Youn chaliye raah-e-shouq main jaisay hawa chalay

Youn chaliye raah-e-shouq main jaisay hawa chalay 

Hum baith baith kar jo chalay bhi to kiya chalay ?

BAithay udaas, uthay parishaan , khafa chalay 

Poochay to koi aap se , kya aaye kya chalay 

Aayein gi toot toot kar qasid par Aaftein 

Ghafil idher udhar bhi zara dekhta chalay 

Hum saath ho liye to kaha us ne ghair se 

Aata hai kon is se kaho yeh juda chalay

Baalain se meray aaj woh yeh keh kay uthay gi 

Is par dawa chalay na kisi ki dua chalay 

Moosa ki tarah raah main poochi na raah-e-raast 

Khamosh khizar saath hamaray chala chalay 

Afsaana-e-raqeeb bhi lo be'asar hua 

Bigrri jo sach kehnay se wahan jhoot kya chalay 

Rakha dil-o-dimaagh ko to rok thaam kar 

Is umar-e-be'wafa pe mera zor kya chalay 

BAitah hai Aitakaaf main kiya "Daagh" roza'daar 

Ae kaash meh'kaday ko yeh mard-e-khuda chalay 

Faraz ihsq ki duniya to khoob'surat thi

Faraz ihsq ki duniya to khoob'surat thi 

Yeh kis ne fitna-e-hijar-o-wisaal rakha hai

Mujhay ab tum se dar lagnay laga hai

Mujhay ab tum se dar lagnay laga hai 

Tumhain mujh se mohabbat ho gayi kiya ?

Shakist , Aitamaad , zaat kay waqat 

Qayamat aa rahi thi , Aa gayi kiya ?

Mujhay shikwa nahin bas poochna hai 

Yeh tum hansti ho , apni hi hansi kya?

Hamein shikwa nahin aik doosray se 

Mana'na chahiye is par khushi kya ?

Paray hain aik goshay main gumaan kay hum 

Bhala hum kya , hamari zindagi kya 

MAin ab her shakhs se uktaa chuka hoon 

Faqat kuch dost hain , aur dost bhi kya 

Yeh taa'luq bhi bhout khoob raha hai kuch din

Yeh taa'luq bhi bhout khoob raha hai kuch din 

Tu meray naam se mansoob raha hai kuch din 

Aankh ro ro kay teri raah taka karti thi 

Dil teri yaad se maghloob raha hai kuch din 

Teri tasbeeh bana kar tujhay socha karna 

Mashgala yeh mera marghoob raha hai kuch din 

Shayed is baat ka matlab main samjh na paaon 

Kiyon mera dil tujhay matloob raha hai kuch din

Ik ghazal us pe likhon dil ka takaza hai bhout

Ik ghazal us pe likhon dil ka takaza hai bhout 

In dino khud se bichar janay ka dharka hai bhout 

Raat ho din ho ghaflat ho keh baidaari ho 

US ko dekha to nahin hai ussay socha hai bhout 

Tishnagi kay bhi maqamaat hain kya kya yehni 

KAbhi dariya nahin kaafi , kabhi qatra hai bhout 

Meray haathon ki lakeeron kay izaafay hain gawah 

MAin ne pathar ki tarah khud ko tarasha hai bhout 

Koi aya hai zaroor aur yahan tehra bhi hai

Ghar ki dehleez pe ae noor ujaala hai bhout

Dil'kash parinda (Nazam)

