Mujhay iss se koi gharz nahi teray rubaru koi aur hai

Mujhay iss se koi gharz nahi teray rubaru koi aur hai

Meri khuwahishon k jahan main meri aarzu koi aur hai

Mujhay kal b teri talash thi mujhay ab b teri talash hai

Na wo justju koi aur thi na yeh justju koi aur hai

Main hadood-e-jism jo torr kar nikal gaya to pata chala

Jahan main hi main tha meri tarha wahan hubahu koi aur hai

Tujhay kaisay khud se juda karun tu juda nahi meri zaat se

Yeh btaa main koi aur hun ya btaa k tu koi aur hai

Raat kat'ti rahi chand dhalta raha

Raat kat'ti rahi chand dhalta raha

Aatish-e-hijar mein koi jalta raha

Ghar ki tanhaiyan dil ko das'ti rahi

Koi bechain karwat badal'ta raha

Aas-o-umeed ki sham'ma roshan rahi

Ghar ki dehleez ko koi tak'ta raha

Raat bhar chaandni gun'gunati rahi

Raat bhar koi tanha sisak'ta raha

Ashk palkun pey aha k bikhrtay rahay

Naam lab pey kisi ka larz'ta raha

Aaj phir raat basr ho hi gai

Aaj phir koi khud sey ulajh'ta raha.

Ajeeb rishta raha kuch is tarha apno say

Ajeeb rishta raha kuch is tarha apno say

Na nafrato ki wjaa mili...na mohabbaton ka silla mila

Thokar lagi to, apne muqaddar pe ja gira

Thokar lagi to, apne muqaddar pe ja gira

Phir yu huwa k, aaina pathar pe ja gira

Ehsaas_e_farz jab bhi huwa, neend aa gayi

Chalna tha pul-saraat pe, bister pe ja gira

Baazi mohabbaton ki jahaalat ne jeet li

Wo ban gaya khateeb, jo mimber pe ja gira

Khushbu qasoor-waar, nahi, is ko chor do

Me phool torte huwe, kanton pe ja gira

Sehraaon me liye phira iqbal paani ki justaju

Jab piyas mar gayi to, samundar pe ja gira

Dil k ufaq mein gumshuda sitara mil jaye

Dil k ufaq mein gumshuda sitara mil jaye

Shab-e-gham me koi jeene ka ishara mil jaye

Wo jo ek shakhs bohat kam mayassr hay aaj kal

Aarzoo ye hay k kisi roz wo sara mil jaye

Ye mumkin hay k tabeer b aik jeysi ho

Us k khaawbon se agr khaawb hamara mil jaye

Usey kehna k mulaqat udhoori thi wo

Usey kehna k kbhi aa kr dobara mil jaye

Naffaa-e-zeest ki kab hum ne tamanna ki hai

Kya ye kam hy k m0habbat ka khasara mil jaye