Aankhon kay paar chand

Aankhon kay paar chand 

Is kainaat rang main 

Duniya-e-sang main 

Hum qaid to nahin thay magar 

Is kay ba'wajood

Azadiyon ne lutf-e-rihaai nahin diya 

Chaha bhout keh apnay hi andar kabhi kahin 

Utrein , utar kay khud ko talashein kuch is tarah 

Haathon main apna khoj ho 

Dil main wisaal aag 

Pairon main aagahi kay bulandi raastay 

Lakin badan se rooh ki  in manzalon kay beech 

Woh raat thi keh kuch bhi samjhai na diya 

Koi wajood tha keh jo taari tha zaat par

Aankhon kay paar chand dikhai nahin diya 

Main yahan aur tu wahan jaana darmiyaan saath aasman jaana

Main yahan aur tu wahan jaana

Darmiyaan saath aasman jaana

Hum nahin hon gay aur duniya ko 

Tu sunaye ga dastaan jaana 

Dekhnay main to kuch nahin lakin 

Ik zamana hai darmiyan jaana

Ro rahay prind shakhon par

Jal gaya ho ga Aashiyan jaana 

Aur ik mohabbat mera asaasa hai  

Aur ik hijar pe garaan jaana

Yeh to socha na tha kabhi aansoo 

Aisay jayein gay raigaan jaana

Main teray baray main kuch ghalat keh doon 

Kat na jaye meri zuban jaana

Woh kuch is tarah bhi taqdeer bana deta hai

Woh kuch is tarah bhi taqdeer bana deta hai 

Dard ki rooh ko jageer bana deta hai 

Ik masehaai utar aati hai shairon main meray 

Koi alfaaz ko taseer bana deta hai 

Naqsh karta hai ujagar meri awazon ko

Baat karta hoon to tasveer bana deta hai 

Aankh masoom hai lakin koi karni wala 

Hadaf-e-dil kay liye teer bana deta hai 

Ghair leta hai nishanaat-e-qadam bhi Farhat 

Ishq ko halqa-e-zanjeer bana deta hai

 

Mout ka Aitabar kar letay do ghari intizaar kar letay

Mout ka Aitabar kar letay 

Do ghari intizaar kar letay 

Dard munh phair kar nahin jata 

Dard hi ikhtiyaar kar letay 

Loat kar phir yahi hua hota 

Tum kisi se bhi pyar kar letay 

Ae meray dil kabhi kabhi koi 

Shaam hi khush'gawar kar letay 

Jhoot ki nokri se behtar tha 

Khud ko be'roz'gaar kar letay

Aankh ki nigrani main bhi dil chori kar leta hai

Aankh ki nigrani main bhi 

Dil chori kar leta hai 

Gham ki nigrani main bhi 

Dil chori ho jata hai 

Raat , Mohabbat , Tanhai 

Saray roop tumharay hain 

Rangon ki barsaton ka 

Jadu sa kar jatay ho 

Jadu akrnay walon ko 

Jadu raas nahin aata 

Tum jadu kar jao gay 

Hum neki kar ajyein gay 

 

Aur nahin to us ko bhi bad'naam karon

Aur nahin to us ko bhi bad'naam karon 

Logo aakhir main bhi kuch to kaam karon 

Tor doon ya us pagal dil ko raam karon 

Kuch na kuch is qissay ka anjaam karon 

Tum bolo main geet likhon awazon par

Tum palkein jhapko ta keh main shaam karon 

Woh kiyon mujh ko likh de apni azadi 

Main kiyon apna jeewan us kay naam akron 

Fun ki khatar yeh to karna parta hai 

Apnay roz-o-shab waqf-e-alaam karon

Zakahm tehreer par sula lenay do

Zakahm tehreer par sula lenay do 

Yeh bhi jageer sula lenay do 

Shayed aa jaye gi phir neend hamein 

Naqsh-e-zanjeer sula lenay do 

Aankh jaye gi magar putli main 

Jo hai hai tasveer sula lenay do 

Zal'zalay chahnay walo mujh ko !

Shouq-e-tameer sula lenay do 

Shaher to so bhi chuka mar bhi chuka 

Aik raah'geer sula lenay do 

Aankh ghabraa hi na jaye "Farhat"

Rang-e-tabeer sula lenay do

Shaher-e-veeran kay darwaze se lag kar roye

Shaher-e-veeran kay darwaze se lag kar roye 

Apni pehchan kay darwaze se lag kar roye 

Apna pathar tha makan us ka keh youn lagta tha 

Hum biya'baan kay darwaze se lag kar roye 

Ab to hum kitni dafa aankhon ki aadat kay tufail 

Gham kay imkaan kay darwaze se lag kar roye 

Hum sataye huye duniya kay teray baad aksar 

Teray ehsaan kay darwaze se lag kar roye 

Koi awaz tasali na dilasa nikal 

Kaisay insaan kay darwaze se lag kar roye 

Hum ne kab dil se kaha tha bharri barsaton main 

Teray paimaan kay darwaze se lag kar roye 

Dil kay darwaze pe roye to laga hai "Farhat"

Jaisay zindaan kay darwaze se lag kar roye 

Aatay jatay huye parta rahay naqsh-e-kaf-e-paa

Aatay jatay huye parta rahay naqsh-e-kaf-e-paa

Dil mera shaher Mohammad ki zameen ho jaye

Jaa kay main teray saath le ayon

Jaa kay main teray saath le ayon 

Wasal ki chand raat le ayon 

Baith jaon kisi do'rahay par 

Maang kar tera haath le ayon 

Kitni sadiyon kay baad bolon main 

Lab pe ik teri baat le ayon 

Apni aankhon ki band galiyon se 

Aanso'on ki baraat le ayon 

Itni pooja karon keh main ik din 

Zaat main teri zaat le ayon