Kal ajab saaniha sa hua rait par

Kal ajab saaniha sa hua rait par 

Naam tera nahin likh saka rait par 

Kis ki awaaz se tham gaye hain qadam 

Phir se kis ne mujhay di sada rait par 

Us ki aankhon se sholay nikaltay rahay 

Naachti reh gayi kal ghatta rait par 

Tu ne jo bhi hawa se kaha reh gaya 

Mit gaya main ne jo bhi likha rait par 

Ab yeh sehraa hi tere muqadar main hain 

Tu ne maangi hi kiyon thi dua rait par 

Ek shola utha us jaga se wasi 

Mera aansoo jahan gir gaya rait par 

Naam tera nahin likh saka rait par

Kal ajab saaniha sa hua rait par 

Naam tera nahin likh saka rait par 

Kis ki awaaz se tham gaye hain qadam 

Phir se kis ne mujhay di sada rait par 

Us ki aankhon se sholay nikaltay rahay 

Naachti reh gayi kal ghatta rait par 

Tu ne jo bhi hawa se kaha reh gaya 

Mit gaya main ne jo bhi likha rait par 

Ab yeh sehraa hi tere muqadar main hain 

Tu ne maangi hi kiyon thi dua rait par 

Ek shola utha us jaga se wasi 

Mera aansoo jahan gir gaya rait par 

Alag mizaaj hai apna tamaam logon se

Alag mizaaj hai apna tamaam logon se 

Tamaam qisson main qissa juda hamara hai

Bhout hai shor magar itmanaan bhi keh yahan 

Koi to hai jo sukhan ashnaa hamara hai

Arsa-e-zeest ki khamosh guzar'gaahon main

Arsa-e-zeest ki khamosh guzar'gaahon main 

Ajnabi aatay hain miltay hain , bichar jaatay hain 

Safha-e-zehan pe reh jaatay hain yaadon kay naqoosh

Waqat kay haathon bantay hain , bigar jaatay hain

Dil ko teri chahat pe bharosa bhi bhout hai

Dil ko teri chahat pe bharosa bhi bhout hai 

Aur tujh se bichar jane ka dar bhi nahin jaata 

Pagal huye jaatay ho faraz us se mile kiya 

Itni si khushi se koi mar bhi nahin jaata

Jhooti sachi tabeeron ki khwaish main

Jhooti sachi tabeeron ki khwaish main 

Kaisay kaisay khwaab bikhar jaatay hain 

Phir se toot kay ronay ki rit ayi hai

Phir se dilon kay zakham nikhartay jaatay hain

Khird kay paas khabar kay siwa kuch aur nahin

Khird kay paas khabar kay siwa kuch aur nahin 

Tera ilaaj nazar kai siwa kuch aur nahin 

Her ik maqaam se aagay maqaam hau tera

Hayaat zouq-e-safar kay siwa kuch aur nahin

Kabhi kabhi dil yeh chaata hai

Kabhi kabhi dil yeh chaata hai 

Tumhari shaamon ka haal poochon 

Sawaal poochon 

Keh fikar-e-farda main kaisi guzri

Youn hi kabhi mera naam aya tumharay honton pe aik pal ko 

Meri mohabbat ki yaad mehki , kabhi tumharay bhi raaston main 

Kabhi kisi din tumhari subha kay dar pe jaagi sada-e-dastak

Kabhi ibaadat ki kaifiyat main tumhain mera bhi gumaan guzra 

Tumharay sehan-e-dua se mera bhi dhiyaan guzra 

KAbhi tumharay badan pe bhi shab azaab ban kay tehar gayi thi

Kabhi kabhi dil yeh chahata hai sawaal poochon 

MAgar main chup hoon 

Hamaray ma'bain yeh jo dewaar-e-ajnabiyat hai yeh ghaneemat 

Isi main toqeer-e-harf-o-lab hai 

Yahain pe tark-o-talab ki had hai

Mar kar khaak kay putlay pe gharoor-o-be'niazi itni

Mar kar khaak kay putlay pe gharoor-o-be'niazi itni 

Khud ko khudi main jhaank kar dekh tujh main rakha kya hai

Andheri raat ka yeh moh'jaza dikhaaein gay hum

Andheri raat ka yeh moh'jaza dikhaaein gay hum 

Chragh agar na mila apna dil jalayein gay hum 

Hamari koh'kani kay hain mukhtalif mayaar 

Pahaar kaat kay rastay naye banaein gay hum 

Jo dil dukha hai to yeh azam bhi mila hai hamain 

Tamaam umar kisi ka na dil dukhaein gay hum 

Bhout nidhaal hain sastaa to lain gay pal do pal 

Ulajh gaya kahin daaman to kiyon churain gay hum 

Agar hai mout main kuch lutaf bas to itna hai 

Keh is kay baad khuda ka suragh payein gay hum 

Hamain to qabar bhi tanha na kar sakay gi "Nadeem"

Keh her taraf se zameen ko qareeb payein gay hum