Insha ji utho ab kooch karo, is shehr mein ji ka lagana kya

Insha ji  utho ab kooch karo, is shehr mein ji ka lagana kya
Vehshi ko sukoon se kya matlab, jogi ka nagar mein Thikana kya

Is dil ke dareeda daman ko dekho to sahi, socho to sahi
Jis jholi mein sau chhed huhe us jholi ko phailana kya

Shab beeti, chaand bhi Doob gaya, zanjeer paRi darvaze mein
Kyon der gaye ghar aaye ho, sajni se karoge bahana kya

Us husn ke sache moti ko ham dekh sakein, par chhu na sakein
Jise dekh sakein par chhu na sakein vo daulat kya vo Khazana kya

Us ko bhi jala dukhte huhe man, ek shola laal bhabhooka ban
Yoon aansu ban beh jana kya, yoon maTi mein mil jana kya

Jab shehar ke log na rasta dain, kyon ban mein na ja bisram kare
Divanoon ki si na baat kare, to aur kare divana kya

Ranjish hi sahi dil hi dukhane ke liye aa

 

Ranjish hi sahi dil hi dukhane ke liye aa

aa phir se mujhe chhod ke jaane ke liye aa

Pahale se maraasim na sahii phir bhi kabhi tou

rasm-o-rahe duniya hi nibhane ke liye aa

Kis kis ko batayenge judaai ka sabab ham

tu mujhse khafaa hai tou zamaane ke liye aa

kuch tou mere pindaar-e-mohabbat ka bharam rakh

tu bhi to kabhi mujh ko manaane ke liye aa

ek umr se hoon lazzat-e-giriyaa se bhi maharuum

aye raahat-e-jaan mujh ko rulaane ke liye aa

ab tak dil-e-khushfeham ko tujh se hain ummiden

ye aakharii shammen bhi bujhaane ke liye aa 

Ab ky hum bichray to shayed kabhi khwabon main milein

 

Ab ky hum bichray to shayed kabhi khwabon main milein 

Jis tarah sookhay huwey phool kitabon main milein

Dhoond ujray huwey logon main wafa ky moti 

Yeh khazaney tujhay mumkin hai khrabon main milein 

gham-e-duniya bhi gham-e-yaar main shamil kar lo 

Nasha barhta hai shrabain jo shrabon main milein 

Tu khuda hai na mera ishq farishton jaisa 

Dono insaan hain to kiyon itney hijaabon main milein 

Aaj hum daar pe kheenchay gaye jin baaton par 

Kiya ajab kal woh zamaney ko nisabon main milein 

Ab na woh main hoon na tu hai na woh mazi hai faraz 

Jaisay do saye tamana ky saraabon main milein

Tujh se bichra to kidher jaaon ga

Tujh se bichra to kidher jaaon ga 

Main to be'chaini se mar jaaon ga 

Main ti aisay nahin jaanay wala 

Chand doobay ga to ghar jaaon ga 

Motiyon se bharra bartan hoon main 

Toot jaaon ga , bikhar jaaon ga 

Main to sehma hua snaata hoon 

Apni awaaz se dar jaaon ga 

Main agar koi samandar bhi hoon 

Ik teray dard se bharr jaaon ga 

Waqat kay haath se main Farhat 

Kahin chup chaap bikhar jaaon ga

 

Tu ne dekha hai kabhi ek nazar sham kay baad

Tu ne dekha hai kabhi ek nazar sham kay baad
kitne chup-chap se lagate hain shajar sham kay baad

itanay chup-chaap ke raste bhi rahenge la-ilm
chor jayen gay kisi roz nagar sham kay baad

main ne aisee hi gunah teri judai mein kiye
jaise tufan mein koi chod de ghar sham kay baad

sham se pahale wo mast apni udanon mein raha
jis ke hathon mein the tute hue par sham kay baad

raat biti to gine aable aur phir socha
kon tha bais-e-agaz-e-safar sham kay baad

tu hai suraj tujhe malum kahan raat ka dukh
tu kisi roz mere ghar mein utar sham kay baad

laut aaye na kissi roz wo aawara mizaaj
khol rakhte hain isi aas pe dar sham kay baad

