Din guzar jaata hai , raat guzar jaati hai

Din guzar jaata hai , raat guzar jaati hai 

Par teri yaadein aankhon ki nami ban kar 

Meray dil ki gehraai main kahin 

doob jaati hain 

Kabhi beh jaati hain palkon talay se

Kabhi dil hi main atak jaati hain 

Unn yaadon se daman churaana 

Un yaadon se bhaag jaana 

Meray bas main nahin 

Yeh soch kar 

Meri dharkanein tham jaati hain 

Aarzu'ein sulag jaati hain 

Sabhi raaha'tein seham jaati hain

agar main teri yaadon se 

Rihaai paa bhi loon 

Meri zindagi meri saan'sein jam jati hain 

Dil kisi yaar-e-ba'wafar ki tarah

Dil kisi yaar-e-ba'wafar ki tarah 

Ba'khabar hai bhout khuda ki tarah 

Zindagi bhar tumhara naam meray 

Dil se nikla kisi dua ki tarah 

Main ne her morr pe tujhay dhoonda 

Hijar kay shaher ki hawa ki tarah 

Umar bhar tera dukh uthaya hai 

Waqat ki di hui saza ki tarah 

Kuch nahin soojhta mohabbat main 

Khouf aur gham ki intihaa ki tarah 

Mujh se poochtay kya ho

Baarishon kay mousam main 

Mujh se poochtay kya ho 

Kiyon be'sabab meri aankhein 

Bain kar kay roti hain 

Tum ko to khabar ho gi ....

Baarishon kay mousam main 

Baarishein to hoti hain !!

Hamein dariyaaf karnay se hamein taskheer karnay tak

Hamein dariyaaf karnay se hamein taskheer karnay tak 

Bhout hain marhalay baqi hamein zanjeer karnay tak 

Khamoshi raat ki daikhta hoon aur tujhay sochta hoon

Khamoshi raat ki daikhta hoon aur tujhay sochta hoon 

Mad'hosh aksar ho jata hoon aur tujhay sochta hoon 

Hosh walon main jata hoon to ulajhti hai tabiyat 

So be'hosh para rehta hoon aur tujhay sochta hoon 

Tu mann main meray aa jaa main tujh main samaa jaon 

Adhooray khawab sajota hoon aur tujhay sochta hoon 

Jama'nay lagti hai jab lahu mera furqat ki hawaein 

To shaal qurbat ki oorhta hoon aur tujhay sochta hoon 

Raat khawabon main tujhay daikhna

Raat khawabon main tujhay daikhna 

Din ujaalon main tujhay dhoondna 

Main niklon to bhala kaisay 

Shab-o-roz main phailay teri zaat kay sehar se

Baarish ka mousam hai

Baarish ka mousam hai 

Rooh ki fizaon main 

Gham zada hawaon main 

Be'sabab udasi hai 

Iss ajeeb mousam main 

Be'qaraar raaton ki 

Be'shumaar baaton main 

Un'ginat afsanay hain 

Jo bhout khamoshi se 

Dil par sehtay phirtay hain 

Aur yeh amar majburi hai 

Sab se kehtay phirtay hain 

Aaj mousam bhout acha hai 

Aaj hum bhout khush hain 

Kaisi yeh mohabbat ki shuruaat hui hai

Kaisi yeh mohabbat ki shuruaat hui hai 

Khud mujh se juda aaj meri zaat hui hai 

Jaata hai uss simt mero soch ka dhaara 

Jis shakhs kay haathon se mujhay maat hui hai 

Phoolon ki mohabbat ne mujhay din yeh dikhaaye 

Kaanton ki chubhan shaamil-e-halaat hui hai

Tum kya jano

Tum kya jano 

Aksar lafz bhout zehreelay 

Nagon jaisay ban jatay hain 

Aur aankhon main kirchi kirchi 

Khawabon jaisay ban jatay hain 

Kehnay wala bhool bhi jaye 

Sun'nanay walay kay kaano main 

Angaaray bhar jatay hain 

Tum kya jano 

Tu ne daikha hi nahin manzir meri tanhai ka

Tu ne daikha hi nahin manzir meri tanhai ka 

Ik qayamat hai jo her shaam guzar jaati hai