Imran's Poetry

Mar 19, 2015

Mulaqaatein zaroori hain , agar rishtay bachanay hain

Laga kar bhool janay se to poday sookh jatay hain

Zinda hoon magar zindagi se door hoon main

Aaj kiyon is qadar majboor hoon main

Bina jurm kay hi saza milti hai mujhay

Kis se kahoon keh aakhir be'qasoor hoon main

Meri khamoshiyon ka sabab hain yeh gham meray

Phir kiyon duniya samjhti hai keh maghroor hoon main

Aaj phir shiddat-e-gham ne rula diya mujh ko

Aaj lagta hai keh zakhmon se choor choor hoon main

Eid kay roz bhi majboor thay taqdeer se hum

Ro paray mil kay galay aap ki tasveer se hum

Mera jo kuch hai tera hai , teray liye hi to hai

Tu agar jaan bhi maangay to tujhay detay hain

Hum ne kya kya na kiya pyaar main O meray sanam

Phir bhi mehroom rahay teri wafaon se hum

Teri yaadon ne shamma ban kay jalaya hai mujhay

Parwano ki tarah is aag main jaltay rahay hum

Tum ne kaha tha loat Aaon ga Eid pe

Eid ka din hai loat aayo warna mar jayein gay hum

Koi mila hamein chand ki chandani ban kar

Koi mili pariyon ki kahan ban kar

Par jis kisi ko palkon main basaya hum ne

Woh nikal gaya aankh se pani ban kar

Main shab ki bhi mujrim hoon , sheher ki bhi hoon mujrim

Yaaro mujhay is sheher kay adaab sikha do

Kaha us ne mujhay tum se mohabbat ho nahin sakti

Kaha main ne zara bach kay dekho maan jaaon gi

Kaha us ne bhout maghroor ho tum apnay lafzon main

Kaha main ne keh lafzon ko sach kar dikhaa'on gi

Kaha us ne agar na paa sakay mujh ko to phir bolo

Kaha main ne qasam teri zamana chor jaaon gi

Tarap kar kaha us ne keh suno youn nahin kehtay

Kaha main ne mohabbat ho to aisay chup nahin rehtay

Suno mohabbat youn nahin hoti

Kisi ka naam lenay se

Kisi ko thaam lenay se

Kisi ko paa lenay se

Kisi kay door janay se

Mohabbat ka janam nahin hota

Jab talak dilon ka milan nahin hota

Suno mohabbat youn nahin hoti

Yeh raabta hai dil se dil ka

Yeh naam hai be'tarteeb

Dharkano ka

Mohabbat to aankhon se biyaan hoti hai

Yeh to dil ki zubaan hoti hai

Mohabbat youn nahin hoti

Apnay apnay hoslay, apni apni talab ki baat hai

Chun liya hum ne tumhain , sara jahan rehnay diya

Na peechay murr kay dekho , na awaz do mujhya

Bari mushkil se seekha hai main ne alwida kehna

Khuda karay keh salamat rahay dua ki tarah

Aik tu aur doosra muskurana tera