gayi hai zindagi main 

Aaj kal ziyada hi khush-libaas rehtay ho 

Hosla nahin mujh main tujh ko yeh batanay ka 

Jheel jaisay nainon main misal-e-pyaas rehtay ho

MAin roz diya jalaon ga wahan par

MAin roz diya jalaon ga wahan par 

Ae ishq tu mar kay apna mazaar to bana 

Ishq se biyaah ho gaya aur phir

Ishq se biyaah ho gaya aur phir 

Dil ki bulhan ko gham ka raja mila

Aanchal teri yaadon ka bhigo deti hai baarish

Aanchal teri yaadon ka bhigo deti hai baarish 

Sochon pe jami gard ko dho deti hai baarish

HAns hans kay sunaati hai jahan bhar kay fasanay 

Poochon teray baray main to ro deti hai baarish 

LAgtay hain pyaaray meri aankhon ko yeh manzar 

Hairat ! meray ehsaas ko woh deti hai baarish 

Yaadon ki mehak ho ya teray hijar kay taanay 

Chup chaap main rakh leta hoon jo deti hai baarish 

Mujh par tu jo karti hai so karti hai inayat 

Moti teray baalon main piro deti hai baarish

Agli baarish ak wada tha uss ka

Agli baarish ak wada tha uss ka 

Koi uss se kahay keh aa jayo baarish loat aayi hai

Aseer-e-dasht-e-wafa ka na maajra kehna

Aseer-e-dasht-e-wafa ka na maajra kehna 

Tamaam poochnay walon ko bas dua kehna 

Yeh kehna raat guzri hai ab bhi aankhon main 

Tumhari yaad ka qaaim hai silsala kehna 

Yeh kehna chaand nikalta hai baam par ab bhi 

Magar nahin woh shab-o-roz ka maza kehna 

Yeh kehna hum ne hi toofan main daal kay kashti 

Qasoor apna hai dariya ko kya bura kehna 

Yeh kehna tum se bichar kar bikhar gaya hoon main 

Keh jaisay haath se gir jaye "Aaina" kehna 

Aakhir yeh chooriyan teri lagti kya hain ?

Teri kalayi jo pakron to bhout shor machaati hain

Aakhir yeh chooriyan teri lagti kya hain ?

