Baa awaaz-e-buland ya sar-ba-sujood

Baa awaaz-e-buland ya sar-ba-sujood 

Sajda karo iltija karo

Jo dil se niklay tumharay meray liye 

Aisi ik dua karo 

Kitni sadiyaan guzri is baat ko 

Tumhain milnay ko ab aankhain tarsein 

Jo tum ko mujh se mila sakay

Tum aisa koi silsala karo 

Jaaiz hai us rishtay ka tootna

Jis main milnay ki chah na ho 

Chahte ho gar apna mujh ko 

To her roz mujh se mila karo

Guzraa zamana teri mohabbat ka

Guzraa zamana teri mohabbat ka 

Ik bhooli hui kahani hai 

Teray koochay main umar bhar na gaye

Sari duniya ki khaak chaani hai 

Lazat-e-wasal ho Keh zakham-e-firaaq

Jo bhi hi teri meharbaani hai 

Kis tamana se tujh ko chaha tha 

Kis mohabbat se haar mani hai 

Apni qismat pe naaz karta hoon 

Jab teray shaher se guzarta hoon

Her taraf dhund hai , jugnoo hai na chraagh hai

Her taraf dhund hai , jugnoo hai na chraagh hai 

Kon pehchanay ga , basti main agar jaon ga 

Zindagi main bhi musafir hoon teri kashti ka 

Tu jahan mujh se kahay gi utar jaaon ga

Phool reh jayein gy gul'daan main yaadon ki nazar 

Main to kushboo hoon fizaon main bikhar jayon ga 

Itn atoota hoon keh choonay se bikhar jaaon  ga

Ab agar aur dua do gi to mar jaaon ga

Paas itna kyoun meray aa rahay ho

Paas itna kyoun meray aa rahay ho 

Piyaar itna kiyon jata rahay ho 

Manzoor nahin hum ko piyaar tumhara 

Phir kiyon meray peechay aa rahay ho 

Thak gayi hoon main zakham bhartay bhartay 

Tum kiyon inhain aur barha rahay ho 

Andheron main seekh liya hai jeena 

Chraaghon ko kiyon jala rahay ho 

Tanhai main umar hai guzri

Kiyon mehfalon main bula rahay ho

Uljhi hui hai meri zindagi 

Tum kiyon issay suljha rahay ho 

Ghamon se hai apna rishta puraana 

Tum kiyon inhain cheenay ja rahay ho 

Ho sakta nahin jo sach kabhi bhi 

Sapnay aisay kiyon dikha rahay ho 

Rehnay bhi do mujhay meray haal pe 

Kiyon tum mujhay samjha rahay ho 

Mar chuka hoon main kab ka 

Laash meri ab kiyon jala rahay ho

Aap bhout yaad atay hain

Aap bhout yaad atay hain 

Ghan'ghor ghata ati hai jab 

Nadiyaan ghoomti gaati hain jab 

Lehrain shor machati hain jab 

Aap bhout yaad atay hain 

Badal baras ky chat jatay hain 

Qatray moti ban jatay hain 

Kirnain rang bakhairati hain jab 

Aap bhout yaad atay hain

Do dewane jab miltay hain 

Phool mohabbat ky jab khiltay hain 

Dewaarain bhi geet gati hain 

Aap bhout yaad atay hain 

Chanda tumhari yaadain ly kar 

Kirnoon ki barsaatain ly kar 

Chandani raatain ati hain jab 

Aap bhout yaad atay hain

Main jis ky dil ki kitaab banta

Main jis ky dil ki kitaab banta 

Main jis ki chahat ka khwaab banta 

Main hijar mousam ki lambi raaton main 

Yaad ban kar azaab banta 

Koi to hota 

Jo meri khwaish main uth kar raaton ko khoob rota 

Dukhon ki chadar lapait kar hajoom-e-duniya se door hota 

Main rooth jata manata mujh ko 

Keh chahay mera qasoor hota 

Koi to hota 

Jo mujh ko dil ka qaraar kehta 

Ragoon ka apni fishaar kehta 

Udaas mousamon main tazgi ki biyaar ban kar 

Jo meri baanhon ko arzoo ka diyaar kehta 

Koi to hota 

Main jis ky itna qareeb hota 

Na paas koi rakeeb hota 

Main tanha us ka habib hota 

Yeh silsala bhi ajeeb hota 

Koi to hota , aye kaask

Koi to hota

Laaon kahan se dhoond kay yaadon ki roshni

Laaon kahan se dhoond kay yaadon ki roshni

Tareek ho gaya hai mohabbat ka yeh safar 

Andheray mangnay aye thay roshni ki bheek 

Hum apna ghar na jalatay to aur kiya kartay 

Resham hoon roshni ka hawaon main urr na jayon 

Tu mujh ko apnay lams ky anchal main de pannah 

Tum bhi denay lagi duniya ko andheron ka pata 

Roshni bhi to thi ek zamanay kay liye 

Yeh kiya kahabar thi keh daka paray ga aankhon par 

Hamaray ghar main hamain roshni ne loota hai

Milti hai mujh ko is ki lakeeron main roshni 

Main jab shafeeq dekhta hoon apnay hath ko

Ussay dekho jo tumhari taraf dekhta hai

Ussay dekho jo tumhari taraf dekhta hai 

Us se mohabbat karo jo tum se mohabbat karta hai 

Us ki suno jo tumhari sunta hai 

Aur apna hath ussay jo thamna chahta hai

Jo umda guftagoo karta hai 

Woh mohabbat karnay main dair nahin karta 

Afreen hai us mohabbat par jo izhaar 

Jo izhaar se qabool ho jaye

Mohabbat apnay aap  ko paish karti hai 

Issay khreeda nahin ja sakta 

Mohabbat aik aisi cheez hai 

Jo seekhnay aur batanay ki nahin 

Mohabbat aur shak 

Aik dil main jama nahin hotay 

Mohabbat dukhon ki sar zameen 

Aur ansoo'on ka samandar hai 

Yeh mout ky waday aur zindagi ka khatama hai 

Mohabbat agar sachi ho to manzal tak

Ponchana asaan hai 

Mohabbat kartay hain to zindagi

Bahaar kay liye karo

Chand dino kay liye nahin 

Jazbaat , ehsaasat , azmaishon 

Aur khwaishaat se mat khelo

Us ne bhi loat ky anay main umar ganwa di

Us ne bhi loat kay anay main umar ganwa di

Jis ko so baar kaha shaam na honay dena

Be'khawabi kay aadi hum bhi jab se huye hain

Be'khawabi kay aadi hum bhi 

Jab se huye hain 

Khawab sohanay bikar gaye hain 

Guriyan aur patolay jab se

Chootay tab se ....

Meet puranay bichar gaye hain 

Sach poocho to ..............

Dil to apna ab bhi chahye 

Mazi apna palat kay aaye 

Raat ko saray bachay phir se 

Aankh macholi khelein phir se

Lakin jana .......

Ab yeh sab kuch kab mumkin hai 

Umar kay pal kay neechay se to 

Khasa pani guzar chuka hai

Charhta dariya utar chuka hai