Aag ky do naam hain
aag ky do naam hain
nafrat aur mohabbat
dono hi dil ko jalatay hain
raton ki neend uratay hain
dono hi bhout sta'tay hain
tanhai main tarpatay hain
Jun 3, 2014
Tumhara lehja badal raha hai
Tumhara lehja badal raha hai
wohi hai dharti , falaq wohi hai
yeh dil bhanwar se naina
yaqeen wohi hai gumaan wohi hai
yaqeen wohi hai gumaan wohi hai
yeh chaand aur keh'kishaan wohi hai
tumhari surat tumharo moorat
tumhari batein wohi hain lakin
bhout dino se youn lag raha hai
sam'aton se utar ky suraj pighal raha hai
tumhara lehja badal raha hai ...
I will miss you
I will miss you
Janey se pehlay
us ne meray aanchal se
ik fiqra baandh diya
I will miss you
sara safar
kushboo main basa raha
Jab haath dua ko uthtay hain
Jab haath dua ko uthtay hain
Alfaaz kahin kho jatay hain
bas deehan tumhara rehta hai
aur ansoo behtay rehtay hain
her khwaab tumhara poora ho
us rab ki minat karti hoon
main aisi mohabbat karti hoon
tum kaisi mohabbat kartay ho
hum ko pyaar hua Poori hui dua
Zindagi ki neendon ki subha ishq hai
Bari khoobsurat si saza ishq hai
hum ko pyaar hua Poori hui dua
Chal chlein kahin urr ky hum chlein kahin
Assman ishq hai khwaishon sa khula hai
Mujh ko choo gaya ik ehsaas un choua
Jaisay koi nasha aasmaan main ghulla hai
pyaar hua hum ko pyaar hua poori hui dua
hum ko pyaar hua poori hui dua
Khwaabon main kabhi main ne socha tha nahin
chahaton ka khuda mujh ko itna youn dy ga
be'fikar chala ' apni yeh dagar chala
kiya pata tha keh dil teri khatir ruky ga
pyaar hua hum ko pyaar hua poori hui dua
hum ko pyaar hua poori hui dua
Kahay mujhay mera yeh rasta hai
kyn na zara sa tu bhatakta hai
ab to hai nayaab yeh safar
zara kaho to meri manzal se
dekhay meri raah woh sahil se
tu hi tu hai khwaab yeh safar
kroon dil ne thori si be'maniyaan
di hain khoobsuart si parishaniyaan
hum ko pyaar hua poori hui dua
hum ko pyaar hua poori hui dua
Chal chlein kahin urr ky hum chlein kahin
Assman ishq hai khwaishon sa khula hai
Mujh ko choo gaya ik ehsaas un choua
Jaisay koi nasha aasmaan main ghulla hai
pyaar hua hum ko pyaar hua poori hui dua
hum ko pyaar hua poori hui dua
Kamli Dhoom 3(Song Lyrics)
Main rootheya yaar manaavan gi
her chilman phoonk jalaavan gi
Jad pathar ranjha pighle ga
tad main kamli kehlanvan gi ,
tad main kamli kehlanvan gi
Mahaiya , Mahaiya .............
