Imran's Poetry

Mar 30, 2014

Nothing in life can keep us down except our own thinking

"Nothing in life can keep us down except our own thinking.

If we want high quality of life,

We must have a high quality of thought"....

Ik samandar kay shouq main Raqsaa'n

ik darya ko dar-badar dekha

Kon rakhy ga hamein yaad is door-e-muflisi mein

Halaat aisay hain k logon ko khuda yaad nahi

Hum kon hain kia hain baa khuda yaad nahin

Apnay aslaaf ki koi bhi adda yaad nahin

Hain agar yaad to kafir k taranay he bass

Hai nahin yaad to masjid ki sada yaad nahin

Bint-e-hawwa ko nachatay hain sar-e-mehfil ham

Kitnay sung dil hain k rasm-e-haya yaad nahin

Aaj apni zillat ka sabab ye he hai shayad

Sub kuch hai yaad magar, sirf khuda yaad nahi.

Naala-e-hudood kovy risa sy guzar gya

Ab dard'e dil elaaj'o dawa sy guzar gya

Un ka kheyal ban gai'n seeny ki dharkanei'n

Nagma muqaam'e soot'o sada sy guzar gya

Ijaaz be khudi hai ky yeh husan'e bandgi

Ek but ki justaju mein khuda sy guzr gya

Insaaf seem'o zar ki tajjalli ny das liya

Her jurm ehtyaj'e saza sy guzar gya

Uljhi thi aql'o hosh mein 'sagar' rah hayat

Mein ly k tera naam fana sy guzar gya

Dil maseeha hai, samajhta hai tabiyat uski

Dil maseeha hai, samajhta hai tabiyat uski

Narm guftar sahi, talkh hy aadat uski

Tum zara pyar se poocho, keh ye qissa kia hy?

Kyun bhala chaand ne, orrhi hy shabaahat uski?

Husan biknay pe jo aaya to, tawayef ban kr

Ek tamashai ne, taiy ki thi, ye qeemat uski

Log itnay b teray shehar k, sachay to nahin

Sun to leni thi, zara dair, wazaahat uski

Dil ye kehta hy, chalo lout chalen, us k nagar

Yaad aati hy, sir_e_shaam rafaaqt uski

Ik shair, ik musavir or ik fankaar bhi hun

Agr hun nazuk sa koi phool to talwaar bhi hun

Me'ne pai hai har ik morr pe nafrat lekin

Me muhbt k gulsitan ka khridar bhi hun

Ho agar DOST ghalt to me usey rokta hun

Haq pe dushmn ho to dushmn ka tarfdaar bhi hun

Jurm har shakhs se belos muhbt hai agar!

Phir to ye sach hai k me aik khatakar bhi hun

Mera andaz-e-tabiyat b nirala hai, Ay mir

Be wafa b hun bohat or wfadaar bhi hun

Lipti rhi wojood sy khoshbu tamam raat

Atay rhy ho yaad mujhy tum tamam raat

Us ny bary khulos sy mangi thi roshni

Girty rhy makan py jugnu tamam raat

Rota rha wo aap hi apny naseeb par

Apny galy me dal k bazu tamam raat

Fursat na thi Tabib ko apny hi kam sy

Peetay rahy Mariz bhi aansu tamam raat

Qissy meri Ulfat kay jo marqoom hein saray

Aa dekh tery naam sy mosoom hein saray

Bs is liay hr kaam adhora hi parra hy

Khadim bhi meri Qoum kay Makhdoom hein saray

Ab kon mery paaon ki zanjeer ko kholy?

Hakim meri basti k bhi mehkoom hein saray

Shayad yeh zarf hy jo khamosh hon ab tak

Warna to tery Aeib bhi maloom hein saray

Sab jurm meri Zaat sy mansoob hein "MOHSIN"

Kiya mery siwa shehr main Masoom hein saray

Koi dhoond aisa humsafar jissay tu apna bana sakay

Koi dhoond aisa humsafar

Jisey tu apna bana sakey

Tu kahey k raat hy

Or wo chandni luta sakey

Tere ansuon ko wo samait le

K koi na tujh ko rula sakey

Teri raah me ho jo mushkilain

Apni palkon se woh utha sakey

Tujhe rakh le apne hisaar me

K tujh ko na koi chura sakey

Wo ho tere itna qareeb k

Kisi ki yaad b na tujhe a sakey

Han.

Koi dhoondh aisa humsafar

Jo meri tarha tumhe chah sakey.

Do ghoont ka aey saaqi ehsaan nahin loon ga

Main tishna labi dy kar ek jaam nahi loon ga

Izhaar-e-tamanna hai toheen-e-tamanna

Tum khud hi samajh jao main naam nahin loon ga

Jo shaam jagati ho jo subh rulati ho

Woh subh nahin loon ga wo shaam nahi loon ga

Aey ehl-e-chaman rakh lo yeh tohfa-e-gul apna

Haq mera mujhy de do inaam nahi loon ga

Main raah k sa'ay se khairaat-e-sukoon kiyon loon

Main maang k manzil se aaraam nahin loon ga

Ek deeda-e-khalwat ki tum de do ejazat ab

Baad is k muhabbat ka main naam nahin longa