Ab to her lamha azaab lagta hai

Ab to her lamha azaab lagta hai 

Tera milna bhi ik khwaab lagta hai 

Her koi dukhi hai is duniya main 

Ab to yeh ranj-o-gham nisaab lagta hai 

Us ki aankhon main chupay hain sawaal kai 

Is ka chup rehna jawaab lagta hai 

Bas ik hi gham hai zindagi main meri 

Aur wohi gham be'hisaab lagta hai 

Us ki surat hai keh chaand ho jaisay 

Us ka lehja bhi la'jawaab lagta hai

Main abhi talak na samjha mujhay tujh se piyaar kiyon hai

Main abhi talak na samjha mujhay tujh se piyaar kiyon hai

Teray wastay mera dil jo hai be'qaraar kiyon hai 

Mujhay chor ky youn tanha tu kab ka ja chuka hai 

To hai raah pe Kiyon nazrain , tera intizaar kiyon hai 

Tu jo hamsafar tha , to dhuwan dhuwan tha mousam 

Tu jo sath main nahin hai to yeh intishaar hai kiyon 

Meri aankhon ki udasi tu kabhi bhi parh na paya 

Mujhay yeh samjh na aya , tera intizaar kiyon hai

Thein is qadar ajeeb musafatein keh mat poocho

Thein is qadar ajeeb musafatein keh mat poocho

Aankhain abhi safar main thein aur khwaab thak gaye

Kahin tum bhi na ban jana mazmoon kisi kitaab ka

Kahin tum bhi na ban jana mazmoon kisi kitaab ka

Log baray shouq se parhty hain kahaniyaan be'wafaon ki 

Na janay kon duaon main yaad rakhta hai

Na janay kon duaon main yaad rakhta hai 

Main doobta hoon samandar uchaal deta hai

Khwaab main bhi woh ab nahin atay

Khwaab main bhi woh ab nahin atay 

Nafratein in dino urooj par hain

Yeh soch ky dil phir se hai amada-e-ulfat

Yeh soch ky dil phir se hai amada-e-ulfat

Keh her baar mohabbat main khasara nahin milta

Aao kabhi youn bhi meray paas

Aao   kabhi    youn    bhi    meray     paas 

Keh anay main lamha aur janay main zindagi guzar jaye

Kitaab-e-dil ka koi bhi warq sada nahin hota

Kitaab-e-dil ka koi bhi warq sada nahin hota 

Nigha us ko bhi parh leti hai , jo likha nahin hota

Bhool jana ussay asaan to nahin hai lakin

Bhool jana ussay asaan to nahin hai lakin 

Kaam asaan bhi hum se kahan hotay hain