Main to sahil tha chalta bhi to kaisay chalta

Main to sahil tha chalta bhi to kaisay chalta

woh bho mojon ki tarah aya to pal bhar ko tehra

chaand pagla tha jo chala aya meri janib

main to badal tha hamesha se be'ghar tehra

Kabhi is tor se hansta duniya ko rula deta

Kabhi is tor se hansta duniya ko rula deta

kabhi is rang se rota keh khud par muskura deta

main teri dastaras chahyon mujhay aisi dua dena

mujhay acha lagay mohsin ussay pa kar ganwa dena

Kiya main tum ko kabhi yaad nahi aya

Kiya main tum ko kabhi yaad nahi aya

kabhi kisi dar'gaah main diya jalatay huye

lach'chakti shaakh pe pehla gulaab khiltay huye

kabhi youn hi makhsoos dhun ko suntay huye

kabhi youn hi kitaab parhtay huye

barastay abar main chat par kabhi nahatay huye

kisi khyal main baithay se uth kar chaltay huye

kisi bhi raat ko youn hi teh'haltay huye

akelay door tak khamoshi main chaltay huye

khala main zaat ke be'asara bhataktay huye

kisi pahaar par sambhal kar chaltay huye

utartay chaand ka mojon main aks partay huye

khizaan main sookhay patay ka shor suntay huye

mitay huye darakhton se naam parhtay huye

to kiya main tum ko kabhi bhi yaad nahin aya

kisi gulaab ki tehni se tor kar bhi nahin

kisi kabootar ki gardan ko choo kar bhi nahin

kisi darakhat ke saye main baith kar bhi nahin

qariya qariya basti basti jashan manaya kartay thay

qariya qariya basti basti jashan manaya kartay thay

tez hawa main pyar ke sachay deep jalaya kartay thay

shaakh shaakh main ab bhi teray piyaar ka dheema lehja hai

jin pairr'on ke saye hum ko geet sunaya kartay thay

Aaj ruton ke sath jo badla hum ko tanha chor gaya

kal tak to us pairr ke patay hum par saya kartay thay

boorhay bargad ki shakhon par jhooltay thay hum rozana

sapno ke kiya sundar mehal banaya kartay thay

khoye khoye rehnay walo ! raaz-e-mohabbat faash hua

bheegi aankh ne keh dala jo raaz chupaya kartay tahy

meri tarah woh pairr bhi ab tak tanha rehta hai

jis ki thandi chayon main tum pareet jat'taya kartay thay

shahzab tum to itni jaldi sath hamara chor gaye

kal tak pyaar ki kaisi kaisi qasmein khaya kartay thay

shak'kist-e-zindagi waisay bhi mout hi hai na

shak'kist-e-zindagi waisay bhi mout hi hai na

tu sach bata ! yeh mulaqaat aakhri hai na

main khud bhi yaar tujhay bhoolney ke haq main hoon

magar jo beech main kam'bakhat shaiyari hai na

yeh kor-e-chasham ujalon se ishq kartay hain

jo ghar jala ke bhi kehtay hain roshni hai na

tu meray haal se anjaan kab hai duniya

jo baat keh nahin paya samjh rahi hai na

main jaan boojh ke aya tha teegh aur teray beech 

miyan ! nibhani to parti hai dosti hai na

us ko juda huye bhi zamana bhout hua

us ko juda huye bhi zamana bhout hua
ab kiya kahain yeh qissa pura bhout hua

dhalti na thi kisi bhi jatan se shab-e-firaaq

ae marg-e-nagahan ! tera ana bhout hua

hum khalad se nikal to gaye hain par ae khuda

itney se waqiea ka fasana bhout hua

ab hum hain aur saray zamaney ki dushmani 

us se zara sa rabat barhana bhout hua

ab kyn na zindagi pe mohabbat ko war dain

is aashqi main jaan se jana bhout hua

ab tak to dil ka dil se taaruf na ho saka

mana keh is se milna milana bhout hua

lo phir teray labon pe usi be'wafa ka zikar

ahmed faraz! tujh se kaha na bhout hua

Poet : Ahmed Faraz

be'faida hai zeest main ehbaab ka hajoom

be'faida hai zeest main ehbaab ka hajoom

ho paikar-e- khloos to kafi hai ik shaks

kitabon se daleel'ein doon ya dil ko samney rakh doon

kitabon se daleel'ein doon ya dil ko samney rakh doon

woh mujh se pooch baithay hain mohabbat kis ko kehtay hain

Mohsin woh shaks kitna tabiyat shnaas tha

bakhsha hai rooh ko jis ne zakhmon ka pehrahan

Mohsin woh shaks kitna tabiyat shnaas tha

koi sapna bhi woh sacha nahin honey deta

woh taughafal se lagata hai naye zakham magar

dil ke zakhmon ko woh gehra nahin honey deta

meri aankhon main saja deta hai sapne lakin

koi sapna bhi woh sacha nahin honey deta

sach hai keh teray baad udaasi ka raaj hai

sach hai keh teray baad udaasi ka raaj hai

lakin teray firaaq main mar to nahin gaya

manzil na mil saki yeh muqadar ki baat hai

sad shukar hum se zoaq-e-safar to nahin gaya

behal'ti jaye gi sarkash mohabbat dekhtay jayo

behal'ti jaye gi sarkash mohabbat dekhtay jayo

tumhain duniya sikha de gi siasat dekhtay jayo

barat oonchay suron main baat karty ho mohabbat ki

mohabbat hai khis'saron ki tijarat dekhtay jayo

Phoolon main khilta hai kon

Phoolon main khilta hai kon

kushboo main hansta hai kon

sada laganey ka fun seekh

ab chaheray parhta hai kon

Mousam tha be'qaraar , tumhain sochtay rahay

Mousam tha be'qaraar , tumhain sochtay rahay

kal raat bar bar tumhain sochtay rahay

barish hui aur ghar ke dareechay se lag ke hum

chup chaap sogawaar tumhain sochtay rahay