Ahwaal-e-ghum-e- zaat sunaany se raha main

Ahwaal-e-ghum-e- zaat sunaany se raha main

Ab khud ko tamasha to banaany se raha main

Hur baar main tazlil-e-ana kar nai sakta

Har baar usay ja k manaany se raha main

Ehsaan ka mafhoom hai aankhain na milaana

Ehsaan kisi ka bhi uthaany se raha main

Mumkin hy kisi roz ye akseer hi bun jaaye

Is dil me lagi aag bujhaany se raha main

J0 zakhm rafeeqon k rwaiyyon se lagey hain

W0 zakhm kisi ko bhi dikhaany se raha main

Jaany do mujhy bazm-e-turab me nai roko

Baar-e-ghum-e-tanhaai uthaany se raha main

Darya hun to darya he usey paish krunga

Piyaasy ko samandar to pilaany se raha main