Her roz teri khushboo main nahaati hain

Tujhay subh-o-shaam pyaar ka geet sunaati hain 

Teray phool se hont jab in ko chootay hain 

Teri saanson ki mehak se yeh dehak si jaati hain 

Shokh-o-chan'chal rangon ki yeh chooriyan teri kalayi main 

Teray husan kay pai'kar ko aur haseen bana deti hain 

Teri kalayi ki yeh chooriyan jissay nazar aayein 

Ussay pagal dewana , paremi bana deti hain 

Teri kalayi ko jab bhi main ne choona chaha 

YEh chooriyan Aasman sar pe utha leti hain 

Teri kalayi jo pakron to bhout shor machaati hain 

Aakhir yeh chooriyan teri lagti kiya hain 

Jab mandron pe chaand kay ham'raah

Jab mandron pe chaand kay ham'raah 

Bujhti jaati hain aakhri shamein 

Kya teray wastay nahin tarasta 

Uss ka majboor muz'mahil chehra 

Kiya teray wastay nahin jageen 

Uss ki be'maar reham dil aankhein 

Kya tujhay yeh khyal hai keh ussay 

Apnay lotnay ka koi ranj nahin 

Uss ne dekhi hai din ki khoon khwaari 

Uss pe guzri hai shab ki ayyaari 

Phir bhi teri tarah woh be'chari 

Sari duniya se shikwa sanj nahin 

Zindabaad ae aaina-e-jazba-e-ishq

MArhaba ae shikwa-e-khuddami

Uss ki qurbat se tujh ko phool milay 

Zindagi kay naye asool milay 

Teri ulfat se kya mila us ko 

Zehmatein , iztraab bad'naami

Main kab kehta hoon woh acha bhout hai

Main kab kehta hoon woh acha bhout hai 

MAgar us ne mujhay chaha bhout hai 

Khuda is shaher ko mehfooz rakhaye 

Yeh bachon ki tarah hansta bhout hai 

Issay Aansoo ka ik qatra na samjho 

Kunwaan hai aur yeh gehra bhout hai 

Ussay sohrat ne tanha kar diya hai 

Samandar hai magar piyaasa bhout hai 

MAin ek lamhay main sadiyan dekhta hoon 

Tumharay saath ek lamha bhout hai 

Mera hansana zaroori ho gaya hai 

Yahan her shakhs sanjeeda bhout hai

Rafta rafta waqat se majboor hota gaya

Rafta rafta waqat se majboor hota gaya 

Bhout pyaar tha tujh se aur tujh se hi door hota gaya 

MAin ne iltaja ki keh teray bin waqat nahin guzarta 

Yeh sun kar tu bhi thora maghroor hota gaya 

Kisi ki judai ko bardaash nahin kar paya 

MAin bhi dil-o-dimagh se la'shaoor hota gaya 

Teri aankh main na janay kaisa hunar tha 

Jo main poori mehfil main masroor hota gaya 

Yeh kaisi mohabbat , keh muqaddar ki ruswai hui hai 

MAin be'wafa aur woh be'qaraar hota gaya

Ussay ik saltanat , ek raaj'dhani chahiye thi

Ussay ik saltanat , ek raaj'dhani chahiye thi 

Mohabbat main bhi us ko hukam'raani chahiye thi 

Bicharnay ka woh pehlay se tahiya kar chuka tha 

Ussay meri taraf se bad'gumaani chahiye thi 

Tu phir se imtihaan pe imtihaan lainay laga hai 

Hamain is umar main kuch meharbani chahiye thi 

Adaa mujh ko faqat tha sar'sari kirdaar karna 

Ussay shohrat ki khaatir ik kahani chahiye thi

Meray dil tasali ko faqat itna hi kaafi hai

Meray dil tasali ko faqat itna hi kaafi hai 

Hawa jo tum ko chooti hai main us main saans leta hoon

Woh pyaar ka saboot dikhaya karta tha

Woh pyaar ka saboot dikhaya karta tha 

Aansoo baha kar hamein manaya karta tha 

Yeh zindagi sirf tum se wabasta hai 

Aksar yeh baat hamein bataya karta tha 

Us ki baaton main kuch aisa asar tha 

MAin baarish kay bina hi bheeg jaya karta tha 

Sonay ki Fursat kissay thi 

Woh hamein sari raat jagaya karta tha 

Be'chaini jab had se bad jaati thi 

Woh jee bhar kay galay lagaya karta tha

Woh itni mohabbat karnay wala badal gaya 

Jo her baat par meri qasam khaya karta tha

Dil par aisay bhi Azabon ko utar'tay dekha

Dil par aisay bhi Azabon ko utar'tay dekha 

Hum ne chup chaap ussay khud se bichartay dekha 

Us ko socha to her soch main khushboo utri 

Us ko likha to her lafz mehaktay dekha 

Yaad aa jaye to qaabu nahin rehta khud par 

Warna duniya ne bhi hum ko bikhartay dekha 

US ki surat ko faqat aankh hi na tarsi hai 

Raaston ko bhi us ki yaad main sulagtay dekha 

Ishq par muqadma kar kay kiya milay ga ?

Ishq par muqadma kar kay kiya milay ga ?

