Imran's Poetry

Jan 2, 2015

Baray shouq se utar'tay thay hum samandar-e-ishq main

Ik lehar ne aisa bubaya keh ab tak kinaara na mila

Sirf waqat guzaarna tha to kisi aur ko apna letay

Tumhain bataya tha na hum pyaar ibadat ki tarah kartay hain

Teri talab ki had ne aisa junoon baksha hai

Keh hum neend se uth baithay tujhay khwaab main tanha dekh kar

Kabhi jo zindagi ki uljhanain tum ko hi uljha dain

KAbhi jo raaston kay faaslay katay na katein

KAbhi jo raat ki tanhai main tum saaye ko dhoondo

Kisi apnay ko tum socho

Kisi pyaaray ko tum dhoondo

To phir tum apni ungliyon kay darmiyaan kuch mehsoos kar lena

Apnay haath ki grifat main tum

Ik haath paao gay

Mujhay tum saath paao gay

Hamesha saath paao gay

Zindagi yeh meri janay kiya se kiya ho gayi

Tu jo bichra jana to meri her ada kho gayi

Tujhay dekh kar saja kartay thay is gulshan kay phool

Teri udaasi dekh kar in ki her muskaan toot gayi

Tera saath tha to her soo bahar thi

Tu jo rootha to jaisay meri her kushi so gayi

Kiyon tarsaatay ho hum be'qaraaron ko tum

Keh ab to is dil ki her gali hi veraan ho gayi

Lay kar zanjeer haathon main kuch log tumhari taak main hain

Aye ishq hamari galiyon main na aur phiray to acha hai

Teri yaad ki bhool buliyon main gum ho kar

Mujhay aksar chaaye thandi peeni parti hai

Yeh dil udaas hai bhout koi paighaam hi likh do

Yeh dil udaas hai bhout

Koi paighaam hi likh do

Tum apna naam likh do

Gumnaam hi likh do

Meri qismat main gham-e-tanhai hai magar

Tamaam umar na likho

Ek shaam hi likh do

YEh jaanta hoon keh umar bhar tanha mujh ko rehna hai

PAl do pal

Ghari do ghari

Mera naam hi likh do

Chalo hum maan letay hian

Keh saza kay mustahiq tehray

Koi inaam na likho

Koi ilzaam hi likh do

Chal tujhay dikha doon apnay apnay dil ki veeran galiyan

Shayed keh tujhay taras aa jaye meri udaas zindagi par

Mujhay maloom hai main us kay bina ji nahin sakta

Us ka bhi yahi haal hai , magar kisi aur kay liye