Agar main poochta baadil kidher ko jatay hain

Agar main poochta baadil kidher ko jatay hain 

Jawab main koi aansu bahaya karta tha 

Hamaray ghar kay qareeb aik jheel hoti thi 

Aur uss main shaam ko suraj nahaya karta tha 

Yeh zindagi to mujhay teray paas lay aayi 

Yeh raasta to kahin aur jaaya karta tha 

Jab sitaray hi nahin mil paye

Jab sitaray hi nahin mil paye 

Lay kay hum shams-o-qamar kya kartay 

Detay hain dhoka sab hi khaloos kay saath

Detay hain dhoka sab hi khaloos kay saath 

Talaash karta hoon bhout apno main , apno ko 

Main uss ki das'taras main hoon , magar woh

Main uss ki das'taras main hoon , magar woh 

Mujhay meri raza se maangta hai 

Aaina phailaa raha hai khud faraibi ka marz

Aaina phailaa raha hai khud faraibi ka marz 

Her kisi se keh raha hai " aap sa koi nahin "

Hamein koi talab'gaar chahiye

Hamein koi talab'gaar chahiye 

Apna koi kharidaar chahiye 

Mohabbat kam nahin karna

Mohabbat kam nahin karna 

Koi bhi rog de dena .....!

Koi bhi naam de dena ....!

Nahin subha suhaani to ghamon ki shaam de dena 

Magar itni guzarish hai 

Meri tareek raaton se

Tum apni chahaton ki lo kabhi madham nahin karna 

Mohabbat kam nahin karna .......!

Mohabbat kam nahin karna .......!

Uss ki umeed-e-naaz ka hum se yeh maan tha keh aap

Uss ki umeed-e-naaz ka hum se yeh maan tha keh aap 

Umar guzaar deejiye , umar guzaar di gayi 

Zindagi kya , teri chahat ki ridaa ho jaisay

Zindagi kya , teri chahat ki ridaa ho jaisay 

Bandagi kya , teray milnay ki dua ho jaisay  

Akelay chor jatay ho yeh tum acha nahin kartay

Akelay chor jatay ho yeh tum acha nahin kartay 

Hamara dil jalatay ho yeh tum acha nahin kartay 

Kaha bhi tha yaari hai yaari hi rakho iss ko 

Tamasha jo banatay ho yeh tum acha nahin kartay 

Utha'tay ho sar-e-mehfil falak tak tum hamein lakin 

Utha kar jo giraatay ho yeh tum acha nahin kartay 

Koi jo pooch lay tum se keh rishta kya hai ab hum se 

to nazron ko jhukatay ho yeh tum acha nahin kartay 

Bikhar jayein andheron main , sahara tum hi detay ho 

Magar phir chor jatay ho yeh tum acha nahin kartay