Dhoop Main Aik Ghair Aabaad Shaher Ka Nazara
Aik kunwan tha beech main ik peetal ka mor
Khaali shaher darona Kharra tha chaaron aur
Jan 5, 2017
Chand nikla baadlon se raat gehri ho gayi
Kohsaar murri main sardiyan
Chand nikla baadlon se raat gehri ho gayi
Jaisay yeh duniya Khuda ki goongi behri ho gayi
Daikh kar woh mujh ko nagan aur zehreeli ho gayi
Jisam resham ban gaya rangat sunehri ho gayi
Sar kay ooper shaakh thi aur us kay ooper aasman
Aankh us ki surakh aur rangat sunehri ho gayi
Laal peeli chand'dani barfon pe dhalti daikhna
Be'samar aandhi nazar rangon se jalti daikhna
Aik khawaish so tarah kay rukh badalti daikhna
Phailti hai shaam dekho doobta hai din ajab
Dushmano Kay Darmiyaan Shaam
Phailti hai shaam dekho doobta hai din ajab
Aasman par rang dekho ho gaya kaisa ghazab
Khait main aur lawn main ik ru'posh se dushman ka shak
Sar'sarahat saamp ki gandum ki wehshi gar mehak
Ik taraf dewaar-o-dar aur jalti bujhti batiyan
Ik taraf sar par kharra yeh mout jaisa aasman
Husan Main Gunnah Ki Khawaish
Husan Main Gunnah Ki Khawaish
Husan to bas 2 tarah ka khawab lagta hai mujhay
Aag main jalta hua
Ya barf main soya hua
Darmiyan main kuch nahin
Doob chala hai zehar main us ki aankhon ka her roop
Saatwan darr khulnay ka samaa
Doob chala hai zehar main us ki aankhon ka her roop
Dewaron par phail rahi hai pheeki pheeki dhoop
San'nata hai shaher main jaisay , aisi hai awaz
Ik darwaza khullay ga jaisay koi purana raaz
Roshniyan hi roshniyan Aur nohay thakkay jahazon kay
Sahili Shaher Main Aik Raat
Roshniyan hi roshniyan Aur nohay thakkay jahazon kay
Baarish main jaadu kay manzir khullay huye darwazon kay
Laakh jatan se bhi nahin maana
Dil ko dikhaya beetay dino kay hungamon ka tamasha bhi
Shaher hai sara pathar jaisa
Mera bhi dushman hai yeh aur us kay lahu ka pyasa bhi
Main bhi apni soch main gumm hoon
Pagal ho kar naach rahi woh hotal ki raqasa bhi
Khulli sarak veeran pari thi
Guzar'gaah par tamasha
Khulli sarak veeran pari thi
Bhout ajab thi shaam
Ooncha qad aur chaal niraali
Nazrein khoon Aashaam
Saray badan par maccha hua tha
Rangon ka kohraam
Laal hont youn dehak rahay thay
Jaisay lahoo ka jaam
Aisa husan tha us larki main
That'tahk gaye sab log
Kaisay khush khush chalay thay ghar ko
Lag gaya kaisa rog
Main to beetay dino ki khoj main hoon
Main to beetay dino ki khoj main hoon
Tu kahan tak chalay ga meray saath
Hamaray Aaitabaar ki had poocthay ho to lo Suno
Hamaray Aaitabaar ki had poocthay ho to lo Suno !!
Unhon ne din ko kaha raat . . . . To hum so gaye !!
Tu rooth kar gaya hai to mat aa keh mujh se
Tu rooth kar gaya hai to mat aa keh mujh se
Youn manzar teri shakist ka daikha na jaye ga
Subscribe to:
Posts (Atom)
