Mohabbat main woh lamhaat intihaai moh'tabar hotay hain
Jab "daikhna" Ibaadat
Aur "choona" gunnah tasawur kiya jaye
Mar 31, 2017
December jab bhi aata hai
December jab bhi aata hai
Woh pagli ....
Phir se beetay mousamon ki
Talkhiyon ko yaad karti hai
Purana card parhti hai
Keh jis main uss ne likha tha
Main loat'on ga december main
Naye kapray banati hai
Woh sara ghar sajaati hai
December kay her ik din ko
Woh gin gin kar bita'ti hai
Joun hi 15 guzarti hai
Woh kuch toot jati hai
Magar phir bhi
Purani albamon ko khol kar
Maazi bulaati hai !!
Nahin maloom yeh uss ko
Keh beetay waqat ki khushiyan
Bhout takleef deti hain
Mehaz dil ko jalaati hain ....
Youn hi din beet jatay hain
December loat jata hai
Magar woh khush feham larki
Dobara se calender main
December kay maheenay kay safhay ko
Morr kar phir se
December kay sehar main
Doob jaati hai
Keh aakhir uss ne likha tha
Main loat'on ga december main
Mar 29, 2017
Woh eenton ki wicktein , woh toota sa bala
Woh eenton ki wicktein , woh toota sa bala
Woh galiyon ki ronaq , woh apna "Mohallah"
Woh jaibon main sikkay macchatay thay shor
Ameeri kay woh din , woh matti ka gal'la
Aye bachpan bata tu kahan kho gaya hai
Ya keh de tu ab "Bara " ho gaya hai
Mareez-e-ishq hai tu , dawa-e-dil samjh dil'bar ko
Mareez-e-ishq hai tu , dawa-e-dil samjh dil'bar ko
Phir marz janay , dawa janay , shifa janay , khuda janay
Uss ko chaha bhout magar woh mila nahin
Uss ko chaha bhout magar woh mila nahin
Laakh koshishein ki faasla mitta hi nahin
Uss ko zamanay ne majboor iss qadar kar diya keh woh
Meri kisi sada pe thehra hi nahin
Her kisi se poocha sabab uss kay na milnay ka
Her aik ne bataya keh woh teray liye bana hi nahin
Main tamaam tar koshishon kay ba'wajood haar gayi
Aur woh ussay mil gaya , jis ne ussay maanga hi nahin
Mar 28, 2017
Kabhi jo hum nahin hon gay
Kabhi jo hum nahin hon gay
Kabhi jo hum nahin hon gay
Kaho kis ko batao gay
Woh apni uljhanein sari
Woh be'chaini main doobay pal
Woh aankhon main chuppay aansu
Kissay phir tum dikhao gay
Bhout tum ko rula'ein gay
Bhout chaho gay phir bhi tum
Hamein na bhool pao gay
Kabhi jo hum nahin hon gay
Kai silsalay , kai khawab thay
Aik nazam , jo shayed tumharay liye kahi gayi
Kai silsalay , kai khawab thay
Jo teri talab kay junoon main
Meri dasta'ras main nahin rahay
Tujhay chahana meray bas main tha
So wohi hua
Magar uss kay baad kay mar'halay ....
Keh guzarna jin se mo'haal hai ....
Woh jo shab thi
Teray wisaal ki
Woh jo subha thi
Naye saal ki
Kahin kho gayi ....
Koi dar khulla
Na hawa chali
Faqat ik naqsh-e-khayal hai
Jissay hum ne rakha aziz tar
Magar ab woh naqsh-e-khayal bhi
Tera aks-e-zohra jamaal bhi
Teray aabru'on kay
Bas ik isharay ka muntazir
Mera ik shakista sawal bhi
Meri rah'guzar ka ghubaar hai
Milan ki aarzu karna , safar ki jutagoo karna
Milan ki aarzu karna , safar ki jutagoo karna
Jo tum ma'yoos ho jao to mujh se guftagoo karna
Yeh aksar ho bhi jata hai keh koi kho bhi jaata hai
Muqaddar ko satao gay
To phir yeh bhi so jata hai
Agar tum hosla rakho , wafa ka silsala rakho
Jo tum se pyar kar baithay to uss se raabta rakho
Main yeh da'way se kehta hoon
Kabhi na'kaam na ho gay
Mohabbat ko samjh jao
Kabhi bad'naam na ho gay
Main subha-o-shaam likhta hoon
♥♥♥♥ Sab se acchay lafz ♥♥♥♥
Main subha-o-shaam likhta hoon
Zameen par jis qadar
Achi zabanein boli jaati hain
Main un se harf chunta
Aur tumhara naam likhta hoon
Kabhi utro youn meray dil kay kacchay aangan main
Kabhi utro youn meray dil kay kacchay aangan main
Kisi udaas mousam main
Kisi veeran lamhay main
Chupkay se dabbay paon
Meri aankhon pe rakh do haath apnay
Aur hanstay huye keh do
Boojh lo to
Hum tumharay
Na boojho to
Hum tumharay
Chalay bhi aayo
Chalay bhi aayo !!
Chalay bhi aayo
Keh main to khud ko tumharay rangon main rang chuka hoon
Tumharay saanchon main dhal chuka hoon
Tumharay kehnay par aa kay dekho
Main khud ko kitna badal chuka hoon !
Kamaa kay itni doulat bhi main apni maa ko de na paya
Kamaa kay itni doulat bhi main apni maa ko de na paya
Keh jitnay sikon se maa meri nazar utaara karti thi
Rat'gajay barhaa liye issi hisaab main hum ne
Rat'gajay barhaa liye issi hisaab main hum ne
Mohabbat tum ko hai ? nahin hai ?Thi?Nahin thi ?