Meray mahiya sanam jaanam ki vi kariya nameedaanam
shab guzri te jag soya ni main jagiya nameedanaam
Ni main kamli kamli ni main kamli kamli
Ne main kamli kamli ni main kamli kamli yaar di
Jheel dil ko kar gaya tu dariya dariya meray yara
ankhiyaan dy mohallay mian her shaam tera aalam
shab guzri ty jag soya ni main jageya nameedaanam
Meray mahiya sanam jaanam ki vi kariya nameedaanam
shab guzri te jag soya ni main jagiya nameedanaam
MAin to pehan ky safa kesariya jugni joogan ban jaoon
Surmey dy kaalay jadoo se keh de to jog bhulaun
Ni main kamli kamli ni main kamli kamli
Main to sehar di thandi shabnam haan gulshan ka itar churaon
rukh badlon to sailaab hoon main parbat vi cheer dikhaoon
Ni main kamli kamli ni main kamli kamli
Ne main kamli kamli ni main kamli kamli yaar di
Be'khudi main to khudi ka zariya zariya mere yara
jhalar main sitaron ka chann warga tu yaaram
shab guzri ty jag soya ni main jageya nameedaanam
Meray mahiya sanam jaanam ki vi kariya nameedaanam
shab guzri te jag soya ni main jagiya nameedanaam
Ni main kamli kamli ni main kamli kamli
Ne main kamli kamli ni main kamli kamli yaar di
Dil aaj kal meri sunta nahin
Dil aaj kal meri sunta nahin
Dil aaj kal paas rehta nahin
Yeh tujh se hi milney ko chahye
Yeh teri hi karta hai batein
Kiya tum ho , kiya tum ho wohi
Dil aaj kal meri sunta nahin
Dil aaj kal
Hai hunar ik naya is ko tujh se mila
Muskura keh yeh milta hai sab se abhi
Be'khabar yeh zamaney se takrata hai
be'dharadak mujh se kehta hai main hoon youn hi
Yeh tujh se hi mil ky hua hai
Jo teri nazar ne chuaa hai
Kiya tum ho , kiya tum ho wohi
Dil aaj kal meri sunta nahin
Dil aaj kal
Jun 2, 2014
Da'iron main chaltay hain
Da'iron main chaltay hain
Da'iron main chalnay se
Dairay to barhtay hain
Faaslay nahin ghat'tay
Aarzuein chalti hain
Jis taraf ko jatay hain
Manziliein tamana ki
Sath sath chalti hain
Gard urti rehti hai
Dard barhta jata hai
Raastay nahin ghat'tay
Subha dam sitaron ki
Tez jhil'milahat ko
Roshni ki aamad ka
Paish baab kehtay hain
Ik kiran jo milti hai
Aaftab kehtay hain
Da'ira badalnay ko inqalab kehtay hain
Meray khawabon ke jhrokay ko sajaney wali
Meray khawabon ke jhrokay ko sajaney wali
Teray khawabon main kahin mera guzar hai keh nahin
Pooch kar apni nigahon se bata de mujh ko
Meri raaton kay muqaddar main sehar hai keh nahin
Chaar din ki yeh rafaqat bhi nahin
Umar bhar kay liye azaar hui jati hai
Zindagi youn to hamesha se parishan si thi
Ab to her saan garaan baar si hui jati hai
Meri ujri hui neendon kay shabistan main
Tu kisi khawab kay paikar ki tarah aayi hai
KAbhi apni kabhi ghair nazar aati hai
KAbhi ikhlaas ki murat kabhi har'jaai
Pyar par bas to nahin mera lakin phir bhi
Tu bata de tujhay pyar karon ya na karon
Tu ne khud apnay tabasum se jagaya hai jinhein
Un tamanaon ka izhaar karon ya na karon
Tu kisi aur kay daman ki kali hai lakin
Meri raatein teri khushbu se basi rehti hain
Tu kahin bhi ho , teray phool jaisay aariz ki qasam
Teri palkein meri aankhon pe jhuki rehti hain
Teray hathon ki haraarat , teri sanson ki mehak
Tairati rehti hai ehsaas ki pinhaai main
Dhoondti rehti hain takhiyul ki baanhein tujh ko
Sard raaton ki sulagti hui tanhai main
Tera iltaf-o-karam ik haqeeqat hai magar
YEh haqeeqat bhi haqeeqat main fasana hi na ho
Teri manoos nigahon ka yeh mohtaat payam
Dil kay khoon karnay ka ik aur bahana hi na ho
Kon janay meray imroz ka farda kya hai
Qurbatein bakhat-e-parishan bhi ho jati hain
Dil kay daman se lipti hui rangeen nazrein
Dekhtay dekhtay anjaan bhi ho jati hain
Meri darmanda jawani ki tanhaiyon kay
Muzmahil khawab ki taqdeer bata de mujh ko
Teray daman main gulistan bhi hain veeranay bhi
Mera hasil ! meri taqdeer bata de mujh ko
Ayat-e-hijar phoonk kar jaisay Soch raha hoon
Ayat-e-hijar phoonk kar jaisay
Kar diya ishq ne hanoot mujhay , , !
Subscribe to:
Posts (Atom)