Husan walon ko pakro yahi fasaad ki jarr hain 

Khaak uraati hui galiyon main phirtay hon gay

Khaak uraati hui galiyon main phirtay hon gay 

Gham kay maaron ki yeh makhsoos nishani ho gi

Un ungliyon ka lams tha aur meri zulf thi

Un ungliyon ka lams tha aur meri zulf thi 

Gaysoo bikhar rahay thay to qismat sanwar gayi

Koi hunar , koi rawish , koi tareeqa to batao

Koi hunar , koi rawish , koi tareeqa to batao 

Keh dil tootay bhi na , woh milay bhi na aur chain aa jaye

Woh larki phoolon jaisi hai

Woh larki phoolon jaisi hai 

Woh bilkul hooron jaisi hai 

HAi chaand nagar ki rani woh

HAi jaisay rut mastani woh 

Hai meri prem kahan woh 

Roshan woh ujaalon jaisi hai 

Woh meray sawalon jaisi hai 

Woh shola bhi woh shabnam bhi 

Woh zulf ghatta si rakhti hai 

Woh Aankh dua si rakhti hai 

Woh dhoop main chaaon jaisi hai 

Sawan ki ghutan jaisi hai 

Titli ki ada'on jaisi hai 

Woh rani chand sitaron ki 

Woh khushboo baagh baharon ki 

Woh larki phoolon jaisi hai 

Woh bilkul hooron jaisi hai 

Kehna hi para un ko , shairy parh kar hamari

Kehna hi para un ko , shairy parh kar hamari 

Kambakhat ki her baat mohabbat se bharri hai

Teri wafaon kay sab andaaz badal gaye lakin

Teri wafaon kay sab andaaz badal gaye lakin 

Hamein koi aur Azeez ho na paya , duniya bhar main teray siwa

Na us ne murr kay dekha na hum ne palat kar awaz di

Na us ne murr kay dekha na hum ne palat kar awaz di 

Aik ajab sa waqat tha jis ne dono ko pathar bana diya

Udaas hum hain nigahein nam hain

Udaas hum hain nigahein nam hain 

Hai yaad aati 

Labon ki shokhi

Haya ki surkhi 

Sanwarti zulfain 

Mehakti saansein 

Gulaabi rangat 

Kisi ki sangat 

Kamaan Abroo

Gulab khushboo 

Woh gori baanhain 

Chamakti aankhein 

Kanwal ki daali 

Adaa nirali 

Khayal  kundan 

nadi talatum 

Gulab Aariz

BAdan ki larzish 

Jhuki nigahein 

Hinayi baanhain 

Magar suno na 

KEh door hum hain 

 Udaas hum hain 

Nigahein nam hain

Qareeb mout kharri hai zara tehar jaao

Qareeb mout kharri hai zara tehar jaao 

Qaza se Aankh larri hai zara tehar jaao

Thaki thaki si fizaa'ein bujhay bujhay taaray 

BAri udaas gharri hai zara tehar jaao 

NAhin umeed keh hum aaj ki sehar dekhein 

YEh raat hum pe karri hai zara tehar jaao 

Abhi na jaao keh taaron ka dil dharakta hai 

Tamaam raat parri hai zara tehar jaao 

Phir is kay baad kabhi hum na tum ko rokein gay 

LAbon pe saans arri hai zara tehar jaao 

Dam-e-firaaq main ji bhar kay tum ko dekh to loon 

Yeh faisalay ki gharri hai zara tehar jaao 

Achay lagay jo tum so hum ne bata diya

Achay lagay jo tum so hum ne bata diya 

Nuqsaan yeh huwa keh tum maghroor ho gaye

Likh kay mera naam zameen par , mit'ta diya

Likh kay mera naam zameen par , mit'ta diya 

Us ka tha faqat khail, khaak main mujh ko mila diya

Suljhaein be'dili se yeh uljhay huye sawal

Suljhaein be'dili se yeh uljhay huye sawal 

Wahan jayein ya na jayein , na jayein keh jayein hum

Gun'gunaatay raaston ki dil'kashi apni jaga

Gun'gunaatay raaston ki dil'kashi apni jaga 

Aur in sab kay darmiyaan teri kami apni jaga