Tum ko dekha to yeh khayal aaya

Tum ko dekha to yeh khayal aaya

Zindagi dhoop tum ghana saya 

Aaj phir dil ne ik tamana ki 

Aaj phir dil ko hum ne samjhaya 

Tum chalay jao gay to sochein gay 

Hum ne kya khoya hum na kya paya 

Hum jissay gun'guna nahin saktay 

Waqat ne aisa geet kiyon gaa'ya

Koi fariyad teray dil main dabi ho jaisay

Koi fariyad teray dil main dabi ho jaisay

Tu ne ankhon se koi baat kahi ho jaisay

Jagtay jagtay ik umar kati ho jaisay

Jaan baqi ho magar saans ruki ho jaisay

Her mulaqaat pe mehsoos yahi hota hai

Mujh se kuch teri nazar pooch rahi ho jaisay

Raah chaltay huaye aksar yeh gumaan hota hai

Woh nazar chup ke mujhay dekh rahi ho jaisay

Aik lamhay main simit aya hai sadiyon ka safar

Zindagi taiz bhout taiz chali ho jaisay

Is tarah pehron tujhay sochta rehta hoon main 

Meri her saans teray naam likhi ho jaisay  

Poet : Javaid Akhtar

Ab agar ayo to janey kay liye mat ana

Ab agar ayo to janey kay liye mat ana 

Sirf ehsaan jatla'ney kay liye mat ana

Main ne palkon pe tam'manaein saja rahki hain

Dil main umeed ko so shama'ein jala rakhi hain

Yeh haseen shama'ein bujha;ney kay liye mat ana

Ab agar ayo to janey kay liye mat ana 

Sirf ehsaan jatla'ney kay liye mat ana

Piyaar ki aag main zangerain pighal sakti hain

Chahney walon ki taqderain badal sakti hain

Tum ho be-bas yeh bata;ney kay liye mat ana

Ab agar ayo to janey kay liye mat ana 

Sirf ehsaan jatla'ney kay liye mat ana

Ab to mana jo mujhay tum se mohabbat hai koi

Mujh se milney ki agar tum ko bhi chahat hai koi

Tum koi rasam nibahaney kay liye mat ana

Ab agar ayo to janey kay liye mat ana 

Sirf ehsaan jatla'ney kay liye mat ana

 Poet : Javaid Akhtar

Dariya ka shail ho pooray chaand ki raat ho aur tum ayo

Dariya ka shail ho pooray chaand ki raat ho aur tum ayo

Kabhi youn bhi to ho kabhi youn bhi to ho

Pariy'on ki mehfil ho koi tumhari baat ho aur tum ayo

Kabhi youn bhi to ho kabhi youn bhi to ho

Yeh naram mulay'em thandi hawaien

JAb ghar se tumhary guzrain tumhari kushboo churaien

Meray ghar le ayein

Kabhi youn bhi to ho kabhi youn bhi to ho

Sooni her mehfil ho koi na meray sath ho aur tum ayo

Kabhi youn bhi to ho kabhi youn bhi to ho

Yeh badal aisay toot ke barsay

Meray dil ki tarah milney ko tumhara dil bhi tarsay

Tum niklo ghar se

Kabhi youn bhi to ho kabhi youn bhi to ho

Tanhai ho dil ho

Boond'ein hoon , barsaat ho aur tum ayo

Kabhi youn bhi to ho kabhi youn bhi to ho

Dariya ka shail ho pooray chaand ki raat ho aur tum ayo


Poet Javaid Akhtar