Imran's Poetry

Apr 29, 2015

Her dam zubaan-e-yaar pe yadish bakhair tha

Kehti hai tujh ko khalq-e-khuda ghaibaana kya

Shab-e-firaaq katti roz-e-intizaar aaya

Keh tareeki main saya bhi juda rehta hai insaan se

Suntay hain keh haath us se maseeha ne uthaya

Din Aaish kay ghariyon main guzar jatay hain kaisay

Tumhein haq ne aisa banaya to dekha

Phir patton ki pazaib baji tum yaad aaye

Phir koonjein bolein ghus kay haray samnadar main

Rutt ayi peelay phoolon ki tum yaad aaye

Phir kaga bolay ghar kay soonay aangan main

Phir amrat ras ki boond pari tum yaad aaye

Pehlay to main cheekh kay roya aur phir hansnay laga

Badal garja , bijli chamki , tum yaad aaye

Din bhar to main duniya kay dhandon main khoya raha

Jab dewaaron se dhoop dhali tum yaad aaye

Melay main is jahan kay khonay nahin diya

Aankh kehti hai teray dil main talab hai koi

Aanch aati hai teray jism ki uriyaati se

Pehrahin hai keh sulagti hui shab hai koi

Hosh urranay lagein phir chand ki thandi kirnein

Teri basti main hoon ya khwaab-e-tarb hai koi

Geet banti hai teray shaher ki bhar'poor hawa

Ajnabi main hi nahin tu bhi ajab hai koi

Liye jaati hai kisi dhiyaan ki lehrain Nasir

Door tak silsala-e-taak-e-taraf hai koi