Laakh apnay gird hifazat ki lakeerein kheencho
Laakh apnay gird hifazat ki lakeerein kheencho
Aik bhi in main nahin Maa ki dua'on jaisi
Mar 25, 2017
Ae meray rat'jagon kay sathi
Sathi
Ae siyah , udaas tareek raahon main
Tanhaiyon kay saathi !
Aa kisi shab ,
Meri aankh main utar
Apni khawabeeda aankhon se ,
Koi khawab-e-wasal hi bakhash
Be'naam meri zaat ko
Gumaan kay khayal se
Apnay saath ka yaqeen de
Ae meray rat'jagon kay sathi !
Anjaan is ghum se koi reh nahi sakta
Anjaan is ghum se koi reh nahi sakta
Koi sabar karta hai to koi seh nahi sakta
Mohobbat to har dil ko ho hi jati hai
Bas koi izhar karta hai to koi keh nahi sakta
O saahiba, o saahiba
O saahiba, o saahiba
O saahiba, o saahiba
O saahiba, o saahiba
O saahiba, o saahiba
Milen gay tum se to bataayen gay
Keh kitna pyaar hai hamein
Milen gay tum se to bataayen gay
Keh kitna pyaar hai hamein
O saahiba, o saahiba
O saahiba, o saahiba
Kaise kati raatein, kaise kate woh din
Kaise jeeye tanha, kaise rahe tere bin
Chaaron taraf phaili dard ki tanhai
Shaam-o-saher hum ko yaad teri aayi
O saahiba, o saahiba
O saahiba, o saahiba
Apni nigaahon mein tum ko basa lain gay
Dil ki dhadkan mein tum ko chhupa lain gay
Hum pe jo guzri hai tum ko bataayen gay
Cheer kay dil apna tumko dikhaayen gay
O saahiba, o saahiba
O saahiba, o saahiba
Milen gay tum se to bataayen gay
Keh kitna pyaar hai hamein
Milen gay tum se to bataayen gay
Keh kitna pyaar hai hamein
O saahiba, o saahiba
O saahiba, o saahiba
Nahin sajday kiye hum ne kabhi shahon ki chokhat par
Nahin sajday kiye hum ne kabhi shahon ki chokhat par
Hamein jitni zaroorat ho Khuda se maang letay hain
Tumhara kehna hai
Tumhara kehna hai
Tum mujhay be'panah shiddat se chahatay ho
Tumhari chahat
Wisaal ki aakhri hadon tak
Faqat meray naam ho gi
Mujhay yaqeen hai mujhay yaqeen hai
Magar qasam khanay walay larkay
Tumhari aankhon main aik till hai
Chandni raat kay haathon pe sawar utri hai
Chandni raat kay haathon pe sawar utri hai
Koi khushbu meri dehleez kay paar utri hai
Is main kuch rang bhi hain , khawab bhi , meh'kaar bhi hai
Jhil'milaati hui khawaish bhi hai , inkaar bhi hai
Issi khushbu main kai dard bhi , afsanay bhi
Issi khushbu ne banaye kai dewane bhi
Meray aanchal pe umeedon ki qataar utri hai
Koi khushbu , meri dehleez kay paar utri hai
Issi khushbu se kisi yaad kay dar khultay hain
Meray pairon se jo liptay to safar khultay hain
Yeh hi khushbu jo mujhay ghar se utha laayi thi
Ab kisi tor palat kar nahin janay deti
Meri dehleez bulaati hai mujhay , loat aayo !!
Yeh hi khushbu mujhay wapis nahin janay deti
Ranj aur dard main doobi yeh bahar utri hai
Koi khushbu meri dehleez kay paar utri hai
Mujhay dushmano ki khabar na thi
Mujhay dushmano ki khabar na thi
Mujhay doston ka pata na tha
Teri daastan kuch aur thi
Mera waqiya kuch aur tha
Kabhi loat ayein to poochna nahin
Daikhna unhein ghour se
Jinhein raastay main khabar hui
Keh yeh raasta koi aur hai
Mar 12, 2017
Insaan ko zaib hi nahin deta junoon-e-mout
Be'wajah Dushmani
Insaan ko zaib hi nahin deta junoon-e-mout
Insaniyat to laaiq-e-sad ehtraam hai
Tehzeeb kay khilaaf hai be'wajah dushmani
Bhai ka khoon bhai pe youn bhi haraam hai
Youn hi lakeer kurachtay hain apni qismat ki
Khawab
Youn hi lakeer kurachtay hain apni qismat ki
Wa'garna un ki hatheli main darj hi kya hai ?
Kuch iss liye bhi woh aankhon ko band rakhtay hain
Keh khawab daikhtay rehnay main harj hi kya hai ?
Badli jo rutt gharoor kay gard-o-ghubaar ki
Udhaar
Badli jo rutt gharoor kay gard-o-ghubaar ki
Dastaar khull gayi teray jhootay waqar ki
Hum ne kaha na tha keh na bad'mast ho kay chal
Mehangi bhout paray gi yeh "izzat udhaar ki"
Soi hui qismat ko jagaana hi paray ga
Lahu
Soi hui qismat ko jagaana hi paray ga
Zaalim ka her ik naqsh mitana hi paray ga
Ik umar se roshan hain jo muflis kay lahu se
Ab aisay chraghon ko bujhana hi paray ga
Ik roz to kashmir ki kaliyan bhi khilein gi
Ik Roz
Ik roz to kashmir ki kaliyan bhi khilein gi
Ik roz to dharkay ga yahan zouq-e-namu bhi
Ik roz to mehkay gi mussarat se yeh wadi
Ik roz to dehkay ga "Musalmaan" ka lahu bhi
Subscribe to:
Posts (Atom)
