Tumhari anjuman se uth ke dewane kahan jatay
jo wabasta huay tum se woh afsany kahan jatay
nikal kar der-o-kaaba se agar milta na mekhana !
to thukray huay insaan khuda janay kahan jatay
tumhare be-rukhi ne laag rakh le bad-e-khaney ke
tum aankhon se pila datay to paymanay kahan jatay
chalo acha hui kaam aa gaye dewange apni !!!
wagarna hum zamanay bhar ko samjhanay kahan jatay
qateel apna muqadar gham se be-gana agar hota !!
to phir apnay paray hum se pehchanay kahan jatay
No comments:
Post a Comment