Sahaab tha keh sitara , guraiz paa hi laga

Sahaab tha keh sitara , guraiz paa hi laga 

Woh apni zaat kay her rang main hawa hi laga 

Main aisay shakhs ki masoomiyat pe kya likhon 

Jo mujh ko apni khataon main bhi bhala hi laga 

Zubaan se chup hai magar aankh baat karti hai 

Nazar uthaai hai jab bhi to bolta hi laga 

Na meray lutf pe hairaan hai na apni uljhan par 

Mujhay yeh shakhs to her shakhs se judaa hi laga

Bichar kar tujh se zinda hoon meri taqdeer to dekho

Bichar kar tujh se zinda hoon meri taqdeer to dekho

Kabhi aa kar meray halaat ki tasveer to dekho 

Mujhay mehfil main dekha to kaha us ne raqeebon se

Mera aashiq mera pagal mera dilgeer to dekho

Teri tasveer kay peechay hi jaalay be'wafai kay 

Ulat kar tum zara apni kabhi tasveer to dekho

De kar pyar ki doulat khareeday khoon kay aansoo

Mili jo ishq main hum ko zara jageer to dekho 

Likha hai naam mera shararat hai raqeebon ki 

Yeh khatt mera nahin jana zara tehreer to dekho

Aadatein us ki thein bas mujhay jalanay wali

Aadatein us ki thein bas mujhay jalanay wali 

Baat ki hans kay magar dil ko dukhanay wali 

Aaj kal woh mujhay kuch badla hua lagta hai 

Ho gayein us ki nigahein bhi zamanay wali 

Hum ne ikhlaas ka daman nahin chora ab tak 

Haye us ki to mohabbat hai rulanay wali

Main ne samjha tha guzar jaye ga  mousam lakin 

Rut-e-barsaat bhi nikli to satanay wali 

Tumharay wastay ab koi nahin hai Wasi 

Khud se batein na karo dil ko behlanay wali

Tum ne to keh diya keh mohabbat nahin mili

Tum ne to keh diya keh mohabbat nahin mili 

Mujh ko to yeh kehnay ki bhi mohlat nahin mili

Neendon kay dais jatay , koi khawaab dekhtay 

Lakin diya jalanay se fursat nahin mili

Tujh to khair shaher kay logon ka khouf tha 

Aur mujh ko apnay ghar se ijazat nahin mili

Phir ikhtilaf-e-raye ki surat nikal pari

Apni yahan kisi se bhi aadat nahin mili 

Be-raaz youn huye keh keh teray ehad  main hamein 

Sab kuch mila , sakoon ki doulat nahin mili 

 

Haami bhi na thay munkar-e-ghalib bhi nahin thay

Haami bhi na thay munkar-e-ghalib bhi nahin thay 

Hum ehal-e-taz'ba'zab kisi janib bhi na thay 

Is baar bhi duniya ne hadaf hom ko banaya 

Is baar to hum sheh kay masahib bhi na thay 

Bech aaye sar-e-qariya zar jo hum behar-e-pindaar 

Jo daam milay aisay munasib bhi na thay 

Matti ki mohabbat main hum ashafta saron ne 

Woh qarz utaray hain keh wajib bhi na thay 

Lo deti hai raat sukhan karta hua din 

Sab is kay liye jis se mukhatab bhi na thay 

Meray khuda mujhay itna to moh'tabar kar de

Meray khuda mujhay itna to moh'tabar kar de 

Main jis makaan main rehta hoon us ko ghar kar de 

Yeh roshni ke ta'aqab main bhaagta hua din 

Jo thak gaya to ab is ko muktasir kar de 

MAin zindagi ki dua mangney laga hoon bhout 

Jo ho sake to duaon ko be'asar kar de

Sitaara-a-sehri doobney ko aya hai 

Zara koi meri soch ko ba'khabar kar de 

Meri zameen mera aakhri hawala hai 

So main rahoon na rahoon is ko barwar kar de 

MAin apne khwaab se kat kar jeeon to mere khuda 

Ujaar de meri matti ko dar'badar kar de

Un ke wadon pe yaqeen , log bhi dewane hain

Un ke wadon pe yaqeen , log bhi dewane hain 

Ik faqat main hi nahin , log bhi dewanay hain 

Meri wehshat hi sahi mor-e-ilzaam magar

Ae meri zohra jabeen  , log bhi dewanay hain 

GArdish-e-jaam kahan , gardish-e-ayaam kahan 

YEh kharabaat nasheen , log bhi dewanay hain 

Aap to haasil-e-emaan-e-2 aalam hain hazoor

Aap aur dushman-e-deen , log bhi dewanay hain 

Ik mulaqaat sar-e-raah bhi sahi jurm magar 

Hum kahin aap kahin , log bhi dewanay hain 

Dard mandan-e-mohabbat to hain bad'naaam Faraz 

Warna kuch kuch yeh haseen log bhi dewane hain 

Safar khathan tha magar sehal kar diya us ne

Safar khathan tha magar sehal kar diya us ne 

Jo shakhs loot kay asbaab le gaya mera

Main udas hon tere hijr main

Main udas hon tere hijr main

Muje bojh lgti hai zindgi

Sar-e-bazm yoon muje dekh kr

Tere muskrane ka shukria

Teri yad kis kis bhes mein

Mere sher-o-naghma men dhal gai 

Ye kamal tha teri yad ka

Muje yad ane ka shukria

Muje khasta haal dekh kr

Tere phool se hont khil uthy

Muje apne haal ka gham nahi

Tere muskrany ka shukria

Jo zmane bhar ka asool tha

Wo asool tu ne nibha dia

Yehi rasm thehri hai mout'bar

Muje bhool jane ka shukria

Na hum matlabi hain aor na hum mufaad parast

Na hum matlabi hain aur na hum mufaad parast

Ye alag baat hai jis ki jaisi soch thi, us ne wesa samjha humain

Teri talash mein nikloon bhi to kya fayeda

Teri talash mein nikloon bhi to kya fayeda

Tu badal gaya hy, khoya hota to alag baat thi

Zindagi ki rahon main tm bi chor gaye akhir

Zindagi ki rahon main tm bi chor gaye akhir

Bary hmdard bnty thy mera dil tor gaye akhir

Tm pe to bary maan thy meri umeedon ko

Ab kis se gila kron tm hi moh mor gaye akhir

Log to chlo log thy unho ne jo kiya so kiya

Bhri duniya main aj tm bi tanha chor gaye akhir

Tm to kehty thy hum wo nhi k chorein apno ko

Apny wady apni kasmen khud hi tor gaye akhir

Wah kya khoob dosti nibhaayi hai tum ne

Dost ko rah main rota chor gay akhir