Dil'kash parinda 

Hamra zehan ik azaad panchi ki tarah se hai 

Jo her ik pal 

Kisi parwaaz ko tiyaar rehta hai 

Magar kuch log is ko aik pinjray main 

Muqeed kar kay rakhtay hain 

Issay sonay ka dana to khilaatay hain 

MAgar 

Azaad hi honay nahin detay 

Issay apni khushi aur apni khwaish se 

KAbhi chughnay nahin detay 

KAbhi sonay nahin detay 

YEh hansana chahata hai to 

Issay hansanay nahin detay 

YEh rona chahta hai to 

Issay ronay nahin detay 

Bhout si khoobsurat manzalon ko
Kabhi panay nahin detay 

Kabhi bad'boo zada be'rang be'wuqat rawiyon ko 

Kabhi khonay nahin detay 

MAgar 

Meray zehan main jo prinda hai 

Bara sar'kash bara baaghi hai yeh 

YEh meray dil ki tehni par 

teharta hi nahin aa kar 

Hamesha khol kay par 

Soch ki parwaaz ko tiyaar rehta hai 

YEh her ik shakhs ka daala hua 

Daana  nahin chughta

Kisi bhi do'ghlay chehray ko gar dekhye

Shor karnay se nahin rukta 

Issay jab chot lagti hai 

Tarapta hai 

Phar'rakta hai 

Jhagarta hai 

Kabhi Aansoo giraata hai 

Kabhi fariyaad karta hai 

Mujhay yeh tang karta hai 

YEh mujh se jung karta hai 

Magar phir bhi 

Bara na'yaab panchi hai

Bara dil'kash prinda hai 

Mujhay is se mohabbat hai 

Khushi hai keh yeh zinda hai 

Kabhi yeh rooth jaata hai 

Kabhi yeh maan leta hai 

Magar mujh se mukhatab ho 

To meri jaan leta hai 

Meray saaray iraadon ko

Kasooti par parakhta hai 

Na jab tak faisala de dy 

Hamara dil dharakta hai 

Hamesha din nikalta hai 

Hamesha raat hoti hai 

Magar is kay liye andar koi

Be'mousami be'waqat ki barsaat hoti hai 

Yeh baarish is kay dil'kash par kay ooper 

Aag ki tarah barasti hai 

Jhulasti is main is ki saari ki saari 

hi hasti hai 

Paron ko khol kar 

Aankhon ko apni band kar kay 

Oper ko munh utha'ta hai 

Mujhay mehsoos hota hai

Madad kay wastay apni 

Khuda ko bulaata hai 

YEh us se kar kay astagh'faar 

Haal-e-dil sunaata hai 

Baat-be-baat pe hansanay walo

Baat-be-baat pe hansanay walo 

Tumhain kya maloom 

Andar ki ghutan kya hoti hai 

Satah-e-Aab ki lehrain gin'nanay walo 

Tum kya samjho gehraai kya hoti hai 

Apni aankhon ko tarawat ki tez chamak se chaka chond karnay walo 

Bhookay logo ! tumhain kiya maloom bhook kiya hoti hai 

Zindagi ko arzaan rakhnay walo 

Na'shukray logo 

Tumhain kya maloom , zindagi ki qeemat 

Mout ki talkhi kya hoti hai 

Saans ki dori kya hoti hai ?

Raaton ko gehri neend sonay walay 

Be'hiss logo 

Rat'jagon ki nafrat main 

Kitna karb hota hai 

Baat-be-baat hansnay walo 

Tumhain kya maloom dard ki tees kya hai

Tumhain kya maloom andar ki ghutan kya hai 

Tum kya samjho 

Tum kya jano 

Soch be'ghar , Aankh pathar , lab maqfal ho gaye

Soch be'ghar , Aankh pathar , lab maqfal ho gaye 

Raabton kay silsalay saaray 

Mo'atal ho gaye 

Dastaan ik khwaab ki 

Mutthi main hi simati rahi 

Aur kuch kirdaar youn phailay 

Mufasal ho gaye

Suno jo bhook hoti hai bhout safaak hoti hai

Suno jo bhook hoti hai 

Bhout safaak hoti hai 

Kisi firqay kisi mazhab se is ka wasta kaisa 

Tarapti Aant main jab bhook ka shola bharakta hai 

To woh tehzeeb kay be'rang kaaghaz ko 

Tamadan ki sabhi jhooti daleelon ko 

Jala kar raakh karta hai 

Nazar bhooki ho to phir chodween ka chaand bhi roti sa lagta hai 

Khudi ka fal'safa 

Jhooti daleelain sab sharafat ki 

Mehaz bakwas lagti hain 

HAqeeqat main yahi sab se bara sach hai 

Keh yeh jo bhook hoti hai 

Bari bad'zaat hoti hai

Chalo woh ishq nahin, chahnay ki aadat hai

Chalo woh ishq nahin, chahnay ki aadat hai 

Yeh kya karain hamian doobnay ki aadat hai 

Tu apni sheesha'gari ka hunar na kar zaa'ia

Main Aaina hoon mujhay tootnay ki aadat hai 

Main kya kahoon keh mujhay sabar kiyon nahin aata 

Main kiya karon keh tujhay dekhnay ki aadat hai 

Teray naseeb main Ae dil , sada ki mehroomi 

Na woh sakhi , na tujhay maangnay ki aadat hai 

Wisaal main bhi wohi hai firaaq ka Aalam 

Keh us ko neend mujhay Mujhay rat'jagay ki aadat hai 

Yeh muskalain to phir kaisay raastay teh hon gay 

Main na'saboor ussay sochnay ki aadat hai 

Yeh khud'Aziyati kab tak faraz tu bhi ussay 

Na yaad kar keh jissay bhoolnay ki aadat hai