Ik kali gulaab ki

Harf Sada-o-Rangeen 

Ik kali gulaab ki 

Koocha-e-chaman main bhi hai 

Yaad ik khawaab ki 

Shaam kay gagan main hai 

Ism sabz baab ka 

Par faraib ban main hai 

Naqsh ik shabaab ka 

Saya kohan main hai 

Ik pukaarti sada 

Jabar kay gohan main hai 

Door door tak hawa 

Koh aur daman main hai 

Phir harri bailon kay neechay baithna shaam-o-sehar

Be'sood safar kay baad Aaraam ka pal 

Phir harri bailon kay neechay baithna shaam-o-sehar 

Phir wohi khawab-e-tamana phir wohi dewar-o-dar 

Bul'bulein , ashjaar , ghar , shams-o-qamar

Khouf main lazzat kay maskan, jisam pe un ka asar 

Mousamon kay aanay jaanay kay wohi pur'nishan 

Saat rangon kay neelay falak tak pur'fishaan

Subha dam soonay mohallay pheeki pheeki seh'pehar

Phool girtay daikhna shaakhon se farsh shaam par 

Khawab us kay daikhna mojood tha jo baam par 

Khawab us bailon kay neechay baithna shaam-o-sehar

Aik Dozakhi shaher par baadlon kay liye dua

Aik Dozakhi shaher par baadlon kay liye dua 

Garam rang phoolon ka 

Garam thi mehak un ki 

Garam khoon aankhon main 

Tez thi chamak un ki 

Sochta main kya un ko 

Us haseen ki baaton ko

Daikhta main kya us kay 

Khaak rang haathon ko 

Khouf tha tamazat main 

Aaish-e-shab ki shiddat ka 

Dar khulla tha dozakh ka 

Lams lab ki hiddat ka 

Main jawab kya deta 

Us ki un adaon ka 

Aik shaher-e-murda main 

Door ki nidaon ka 

Sehar zard baatin main 

5 band ismon ka 

Ban gaya tha jismon main 

Zehar 5 qismon ka 

Rukhsat-e-sarma ki subha sard , num , sangeen

Rukhsat-e-sarma ki subha sard , num , sangeen 

Khawab-e-khamoshi ki teh main ik jhalak rangeen si 

Baans ka jungle , hawa , pani , purani jheel ka 

Sabz dar par rang jaisay aasman kay neel ka 

Girtay jatay shaher dono simat ik ambaar main 

Kheenchti jaati khaak maidaan aik hi raftaar main 

Hiltay jatay naqsh se kuch phailti dewaar par 

Bujh kay girtay harf se had-e-safar Aasaar par 

Her taraf khushbu hawa main ban main aqrab aab ki 

Aik pur-israar khawaish dil main marg-e-Aab ki 

Aadhi Raat Main Aik Neem Waa Dareecha

Aadhi Raat Main Aik Neem Waa Dareecha 

Aadha chehra roshni main hai , aadha kaalay parday main 

Aik aankh hai suraj jaisi aik hai kaalay parday main 

Bhaid na ab tak baahir aaya Aadhay giray naqabon se

Aankh hamesha ghirri rahi zaahir aur chuppay sarabon main 

Tohmat na rakh Khuda kay liye mujh pe Zahid

Tohmat na rakh Khuda kay liye mujh pe Zahid

Kab main ne toba ki thi , jo toba shikan hua 

Aik Shaher Main Shaam

Aik Shaher Main Shaam 

Chali hawa'ein baghon main 

Urray hain rang chraghon main 

Chupa hai gham awazon main 

Khullay huye darwazon main 

Zakhmi dushman hairat main hai

Aik Bahadur Ki Mout 

Zakhmi dushman hairat main hai 

Aisa bhi ho sakta hai 

Us ko shayed khabar nahin thi 

Ab woh gehri hairat main hai 

Aasman par Rab hai us ka aur sada'ein yaaron ki 

Aas paas shaklein hain us kay lahu lo'haan sawaron ki 

Dil main us kay khalish hai koi , shayed gayi baharon ki 

Khel zara un'honi kay dekho aur jafa ghadaron ki

Fateh ki mout mili ussay ghar door diyaaron ki  

Aik Lamha Tez Safar Ka

Aik Lamha Tez Safar Ka 

Ik riban kisi ki zulfon ka 

Bemaar mehak kisi jungle ki 

Rangeen jhalak kisi badal ki 

Darwaze baray makano kay 

Kuch phool khilay dilano kay 

Kuch rang chuppay veerano kay 

Fanoos khulli dukano kay 

Ik larri main urrtay aatay hain 

Aur wapis martay jatay hain 

Honay ka gham ussay bhi hai

Honay Ka Gham Kis Ko Nahin 

Honay ka gham ussay bhi hai 

Aur mujh ko bhi 

Kabhi na honay ka andesha 

Ussay bhi hai aur mujh ko bhi